حبي تزوج وانا اخر من يعلم

[ملوكة الامورة]

ياشيخة محد ينغصب الحين
تقربي من ربك
وان شالله يجيك الي احسن منه

 

[futooosh]

الله يعوضج باللي احسن منه

 

[المد الجميل]

حبيبتي ماكو زواج بالغصب
البنت ترفض الرجل وهي بنت
أما هو اجزم أن الفكرة فكرته وحطه براس اخوه
الله يعوضج خير حياتي بالزوج الصالح اللي يسعدج

 

[أم خشم]

لاتقولين فلان السبب او هالموقف اللي فرقهم ما فرقكم عن بعض الا سبب واحد بس القدر
ودام طلع من حياتج فهذا معناه ان الوقت ما حان و ان مو هذا نصيبج
لا تفكرين باللي راح و فكري باللي ياي و لا تساليت و تتابعين اخباره لانج بتتعبين وتركزين على شي ماله معنى و ما يخليج تشوفين الاشياء الحلوة اللي حوالينج
والله يعينج واللي يحب ماحد يقدر يغير رايه ابدا

 

[النبع الحنون]

مع ام متلق صادقه بكل كلمه قالتها
والشي الثاني ..تدعين ربي وتصلين بالليل وتعصينه !!
والزواج قسمممه ونصيب
الله يهديك

 

[دآنة آلرشآيده]

الزواج قسمه ونصيب
لوكان فعلا يبيج وقف بويه الكل

 

[Sosota_20]

بختصار الي يحب ويعشق حبيبته يسوي المستحيل عشانها
وين قاعدين ريال مو قادر يمشي كلمته ومخلي غيره يتدخل بحياته الشخصيه
كا انتي حبيتيه من كل قلبج تحملتي عشانه وضحيتي ب 4 سنين من عمرج وانتي ترفضين عشانه
مو كل واحد قال انا احب صج يحب والسنين مو دليل على الحب ونفس ما قالوا البنات مسحي رقمه ولاتدخلين نفسج بمشاكل تعور قلبج زياده

ادري الموضوع صعب عليج و اربع سنين مو شويه صعبه تنسينها بهالسهوله بس تقبلي الواقع والي باعج بيعي
والله يعينج

 

[بنت والنعم فيني]

الحب يجي بعد الزواج
والشباب بس يبون وحده يتسلون معاها ويعيشون وياها الجو بس وقت الجد والله هو اللي يقول لأهله دورولي

ألجئي لله وتوبي من غفلتج والله غفور رحيم صدقيني راح يعوضج بللي احسن منه
ويابناااااااات لاتصدقون الشباب ترى والله مافي حب الا بحلاااااال الله وشرعه

وعسى الله يهدي الجميع ويحمي بناتنا من شياطين الانس والجن

 

[أخصائية نفسيةة]

يمكن زواجه من وحده ثانية خير لك
وبعدين انتي تقولين غيور يعني لو تزوجتيه
الله يعينك على غيرته وبعدين هو مادرى عن
هوآ دارك وليش متعبة نفسك
شوفي روحي اكتبي اسمه وانك تحبينه
بورقة وبعدين الورقة شقيها ليما تصير اوراق
صغار وحاولي تنسينا لانه علاقه حرام بحرام
وشلون تبينها تتم وشوفي طريقة تعارفه لك ولو
انت م تعرفتي عليه كان متعرف على غيرك والله
يعوضك

 

[Zinab BH]

ياقلبي الريال اذا يحب البنية ياخذها لو على قص رقبته
الله يعوضج خير ادعي ربج تنسينه وتاخذين اللي ينسيج طوايفه بعد

 

[Zoozie]

حبيبتي اذا يالج ولد الحلال اللي تحسينه يناسبج وسمعته زينه واخلاق ودين تزوجيه
وابعدي عن طريق الحرام والمكالمات غير الشرعية واللقاءات
جوفي وين صرتي بسبه هالاشياء؟
بتنسينه صدقيني بعد فترة بتنسينه ان شاء الله
الله يوفقج

 

[znooobiii]

خل يولي حسبي الله عليه ونعم الوكيل جذاب ومو قد الحب الحقير مسحي رقمه لانج راح تتعبين ومسحي كل شي يخصه حتى الصور

 

[زوجة عزيز]

بنات لا اتصدقون الافلام الهنديه اهلي رافضين وماعندي مهر ومن الجذب اللي مايخلص حبيبتي لو يبيج خذاج لو اهله مايوافقون اهو اللي بيتزوجج مو اهله بس هذا نواياه معروفه ضيع سنتين من عمرج ورفضتي اللي خطبوج بسبته واهو تسلى فيج على ماايمع المهر وراح تزوج واتقولين يحبني اتلاقينه يحن على زوجته يبيها تحمل ولا عايش بالعسل حبيبتي انسيه وتحسبي عليه وعلى الله العوض

 

[احلا المزايين]

البنات ماقصرواوصدقيني باجر بتزوجين وبتنسينه وبتنسين طوايفه
وخلاص انسيه وخلي قلبج قوي
مافي رجل يستاهل مرة تعطيه من كل قلبها
لان اكثرهم انانيين مايفكرون الا بنفسهم
ترا الرجال اكبر هدف له من الزواج اشباع رغبته
وهاذا بالحلال
فمابالج هدفه من شوفتج وانتي مو حلاله
فانتي لازم اتعرفين شلون تعيشين حياتج لانها ملكج وقلبج ملكج
لا اتخلين التعلق يسيطر عليج

 

[ماريا ابنة الحي]

البنت ماتنغصب ع الزواج شلون واحد طول بعرض ومشورب !

اغصبوني واتغيصب !!!!@@

ماتدرين يمكن لو اجتمعتي معاه ابيت واحد يكون شر لج

بس حلاوة الحب تكون في عدم الحصول عليه فأنتي تشوفين انه شي صعب تنسينه
ماعليه باجر تنسينه وتاخذين الي يسواه

 

[Dr.Loloza]

هوي لو صح بحبك كان وقف بوجه اي واحد في العالم و ما بخاف شو بدو يصرلووو بس هوي جبان لانو ما قدر !!!!! يعني انتي ضحيتي عشانو بس هوي ما ضحى

الحب ما بيعرف عمر و ما بيعرف الزمن !! لا تاخدي حجي انك اكبر منو بسنتين

شوفي حياتك و اتركي شي اسمو ماضي لانو ماضي و ابني مستقبل

بعدك صغيرة و الف واحد بتمناكي انا متأكدة لانك طيبوبة و حساسة

 

[mona q8]

مع اني ضد الحب
بس والله فطرتي قلبي
الله يعينج ويخلف عليج
باللي احسن منه
وتآخذين اللي يصونج ويسعدج
ويتحدى العالم كلها عشانج
حبيبتي حاولي تغيرين كل شي بحياتج
ابدي من يديد
ولا تعطين مجال للحب قبل الزواج
هذي آخر مره
لان انتي طوفتي من عمرج كثير
والحين حطي اهداف بحياتج غير الحب
واسعي لتحقيقها
وانسيه وحطي ببالج انه لو كان يحبج صج
جان ما خلى اي شي يوقف بطريقه
ع الاقل اذا ما تزوجج ما يتزوج غيرج وينطر فرج ربه
مو يسمع كلام اخوه
باجر لو تزوجتوا واخوه قاله طلق زوجتك
يطلقج!؟
يمكن خيره
مو انتي اللي تختارين نصيبج
الله وحده اللي يقرر

 

[حلمي وامالي]

الله يعوضك احسن منه
محد يستاهل الحب الحين

 

[سماء الاحساء]

عيشي حياتك وان شالله ازمه وبتعدي هذي هي الحياة تعطي دروس وعبر قاسية فهل من معتبر

 

[ام غمازهـ]

الله يصبرك ويعووضج يااارب
حبيبتي نصيحه مني لج لاترقبيه ولا تتبحثي عنه انسيهههه وافتحي صفحه جديده مع ربك