حتى حلا القهوة صاااار.....................

[هرج ومرج]

الله يمسيكم بالخير عساكم طيبين...
اليوم طلبت حلا من فتوح وتفاجئ انها زايده سعرالكيلو وصار بدال ماهو
6.5 توقعوا كم 8 والله مازليت عليكم عاد انا طالبته من كم اسبوع
بنفس السعر القديم وافتح تحقيق مع الفلبنيه وبكل برود تقول ماما يسوي
زياده! امانه مو شي يقهركل شي يزيد وحنى مكانك راوح مانتحرك عالاقل نقاطعهم ... خواتي ابي نكون يد وحده نقاطع كل خياطه او بياعة حلا
وكل طماعه ترفع اسعارها....
وش الجديد الرواتب هي هي طيب ليش الطمع والأكل في لحم الموظف المسكين ...... انا أول الماقطعين ابيكم معي في محاربة الغلا الفاحش اللي
نعيشه. الله يوفقنا لكل ماهو خير.........أمين..........

 

[الكويتـ80ـية]

am with you

 

[supermarket]

يمكن غلت علشان رمضان

الاستغلال شلون صاير !!!

حتى الكبب اذكر قبل جم سنة كنا ناخذ من وحدة 100 ب 8 وكانت غالية ذيك الايام

بس نقول سعره فيه

الحين اردى انواع الكبب ( مكرم النعمة ) ب 8 وانتي طالعة

 

[ام عبود_q8]

والله كل شئ غلا مو الحلويات والمشاغل كل شئ..

ما ادري ليش هالغلا والطمع ..

 

[العود الأزرق]

لا تلومونهم لأن حتى المواد الأساسيه حق شعلهم ارتفع سعره

وش يسوون لازم يزيدون الأسعار !!!

لكن الشره على وزارة التجاره اللي ساكته عن التجار اللي قاعدين يرفعون الأسعار!!!!!

 

[شندوخه]

لازم ترفع الاسعار
لانه المواد اللى تسوي فيها الحلو غلت يعني ماتلحق تطلع راس مالها ذا على سعرها القديم
والله كلشي صار غالي الله يعين

 

[سوق الجمعة]

الله يعينا على الديرة.. صايرة ناااااار في كل شي .. الله يستر من الجاي..

 

[bambena]

عادي من حقها وانتي من حقج تطلبين او لأ

 

[أمونه الأموره 2007]

الله يستر من الايام الجايه

 

[شاي اخضر]

عادي توقعي اي شي شغله جداااااااااااااااااااااا متوقعه

 

[هرج ومرج]

أختي المشرفه لوقلنا ان كل واحد يرفع الأسعار على كيفه وانت حر يازبون تطلب او لا
الكل طمع في المواطن المسكين لان موكلن عنده فايض مادي. على وجهت نظرك الكل بيرفع الاسعار حتى الردي بيرفع الى ان معاد نلقى شي نقدر نشتريه لو الكل مشى على كلامك وصار حر !!!!!!!!!
بعدين ياخوات من قال ان الاسعار زادة السكر مدعوم والبسكوت من عرفت العلم مازاد
والأقمشه امانه عليكم مترها 2دينار كله من سوق دبي وبلوك1 ماتغيرمن سنين وهاالخيطات بلطات عندهم والدراعه الوحده ب 60 - 70 - وانت طالعه صراحه
هذا مو استغلال.؟؟؟؟؟؟؟؟؟؟؟؟؟؟؟؟؟!!!!!!!!!

 

[katko0ota]

el 3azeza harj o marj entay betkoneeen el motatharera el ola wel akhera

hathy tejara o el tejara sha6ara

shlon el tajer beyrba7 !!!! entay ay a7ad fena y9er tajer chethy byfaker.

و تبقى وجهه نظر

 

[ضحكة الدنيا]

ايه والله الحين كل شى ارتفع سعره والله يعينا
على طمع وجشع هالتجار صايرين مايرحمون والمشكله انهم
عارفين اننا شاريين شاريين

 

[هرج ومرج]

اختي احنا بنحدد الاستغلال ...... طبيعي التاجر ما تجر وزادت فلوسه الا لما ربح !!!

فليش الطمع !!! واستغلال المواطن اللي ماقاعد يرتفع دخله .. والتجار يرفعون اسعارهم اكثر واكثر وهو بالاساس رابح !!! بدليل اللي صار لهم فروع وصار لهم اسم .. الله يبارك برزقهم ماني حاسدتهم بس مايطمعون ويزيدون ربحهم على حسابي ... وانا ادري انه يستغلني وساكته .. ليش الشعوب المتقدمه افضل منا اذا ارتفعت سلعة سنت واحد الكل يتظاهر بالشوارع ... ماقالوا حر والتاجر يعلي عماراته على قفانا ..... للاسف هالشي هذا لاحظه بكل شي بمحلات بصالونات ... للاسف هذا لاننا مستهلكين اغبياء وماناخذ موقف ونقاطع هالاستغلال ونوقف بوجهه .. أما التاجر الشريف اللي يربح بقدر معقول ويراعي ظروف المستهلك الله يبارك له في رزقه ويعينه ويمد له بعافيته .. أما التاجر الجشع وما اكثرهم فلهم حسيب لن ينسااااااااااااااااهم ... اتقوا الله في الناس مو ببالكم كل الناس خيرهم فايض .. الله يعينا ويعينكم على هالغلاء ويهديهم ..........

 

[الغاليه نونو]

كل شى شاااااااااب حريجه نار وشراااااار يادافع البلاااا جنهم يقولون يالفقير المسكين لااااتاكل مارون جلاسيه ولاااشوكولاطه اكل تمر وبسكوت المطاحن وقول الحمدلله ههههههههههههههههههههههههه

والله مادري شقوول مراات اقوول ماينلامون اللي يغلون بالاسعار خصوصا اللي يبيعون بالبيوت اكيد عليهم التزامااات وبلاوي بيسددون ديونهم واجاراتهم ومعاشات العماله اللي عندهم ومراات اقول اشدعوه عند الله السعه ليش مايخلون ارباحهم شي بسيط والهون ابرك مايكون وربي الرزاق سبحانه

الموضوع له سلبياته وايجابياته وفيهم من تعارض وفيهم من تأيد وانا بالحيص بيص ومع الخيل ياشقرااا بس ماشتري شى ولااااييب شى يرهق ميزانيتي واذا كلش كلش شفت خاطري فيه وابيه اشتريه وياحيل الله بعد شسوي النفس وماتشتهي

 

[الفنانه79]

والله صاجه كل شي صار غالي


وكل من قام يستغل

لكن يمكن تكون ان المواد الاساسيه غاليه

او طبعا بما ان موسم فاكيد راح ترفع السعر علشان ارمضان

لكن حبيبتي الغاليه لاتحثين الناس على مقاطعتها هي او غيرها

وهذى قطع للارزاق حبيبتي

مايجوز

وبراحتج اذا تبين تشترين منها او تبين اتقاطعينها

يمكن يالغاليه ناس ماتفرق معاهم ال6:500 او ال8 دنانير

هذا رايي حبيبتي والله العالم اني مااعرف المره بالمره

 

[توتة27]

[frame="9 50"]انا بسال هالسؤال وانتوا اسألوا نفسكم بعد الحين ليم قلتوا انهم ماينلامون اسعار المواد صارت غاليه ما صارت غاليه الا برمضان شدعوه؟؟؟؟؟؟؟؟؟؟؟؟
وانا من ناحيتي ما اشتري من الحريم لان خياطهم غااااااااااالي وممكن تلاقين احد لابس نفسج فقررت اني انا ابتكرلي الموديل واسوي حق عمري صج راح يطلع غالي بس على الاقل محد لابس نفسه ومحد مسغلني ........ وبالنسبه للصالونات انا كنت اروح لصالون شغله راقي والاهم نظيف بس مايمدينا نتعود على الاسعار الا رافعتها مره ثانيه والحمد لله لقيت واحد نفس مستواه من غير ذكر اسماء بس اذا تبون اسماءهم ماعندي مانع .....
والحلويات مافي ارقى من شغل ام خالد اللي بصباح الناصر ذوق ونظافه وكل موسم شي جديد واحس اسعارها انسب شي .......ادري تكلمت واجد بس الموضوع لفت نظري [/frame]

 

[جوريه]

والله هم انا ماعرف المرة بس كل محلات الحلو والككاو زادو اسعارهم لان تكلفة المواد زادت المكسرات زادو اسعارها والككاو ارتفع بشكل ملحوووظ حتن العصاير زادوهمم فشي عادي انها تعوض المرة خسارتها وحتن معاشات الخدم زادوو

 

[هرج ومرج]

أختي الفنانه .. ليش جبت هالمثال هذا بالذات !! لانه مش معقول ان في كل رمضان بتزيد الاسعار .. على هالحال بيجي يوم مانقدر ندفع ثمن اي سلعه ... وشمعنى رمضان اللي فاتت مازادت اسعارهن الا رمضان هذا ؟؟ اما سالفة المواد الاساسيه احنا نروح الجمله ونعرف الاسعار .... ومن قال ان نيتي اقطع رزقها ... بالعكس الله يرزقها الرزق الحلال .. بس انا جبت هالمثال لان الغلا نزل لمستوى اشياء بسيطه مثل صحن حلا !!!
يمكن لان اللي قادر يدفع سته ونص يقدر يدفع 8 .. بس الى متى هم يزيدون واحنا نسكت ... بس هي مثال عشته اليوم وتفاجأت .. لازم يكون لنا وقفه ...

 

[MissChoco]

اي والله صاجه حبيبتي لازم نقاطعهم عشان يردون الاسعار
صراحه انا ودي بس ماكو مشجعين :\