حجزنا صاله حق العرس .. بس باقي التكاليف جم ؟

[mmloo7a]

هاي بنات


حجزنا صالة 100 دينار بأحدى المناطق :eh_s(9):


بس جم يكلف يعني ديجي وعشا وكراسي وحلويات وكوشه ومكياج و تصوير و و و ؟


يكفون 1000 دينار ؟ ولا نزيدهم ؟ :eh_s(16):

ادري شويه بس بنات بليز ساعدوني الله يخليكم :yaaaaaarb:

مانبي نكنسل العرس بليز :eh_s(2):


تكفي 1000 دينار ولا نزيد شويه ؟

ضروري عفيه

 

[om-3azo-83z]

على حسب شغلكم انا عرسي كااااامل كلف
١٩٠٠
بس سويت شي راقي بمعنى الكلمه في اماكن رخيصه و حلوه
بس المشكله المصوره اقل وحده تاخذ ٢٥٠
و المكياج على حسب الصالون بس عجبني رد وحده تقول ما يفرق مكياج العروس عن غيرها و ما تعرفين انها عروس الا من البدله البيضا و هذا الكلام صح روحي صالون راقي يسوي مكياج و شعر ١٠٠-١٥٠
و الكوشه اعتقد تكلف ٢٠٠ مو متاكده
الدي جي ما اذكر يمكن ١٥٠
الكراسي موجودين بالصاله شكو تدفعين
البوفيه يكلللللللف من مكان لي مكان يفرق في اماكن رخيصه بس الاكل مو شي و عشان جذي لازم شي يسوا و مو اقل من ٥٠٠
و حلويات بشويخ رخيصه اماكن اقيه غاليه بس لا تاخذين وايد لان اعتقد السيرفس اييبون يعني حطي ميزانيه ١٥٠
مابي احبطج بس ما يكفي حاولي تزيدينهم شوي او انج تسوين شي بسيط تلقين شي بسيط و راقي بس يبيله فراره انا ماكان لي خلق خليتهم كلهم ايوني البيت

 

[om-3azo-83z]

ويشرفني اكون الفيرست
الله يوفقج و تصيرين احلى عروس انشالله

 

[mmloo7a]

اوكي 1500 تكفي ؟


امبيه ماعندنا 2000 :eh_s(16):صعبه وايد


بنات بليز منو تسويلي تكلفه العرس 1000-1500 ؟


بليز ساعدوني :yaaaaaarb:

 

[بيلسسان]

حبيبتي دقي على الدي جي وسالي عن اسعارهم
عندج / الكادي , الليلك ,المطيريه في بعد بس نسيت اساميهم
وشوفي الارخص والاحسن واحجزيه

الكوشه
شوفي توني رايحه عرس وكان الفيصل
وكانت اوف وايت بـ هبي حلو وراقيه ومافيها شي وايد
انتي شوفي الكوشات اللي عندهم واحجزيها
الفيصل سعره حلوه مو غالي


البوفيه عندج / الموفنبيك , الخليج , الوطنيه , الفيصل , المملكه الكل يمدح , الرايه ,
شوفي على حسب الاشخاص واسعارهم


خدمة العصاير / شوفي بجرايد الاعلانيه شكثر
بس بعض المرات البوفيه يطلع معاهم خدمة العصاير
يكون متوفر عندهم


امممممممممم
وشنو بعد
الكراسي يفضل من الصاله نفسها عندهم كراسي ويطلع عليج ارخص





اذا الصاله كبيره ومعازيمج محدودين
انصحج تحطين طاولات وكراسي احسسسسن




شنو صالتج .!!
بعض الصالات يكونون متعاونين مع شركة بوفيه وشركه الكوشات والعصاير
ويطلع عليج ارخص واوفر

للمعلوميه بعض الصالات تاخذ عليج ارضيه
اللي هي
اذا جبتي مال العطورات
ياخذ ارضيه مثلا بـ 50 دينار
يعني غير سعر الصاله وغير الفلوس اللي قطيتيها على راعي العطور الصاله تاخذ منج الارضيه
"بعض الصالات مو كلهم"
فـ نصيحه من الحين
قولي انا متعاقدا معاك على الاجار ومالي شغل بالباقي



اذكر اخذ من وحده من جماعتنا 50 علشن حاطه بمدخل الصاله ورد


دريري بالج يلهفون منج بعضهم

 

[طالبة1990]

على حسب

اشوف ان الالف تكفي

بس لاتتوقعين بيكون كل شي واااو

الحمدلله بالكويت في الرخيص وفي الغالي


بس سؤال

الصالة شنو معاها؟؟!!

سئليهم اذا السعر شامل الكراسي ولا لا

وجم عدد معازيمكم؟!


وشنو الاشياء الضرورية اللي لازم تكون موجودة وماتقدرون تستغنون عنها


وشنو حجم الصالة وشنو ناقصها

١٥٠٠ زينة نوعا ما

حتى ال ١٠٠٠ تكفي اذا كان كل شي حده حده وع السريع


الله يتمم عليكم فرحكم

 

[mmloo7a]

شكررررراااااان

 

[mmloo7a]

صالتنا شيخة المرزوق

مادري اذا الكراسي عليهم ولا علينا

 

[mmloo7a]

الموفمبك جم رقمهم ؟

 

[MiSsY HottY]

عشان جي الفنادق أحسن كل شي عليهم بس تقطين 2000 وانتي مغمضه الصاله تعب احس كل شي بروح

 

[mmloo7a]

المهم

ابيكم تقسمولي ال1500 شنو تتضمن كل شي

بدون البدله بليز

يعني ابي العشا والتصوير و و و و و و و

 

[^لغموضي معاني^]

ان شاءالله يسااعدووونج


لاني مالي خبره بالاشيااء هذي


لكن انتي دقي ع كل الدي جي وشوفي اسعارهم وسجلي كل شركه وسعرهااا واذا شفتي السعر اللي عجبج احجزيه

ونفس الشي البووفيه دقي وشووفي

واذا مكياجج انتي 150 كامله مكمله

 

[&موناليزا&]

عزيزتي رفع لعيوووووووووونج

 

[طلة برنسيسه]

حبيبتي اتصلي على الفندق الدولي وكلمي المسؤول اسمه رامي ووايد متعاون .. قوليله ابي الباكج مال العرس (تصوير + ورد الكوشة + دي جي+ آلة البخار + آله السبوت لايت) بــ350 د.ك عنده وسأليه إذا يقدر ينزل بوفيه جم بيكلف ..

بنت عمتي سوت عرسها بالفندق الدولي وكلف كله كـــــــاااااامل مع البوفيه والكوشة والسيرفس وورد عالطاولات وورد الكوشة و سويت للعروسين و... و..... الخ 1000 دينـار ياخذون عالشخص 5د.ك ..

المهم أنا كنت معاهم واهما يفترون على الأوتيلات وأذكر انه قال حتى لو ما حجزتوا عندي أقدر أساعدتكم بتنظيم كل الأمور :eh_s(15):

انا عرسي بكراون بلازا بس الدي جي باخذه من عندهم لاني أعرف شغله وايد مرتب وراقي وسعره 150 د.ك ..

سويت لهم دعـايه ههههه بس يساهلون الصراحة :rerrerek:

المهممممم رقمهمممم يبته من النت :

25745544

بالنسبة للميك اب والشعر شوفي خدمة المنازل عزة وازدهار وهذا رقم ازدهار مالت الميك اب (97663658) بــ150 د.ك مو أكثـر !

وألف مبروك حبيبتي

 

[mmloo7a]

الحين خلاص حجزنا بصالة ودفعنا 100 دينار


نروح فندق الدولي ليش ؟


ابي الباكج كامل جم ؟

 

[طلة برنسيسه]

حبيبتي اتصلي ساليهم عن الباكج الكامل يكون أحسن .. لأنج انتي الي تدرين شو تبين من ضمن الباكيج (عندهم خيارات وايد ضمن الباكيج) ... وموفقه انشاء الله ..

 

[loulie]

حبيبتي العرس عرسج ولا عرس منو بالضبط ؟

 

[! بــدويه وآآيــد !]

،


حبيبتي على حسب معازيمكم

مثلا قسمي ورق عوب حلوو عند شربات لذيذ الصينيه ب١٠ وتقولين لها تزينه لج باللون الي تبينهاذا معازيمكم ١٠٠ اتوقع ٥ صواني كافي


حلويات اخذي من كل محل صينيه واحسبي ٣ او ٤ صواني كشخه حيل ب٢٥ و٣ صواني حلوين ب١٠ او ١٥ وشكلي من الحريم فيهم الغالي والرخيص والفطاير بعد حسبي جم صينيه وحطي فلوس هذيل بروح


الدي جي فيه الغالي والرخيص تلقين دي جي حلو ب٣٠٠ بس سالي


والبوفيه على حسب معازيمكم والمكان الي بتاخذين منه وفيه بوفيهات معاهم خدمة العصاير والجاي والقهوه


قسمو الفلوس عدل وان شاءالله يكفي ويطلع بيرفكت

 

[الغنج والدلع]

الحين انتي العروس او اخت المعرس احس الف شوي يمكن مايكفي الله يتمم عليكم بخير يارب

 

[ماركة انثى‘]

الكراسي من الصاله حبوبةة مالج شغل فيها !!

الحلويات من محل وااو

و شوفي لج واحد يسوي لج الكوشةة و ترتيب الصالةة لج