حتى باالطلاق فكرت ! شنو الحل وياه

[ياهم لدي رب]

حبيبتي نمونة زوجج بأغلب بيوتنا

زوجج يحتاج شخصية تكون كالتالي:
شخصية صامته قليلة الكلام
اذا في خاطرج زعل ماتعبرين عنه بس خليج صامته ومتضايقه ومو معصبه وساحبه لا حطي نفسج حزينه بس
لازم تصيرين نبيهه ويشوف النباهه والذكاء في سلوكياتج
لاترتبين وتركضين قدامه جذي يستهين فيج ويزيد ضغطه خلصي شغلج قبل يجي واذا حصل وجا وفيه حوسه واحتجتي اترتبينها خليج هاديه ورزينه مو ترتبكين بناءً على شخصيته
وبقولج شي حتى لو وصلتي للكمال في بيتج راح يدور على ثغرات لذلك طنشي الصمت ثم الصمت ثم الصمت الكلام ماراح يجيب ولا يأخر معاه

لكن انتي حرصي على نظافة بيتج ونفسج وغيري شخصيتج خليج ارتب
وع فكره اذا جبتي اولاد راح يزيد ضغطه ومشاكلكم لذلك لازم لازم تسقلين شخصيتج قبل الاطفال ولازم تغرسين حبه في قلبج لااازم
والدعاء خيتو بآخر الليل والله يغر من حال الى حال ادعي الله (اللهم اجعل لنا من ازواجنا وذراياتنا قرة اعين واجعلنا للمتقين اماما
وهذا كله يبيله وقت وطولة بال ونوعية زوجج ترا فيه جانب رائع الاخلاص والتقدير والاهتمام ببيته واعياله ويكون كريم ومكرس حياته لاستره لاتفرطين فيه حافظي عليه

 

[جنوني عيونك]

توني اشوف ردك هذا
انتي معقده الموضوع بعنادك يعني ماتبين تظبخين وتبينه بعد يجيب لك تاكلين
هو ماقصر قبل بس خلاص عاد حركي دمك شوي وطبخي لك وله بكره بتجيبين عيال بعد مارح تطبخين لهم ايام الاسبوع بتخلين ياكلون من مطاعم كل يوم ترى مو حياه هذي المطاعم تغيير روتين كل اسبوع مره واحيانا بالشهر مره مو كل يوم
انا اشوف حريم واجد موظفات وطالبات ماسوو مثلك بالعكس ماقصرو في بيوتهم وعقب لاجبتي نونو جيبي خدامه تريحك اما بدايه الزواج ماشوف لها لزمه
انا مارح اعطيك تعليمات اتوقع تعرفين ترتبين وتنظفين بس شوفي باقسام النظافه بالمنتديات يحطون اشياء تسهل وتختصر الوقت طلي عليها اكيييد بتستفيدين
انتي ماجذبتيه للبيت شلون تبينه يقعد فيه اكيد بيطلع لان مالبيتي احتياجاته
ماتغيرت حياته عقب الزواج قبل كان عزوبي محد يهتم فيه غير امه
الرجال لاتزوج يبي مره تحبه وتداريه وتهتم بلبسه واكله يبي انسانه تشاركه حياته وتفاصيلها باختصار يبي مره ناضجه وقد المسؤوليه عطيه عشان يعطيك
ولاتكبرين الموضوع ترى مشكلتك بسيطه حليها الحين لاتكبر وتزيد الحواجز بينكم
صيري مرحه لاتصيرين نكديه ومتطلبه عشان مايطفش منك ويكره القعده معاك
اعتذر لو كلامي قاسي يمكن بس والله لو اختي تجي تقول لي نفس كلامك برد عليها نفس اللي رديت عليك اتمنى لك السعاده حبيبتي

شفيكم هجمتوى علي ! تدرون انا متى ارجع 1ونص الظهر او2
يعني متى يمدي اطبخ غدا واهو يجي 3الظهر اهو عادي عنده سالفه الغدا مومشتكي من هالشي

واهو الي مايبيني اطبخ لانه يدري لاطبخت متى راح يخلص وانا ارجع تعبانه اطلع من البيت من الساعه 6 الصبح
والحمدالله تكلمنا مع بعض اليوم قالي انا لين عصبت مااشوف الي قدامي وانا مااقول انك مومرتبه او مونظيفه بس فيك كسل
وانتي لممن ترتبين شي يصير البيت وش حلاته بالترتيب الي ترتبينه وانا فهمته على سالفه كبف انه يجرحني وان شاء الله مايتكرر هالشي
وتسلمين عن النصايح

 

[cramela]

قلبي اولا مثل ما قالت وحده من البنات حاولي تشدين حيلج بالتنظيف اوكي
ثاني شي تري الريال العصبي ما ينرد عليه يعني اذا سالج جاوبيه ومو تجاوبينه بسوال مثلا ليش ما سويتي الشي مثلا نسيت ما ادري شلون نسيته اليوم كنت مصدعه حبيبي تدري منو جانا اليوم اختي قالت ان بيتنا نظيف وان هالريال صج يحب النظافه وقعدت تمدح فيك فهمتي يعتني لفي ودوري خليه يبلع التعصب فاهمه يعني انتي نسيتي تنظفينه وبسرعه حطيتيه تحت اباطج ان اختج او احد يعزه من اهلج جه وقام يمدحه اللف والدوران بهالامور مطلوب حاولي تمدحينه بالتنظيف مثلا حبيبي ما شفت هالبقعه ماشاء الله عينه عين سحريه وحلوه بعد شلون تشوف الاشياء كلها وانا لا ادري ضغط عليج وايد بس الحياه الروحيه شذيه وتعوذي من الشيطان عن الطلاق انسي واي سوال استفسار ما عندي مانع اتناقش معاج ياقلبي اعتبريني اختج والله يهديه لج ويسخره يارب لج