{حبيب العمر ..~ روايتي الثانية .. cαяless шнispeя [ حــياكم ] !

[الحـور ! ~]

{حبيب العمر ..~ روايتي الثانية .. cαяless шнispeя [ حــياكم ] !

الســلام عليــكم ،،
شلونكم بنات شخباركم ؟
ان شـاءالله بخيــر


مثل ماإنتوا عارفـين ،، فاتي كانت منزلة الرواية هنـي وعلق معاهـا المنتدى وماقامت تدش ..
واهي مكملـة بـ منتـدى ثـاني ..
فـ قلت لهـا إنـي اكمل عنها لكم .. وان شاءالله إذا تبطل الموقع اهـي بتكمل عنـي
بعـــيد معاكم من الأول .. لأن ادري فيكم ناسـيين يبيلكم فورمات
وبنــات بـليز عـذرونـي شـوي إذا تـأخرت عليكم بالبارتـات في الأيـام اليايـة ..
لأن آنـا خريجة هـ السنـة ان شـاءالله وآخر سنة ثنويـة ولويـة تدرون .. ويمكن ماأشبك وايد .. بس إذا فضيت وإذا لقيت وقت شبكت لكم وحطيـت البارتـات ،، ولا تخافون ماني نحيسة ولا نذلة .. ماراح اذلكم بالبارتات بس لا تـأذوني بالحنة ترا بسرعه استسلم
ودعواتكم لي



وسـوري ع القرقـــة ،،
لـي عــودة مع البــارت الأول ..
​

 

[الحـور ! ~]

رد: {حبيب العمر ..~ روايتي الثانية .. cαяless шнispeя [ حــياكم ] !

القصة فيها اكثر من محور

احداثها تدور حول بيت العائلة الكبيرة

ام واب وثلاث بنات وولدين



ترتيبهم كالآتي حسب المرحلة العمرية

نواف :الولد العود عمره شارف على الثلاثين ولم يتزوج بعد !!

شروق : متزوجة وعندها ولد اسمه احمد بمنتصف العشرينيات

جنان : طالبة في الجامعة الامريكية السنة الاولى

أبرار: هذي البنت الحالمة الى ابعد حد طالبة بالثانوية

وهي راوية القصة لكم

عبدالرحمن : الولد الجعدة المدلل بالمرحلة المتوسطة

الأم ربة بيت من الطراز الأول

الأب مدرس لغة عربية

امي ماتعرف تفك الخط لكن ماتبينا نفسها

لأن كل املها تشوف فينا الدكتورة والمهندس

ونعوضها عما فاتها من العمر بالأمية !

لأن حالتنا المادية جدا ضعيفة عايشين بالستر ولله الحمد

وعلى قولتها متى ازوجكم وافتك لوووووول

وكأن كل واحد فينا ماراح يرجع لحضنها فديتها

في يوم دخل ابوي علينا كان يوم جدا فرق بحياتنا !

يبشرنا .. واخيرا اشتريت بيت بالقرين

عبدالرحمن : احلف يبا يعني غرفة نوم لي بروحي ما

يشخر على مخي بوالنيف @@

بونواف : استح هذا اخوك العود

عبدالرحمن : يما انا قلت شي

ام نواف : فديتك حمني لا تزعل اذا مالك غرفة

انا بعطيك غرفتي

بونواف : وانا وين اروح يا حظي


ام نواف انت عيوني فراشك وجفني غطاك يالغالي

اغمز حق اختي جيكي الغزل لوول

جنان : يما عيب خو كبرنا ترا نفهم

ضحكنا وكل واحد خلص العشا راح ينام

يحلم بشكل البيت الكل فرح الا انا

حتى امي لاحظت ياربي شلون تبوني

افرح وانا راح اغيرمدرستي


ياترى اقدر اشوفه كل يوم !

مممم هذا حبيبي تدرون عاد ماعرفه

بس يعجبني وايد ستايلش مع انه عود

كان كل يوم يمر الصبح قبل لا يروح

دوامه بس يجيك علي وانا راكبة الباص ويروح

عاد انا ما اوصيكم كل يوم احورف بعمري

عشان يجوفني كشخة لوووووول

أي أي اهو بس جذي ما يكلمني امبيه

اصلا يستحي لا انتبهت عليه

وانا عشتو دوم مسوية غشيمة رفيجاتي انتبهو

شلون ماراح انتبه !

مادري يمكن معجب المهم انه كان وايد شي

حتى سيارته البنات حاسديني عليه l

في يوم يديد ردينا البيت من

دواماتنا اكلنا من طباخ احلى أم

وقالت لا تنامون المغربيات بنروح نختار اثاث !

نواف : انا ماني رايح انتي اختاريلي

ام نواف : يما ياقلبي انت لك دور كامل

شنو يعني انا اختار فديتك ماتب تتزوج نوافي

انا ماراح ارتاح لين ازوجك واشوف عيالك يا يما

نواف : يرحم امج شكو من قال بتزوج انا جذي مرتاح

نواف كان مو طبيعي موذاك الزود معانا

وعادي عنده يمد ايده علينا احنا البنات لا قال شي

وماصار تقوم قيامته

حتى شروق واهي متزوجة مرة وقفت بويهه

عشان لا يطقني جان يعطيها المقسوم لووووووول

حده مليق وعوو

امي وخالتي ام عبدالعزيز

جيران من عمر اخت دنيا على ما قالو


كانت دوم عندنا لأنها مزوجة كل عيالها

وعسى ما شافتنا ماغير تنغز

حق امي الله بناتج كبرو وعليهم

العين نبي نزوجهم ونفرح فيهم


وكل يوم والثاني يايبتلنا خطاب @@

كانت تغثني بهالسالفة :/اللي يسمعها

يقول احنا طايحين بجبد امي

بس على قولة امي مرة عودة عيب احترموها :/


جنان : يما خل نشوف الغرف اول

امي : أي يايمه بعد باخذ خالتكم ام عزوز معانا

حمني : اوخ يما لا يكون مسويتلها

غرفة في بيتنا اليديد

جنان : يسويها البخت


كلنا ضحكنا


رحنا واخترنا ماعدا بوالنيف امي تقول اختاروله

على كيفكم


بس على قولة ابوي مو أي شي نبي شي كد ومد

اخوكم دفش مايعرف يحافظ

جان تفتي خالة ام عزوز

: بعد مايبيله اخذله مطارح سدو

جنان : أي شي

امي : جنون تسنعي


ردينا البيت وكلنا فرحانين ماعدا ابوي

لأنه طول الوقت بس

ماسك الة حاسبة وقلم ونوتة لوووول




في العمر بقية ..​

 

[SO3AD.Q8]

رد: {حبيب العمر ..~ روايتي الثانية .. cαяless шнispeя [ حــياكم ] !

كملي متابعينج ومشكورة على اهتمامج
جان زين كل البارتات شكلها تهبل << برا :ggdw:
انا انعجبت بجنان يمكن لأني كيرلي هههههههههههه
موفقة وشدي حيلج بالدراسة دعيتلج :klhfl:

 

[الحـور ! ~]

رد: {حبيب العمر ..~ روايتي الثانية .. cαяless шнispeя [ حــياكم ] !

^
العفـوو حبيبتـي وشاكرتلج المتابعـة
وتسلمين ع الدعوة ماقصرتي :$

لي عــودة مع البــارت الثاني والثـالث . .

 

[الحـور ! ~]

رد: {حبيب العمر ..~ روايتي الثانية .. cαяless шнispeя [ حــياكم ] !

صباح يوم يديد لبست مسرعة قبل لا يمشي عني الباص
واسمع زفة محترمة من نواف
اطل والا المعجب اليوم كاشخ ممم خو كل يوم كاشخ فديته
ودي اقوله ترا بنشيل من بيتنا اف متى بينطق

بسك خو تخوزز فيني وتلحقني
ياربي متى يتجرأ !!
سويت نفسي ابجي وانا راكبة الباص قلت يمكن يحوشه فضول
يسألني شفيج او يطلب يتعرف علي
ولا صار شي !
رديت البيت مع اخوي نواف يومها مرينا على حمني
مدرسته والا المحه المعجب @@ طالع منها
بروي : حمني هذا منو جنه اخو رفيجتي
حمني: استاذ بدر مال التربية البدنية
نواف : انتي يا ثولة استحي شكو تسألين منو
بروي : خو يشبه اخو صديقتي قلت اهو لا تزف خو ماقلت شي
نواف : جب ولا كلمة لا كف جدام الاوادم تفهمين
حمني : بس عاد برور لا يلتج كف جدام ربعي كاااك

بروي : ان ما قلت حق ابوي انا اراويكم

حمني : نواف غير هالاغاني الحزينة خو

نواف : كيفي والله سيارتي وكيفي تبي روح قول حق ابوك
بدال مايبلشني كل يوم اوصلك ييبلك سايق على كيفك تغير

الاغاني حزتها

حمني : ياكلمة ردي مكانج شنو هذا نوواف انا ماقلت شي
ليش كله مشتط
بروي : يوز لايطقك
حمني : انتي مالج شغل احنا رياييل كيفنا

نزلنا البيت الا نواف !!

نواف كان عنده شقة بروحه محد يدري عنها
حتى ابوي لأنه يشرب وعنده رفيجته كل يوم مناك
ومرات وايد ينام برا

على قولة ماما مادري متى الله يهديه ويتزوج !

ركضنا على امي وابوي حبينا ايدهم

وعلى طول ركض غيرنا هدومنا وسبحنا

وقعدنا بالصالة نتغدا

ام نواف : دريتو شروق حامل
ابوي ابتسم
برور : صج يما على البركة ماقالت كانت عندنا الخميس اللي طاف
ام نواف : تدرين عاد هالذهبة كل شي تستحي

فديتها شنو حبوبة هالبنت
بروي : يما وانا
حمني : شنو انتي حدج كائن ماله أي قيمة
مجيكة على عناقيصج انتي هههههه
بروي: تسكت والا شلون يبا من مساع واهو يطفر فيني
اف حدك ملاقة
ابو نواف : اكلو وانتو ساكتين
دشت جنان البيت توها رادة من الكلية
ابوي ناداها تعالي ابيج
دشت معاه غرفة نوم ابوي
طلعت تبجي @@
خلصت اكلي قمت اتطمش لووول
برور : جنان عسى ماشر قلبي شفيج
لا تقولين ابوي زفج ؟
جنان : يعني ماتعرفين ابوج مافي شي يعجبه
اخلص من نواف ييلي ابوي اف متى افتك من ويوهكم واهاجر
عيل انا لبسي مو محترم !!
برور : عفية اخذيني معاج لا هاجرتي
بس مو قبل لا احب هالمعجب
جنان : تكفين اليوم شفتي بعد @@
برور : أي سكتي مو طلع استاذ حمني بدنية
جنان : تحلفين هههههه
برور : أي والله حتى نواف زفني يوم سألت

جنان : هم ثوالة انتي شكو تسألين جدام هالمعقد
برور : أي معقد وربي محد عايشها طول بعرض الا اهو
جنان : @@ رجع يشرب !
برور : أي امي امس بليل نطرته وبطلتله الباب قبل
لا يجوفه ابوي
جنان : الله يهديه بعد شنو بقول
تكفين منو بيتزوجنا دام هذا اخوج وع مو خوش حالة
برور : يامعودة الحين اللي يشرب محترم
اصلا اللي يشرب زقاير هذا المعقد ههههه
طاف يبا العمر واحد ولازم نعيشه طول بعرض **!
جنان : قومي نامي عشان عقب تقعدين وتجابلين دروسج
برور : تكفين شلون احاجيه
ابيه ابي اقوله انه بنشيل من البيت
جنان : عاد من زينه اجلح املح
بروي : امبيه جسمه مو صج احس حتى ويهه عضلات
جنان : الله يخلق ومحمد يبتلي
سكتي بدق على رفيجي قايلتله بشوفه اليوم

تعالي معاي بس لا تقطين ويهج شقلتي ؟

بروي : اتس اوكي بس شنو بنقول حق امي
جنان : طاف ياحظي بنروح نسوي بحث
بروي : خوش تم انا بقوم انام
دشت امي قومو درسو بسكم نوم
بروي : اوه يما ما امداني
جنان يمه عندي بحث اليوم
ام نواف : @@ ماصارت بحث اسبوعي هذا
جنان : يعني انتو صاحلكم بنتكم بالامريكية

ام نواف : الله يوفقج حبيبتي خلاص احاول
اخذ فلوس من ابوج واعطيج
جان افز : يما تكفين انا بعد ابي جوتي وجنطة مدرسة يديدة تكفين يما
ام نواف : يا يما والله ابوكم متضايق صبرو شوي
جنان : خو انتي مو كل ما اطلب تطلبين عشتو تختل الميزانية
برور: انا خمدت لحد يحاجيني
ام نواف : المغرب اعطيج الفلوس تاخذين اختج
وتييبين اللي تبيه
وتسوين البحث حدكم 9 وياويلكم اذا 9 ودقيقة
مفهوم ؟!

في العمر بقية ..​

 

[الحـور ! ~]

رد: {حبيب العمر ..~ روايتي الثانية .. cαяless шнispeя [ حــياكم ] !

طلعت مع جنون والله لا يراويكم الزحمة
من ركبنا السيارة ودشينا منطقة حولي قلنا نعلم امي انه اكو زحمة مو تحن يلا ردو وردو ما امدانا نسوي شي
والا جنون تقول نزلي سوق المعلم اخذيلج اغراض وردي
برور : نعم انا اخذ من المعلم ليش يما لا حبوبة الحين توديني مارينا لا ادق على امي والا نواف
جنان عفية برور خلصيني لا ارد البيت وانا للحين ما شفت احمدوو
برور : اي خو احمد رفيجج وانا بنت الجيران شفيج هيي اصحي ترا ان مارحت وربي ادق على نواف
جنان : اف اف الشرهة مو عليج
دق عليها احمد على طول تحول النغمة عشتو حليمة بولند مادري
جنان : الو هلا حبيبي لا مو عن حده زحمة زين شنو الشي اللي بتعطيني اياه يعني يمديني
ربع ساعة وبمشي لأن بروح مارينا اختي بتشتري اغراض مدرسة وجذي عرفت
<< ابرار : تتشيحط على مخي اللي يشوفها مايقول قبل شوي تبيني اخذ من المعلم بنت الفقر
صكت الموبايل وعلت على المسجل عشان زعلت مني اي والله هاللي ناقص اروح اشتري من سوق شعبي اي شي
دق نواف قمنا نرجف
جنان : اوهووووووووو هذا شيبي الحين :/ عفية بروي ردي عليها
ابرار : مابي توه اليوم زافني
مممم ردي وقوليله ماكو سيرفس وصكي تلفونج
نواف : الو جنان وينكم ؟
جنان : هلا نواف اي والله استأذنت من امي خو ابي اسوي بحث صارلي اسبوع
ابيه ضروري بسلمه ما بقا شي على الفاينال
اي صبر هاك كاهي ابرار
هاج يبيج
ابرار :مابيه قوليله زعلانة
جنان : هاج خو لا يزفني
نواف : هيانيي انتي للحين زعلانة
ابرار : هلا << نفسية مو صج :/
شتبي مو بغيت اطقني الصبح شتبي بزفت ابرار
نواف : جب جب انتي الغالية وربي
ابرار : حتى فلوس ما عطيتني قلت اختك يمكن تبي تشتري حق المدرسة انك تحس ابد معدوم الاحساس
نواف : مادري عاد قالولج الوليد بن طلال خلصيني جم تبين
ابرار : مممم مثلا كل شي كامل من القلم الى الجنطة والنفنوف سجل عندك 70 حلو اقزرها تقشف بعد
نواف : بحطلج عند امي 40 ماقدر ماعندي
ابرار :شكرا خير هم زين نواف انت اغلى اخو
نواف : جب يا منافقة ههههههههه
رحنا مارينا والاخت مواعدة رفيجها بالمواقف عشتو يايبلها هدية
جنان : يلا طسي انطرج بالسيارة
ابرار @@ : شنو شنو ما انزل بروحي تعالي معاي
جنان : يرحم امج نزلي ابي اشوف رفيجي خو بقوله تعال اشتر معاي جنطة حق اختي @:
ابرار : انا البقرة اللي ييت معاج
جنان : توج تدرين
ابرار : ماني نازلة زين
دق تلفونها ردت المتنكرة بصوت حليمة ياجماعة انفصام صدقوني
جنان : الو حبيبي
ابرار بصوت واطي : امداه حبيتيه لووووووووول
جنان : اي ياقلبي بالمواقف مع اختي تعال انطرك ممم رفيجك معاك
لا ما اتفقنا جذي
أحمد: خو ماتسوى انزله وارد اييج وانا كلها بعطيج الهدية وارد
جنان :اوكي
ابرار تكفين شكو رفيجه معاه اذا كل واحد بيحاجيج ييب رفجيه لا بالله على يوم بيطلع رفيج واحد منهم اخوج نواف
هههههههههههههههههههههه
وعاد تعالي فججي حزتها << غصيت بضحكتي يومها
جنان : جب تكفين لا تقبسين اخوج شعرفه بهذول عيال جخ ياحظي
صفطت سيارته امبيه بنتلي لونها سلفر على بنفسجي على تركواز الموتر مو صج يثول وربي
نزل اوخ شحلاته جان استحي قام يسولف معاها وانا ووجودي من عدمه لا ولما سلم
علي يسألني بأي صف جب زين
ههههههه عباله ياهل
جان اقولها بنزل بروح عاد جنون قمة النعومة
جنان : اوكي سويتي اي ويت فور يو
<< شفيها بنت بوش الأجلح لووووووووول
ابرار : اي بلي << قلتها بالعراقي مع انه مافينا عرج بس قلت اتطنز كح كح
ياهي خزتني هههههههههههههه
امبيه لو في البيت جان طقتني الا البرستيج عشتو لووووووووول
نزلت من السيارة والا عيني بعيني استاذ بدر المعجب ماغيره
@@ اوخ هذا شيايبه هني لا يكون هذا رفيج رفيج البقرة @@
وي حسرتي وانا مسوية نفسي تكانة وما اكلم يشوف اختي مواعدة
امبيه حدي انثولت لما شافني ابتسم
جان اسوي نفسي ماشفته ونزلت
رحت شريت الجنطة ورديت
وعقب طول الطريج تسولف مع البوي
فرند عشتو وانا مغمضة عيني
احلم فهذاك وي يمه شالصدف
اخيرا راح يعرف انه بنشيل من بيتنا حتى لو اقول حق جنون تنغز حق رفيجه يمكن هذاك يسأل
ردينا البيت لاسوينا بحث ولا هم يحزنون على اساس نوفر الطلعة لباجر
هههههههههه تمديد اقامة لول
الساعة 9 وخمس دقايق بطلنا باب البيت
امي واقفة تصرخانا مو قلتلكم 9 ودقيقة العن الطيب
فيكم اذا ما ييتو انتي يا بلوة هاتي مفتاح السيارة ماكو سيارة
جنان : يمه خو زحمة حتى كلمنا نواف سأليه
امي : نواف ولدي ما يمشي كلامه علي
انا قلت كلمة تنسمع مفهوم !!
هاتي المفتاح اقولج
جنان زين يما والجامعة !!
امي : خل نواف يتصرف معاج مالي شغل
عطتها المفتاح وانا للحين منفهقة بخيالي مع بدر يمه فديت البسمة وي شحلاته
امبيه معقول نتزوج << شكو هههههههههه
بس افكر خو لا حد يقول عني رومانسية او خيالية بس صج صج مواصفاته ولا اروع اهم شي انه جسمه معضل
امبيه يا حلوه حلواه
جنان : انت ياويه الفقر تعالي بقولج
ابرار : ها شتبين
جنان رفيج احمد يقول انه معجب فيج
ابرار : من صجج ماعرفتيه ههههههه هذا المغرم اللي يلحقني كل يوم بالمدرسة
جنان وي @@ حلفي
ابرار اي والله بس ما يت فرصة اقولج بسج رضاع خل نسولف ياشقول اربع
وعشرين ساعة هالهاند فري باذونج
للعمر بقية ..​

 

[SO3AD.Q8]

رد: {حبيب العمر ..~ روايتي الثانية .. cαяless шнispeя [ حــياكم ] !

امبيه مو صج حدي اندمجت كملي حوروووو حبيتج انتي بعد ^_^

 

[music_teacher88]

رد: {حبيب العمر ..~ روايتي الثانية .. cαяless шнispeя [ حــياكم ] !

متااابعيييين

 

[MeeMeeYoo_2]

رد: {حبيب العمر ..~ روايتي الثانية .. cαяless шнispeя [ حــياكم ] !

يعطيج العافيه

 

[الحـور ! ~]

رد: {حبيب العمر ..~ روايتي الثانية .. cαяless шнispeя [ حــياكم ] !

الله يعافــيكم
والحــين بنزل بـارت ..
وبعد جم سـاعـة بـارت ثـاني

 

[الحـور ! ~]

رد: {حبيب العمر ..~ روايتي الثانية .. cαяless шнispeя [ حــياكم ] !

جنان : شرايج اعرفج عليه ؟
بروي : لا يمعودة يعني انا ماعندي هالسوالف قوليله اني تكانة ابيه يخطبني مابي رفيج انا
جنان : ياربي متى تتحررون من فكرة الزواج وبعدين خذاج شنو بيصير ياثولة ماغير يقعدج ويتمقل فيج
وييبله 16 ياهل يشيبونج انتي وياه وما امداكم عشتو عمركم نصيحة حاجيه وتعرفو على بعض احلى مرحلة هذي
بروي : مممم شوفي انتي عطيه رقمي بس قولي اني ما دري
جنون : خوماشلون مكشوفة خو
بروي : عيل مابي خو مابيه خلاص خلاص واذا حاجاني بزفه !
جنون : نو بليز مالنا خلق بروبلمز ولين انتي صج ياهل خمدي اهوووو

خلص الويك اند ويه اليوم اللي بروح فيه المدرسة واخيرا بشوف الولهان لووووووول
طلعت مبجر انطر الباص ممم ويننه @@ مممم تهقون زعل !
اف اف مو وقته مابقا شي بنرووح بيتنا اليديد
ادور بين السيارات مالقيت سيارته
من التفكير وايد سرحت بالحصة وكتبت اسمه على الدرج لما زفتني ابلة العربي
ابلة محاسن : انتي يابت يا ابرار ركزي معايا انا كنت بؤوول ايه
ابرار : ابلة شوي تعبانة ماعليه باجر اركز
ضحكو البنات خو يدرون لوووووووول
ابلة محاسن : برا يا ابرار لما تعرفي تركزي تخشي الحصة
ابرار : اي صبر انا اقولج والله بطني يعورني ماشفته اليوم
ابلة محاسن : مين ده @@
ابرار : الحارس ههههههه يرحم امج ابلة خل باجر ارد مافيني شي تحمليني اليوم
ابلة محاسن : التعليم باز من شويا ايه ده مافيش احترام للأستاذة ابدا
ابرار : بصوت واطي تكفين لا يطيح نصج لووووول
ابلة محاسن : بكرة حطلب ولي امرك يا طالبة يا محترمة
ابرار : حلفي اخاف بس
ابلة محاسن : بتقولي ايه @@
ابرار : اقول ماكو شي ابلة الله كريم :/
طق الجرس وانا للحين افكر فيه يتراولي هالسنة ماراح تعدي على خير
بسبته ويني وين الدروس وانا عقلي وقلبي معاه
مرت اربع ايام وانا مادري عنه وحنون ماتييب طاري !
صار الويك اند الحين يارب شيصبرني يومين بعد على شوفته وي شدعوة بيي اهو السبت
دق تلفون البيت ركضت عليه : الو هلا مريم
مريم : ها بشري دق ؟؟
ابرار : لا للحين
مريم زين سمعي اخذي رقمه ودقي
ابرار : جب جب جب ما اسويها ماقط ويهي عليه لو شنو ميتة عليه
مريم: زين تدرين شلون لا تروحين تداومين الأحد
ابرار : وثول شدراه اني داومت اولا خل ايي اول بعدين اتغلى هههههههههه
مريم : سمعي اخوج اي مدرسة
ابرار : حمني بمتوسطة جابر الاحمد اللي بمنطقتنا
مريم : تهقين اهو بعد بالجابرية ؟
ابرار : قصدج وين ساكن ؟
مريم : اي اي
ابرار : والله مادري شكله من شباب الضاحية هههههههه
مريم : جب زين شدعوة شباب الضاحية ماركة مسجلة خو الذرب ذرب لو وين ساكن
ابرار : زين مريوم تكفين بنساه شوي تعالي نقز باجر فيني قزززز مو صج
مريم: مادري والله انا داقة اقولج تعالي نروح المسيلة
ابرار : لا وع لاعت عفية تعالي خنروح الافينيوس
مريم : شنسوي @@
ابرار : ننقف يعني شنسوي نتمشى حالنا حال الاوادم انا عازمتج نواف معطيني فلوس ماصرفتهم
قولي حق ابوج عفية ماراح يقول شي يدري ابوي ما يخلينا على راحتنا واربع وعشرين ساعة بدوانيتنا خو
مريم : اوكي صار يلا برب الحين بروح ادق على البنات
ابرار : شكو شكو اذا غيرج ماني طالعة مابي احد معانا مو حلوة الطلعة تصير شنو ماتبين اقولج اخبار نوافووو
مريم : مو عشان احب اخوج تتحكمين يا شقول
ابرار : مايفيدج وثول مادري شتحبين فيه كا حاجيتيه وعلى قولتج اغلب الوقت يشرب زحير
مريم :ابيه لو مايبيني انتي شحارج
ابرار : خلاص باجر انا وانتي انتهى
مريم : اوكيك


رحت اقول حق امي دقت مريوم واتفقنا وافقت ماما على اساس اني دارسة ومخلصة كل شي
طبعا لا درست ولا هم يحزنون
دش نواف وهو مو مضبوط شكله سكران
امي دششته الغرفة عشان ابوي لا يشوفه ويطرده
ميته اعرف نواف ليش يشرب لما عرفت هالشي سألت امي
امي تقول الصحبة الفاسدة وكل مرة يبجيي
قول ما اعيدها مع انه قبل وايد تكانة ومتفوق بدراسته بس من حب وحدة بفريجنا واهو منعفس

يت شروق يا حلوها ماعمرها تدش بيتنا الا واهي يايبه لنا كيك وحلويات
وايد كانت توله علينا ريلها ما يخليها تطلع كله مجابلة بيتها فديتها وكاهي
الحين حامل الله يقومها بالسلامة ما يثبت لها من عقب ولدها احمد مع انها دشت الأربعين وفي
خطورة الا انها ميتى على اخو حق احمدوو
احبها بس استحي منها احسها كبرت على سوالفنا انا وجنون اقرب على بعض منها اهي
صارلها 22سنة متزوجة من عمرها
تعشينا ويه ريلها وسولفنا وماعلينا شر الا نواف واحمد ولد شروق
ماكان موجود طبعا انا وحمني كله بوز فبوز ما نشتهي بعض
بس هاليومين حبيته ابي اعرف اخبار الاستاذ بدر ياني فديته شحلاته



نادتني جنون واشرلها طسي مالي خلق سخافات عبالي بتملق على مخي
تقولي تعالي شوفي اوراقج شققتهم حفيدة ام عزوز الغبية شوق
دشيت الدار ركض جنان : لحقي بدر مسوي حادث وانتي يا حظي ما تدرين @@
ابرار : وي حسرتي حلفي عسى مافيه شي
جنان :مادري احمدوو يقول
ابرار : دقي على احمد الحين
جنان شتبين شكو شكو تحاجين احمد @@
ابرار: تكفين
جنان هاج
ابرار : الو اخوي صج استاذ بدر تعبان
احمد : منو انتي ؟
ابرار :أنا ابرار اخت جنون
احمد : هلا هلا ابرار منو استاذ بدر ؟
ابرار :رفيجك امبيه يلا عاد
احمد : قصدج ولد خالتي ؟
انا هني تخسبقت جان اسكت
احمد : صبرصبرهاج حاجيه
بدر وصوته وايد تعبان : الو
ابرار حدي صرت نسخة حليمة لوووووول وشوية رجفت : الوو
بدر : ياحلو صوتج لو ادري جان من زمان دعمت
امي نادتني جان اصك التلفون بويهه
حتى اني مادري شسويت ثوالة وربي هههههههههههه


للعمر بقية ..​

​

 

[Ya7aLaTi]

رد: {حبيب العمر ..~ روايتي الثانية .. cαяless шнispeя [ حــياكم ] !

بعد عمري مشكوووووره على نقل القصه... لأن صج تعلقنا هناك بالموضوع الثاني ونسينا البدايه لوووووول

كملي فديتج متابعين :ggdw:... والله يوفقج بدراستج إن شاء الله وتطلعين الأولى ياااا رب..

 

[MeeMeeYoo_2]

رد: {حبيب العمر ..~ روايتي الثانية .. cαяless шнispeя [ حــياكم ] !

يسلمووووووووووووو

 

[الحـور ! ~]

رد: {حبيب العمر ..~ روايتي الثانية .. cαяless шнispeя [ حــياكم ] !

وهـذا البارت الثاني ..
كل يوم بمشي معاكم بارتـين ،، لين اوصل مع فااتي

رديت على امي وما رديت
تحاجيني وكأني و معاها
ام عبدالعزيز : شالزين شالزين ابرارووو احسج صرتي مرة
ابرار : فكينا خالتي تكفين مابي اتزوج
امي : منو بياخذج انتي والله يا ام عزوز ما شفت بنت مثلها تحب السوق
وكملو قرقتهم وانا اهز راسي وعقلي معاه
ياربي ودي يرد الوقت شوية بس واقوله ولهت عليك بدال صكة التلفون الغبية
ياربي شنو يقول عني الحين !
حمني : يما ابراروو عينها حارة
ام عزيز : لا يحوشك
امي : استح عيب تقول جذي على اختك
ابرار : جب يا غبي وبعدين انت على شنو بحسدك
حمني : استاذ بدر اخو رفيجتج اللي ذاك اليوم تقولين شحلاته يقولون مسوي حادث
جنان يرتني لأني بغيت امشع شعره السخيف
ام احمد (شروق )أناديها يماا لأنها وايد فرق بيني وبينها بالعمر فوق العشر سنوات
ياحلوها كله تسولف معاي جني ياهل
وكل ما تزورنا تدش غرفة نومي معاها اغراض مدرسة حقي
<< غصب يحببوني بالمدرسة لووول
وحمني ما يفارقها واذا بنطفره نقوله دلوع شرقوو
ماعلينا والا تقولي ام احمد شرقو انها بتتكلف بأغراض المدرسة لي حق هالسنة عشان اشد حيلي
مابقا الا رابعة ثانوي واتخرج
حبيت راسها وطلبت منها فلوس مرة وحدة ههههههههه
امي : استحي على ويهج بروي شرقو عندها بيتها والتزاماتها
ابرار : يما تكفين خو مو من مخباتج شروق
بتعطيني والا لأ عادي خو لا تجاملين يكفيني 80
امي : برور والله مافيني شده اطقج شكبرج صرتي خو متى تعقلين
امي : حلفي يما جان قدرتي على نيوف كله اربع وعشرين ساعة شربان وع سمعتنا صارت تفشل
وانتي ماغير تدارينه وتخشينه عن ابوي
شروق : يما صج اللي اسمعه @@
يما ريلي اذا درا شنو بيقول عنكم
تكفين يما ادبيه امبيه شنو هذا شلون تنقبل صلاتكم انتو
ام عزوز : والله انا قلتلج يا ام نواف انه ولدج مسحور
ابرار : علميها تكفين جنه اللي يابه ماياب غيره
امي : ابرار بس بس
اشتد الكلام بيني وبين امي اقنعها انه سكوتها غلط وبفس الوقت ابيها تتحرك واشيش شروق عليها !
قلت يمكن انا وجنان وشروق وخالتنا ام عزوز نأثر فيها طلعت عسكية علينا !!
امي ارتفع ضغطها !!
صار بليل مشت اختي ومشت ام عزووز الملقوفة وحفيدتها الدعلة
صار وقت نومي جنون ماسكة التلفون تمثل دور حليمة وانا اكل بعمري
وكل ما اسألها عنه تقول شدراني بعصبية وانا نوعي ماحب احد يدقرني
غفيت وانا احلم فيه قعدت على صوت الغالية تقول مريم برا ناطرتج يلا قومي ماتبين تروحين المسيلة يا يما
قمت اركض طايرة ابي مريوم ياني ميمعتلها سوالف
طلعنا قزينا لين طاح حظنا تغدينا وردينا البيت قطتني البيت والا اكو اسعاف !!
مريم : لحقي برور لا يكون ام عزوز ماتت !!
ابرار : كاااااااااك هذي صباح تموت قبلها ههههههههههه
مر ابوي يأشرلي بيده دشي داخل ومع الاسعاف بالنقالة واحد امبيه شكله ميت الله يرحمه
مغطين ويه المريض
صوت حمني لحقووو امي طاحت مادري شفيها
انا اذا اخترعت تسمرت بمكاني !!
دشيت البيت @@
ياويلي امي ماتت !!
نواف يصيح وانا وجنان مانبيهم ياخذونها
سبب الموت : ارتفاع ضغط الدم حاد ادى الى الموت ..
وكأن الكون وقف يومها
ذهول وبكاء رهيب وعزا وناس تصبر فينا ويمسحون على راسنا
عبدالرحمن تعب حيل
ابوي مانام بغرفته !! من يومها
انا صمتي بيقتلني !
حتى انه بدر كلم جنان
تقوله مو قادرة تتكلم ! ابرار للحين مصدومة
كان يبي يعزيني
تعزوني باغلى ناسي !!
فديتها ما امداها استانست لا في البيت اليديد ولا في حمال اختي شروق !
مابقا شي نروح بيتنا اليديد فرصة يتغير الجو عندنا !!
البيت كان حده كئيب
مرت الايام ومانسينا كل شي في البيت يذكرنا بالغالية
مر شهر اكتمل تأثيث بيتنا اليديد ابوي قدم على تقاعد ورحنا عمرة
وننوي نكمل حياة يديدة ترتاح روح المرحومة بقبرها وما تحاتينا
حتى ام عزوز فديتها حبيتها لأنها رفيجة امي وحيل حنونة
مستواي الدراسي قل وايد يوم اغيب ويوم يتلوني غصب وعشرة بالمستشفى !
ابوي وقف قيدي سنة عشان تتعدل نفسيتي واقدر اكمل السنة الياية
جنان كان الامر مو عادي عليها لكن تأقلمت عليه لأنها شايلة البيت
نواف تدين !! والتزم !! اهم شي انه ماقام يسكر!
حمني شد حيله بالدراسة يقول امي كانت تبيني دكتور وفديته بيحقق مناها
شروق كل يوم تيي تطبخ لنا !! وتروح وترد ماقصرت
رحنا بيتنا اليديد وكان لكل واحد غرفة مثل ما حلمنا
ابوي جانح كامل بس حسافة مظلم !!
حتى الاثاث اللي اختارته امي كان بدون لون لغيابها !!
ابوي صار امي وابوي مع بعض قام يطبخ ويجابل البيت ويدرس حتى ربعه ماقام يروح معاهم
انا تميت اربع شهور ما اتكلم من الصدمة رافضة فكرة عدم وجود الغالية في البيت
انا اصلا حتى البيت كارهته
للعمر بقية .. ​

 

[SO3AD.Q8]

رد: {حبيب العمر ..~ روايتي الثانية .. cαяless шнispeя [ حــياكم ] !

عاااااااااااااااااااااااااااااااااااااااااااااشت والله حوريتييي

 

[MeeMeeYoo_2]

رد: {حبيب العمر ..~ روايتي الثانية .. cαяless шнispeя [ حــياكم ] !

يعطيج العافيه

 

[الحـور ! ~]

رد: {حبيب العمر ..~ روايتي الثانية .. cαяless шнispeя [ حــياكم ] !

Ya7aLaTi
العفوو حبيبتـي حـياااج ،،
وكاني حطيــت بــارت
وفديتج مشكورة ع الدعوة تسلميين ..​

 

[الحـور ! ~]

رد: {حبيب العمر ..~ روايتي الثانية .. cαяless шнispeя [ حــياكم ] !

عاشت ايامج الحلوة سعـاد
يعافيج ربي MeeMeeYoo_2
يلا بنــااات ناموا الحين وريحـوا ;**
ونلتقـي بـاجر إذا الله احيانا ​

 

[MeeMeeYoo_2]

رد: {حبيب العمر ..~ روايتي الثانية .. cαяless шнispeя [ حــياكم ] !

الوووووووووووووو

 

[الحـور ! ~]

رد: {حبيب العمر ..~ روايتي الثانية .. cαяless шнispeя [ حــياكم ] !

ســوري بنــات ع التـأخيــر :**




سنة كاملة مضت وابوي رجع يطلع وتعلمنا نطبخ انا وجنون لأن شروق
ماتشتغل عندنا هم لها بيتها !!
ورجعت الحياة روتينها ..
وانا نطقت ماكنت ابد اتخيل اني بعيش
دقيقة بدون امي
الحين عادي اروح وارد مع رفيجاتي لكن ماعدت ذيك الشخصية الفرفوشة !
جنون للحينها تكلم احمد بس فرند ما حتى مهتمة تكون علاقتهم اكبر!
ماكان يسأل عني بدر او يمكن كان يسأل بس اهي ماكانت تقول
لأن في يوم نقدتها على عمرها
امي ميتة وتبيني اكلم واحد لا راح ولا رد
قال شنو قال يعزيني
مابقا شي على المدرسة
ابوي رتب اوراقنا انه نداوم بمدرستي اليديدة بالقرين
وكانت قريبة صوب البيت مو لازم
اروح بمواصلات
يعني بينا وبينها شارعين يعني مايبيلها
ما اقولكم انه ما كان يطري على بالي
بس للأمانة الظروف كانت اقوى
في اول يوم دراسي كانت امنا تجهز
ملابسنا والخدامة معاها بالمطبخ
الحين الخدامة وانا وجنون
وحدة تكوي وحدة تمشط
وحدة تزهب ريوق حق حمني وابوي ونواف
كنت حدي متنرفزة اول يوم خصوصا اني ماعرف احد بالمدرسة
نواف : برور شدي حيلج ياقلبي
هانت مابقا شي وانا اخوج
برور : زين
بابا : لايبا نبي تروحين وانتي مبتسمة
ابرار اي يبا خو قلت انزين
حمني : يبا العام مصروفي نص دينار
الحين انا اولى ثانوي زودنا خو
جنان : جب استح كافي مصاريفكم قدر شوي
بابا : هاك يبا بس ماوعدك كل يوم
اليوم اول يوم مدرسة استانس وشد حيلك وابيك متفوق نفس العام
جنان : يبا لا تدلعه
خشيت ويهي وانا اقول كااااااااااك
حمني : يبا شوف برور
ابرار : جب جب ماسويت شي
حمني اصلا انتي والهندية واحد بيخلونج تروحين مشي كااااااااااك
ابرار : شدعوة هامني عادي خو
يكفي اني اقدر ظروفنا
نواف : منو قال بتروحين مشي @@
جنان : انا اذا عندي محاضرة مبجر بقطها بطريجي وحمني باص وبعدين مو من بعدها يا نواف
بابا : اللي تبيه ابرار نسويه شرايج يبا ؟
ابرار : بروح مشي مع الخدامة
بابا : خلص خلوها تروح
نواف : يبا يتحرشون فيها يعني عادي
بابا : منو قاعد الصبح يا نواف
ابرار : البنت المحترمة تعرف تتصرف
والا مو واثق فيني
نواف : اوخ ليش ليش نكبر السالفة يبا انا بغيت بس اريحج على راحتج حبوبة
خلصنا ريوقنا طلعت انا كارينا خدامتنا
مشيت للمدرسة وانا داشة حاجيتها اوصيها لا تروح مني مناك
والاالمح سيارة الغالي
فز قلبي والله
سلمت على كوكة ودخلت المدرسة
وانا حدي منفهقة في
اللي شفته فديته للحين معضل لووووووووول
اول يوم دراسي دايم يحوشني مغص مادري شكبري صرت وانا للحين اخاف
من اول يوم مدرسة هههههههههه
كالعادة القصار جدام والطوال ورا
وكالعادة همن انا جدام عادتا شسوي بعد مالله رزقني الطول لوووووووووول
خلص الدوام وانا افكر
فيه طلعت رادة البيت
وشفته وقف سيارته
بدر : ابرار اوصلج ؟
انا ماشية ولا ارد
بدر :ابرار ارجوج عطيني فرصة
ابي اكلمج
ابرار : مابي احاجي احد وخر مناك
بدر : بس ابيج تعرفين اني معجب فيج وخاطري فيج
ابرار : الله يرحم والدينك لا تحرجني اكثر
بدر: والله اليوم ما داومت عشان اييج هالحزة تكفين هاج دقي
مديت ايدي عبالي رقمه عطاني
جهاز ومشى
رديت البيت وانا اضحك على شكلي لووووووووول
امبيه احبه !!



للعمر بقية ..~ ​