حبيت وتزوجت غيره وتطلقت ورديت له

[دندونه.]

اب اب

 

[كويتية222]

الامر محلول اهو اخو رفيجتج وبيخطبج وخلصناااااااااا

لا تصدقين اعذاااره ولا كلامه والله لو يحبج صج من خلصتي عدة خطبج

ولو فعلا يحبج ماكان يخليج تتزوجين غيره

افلام وحب وخرابيط واعذااار خلج ذكيةةةةةةةةةة ​

 

[M!ss Pa!n]

حاولي فيه يخطبج عالاقل يكلم اهلج مايصير هلون عشان بيتكم يطخون شوي

 

[أحلام مؤجلةة]

غريبه امره هذا المفروض انه يحبك لهدرجه اول ماتطلقتي وبعد العده يجي يخطبك انتي سويتي تضحيات عشانه
خليه هو بعد يضحي مثلك مع اني ماشوف عنده اي مشكله او تضحيه يقدمها غير انه يقنع اهله بس
وانتي مو من قبيلته هذي مشكله عاد تكون سبب في عدم اقناع اهله الي اعرف انها مشكله عند البنت بس الرجال ماضنتي
الحب اعمى واخاف تتورطين وتكتشفين حقيقه انتي ماتتمنينها
ليه ماتقولين له في احد تقدم لي وتشوفين ردة الفعل منه ؟

 

[دندونه.]

مشكورات يابنات الله لايحرمني من نصايحكن
شدعوه ماقلت له ان في واحد تقدم لي عاد صج مو جذب ولد خالتي ماصدق خلعت جا خطب
بس هو طلب مني وترجاني انطر بس هالكورس وبعدها ماعنده عذر
بس اذا صج بعدين يشك فيني مصيبه انا صج احبه واموت فيه بس الا الشك مااتحمله
انزين بنات اخته عمرها يمكن 15 صغيره عشان جذي اهوا خايف انها تعلم امه علينا
حتى ولد عمه برابع اعدادي دايم يجيبه عندنا يلعب مع اخوي بلاي ستيشن
وهو لو عنده نيه شينه تهقون لي جا عند بيتنا ليش ينزل يسلم ع اخواني والله اني محتاره

 

[ashwaaq]

الحل انه يتقدم

واجد ناس تزوجو وهم يدرسون هذا مو عذر

يخطب اول والعرس متى ماصار يصير اهم شي ماتضيعين من يده

 

[Meyyawa]

لا تغرج دموعه

ترى كل الرجال لما تصير حبيبته بيد غيره يزيد غلاها

لما تصير حبيبته تحت سيطرته ما يبيها

وهو حاط له عذر انتي كاتبته وانا اقتبسته

لا تضيعين وقت معه ترى مارح ينفعج

خبرتي تقول اللي يحب ....يركض يخطب حبيبته قبل ما تروح لغيره

وهو يتفرج عليج وايضار رح يتفرج عليج

فوفو

كلامج يعور القلب بس كل كلمة كتبتيها صح
لو يبيج ما يشوفج تروحين حق ريال ثاني و قاعد بمكانه خصوصا عند الريال صعبة لو يبيج بينه وبين نفسه يقول راحت مني مرة مابيها تروح ثاني مرة وتلقين متلهف من اول ماتطلقتي ايي يخطبج .. و سالفة يحبج ويبجي مو صعبة عند شبابنا و العموم عامة .. انتي فكري بعقل لا تغرج هالسوالف
الكلام سهل بس التطبيق صعب تدرين شمعناته ؟ يعني يقولج ابيج .. زين تحرك تعال اهني ما يقدر .. و سالفة ابوه و افلام و غيره هالكلام مأخوذ خيره وقديمة الحركة
كلامي يمكن بالنسبة لج يغث او تقولين بينج وبين نفسج هذي ماتدري عن الي بينا بس متاكدة بعد احتمال سنة سنتين الله العالم بتدشين بتقولين كل كلمة كتبتها صح ..
قاعدة اكلمج جني اكلم وحدة عزيزة علي وخري عنه لانه لو يبيج تحرك موقاعد متربع مايسوي شي

 

[منال $]

طيب واذا باقيلة كورس شو المانع يجي يخطبك؟؟
وبعدين ماشالله شو الي كل شي تبية يجيبة لحد البيت على اساس انة اخو رفيجتك؟؟
وين صارت هاي

 

[*E.B.D.A.3*]

شوفي حبيبتي ،،
انتي تقريبا مو مرتب كلامج من ناحيه الاسباب والمعوقات وشاللي يمنع

لكن الي فهمته ،،
ان السبب لازم يتوظف عشان يتزوج حلو ؟
والسبب الثاني شلون تخلونها خطبه معارف، حلو ؟؟

اولا بخصوص الزواج ،
خل يقنع اهله انه بس يخطب مايتزوج !!
يحن ويلح عليهم ان الامر ومافيه انه بس يبي يخطب بس !!!! حتى بدون ملجه وبدون مهر
بس بالاسم انكم محجوزين لبعض لفتره مؤقته ...
لا تقولين اهله عسرين ترى انا شفت تجارب وايد بنات مروا بنفس الي مريتي فيه
واخر سالفه حق رفيجتي شهر 8 الي طاف، اهله نفس وضع اهل الي تكلمينه
مو راضين الا بعد التوظيف !!
كلمهم مانفع ، ساحلهم مانفع !! اصر عليهم كل يوم مانفع
اخر شي قالهم انا شايل قشي وطالع من البيت!! اذا ماملجت على هالبنت، انا مالي قعده بالبيت
وفعلا، رضوا وحسوا شكثر اهوه شاريها ويبيها ، الي امه تقوله انا عبالي بس انت من هبه الشباب وتطخ بعد جم يوم
مادريت انك تبيها عن قناعه ليهدرجة!!
وفعلا صار الي صار، وخطبوا البنت قريب الشهرين، وبعدين ملجوا وتزوجوا شوفيهم عايشين ابيت واحد الله يتمم عليهم

فـ ياحبيبتي !!
قوليله يستعمل مع اهله كل الطرق الممكنه عشان يقنعهم
ومو على زواج لا، على خطبه !!


اما بخصوص المعارف ،
مادري بس يتروالي ان علاقتج باهله مو ، غير اخته الصغيره ..
مادري اذا انا فاهمه صح والا لا!
المهم اسلكي اي درب ثاني غير اخته ، لانها صغيره ومو سبب مقنع نهائيا

 

[Pinky -cat]

مشكلتج مو واثقة منه بس حبج له مو مخليج تشوفين الحقيقة وتبين تدورين له اي عذر وحجه بس صدقيني وقت الصجيه

يه والله لو يبيلج لا تقولين فلان وعلان بياخذج غصب عنهم ويقدر يوقف بويههم بس اهوا للي مسوي افلام مو ابوه

سوي له خطة عدله وشوفي رده وراح تشوفين بنفسج انه مو جاد ابدا وعلى فكرة ترا الشباب عندهم الحب شي

والزواج شي ثاني وببالة بيقول خانتني بتخون غيري ولو فيه خير سوري بالكلمة جان من اول ما رضا تروحين لغيره

بس سوالف بجي وحركات هاذي حركات يهال يقص فيها على ياهل مو عليج انتي كبيرة وفاهمة وعاقلة وبنت حموله

جربي تسوين وياه امتحان بطريقتج الخاصة وبتشوفين الرد بنفسج.

 

[exanon]

حبيبتي أنا شايفة انك انت اللي قاعدة اتدورين حل حق المشكلة
مع انه لو اهو يحبك المفروض هو اللي يسعى للحل

 

[a7la_7b]

لو يحبج جان تقدم لج وماحط عذره اهله
مافي رجال مايقدر على اهله والله لو يبي وحده مو عربيه اجنبيه يقدر ياخذهااااا ويقنع اهله فيها بس هذا يلعب عليج
عطيه مهله اسبووووع وبعدها قرري اذا خطب حياه الله واذا ماخطب مايشوووف شر لاتضيعين عمرج على وهم

 

[العز انا]

يحبج خليه يتقدم !

 

[بدورة القمورة]

الله يكتب الي في الخير لج

ادعي ربج يكون من نصيبج و خلي يتقدم لج..


الي يبج يتحدي الكل علشانج

 

[دندونه.]

تسلمون بنات والله انكم حسستوني اني بين خواتي اللي مااقدر اقول لهم شي
انا كلمته اليوم وقلت له لازم اتعرف ع احد من بناتكم اليوم قال لي هذا اللي انا افكر فيه
وباخلي خالتي تتعرف عليج
خالته اكبر مني بجم سنه ومو متزوجه
المهم قال لي امهليني بس الليله وباجر بادبر السالفه وخالتي مستحيل تفضحني
اوك وباقول له يتقدم لي هالفتره بس اول اتعرف ع خالته
ماكو غير هالحل
انزين حتى اهلي ماراح يوافقون وهو يدرس
ادري طولتها بس بجد محتاره بنات
نفسيتي تحت الصفر
وعندي زواج عيال عمي الخميس ماادري شلون احضر
احس لو احد يحاجيني بانفجر فيه
وبالعكس انا لو ماابي نصايحكم مادشيت وشكيت لكم

 

[نونو العصله]

اذا لج صيب فيه تاخذينه

استخيري ربج
اذا زين لج و يصلح لج

 

[غنج اهلها]

لاتتوقعين عمر حبكم وايد ترا سنه وشوي موشي

واللي صاج يجي لعند الباب ويخطب بعد ماسمع طلاقج اقلها خطبه

ويترك هالافلام اللي ق يسويهاوالسوالف

ومدام تبين النصيحه وماتزعلين الطريق كله غلط

وربج يكتب اللي فيه خير لج

 

[روان المطيري]

يعني انتي يالبنت تقدرين تقنعين اهلج واهو الريال ما يقدر ???!
بالعقل حبييتي لو يحبج صج ويبيج جان من اول ما انخطبتي يا وخطبج
مو يتفرج عليج ويوقف جدامج ويحاجيج شالفلمم المصري ?!

 

[ثريا الكون]

شوفي غيره لا تبنين احلام على سراب وانتوا البدو عندكم صعب تاخذون من قبيله ثانيه يعني راح يصيدونج وعرفون ان لج علاقه فيه وشلج بالمشاكل وعوار الراس بدل الريال في مليون وهذا مو حب صدقيني الحب ما يي من ورى تلفون وبس في شغلات وايده يعني انتي حتى ما قعدتي معاه اكثر من 5 ساعات متواصله علشان تعرفينه اكثر التلفون ما يكفي بهل شئ انا اقول لو ما اخذتيه خيره​

 

[دندونه.]

بنات تكفون ادعو لي
انا كلمته اليوم وحشرته تكفون ادعو لي اني اعرف الصج