(( حب وليس له نهايه )) قصه كويتيه حقيقه ..

[عديلة^الروح]

انشالله بعد شوي راح انزل البارت ومشكورين علمتابعه وانشالله مااكون قصرت معااكم

 

[لـولـو الحلوه]

لا يوقف لايوقف

^^

 

[عديلة^الروح]

البارت 19

شافت حنين اللي دااق عليها شيماء اخت يوسف وردت طلعت بره من الغرفه ودقت عليها وقالتلها

حنيين: هلا والله ام مخمد شلونج

شيماء: الحمدالله تماام وانتي شلونج ومبروك ماياكم ويتربوون بعزكم انشالله

حنيين: الله يسلمج انشالله

شيماء: يوسف دق علي وقالسي سالفتكم

حنيين: شفتي شلوون والله ان ظلمني حييل والله ماجذبت

شيماء: والله انا اعرفج اكثرمنه وقتله حنيين ماتسوي جذيه ولاتجذب بس اهو الله يهداه عصب ومايتفاهم

اللي براسه براسه وكلمته شكثر بس مااكو فايده وقتله انت صج اخوي بس انت ماتستاهل حنيين

حنيين: خليه على كيفه انا واثقه من نفسي انا ماقعدت على حيلي والله ناس طالعا وداشه

شيماء: الله يعطيج الف عافيه بس انت لاتبجين ولا تفكرين داام انج واثقه من نفسج ماعليه

اللي براس اخوي راح يطيح بس اهو عنودي حييل

حنيين: الله يسامحه خلاني ابجي جدام الناس تفشلت والله

شيماء: ميخالف عشان يوسف يحبج ويخاف علييج وايد بس المشكله فيه عصبي وشكااك حييل

حنيين: على راحته ومايشوف شر

شيماء: خلاص مسحيها بويهي اذا غلط علييج ولا قالج اي شي

حنيين: مشكوره وماقصرتي ياشيوم فيج الخير والبركه انشالله

شيماء: الله يسلمج واي شي تبينه او اي شي ناقصج انا بلشوفه ومايردج الا لسانج

حنيين: مشكوره ياحيااتي

شيماء: انا اخليج الحين روحي نامي ولاتفكرين بشي

حنين: اوكي حبيبتي مع السلامه

شيماء: مع السلامه


وراحت حنين الغرفه ونامت وقامت الصبح وباشرت اختها والنااس وعد ثلاثة اياام طلعت اختها من المستشفى

وراحت بيتهم حنيين ورتبت اغراظها طبعا يوسف لاحس ولا خبر نهائيا بس شيماء دق عليها تاخذ خبار

حنيين عشاان توصل الاخبار حق يوسف وقعدت حنيين عند اختها والناس بعد شهر ردت البيت

وراحت لغرفتها حنيين صكت فيها الدنيا وتذكرت اياام البلوتوث وراحت السطح تتذكر الاياام وقعدت تبجي فوق

وبعدين نزلت حنيين وراحت لغرفتها وتبطل دريشتها عشان تسمع صووت المكيف يوسف واسمعت الصوت

عااد تدروون صوت مكيف يوسف كاان وايد يريحها حييل كل ماتسمه المكيف ترتااح وردت بتناام ولا

تسوي سيرج وتلقى نك يوسف مكتوب((مافي احد مرتاح)) جان تحط حنيين بنكها((المظلومه))

وبعدها نامت حنيين وقامت ولا تروح عند الدريشه ولا قاعد مطفي المكيف كانت تعرف حنيين متى ينام

ومتى يقعد من صوت المكيف كل شوي تسمع المكيف ولا تسمع صوت يوسف بلدريشه كاان قاعد

يكح ويشرب زقاير وتشم الريحه اهي اهني استانست شويه ولا خدامة حنين طقت الباب عليها

افتحت الباب جان تقولها الخدامه ماما وايد تعبانه صاعد ماي الرئه عندها نزلت بسرعه لا دق

حنيين عللاسعااف وطولو الاسعااف ومافي احد عند حنيين جان تروح بيت ام يوسف وطق الباب عليهم

جان تطلع خدامتهم تفتح الباب ودشت داخل جاان تقول حق ام يوسف في احد من الصبيان يقدر يودينا مستشفى العدان

قالتلها اي ولا ام يوسف تنادي يوسف يوسف ونزل يوسف من فوق ولا يشوف حنيين قاعده تبجي جان

يقولها حنيين شفيج جان تقوله امي وايد تعبانه والاسعااف تاخرو صارلهم نص ساعه والتاكسي مايشيلونه

شيوي جان يقولها انا موجوود وشتسويين بعد يالله روحي ييبي امج خلتركب السياره بسرعه وراحت حنيين

بسرعه بيتهم بس ماتقدر تشيل امها نادت يوسف جاان يدش البيت يوسف وشال امهت وبسرعه ودوها المستشفى

ودخلوها العنايه المركزه ويوسف كان قاعد بره ينطرنا ومنعوا حنين انها دش عند امها لان نبضات قلبها انخفض

وحنيين ميته من البجي ويوسف قاعد يهديها لاتبجين والله عورتي قلبي ويمسح دموعها بايده جان يقولها حنيين

دقي على اهلج جان تقوله اهلي وين والله مادرو عني والله انزين دقي على ابوج الحين الساعه2 بليل شلون ارد

معااج ودقت حنيين على ابوها جان يقولها انا مالي شغل ردي بلتاكسي على فكره ابو حنيين وايد موزين

محد يااب المرض لامها غير ابوها وايد قلبه قاسي وايد حتى صلاة مايصلي ترى في اكثر من جذيه بس

ابيكم تاخذوون نظره عنه وبس جاان يقولها يوسف والله ابوج مايستحي على ويهه كافي الفريج يتكلم عنه وعن سوالفه

كله يتاخر ولايدري عنكم هاملكم حييل والحين وصلت معاه يقولج بليل ردي بتاكسي والله لوعلى قص رقبتي



مااا اخليج تركبين بتاكسي يالله امشي معااي البيت اقطج وفيه خير خلي ابوج يتكلم معااي والله مايخااف علييج

يالله مشينا يالله يايوسف طبعا حنين ساكته بس تبجي وركبت مع يوسف السياره وبلطريج جان ياخذ ايدها وباسها

وباس راسها ومسح دموعها وقالها لاتبجين وانا اسف حبيبتي انا اصلا تعذبت وايد بعدج احبج لاتبجين

اروحلج فدوه وانشالله امج تقووم بلسلامه جاان تقوله حنيين انا ضايعه بهلدنيا على كثر مااعطي على كثر ماانجرح

وهذا انت ولاشي اللي شفته اليوم والله يايوسف لوتشووف شعر راسي وانا توني عمري 18 طالعلي شيييب

تعبت من هلدنيا قطع سالفت حنين وقالها اانا اصيرلج ابوج وامج واختج واخوج وحبيبج وريلج انتي نور عيني

حنيين شويه ارتاحت لمن يوسف كلمها ونزلها وردت البيت طبعا الابو لا حس ولا خبر كان طالع مايرد الا الفير

وراحت الدار وقامت تكلم يويو وبعدين نامت وقامت الظهر جان طق الباب حنين على ابوها مارد عليها

جان طق الباب جم مره بعدين فتح الباب ابوها ووبئيده العقال جان يطق العقال بجتفها جان يقولها انا موقايل

لمن انام لحد يطق الباب جان تقوله انا بروح عند امي واهي قاعده تبيجي جان يقولها ذلفي يالله وصكر

الباب بويه حنين وراحت حنيين الغرفه تبجي جان يدق عليها يوسف شفيج حياتي قالتله السالفه جان يقولها

ياعل ايده الكسر شلوون يطقج هذا موبقلبه رحمه حرام عليه والله الي قاعد يسويه فيج خلاص يوسف انا بروح

عند امي بشوف شلونها بطلب تاكسي وبروح قالها اوكي وانا بلحقج بتاكسي لمن اتطمن انج وصلتي وقالتله

اوكي انا بروح البس الحين وراحت حنيين لبست ودقت على التاكسي وراحت ويوسف وراهم بلسياره

لمن وصلت المستشفى وراحت عند امها ولاامها صعدوها الجناح وراحت لامها وسلمت عليها طبعا مافي احد عندها

وعلى فكره حتى امها موحنونه على حنيين وحنين تحاول تحط بقلبها وايد اشياء جان يدزلها مسج يوسف اذا مافي

احد يردج انا اردج انزين حبيبتي جان دزله مسج انا برد بتاكسي جان يدق عليها وقالها اذا بدقين على التاكسي قبلها

قوليلي عشان اكون عند المستشفى انزين جان تقوله انشالله وقعدت ليليل وردت دقت على يوسف وبعدين دقت

علتاكسي ويالها ويوسف واقف عند الباب ومشى وراهم ليلبيت ووصلت البيت وقعدت بدارها وتكلم يويو جان دق

عليها شيماء قالتلها انا الحمدالله على سلامة امج وماتشوفوون شر انشالله قالتلها الشر ماييج ياعمري فيج الخير

والله وبعدين كلمت يوسف ليبليل ونامت وكل يوم اهي علحال تروح المستشفى بتاكسي ووراها يوسف واهي من هني

تعلقت حييل بيوسف وتموت فيه وكانت تقول حنين انا اهلي ماسوو اللي سوالي اياه يوسف حتى اخواني

وخواتي ماسوو اللي سواه يارب الله يوفقه ويكتبلي النصيب فيه وطلعت ام حنيين من المستشفى وردو بالتاكسي مع بعض

وقعدت حنيين مع امها ولا دق عليها ام يوسف وقالتلها انا بيي ازور امج جان تقولها حياااج الله يا خالتي وراحت

ام يوسف عند ام حنيين ويابتلها الورد والعصير وقعدت معاهم ليبليل طبعا حنين ويوسف قاعدين يدزوون مسجات

حق بعض لمن ردت البيت ام يوسف وامها نامت جان تصعد فوق وتكلم يوسف ليبليل جان يقولها امي تقول

الله يعطيهاالعافيه حنيين مسكينه اهلها وايد ظالمينها حتى امها انشالله الله يصبرها جان حنيين تقول حق يوسف


الحمدالله على كل حال ​

...............................................

 

[عديلة^الروح]

انشالله يعجبكم البارت والله سهرت عشانكم وماتقصرون انشالله

 

[فيلجـ كول ـاويه]

مشكوره حبيبتي وماتقصرين ادري اذيناج
بس متى ماتبين تحطينه حطيه وناطرييينج

 

[كويتية و النعم]

واايد حلوو البارت و كسرت خاطري حنيين مسكييينة >> <<
يعطيج العافية يا قلبي و تسلميين و ما تقصريين والله ...~​

 

[*بسبوسه*]

من صجج قصه حقيقيه
شهالبنت اللي ما تستحي على طول ترد على ولد جيرانهم

 

[cool-princess]

مسكييييييييييييينه حنييين

ناطرينج...~

 

[madam_chocolate]

كسرت خاطري،،
متابعه لاطوليييين:eh_s(6):

 

[sweet.sanfoora]

ثنكس ع الببارت

 

[MISS ZOZO]

من صجج قصه حقيقيه
شهالبنت اللي ما تستحي على طول ترد على ولد جيرانهم

حبيبتي بسبوسه اذا انتي تقرين القصه اقريها بس بدون تعليقات مالها داعي

وعن الغلط عن البنت لانه هذه انا اعرفها واذا ماتبين تقرين كيفج

بس مالج شغل بالناس اوكيك حبيبتي وهذه قصه حقيقيه ...

 

[jod.q8]

ناطرينج ... كملي

 

[Amour]

حياااااااااااااااااااااااااااااااااااااتي كسرت خاطري واااااااااي فديت يوسف

اللـــــــــــــــــــــه ونااااسه كله اكشن الحين لوووووووووووووول تهبل تهبل قمة قمة قمة !!!

* بسبوسه *

حبيبتي سوري مابي اتدخل بس احب اعطيج رايي اذا تسمحينلي ومن بعد اذنج
انتي قريتي القصة وقريتي ظروفها تتوقعين شتسوي يعني ؟
يعني شرايج ترد مع بنغالي بالتاكسي بروحها بنص الليل.. ولا تنام بالممر بالمستشفى يعني احسن !!
وبعدين الجيران فيهم الخير ويخافون على بنات الناس واهوه اولى من سايق التكسي الصعيدي او الهندي خصوصا
انه رفيج اخوها المرحوم بعد
أتمنى تتقبلين تعليقي وشكرا للكل

 

[عديلة^الروح]

العفو والله والناس لهم اراء والله انا ماكتبت القصه الا لمن استاذنت من صاحبت القصه اول شي ماوافقت انشر قصتها بس بعدين رضت ونزلتها

والحب موعييب ويوسف يخااف على حنيين وايد لومايخاف جان هداها ومشى بس والله ان رياال وتسلموون حدي اندمجت بلقصه

 

[عديلة^الروح]

بعد شويه انشالله انزلكم البارت ومنورين

 

[عديلة^الروح]

البارت 19

يوسف كان يكلم حنيين قالها انا ابي اشوفج وين تقدرين تروحين جان تقوله انا اشوف الظروف اذا امي صارت

احسن اطلع قالها شوفي شنويصير معاج وعطيني خب قالتله اوكي ياعمري يالله مع السلامه وراحت حنيين حق

امها جان تقولها انا بروح بلتاكسي السوق تبين شي من السوق قالتلها لا ماابي ودقت حنون على يويو وقالتله انا

بطلع برح الموت قالها دقي علتاكسي وانا وراكم طبعا ودقت وراحت بحر الكوت وقعدت مع يوسف علبحر وقعدوا

يسولفوون عن كل شي قالها يوسف ابوج ماعنده غيره كلش والله حرام اللي قاعد يسويه فيج شوفي انا ماشيشج

على ابوج ولا اقول شي بس بااط جبدي ليش يمد ايده عليج وامج تقومين بواجبها حتى ماتقدرج جاان تقوله حنين

انا ربي فوق احسن من الكل شوف يايوسف انا من احط راسي علمخده ودموعي اربع اربع ككل واحد لاهي بحاله

انا صج عندي خوات واخوان بس مايفكرون فيني جني انا بروحي عااد تصدق شفت الاكل والله يحاسبوون عليه

والله لو مومعاش اخوي الله يرحمه ينزلي جاان الله اعلم بحالي وامي تخش فلوسها حق خواتي بس والله اشوف

التفرقه بعيني والله العظيم اشوف التتفرقه وايد بعيني واسكت وايد جان يقولها يوسف انتي معاش اخوج جم

ينزلج جان تقوله 110 قالها من صجج شنو يكفيفيج جان تقوله انا كنت العشر دنانير مااطولها عيل شوفي

من اليوم ورايح راح اعطيج فوقهم 100 دينار لج شهريا ولا اشوفج على هالحاال جان تقوله حنين انا ماقتلك

عطني فلوس وعيب عليك الشره علي اني فتحتلك قلبي وقتللك قالها لا والله حرام عليج تظلميني والله ماابي

شي ينقصج كلش ابيج دايم تكونين احسن وحده ابيج تكونيني مرتاحه جان تقوله انا ماارتاح الا معاك

قالها يابعد عمري انتي جان دق عليها اختها الكبيره زينب قالتها انتي وينج قالتلها انا علبحر قاعده جان تقولها

انا بيتكم يالله تعالي لاتتاخرين قالتلها انزين جان يوسف يدق علتاكسي ويمشي وراهم ليلبيت ودخلت البيت وسلمت

على اختها وقعدت معاهم وبعدين اصعدت دارها وكانت تكلم يويو قالها انتي كل يوم تحلوين عن قبل جان تقوله

عيونك الحلوه قالها انا ودي تلبسين عباية راس جان تقوله لا والله انا بس البس عباية جتف حتى بدلات ماالبس

جان يقولها والله اغار عليج وطبيعة حنيين ماتحب تحط مكياج بس تحط كحل قالها يوسف شوفي ماابيج تحطين

ولاشي وانتي طالعه جان تقوله انا مااحط كريمات ولا شدو ولا حمره بس كحل ومسكره قالها مو هذي امصيبه

الكحل والمسكره طالعه جميله لوتحطين حمره اقوول بس سمعي الكلام احسن لج جان تقوله اوكي خلاص بس

واذا بتحطين مكياج بوشيه قالتله انشالله بس عباية راس ماابي البيس قالها نزين بس العباية جتف تكون وسيعه

موضيجه عليج جان اتقوله انزين قالتله انت شكثر غيوور وايد الله يعيني عليك المهم انا بعطيج باجر 100 دينار

روحي السوق شتريلج اغراض حق نفسج جان تقوله لا والله ماابي مافي شي ناقصني الحمدالله جان يقولها سمعي

الكلام احسن لج شفيك انا مومتعوده اخذ فلوس من احد والله انت ماقصرت معاي الله يخليك لي يابعد عمري فديتك

يالله انا نازل تحت اقط لج الفلوس وقط الفلوس وخذتهم دقت عليه وقالتله مشكور وماقصرت ياعمري

واي شي تبينه انا حاظراحبج والله اموت فيج انشالله اذا الله قدرني راح اونسج ولا اخلي شي ناقصج

والله يايوسف احس انك انت اللي فاهمني وانت اللي تخااف علي والله انك مداوي جرحي يابعد اهلي انت

تسلمين يالغلا انا اخليج ياعمري خلينا نروح ناام اوكي ياعمري تصبح على خير حياتي وانتي من اهل الخير مع

السلامه

 

[عديلة^الروح]

حبايبي ادري ان البارت قصير بس والله انا مشغوله واعذروني وانشالله ماراح اقصر معاكم مع السلامه حبايب قلبي

 

[ReMaaas^MLS]

يالله ناطرين البقية...

نبي اكشن اكثر..

مشكوره عالقصة

 

[فيلجـ كول ـاويه]

البارت اينن مشكوووره حبيبتي وناطرينج

 

[كويتية و النعم]

يهبببل الباارت
مشكووورة حبيبتي ..~
ويعطيج العافية
:ggdw: