جماااانة
**مشرفة قسم الموبايل&المواضيع العامه**
أهلاً هلا بالي معي دايم الدوم
لو هو بعيد الدار بالقلب له طيف
اسمه يداعب خافقي في حلا النوم
وأفز له طولي من الشوق واقيف
فرحٍ بشوف الي مع الناس معدوم
ماله وصيف وكامل بالتواصيف
لو قلت كامل وصف مانيب مليوم
ولا حدٍ يلوم اهل القلوب المواليف
.gif)
كتبت اسمك وطرزته خفوقين وسهم وحروف
وكتمت السر في صدري غرام طالت سنينه
وإذا غرك هوى نفسك تصبّر وانتظر وتشوف
من اللي ياصل العليا ومن اللي تقصر يدينه
واذا قصدك تهددني تراك اسديت لي معروف
طريقٍ كنت ماحبه وقلت اليوم يازينه
دخيلك حل عن دربي ووفر لعبك المكشوف
ترى روحتك عن دربي وربي ماهي بشينه
مشتــاق لك والله يازين مشتــاق
وتشهد على ماأقول دمعات عيني
مسكين قلبي تحرقه نار الأشواق
تلعبــه همومــه شمــال ويميني
نار الموده تحرق الخافق إحراق
في كل لحظه والقبر يحتريني
قلبي رهيف تجرحه كلمة إفراق
لاغبــت كل الكــون مايحتويني
مالاق لي غيرك من الناس مالاق
ولضحكتك تضحك دقايق سنيني
أنا لشوفك دايم الدوم أشتـــاق
مدري متى تلمس إيديك إيديني..
حبيبي ايه ماتدري وشـ اللي داخلي مكنـون ؟!
جيوش أشواق مع لهفه خفيته فـي شرايينـي
خفيته خوف لا تعلم حبيبك فـ الهـوى مجنـون
تصدق صرت اهذريبك ما غير إسمك يحاكيني !
اسمك على لوح العمر صار منحوت
حبر العذاب اللي لجا باغترابك
صابر واشوف العمر من عمري يفوت
واسأل واقول الوقت وينه غدابك
تفضحني الدمعه كما عالي الصوت
لا همت في كونٍ به الوجد جابك
بعدك عذاب ويحرق القلب بسكوت
ارجي عسى يمطر عليه سحابك
في غيبتك صار العمر كنه الموت
ياليت تدري وش عمل بي غيابك
يهـز الشوق بـ أعماقي عناقيد الغرام عذوق
ويقطف بـ الغلا فيني غرامن خنت وأخفيته
أحبك كثر ما يشعل غرامك في حشاي حروق
وشبه زود لو يحرق ضلوعي مت ما اطفيته
احبك دمعه طاحت على خد الصباح شروق
يموت النور لو طاحت على كفي وضميته
أحبك .. ايه .. أحب اسمك وأموت بجيدك المنتوق
وتخيل كثر ما أكرهـ صدودك قمت حبيته
مــــع حــبي
.gif)
.gif)
.png)
