حتى بعرسها ماعزمتني!!! .. ابي رايكم بنات :(

[كويتيه مذهله 87]

لو انا صار فيني هالموقف
طبعاا ما اماشييها مره ثانيه
هو لعب يعني
لا تعطينها وي مدام طقتج اطراق من قبل
حتى اذا تعرفتي عليها راح تطقج اطراااق
<<<<مايبتي غير هالمثال

 

[Alia]

بنات والله كلامكم ريحني الحمدالله لسه الدنيا بخير
والله على كلامها حسيت اني اختها! لكن طلعت بياعة حجي

عيل عرسها ماتعزمني ! هذي اللي صج قهرتني حزتها حسيت اني كنت بس حق الطلعات والوناسة استغلت صداقتنا

الله يسامحها لكن انا متاكده اهي حست اني خلاص مابي ارجع صداقتنا لانها عيزت تبيني امرها وانا ماعطيها ويه !

فوق شينها قوات عينها ! والمشكلة انها مصرة اني اقرب الناس لها
ههههههههههههههههههههههههههههه شي يضحك ويحر بنفس الوقت

 

[@ الرسامة @]

علاااااااقة رسمية مو اكثرررررررررررررررر

 

[bnt q8 in usa]

خلاص عيل علووووووووووي بس تولي من صجج انتي تشغلين مخج ويا وحده ماتعرف الحيا .............................اخ لو هالاشكال تطيح بيدي والله العب فيها شوردلي وخلاص تولي عرفتي تولييييييييييييييييييي
تري الحين اثنين متحلفين فيج انا وسنااااا الفضه خخخخخخخخ دير بالج

 

[belajea]

البنت تحب نفسها أكثر منج وقلبها حي اتخاف على عمرها من العين عزي نفسج تعتز ولا اتعلمينها سدج خلج رسميه واجويها خل تتأدب وبنفس الوقت لا تخسرينها وان كان قلبج قادر على المسامحه الله يهنيج أنت عند الله أخير وعلى فكره أحب أنصحج لوجه الله الاحتكاك وايد مو زين وكل انسان يحب تكون له خصوصياته بغض النظر عن عمق العلاقه والصداقه والناس اطباع ولا تقيسين على نفسج

 

[Alia]

اهي من ناحية ام قليب ام قليب من قلب وهالشي فجاة صار لانها ماكانت جذي كلش!!!!؟ وانا احب البنات الطبيعين ميخالف في اشياء ماتنقال بس ريجيم ووظيفة وغيرها شفيها اذا شاركت رفيجاتي!

للاسف انا طوفت لها وايد على حساب نفسي لكن ماني قادره اسامحها لانها بسالفة زواجها وانها ماعزمتني مع انها كانت ليل نهار تقولي انتي اختي وانتي اختي قطعت اي حب بيننا !

بنت الكويت وسنا هههههههههههههه لالا ينخاف منكم خلاص خلاص استسلم

بس في ناس يقولونلي روحليلها اذا ولدت شرايكم ؟؟؟؟

 

[الحب الخالد]

الباب اللي اييك منه ريح سده واستريح

 

[manoola]

كل البنات صارت جذي اعوذ بالله شدعوة عرسج بالخش والدس ترا حتى طايحة الحظ تزوجت يعني كل ساقط وله لاقط مو زينكم ولاسنعكم يعني !

قطيعه مدري شنو هالحركات اليديدة اللي هابين فيها ويع عليهم صج ناس ماتستحي جنه الناس ميتين على عرسها ترا اللي بتييج بتوجب بس مع ان مو كفو صراحه ............

لاتكرهيني بالحريم بروحي مااحبهم لووووووووووول

 

[Alia]

اي والله يا منولة الناس تغيرت!