حجم البويضه يتغير ولا لأ ساعدوني

[~: ام طلول :~]

السلام عليكم

شخباركم وعساكم كلكم بخير :ggdw:

بنات انا اليوم رحت موعدي عند الدكتور عشان يشوف حجم البويضه وبعد الأشعة طلع ان حجم البويضه 13

قالي صغيره تعالي بعد ثلاث ايام بجوفج اذا صار حجمها 18 بعطيج ابره تفجيريه :krkrkr:

بنات ممكن تكبر البويضه مع ان اليوم صارلي 13 يوم من الدوره :gr4uu:

 

[عروسه 99]

ايه حبيبتي ممكن تكبر مع الحبوب ماله شغل حتى لو 15 من دورتج واضبي على الحبوب حبيبتي انا كنت صغيره تقريب 16 وبالحبو صارت 19 والله كريم وانشالله الله يرزقج حبيبتي ويرزق كل محرومه

 

[~: ام طلول :~]

ان شاء الله الله يسمع منج
بس حبيبتي انا اخذت حبوب كلوميد باليوم الخامس من الدوره ولمدة خمس ايام بس مثل ماقالي الدكتور
واليوم قالي إذا ماكبرت البويضه راح ازيدلج الجرعه إلى ثلاث حبات باليوم في الدوره الجايه

 

[ام تركي2008]

اختى مع العلاح تكبر البويضه باذن الله كملى اعلاجج وخليج مع الدكتور اهو ادرى
والله يرزقج بالذريه الطيبه
ربى لاتذرنى فردا وانت خير الوارثيين



:q8:ديرتنا تستاهل

 

[~: ام طلول :~]

مشكورين خواتي على الرد الله يرزقنا بالذريه الصالحه يارب

 

[الفريده]

الله كريم يا ام طلول لا تحاتين وانشاء الله تكبر البويضه وتصير 20 وتجيبين توم بأذنه تعالى

قولى بس آآآآآآآآآآآآآآآآآآآآآآمين يا رب العالمين

 

[ميس الورد والشوق]

اي اكيد يتغير حجم البويضه

الله يرزقج ياااارب

 

[فتكات بنت كيداهم]

طبيعى يتغير حجم البويضه وتوصل الى 23 م شى عادى يالله يارب يرزقج بجنيين صالح وعابد وساجد لله تعالى

 

[vevo]

عادي حبيبتي في ناس تبويضهم يصير متاخر باليوم 18 من الدوره او حتى 20 على حسب طول دورتج والبويضه تكبر 2 ملم باليوم يعني لو تبويضج يصير باليوم 16 ممكن يكون حجمها 19 وانا مره رحت سويت سونار باليوم 10 من الدوره وقالت لي ابويضه حيل صغيره ومستحيل تحملين كانت 5 وبعدين صار التبويض عندي باليوم 19 وحملت بنفس الشهر يعني وصل حجمها اكبر من 20

 

[madam_cake]

ايييي ممكن والله ماكو شيي بعيد عن الله بس انتي خلي نفسيتج عاليه ومعنويااااااااااااتج هم عااااااااااالية وتصير تخيلي انا كان حجم بويضتي 9 والله بعد 3 ايام رحت له صارت 18 ونص وعطاني ابرة تفجيرية انتي بس لا يضيق خلقج ولا تهتمين انسي الموضووع وانشالله الله يرزقج الذرية الصالحة

 

[كويتيه مذهله 87]

اي حبيبتي يكبرووون

 

[Coffee-Girl]

اختي كل شهر يتغير انا مره كنت 7 ومره كنت 11 ومره كنت 15

لله الحمد حملت طبيعي من دون علاج

 

[~: ام طلول :~]

الفريده
ميس الورد والشوق
فتكات بنت كيداهم
vevo
madam_cake
كويتيه مذهله
Coffee-Girl

اشكركم حبيباتي والله انكم طمنتوني انا كنت وايد خايفه
الله يرزقنا يارب بالذريه الصالحه
ويتمم على الحوامل ويثبت لهم حملهم ويزقهم بحلى نونو

 

[bintq8]

اي طبيعي كل شهر ايتغير حجمها

 

[~: ام طلول :~]

يسلمج حبيبتي bintq8 انا كنت اسأل اذا كان حجمها راح يتغير في ثلاث ايام والحمد لله حبيبتي البنات ماقصروا وطمنوني
اشكرج حبيبتي على ردج

 

[حبيبة زوجها2009]

تصدقون بنات انا بالتلقيح الصناعي بعد العلاج كلوميد +ابر يوم وترك جونال اف طلعولي ثلاث بويضات احجامهم فوق العشرين وعطاني الابرة التفجيرية وسويت تلقيح صناعي وفشل ويوم سويت انابيب خذيت 45 ابرة جونال اف + منيبور وطلعولي بس ثنتين ضاق خلقي انقسمو وصارو اجنة ومالصقو

 

[ايمانو حلوة]

عسى ربي يرزق كل محرومة الذرية الصالحة المعافاة يارب

 

[F O O S H I A]

ربي يرزقج يارب ويرزقنا جميعاااااااااااالذريه الصالحه يارحيم

 

[engineerh]

ربي يرزقج الذرية الطيبة المباركة

 

[أم حسون]

اي حبيبتي تكب انا كانوا بويضاتي صغار عطاني 5 ابر مادري شنو نوعهم كبروا البويضات الحمدلله وعطاني ابره تفجيريه وحده