حتى بالمصافط ماكو ادب :(

[Tutti-Frutti]

شلونكم <<<< مستعيله تبي تقول الموضوع

بناات

حدي مقهوووره ومنبطه جبدي

تخيلو
الصبح رحت الكليه طبعا زحمه المصافط فـ وقفت انطر اي سياره تطلع عشان اصفط مكانها
وانطر
وانطر
وانطر

ولا السياره اللي انا ساده عليها تبي تطلع
وابي ارجع ورا عشان اخليله مجال يطلع وانا اصفط

ولا تييج ذيج السياره بسرعه وتصفط وراي بالضبط قبل لا اتحرك وتطق اشاره حق المصفط اللي انا ابيه !!!!!!

قمت ارجع ورا ولا الاخت تطقلي هرن ومو راضيه تتحرك !!!!

يعني شايفتني صافطه وناطره وانا كنت يم السياره قبل شحقه هاللعانه والاستهبال؟؟؟؟


وطبعا وخرت واهي صفطت وانا مقهووره ودي ادوسها :lkmnkl:

وين الذوق وين الادب؟؟؟؟

لا تقولون يمكن ما كانت شايفه سيارتي خو السياره مو نمله ما تنشاف وبعدين اهي اول ما شافت الصبي ركب السياره دااااست ويت وراي



وسبحان الله صار موقف بنفس اليووووم

شوفو الفرق

كنت واقفه نفس الوقفه بالمصافط ناطره رفيجتي تييلي
ويه صبي بسيارته قام يدور مصفط ويوم وصل يمي ولا سياره ثانيه شوي جدام بتطلع

انا كنت لاهيه ولا اشوفه يأشرلي قاعد تقولي تبين المصفط؟؟

لو احد غيره وشافني مو منتبهه جان غافلني وصفط وجنه العيد بس شافني واقفه فـ عباله اني ناطره احد يطلع عشان اصفط

هذا اقدر اقول عنه ذوق واخلاق حتى بالسياره
مو بس القياده اهي اللي فن

حتى التعامل مع السيايير الثانيه واصحابها فن وذوق
السالفه مو سالفه من سبق لبق ومنو الشاطر وسالفه فرد عضلات


وليلحين منبطه جبدي لاني ما تليعنت ووقفت عناد عليها :eh_s(2):

 

[كراميلا مرة]

هدي نفسك ياكثرهم
دايما تصير نكون طالعين والوالد ينتظر احد يطلع عشان يصفط مكانه ويجي واحد يسرع عشان ياخذ المكان
بس هيهات ثم هيهات الوالد مايخليه ينزل يكلمه
لانه الاتيكيت المفروض يصير في كل شيء مو بس اللبس والكلام حتى غي القياده
بس شنقول ناس ماكو ذوق وادب ابد

 

[FeShinGoOo]

لو انا مكانج جان ماوخرت :/ صج وقحه

 

[غير كل الناس]

الرجل دايما ذوق مع المره عكس المره مه المره ياااااااااااااااااااااااااااااااااااااااااااااااااااو ليش النحاسه ياحريم

 

[توفـــا]

لا تنقهرين علي شي مايسوا طوفي شتسوين بعد الله يهديهم قولي بس ​

 

[MiSs_6a7LooSHA]

معاج حق

لكن شفتي موقفج هذا ؟؟

انا تخرجت الحين من الجامعة الحمدالله الكورس اللي فات لكن تكررلي هالموقف شكثر

بشكل ماتصورينه بس ماتكلمت لأن كله مسفط اهوا عيب انا أقولج بس شتقولين ؟؟ ناس ماتستحي مو معقولة بتتناجرين معاها

انا افتكيت من الجامعة عشان مسافطها والله مو عشان شي ثاني ولا لو بيدي ماتخرج منها لأني أبيها لكن أدري ان السبب يضحك عشان مسافط لووول بس والله شكثر تأخرت عن محاضراتي مع العلم اني أجي مبجر لكن !! ما ألقى

وبعضهم هنود يسفطون ماينطرون لاء يسفطون ولي أشرتله يقولي لاء بايده

يعني قمة الوقاحة

الله المستعان لا تضيقين خلقج دامج بالجامعة بتشوفين أشكال وأرناق سفطي ابعيد واشتري راحتج وهالله هالله بالفلات وتكرمين جوتي الرياضة هههههههههه لأن ماراح ترتاحين لين تسفطين بعيد والرياضة حلوة والله يوفقج ..

 

[NooR ElDenya]

بالمستشفيات هالمواقف انتي تعبانة وحالتج حالة وطاقة اشارة واييلج واحد مافي الا العافية
وبس تبين تحذفين السيارة اي صوب عشان تسفطين واخرتها ياخذ الموقف الي انتي ناطرتة
ومن لعانة الناس بالشارع العام ماكو بنت تسبق اصبي اذا سبقتي اصبي يالهووووووي جنج سابة اهلة
ولله العظيم حادث على الرابع ليش ؟؟؟؟؟؟ عشان ابنية طافت اصبي واهوا يبي يراويها انها ماتعرف اتسوق
مما ادى هالشي للدعمة جايدة
وياج بهالشي ان ماكو ذوق بصراحة في الناس بالشارع
اتمنى اتمنى من كل قلبي ان يطبقون مقولة
القيادة فن وذوق
وتاكدي تماما لو في ناس استخدمت هالمقولة مافي ناس راحت ارواحهم بسبب انة امعصب وحاط حرتة بالشارع
انت معصب احنا شكو ؟؟؟ وهواش بالشارع ياحبهم للهواش :\​

 

[om_dodo]

والله يرفعوون الضغط بس لازم تتغاضييين لازم

 

[انا خطر]

وياليت في ذوق و الا احترام معدوووم هالشي

صوتج وصل حبي بس وين اللى يسمع و يحل المشكله ؟؟؟

 

[أميرة-]

رد : حتى بالمصافط ماكو ادب

انا لاحظت مع احترامي وانا بنت بس الصج انه الحريم ما يستحوون هههههههههههههههههه

يعني ماتفج لج الطريج والله مرات اطق اشارة بلف شكثر صارت معاي هذي وتكون مرا بالسايد الثاني بس تشوفني طاقه اشاره تدوس وتكبس وهرنات يعني مابيج تمرين ههههههههههههههههههههه

وسالفة المسافط مرا صارت معاي بعد بالجامعة كنت ويا رفيجتي وهي اللي تسوق وننطر واحد يطلع بندش مكانها جان تجي وحده مسرعه وتدخل عاد تأشر لنا بيدها وهي تكلم تلفون يعني وخروا .. رفيجتي انصدمت تقول هذي من صجها ..


انا صج لاحظت فئة كبيرة من الحريم لما يسوقون ماعندهم ذوق .. مستحيل تفج لج الطريج واذا هي بتمر ماتلف تطالع الناس يمشونها ولا لا .. تمر غصب

ماتشوفون اغلب الحوادث من الحريم

 

[زين الوصايا]

رد : حتى بالمصافط ماكو ادب

امبيه شال مصخره لووول احسه دفاشه ماكوا شغل
سباق سيارات منو يصفط اول
ويييع ليش جذي قطيعه
هدي نفسج هذيل لو محترمين جان خلوج
بس نحاسه وماكو ادب

 

[قطوة@@]

لووو ذكرتيني مرة برفيجتي كانت بمواقف سوق شرق ناطرة سيارة ترجع على اساس بتاخذ اموفق

و ايه سايق هندي و على طووووووووول يسفط وو اهي هرناات و اهوو طااف شنو سوت

سكرت على سيارته و نزلت .... عناد على الهندي دخلت فيلم

 

[صب القفشه]

و الله امسسسس يايه بكتب موضوع عن مساافط الكليه

امبيييييييييه تخيلي طبعا المسااافط عارفتها شلون زحمه تخيلي حاطه عيني علا مسفط بالغصب لقييييييييته جان ايي سايق و يسفط فييييه طبعا حديييي احتريت و رديت البيت علا طووول حتي ما حضرت محاظراتي و هذا حالي من اول ما داومنا !


ف هذا نداء حق اللي يخلون سواويقهم يسفطون ابمسافط الطلبه ترا عييييييب عليييكم خليه يسفففط بمساافط الجمعيه و لما اتخلصين محاضراتج ايي ياخذج صج حركه بايخه و نااس متخلفه يخلون سواويقهم يسفطون ابمسافط الطلبه ! و لو في قانون السايق اللي يسفط ابمسافط الطلبه يدفع غرامه خمسين ولا 100 دينار جان ما لقينا ولا سايق بمسافط الكليه ! و لا مو عاجبتهم الجامعه انتو ما تعرفون شنو يعني الحرم الجامعي هنوووووب تبوووون اتعدلون الجامعه ... ما اقووول الا حسسسبي الله و نعم الوكيييل​

ذكرتيينييييي مره كنت بطلع من الكليه و السايق ناطرني اطلع و ابي ارجع و مو مخليني علي راحتي لازم بالسياره .. جان ايي صبي و يسفط ابمسفطي ككككك برد جبدي بالهندي ههههه

 

[ترانيم القصيم]

لا تندمين على إنك تعاملتِ مع الناس بأسلوب طيب و غفرتِ لهم زلّاتهم ^_^

هذا كله عمل خيّر و شيء إيجابي يعود عليك بالنفع يوم القيــامة .. ( ادفع بالتي هي أحسن ) ..

إحترامي و تقديري

ترانيم القصيم

 

[Queenleo]

رد : حتى بالمصافط ماكو ادب

اممممم
اتووقع اهيا ماشره حق صاحب المصفط من قبل
لان نفس الحركه لي صارت ايام الجامعه والي دشت المصفط كانت رفيجتي ولما زفيتها قااالت انا سالته من قبل بتطلع ولما قالها اي لحقته

 

[صقلية والاندلس]

من صجج لو انا منج افلعها ببطل الماي ختولي
ذكرتيني بهندي سوا نفس الحركة باختي راحت شخطتته ببطل الماي وراحت
امام انا وحدة حيوانة خذت المصفط تدرين شسويت
نزلت انا وولد اخوي الصغير وفشينا توايرها وكسرنا جام سيارتها
هههههههههههه
وهيااااااااا

 

[amami al-kuwai]

وحده من رفيجاتي تسوق دايما تقول ماكو مثل الحريم باللعانه بالسيارات سوالف مصافط ومنو يمشي جدام منو

فالله يعينج عبالهم شارع ابوهم

 

[tammy]

رد : حتى بالمصافط ماكو ادب

فـي ناس ماعندهم ذوق ...
جان سكـرتي عليهـا وادبتيـها ..

 

[أم@الحلوين]

اي والله قلة ادب :eh_s(14):
ذاك اليوم اختي رايحه السوق اهيه وريلها تخيلي صار لهم ساعه يفترون يدورون مصفط مو لاقين واهم واقفين جان السياره الي واقفين يمهم بتطلع وريل اختي طق اشاره عشان يصفط ولا تيله سياره من وراه وادش بسرعه:eh_s(4): وفيها مره جان يطق لها هرن قالها مو شايفتني انا جدامج وطاق اشاره!! جان تقوله تكرمين كل خراك انته ومرتك مالت عليكم شنو مسجل بإسمك المصفط تخيليييي@@ :rgewrg:وقامت تسب وكله كلام وصخ اختي تقول عيوني طلعوا من مكانهم منصدمين من الموقف وعاد ريلها بروحه عصبي زين ما طقاها وعطاها الي ما عطاها زمانها واختي تهديه نطرها تروح جان وفش توايرها يالله ارتاح:lololoe:

 

[ليلو جبريت]

رد : رد: حتى بالمصافط ماكو ادب

اي والله قلة ادب :eh_s(14):
ذاك اليوم اختي رايحه السوق اهيه وريلها تخيلي صار لهم ساعه يفترون يدورون مصفط مو لاقين واهم واقفين جان السياره الي واقفين يمهم بتطلع وريل اختي طق اشاره عشان يصفط ولا تيله سياره من وراه وادش بسرعه:eh_s(4): وفيها مره جان يطق لها هرن قالها مو شايفتني انا جدامج وطاق اشاره!! جان تقوله تكرمين كل خراك انته ومرتك مالت عليكم شنو مسجل بإسمك المصفط تخيليييي@@ :rgewrg:وقامت تسب وكله كلام وصخ اختي تقول عيوني طلعوا من مكانهم منصدمين من الموقف وعاد ريلها بروحه عصبي زين ما طقاها وعطاها الي ما عطاها زمانها واختي تهديه نطرها تروح جان وفش توايرها يالله ارتاح:lololoe:

هههههههههههههههههههههههههههههههههههههههههههههههههههه

زين سوى



انا اكره هالموقف وياكثر الناس الي شفتهم عديمين الذوق
وكل واحد وتربيته