حبيبات قلبي اللي عندها اي سؤال بخصوص مشكله تخص شعرها تدش وباذن الله بجاوب على سؤالها

[sverige]

والله كريم الله وحده الشافي المعافي ولازم كل وحده تيقن بهالشي قبل اي علاج

امين يارب الله يشفيج ويشفي مرضى المسلمين

وووول ترا انا قرقه بس والله ونيسه وسوالفي حلوه هههه

صحيح والله حبيت سوالفج ههه
عندي سؤال وهو زيت النخيل مفيد للشعر؟؟؟ وبايش؟؟؟

 

[miss swan]

مشكلتي صابغه شعري اشقر واخاف من الزيوت
الحين صارلي 6 اشهر وشعري حده تعبان مقصف بشكل موطبيعي وصاير خشبه وشله اخف بوايد من اول
ابي زيوت ماتغير لون شعري
استخدمت زيت السمسم بس مومثل دابر املا والبرشوت
ابي خلطات وزيوت​

 

[اسيره.الظلام]

حبيبتى مشكوره على الموضوع الرائع انا اعانى مشكله نم تساقط شعري بصوره غير طبيعيه وبنفس الوقت قشره وحبوب بفروه راسي واحسه صاير خشن وخفيف والله لما اربطه عنقوص قلبي يبجى عليه وين كان وين صار خف الريشه وماله روحه ولا حياه علما بان شعري كان مثل العبايه وسواد الليل وكثافه ولمعان والله ما تهنيت فيه من يوم وانا صغيره صابته عين وما شاف النور رحت كل مكان وماكو فايده حطيت حنا وزيوت وثوم وكل شى وانبولات وابرررررر اخذت كورس وحمام زيت وكل شى والله ما خليت شى وهم ماشفت تحسن ابدا اتمنى انج تفيدينى ولج جزيل الشكر

 

[لعبة ايام]

حبيبتي انا اعاني تساقط بشكل رهيب

وكمان شعري دهني معنه ملمسه خشن ! ماعرف ايش اسويله ؟

 

[doudou2009]

اختي أنا شعري الحين صارلو سنه بيتساقط يعني بعد الولادة بثلاث شهور ولليوم موراضي يوقف خلال السنه جربت جميع الامبولات والوصفات ماكو فائدة والفيتامينات بدون فائدة تعبت والفراغات بانت بعد ماكان شعري ثقيلللللللللللل وطويل كل يوم اقص اقول عشان مااشوفه بيتساقط بطوله بنقهر وعلي فكرة تحاليلي كلها سليمه وماعندي فقر دم ياريت تساعديني ووقفت الرضاعة من ثلاث شهور وماباخذ موانع حمل الحين بس فيتامينات

حلو شوفي حبيبتي اهم شي وخري عن المانع دام ولله الحمد تحاليلج سليمه ومافيها شي واكلج عدل ومو ناقصج فيتامينات عيل اخذي فيتامين برايورين ان هاذا مكمل عذائي بس واااااااايد زين للتساقط لانه يقوي الشعره نفسها واذا وقف التساقط طبيعي شعرج بينبت بس ها تاخذينا 3 مرات باليوم لمده 6 شهووووووور موتقولين مابي وما التزم من كلامج انتي ضيعتي سنه تجارب استغلي فرصه الست اشهر كامله وشوفي النتايج وانصحج بالحنه والمحلب معاهم بيضه واالزيت اللي ترتاحين له بس اذا شعرج دهني استغني عن الزيت وبفتره الست اشهر وخري عن السشوار والسترستر واستخدمي شامبو وتونيك كامينوموتو الفضي مرتين باليوم لمده ثلاث اشهر هاذا للتنبيت والذهبي عقبه هم ثلاث اشهر مرتين باليوم والذهبي راح يسرعلج نمو الشعر اللي ان شاء الله بينبت بس شوفي ست شهوووووووووووووووووووور مو اقل وشربي مو اقل من ثمان كواب ماي باليوم تدرين ليش عشان الماي في اكسجسن والاكسجين يمشي بالدم بالتالي لما تاخذين فيتامينات راح توصل بدمج اسرع حق الراس وي سؤال لايردج الا كيبوردج ونسيت اقولج جيكي تحاليل هرمونات وجي لانه الهرمونات لها علاج ثاني وماتشوفين شر حبيبتي ووخري عن الشاور بماي حار واستبدليه بماي بارد عشان يسكر المسام

 

[بنت اوسكو]

حبيبتي ذبحني التقصف من قمة راسي ابي حل والتساقط طبعا
انا صارلي شهرين استخدم امبولات وشامبو haircur عاجبيني وبستمر عليه وقاعده اخذ حبوب فيتامين فيفسكال ما حبيتهم واايد لان جربت بيوررين أحس احسن منهم وبرجع لهم

المهم أبي حل للتقصف لاااااعت جبدي

 

[بـوبـو]

الله يعطيج العافيه حياتي يبتيها على الجرح

قلبي انا كان شعري اينن والكل يسولف عنه بس من 3 سنين صار فيني فقر دم والله لا يوريج شكثر يطيح الحين والله كل ما اتسبح ابجي عليه كثر ما يطيح
يااريت تساعديني والي تعرف ولي يخليكم لا تبخل علي

 

[doudou2009]

ودي شعري يطول ابغى شي يطول الشعر
وشي ينعمه

منوره يالغلا عاد انتي حياتي حلج سهل اذا تبين فايتمنز تساعدج وتقوي صحتج ومفيده للشعر عندج الاوميغا 3 ب س مو اي نوع اخذي سفن سيز الازرق اللي مكتوب عليه بلس هاذا مو مغشوش حبتين باليوم واذا شعرج نوعيته جافه عليج بزيت اللوز الحلو زيت السمسم للتنعيم والتطويل شي وبيوتيوب وااااايد هنديات عايشين بامريكا يستخدمونه وشعورهم ماشاءالله اما اذا شعرج دهني وخري عن الزيوت واستخدمي كمينوموتو الذهبي مسرع النمو هاذا البنات يقولون يكول شبر بشهر شوفي التجارب مالت البنات بقوقل بس هااااا مو تهدينه مره وحده عشان لا يحت شعرج يعني اول شهر يوميا ثاني شهر يوم وترك ثالث شهر كل يومين مره لما يصير مره بالاسبوووع والله يطول شعرج يااااااب:yaaaaaarb:*

 

[doudou2009]

شكراااااا للمعلومات المفيييييييييده​

العفووووووووووووووو حياتي

 

[doudou2009]

حبيبتي الله يشافيج وابببببببببببببببببببببببب لعيونج دووووودووووو

حياااااتي انتي الله يشافي الجميع يارب
رفع الله مقداااارج*

 

[تحرير @]

قلبو انا شعري خفيف ومجعد وباهت لونه شنو اسوي

 

[doudou2009]

ابي خلطات وفايتمينات مجربه لتكثيف الشعر

ويعطيج العافيه ع هالمجهود

من ناحيه الخلكات عندج السدر والحنه والجرجير والصبار هذيل ينبتون ويكثفووووون واتحدى اللي تقول غير هالحجي تقدرين تحطين السدر مع الحنه او السدر وماي الجرجير او الصبار بروحه او الصبار وجرجير بكلا الجالات بيكف انشاء الله بس هاا مو بيوم وليله اقل شي ست شهور عشان دوره الشعر وعالفيتامينات ماكو على هيرفت هاذي مخصصه بس للشعر اخذيها قبل النوم مع كوب حليب لمده 3 شهور وريحي شهر تالي 3 شهور ثانيه وماقلتيلي حبيبتي اذا عندج تساقط ولالا واذا حابه شامبو حلو عندج سلفكرين بالحنه ودج تاكلينه ريحته عذااااااااااااب الصراحه وخففي بماي قبل الاستخدام واخذي شور داما بماي بارد هالشي يسمك الشعره ومايضعفها واتمنى حبيبتي اني اكون فدتج وبالنسبه للتونيكات والشامبوات الطبيه هاذا اذا كان تساقطج قوي اما اذا ماعندج مشكله سوي اللي قلتلج عليه الفايتمنز مع الخلطات يومين بالاسبوع وانصحج بالاسبوع سوي يوم حطب في حنه مع سدر وعقبه بثلاث ايام سوي الصبار مع ماي الجرجير واذا مالج خلق عباله هالخلطه سويلها اشتراك بصالون ترا مو خساره فيها وكافي انها طبيعيه

 

[doudou2009]

امين يارب الله يشفيج ويشفي مرضى المسلمين



صحيح والله حبيت سوالفج ههه
عندي سؤال وهو زيت النخيل مفيد للشعر؟؟؟ وبايش؟؟؟

امييييييييييييييييين ياااااااارب :yaaaaaarb:
ههههههههههههه حبيبتي انتي والله القرقه احبها عشان اوصل معلومه مفيده كامله والكل يستفيد وبالنسبه لزيت النخيل للامانه ماعرفه بس يمكن يكون له اسم ثاني متداول بس انتي تبينه حق شنو بالضبط يمكن اقدر افيدج ؟

 

[NANA~]

حيآآآتي فديتج ..

انا شعري خفيف و أبي أكثفه أبيه يصير كثيييف و صحي :eh_s(15):

إذا عندج حل ياليت تفيديني .. :eh_s(9):

والله يوفقج يا رب و تسلمين على مساعده البنات :eh_s(7):

 

[doudou2009]

حبيبتى مشكوره على الموضوع الرائع انا اعانى مشكله نم تساقط شعري بصوره غير طبيعيه وبنفس الوقت قشره وحبوب بفروه راسي واحسه صاير خشن وخفيف والله لما اربطه عنقوص قلبي يبجى عليه وين كان وين صار خف الريشه وماله روحه ولا حياه علما بان شعري كان مثل العبايه وسواد الليل وكثافه ولمعان والله ما تهنيت فيه من يوم وانا صغيره صابته عين وما شاف النور رحت كل مكان وماكو فايده حطيت حنا وزيوت وثوم وكل شى وانبولات وابرررررر اخذت كورس وحمام زيت وكل شى والله ما خليت شى وهم ماشفت تحسن ابدا اتمنى انج تفيدينى ولج جزيل الشكر

امبييييييه اسيره والله جنج اتحجين عني انزين سمعي حبيبتي انشاءالله بتلاقين الدوا عندي بس شوفي ترا اسباب التساقط واااايد واحيانا ماتطري عالبال ولا عالخاطر انتي الحين بالنسبه للدهون والقشره والحبوب استخدمي فيتشي الاخضر مع الامبولات مالته هذييييييل بيقضون على مشكله فطريات الشعر طبعا الامبولات اللي علبتها حمره واخذي حبوب هيرفت قبل النوم مع كوب حليب وشربي ماي واااايد مو اقل من ثمان اكواب باليوم عشان الفايتمنز توصل حق راسج وانا اتوقع والله اعلم انه سبب التساقط الرهيب دهون الراس اذا راحت ان شاء الله بيخف التساقط بس هاااا مو اقل من 6 شهووووووور عشان النتيجه تبين يعني الامبولات اول شهر يوميااااااا وثاني شهر يوم وترك والشهر اللي عقبه كل يومين جذذذذذذذذي لما يصير مره بالاسبوع عشان تحافظين عالنتيجه وبالنسبه لموضوع العين الحال من بعضه الواحد يقول حسبي الله ونعم الوكيل بس ارقي نفسج واقري سوره ياسين بنيه الله يرفع عنج ويشفيج ولانسين سوره البقره حتى لو كل ثلاث ايام مره تحميج من كل شي ترا وربج كريم وترا قبل فتره في موضوع عن وحده حاطه رقيه خاصه بالشعر باذن الله اذا لقيتها بحطلج اياها وماتشوفين شر يا عمري

 

[NANA~]

من ناحيه الخلكات عندج السدر والحنه والجرجير والصبار هذيل ينبتون ويكثفووووون واتحدى اللي تقول غير هالحجي تقدرين تحطين السدر مع الحنه او السدر وماي الجرجير او الصبار بروحه او الصبار وجرجير بكلا الجالات بيكف انشاء الله بس هاا مو بيوم وليله اقل شي ست شهور عشان دوره الشعر وعالفيتامينات ماكو على هيرفت هاذي مخصصه بس للشعر اخذيها قبل النوم مع كوب حليب لمده 3 شهور وريحي شهر تالي 3 شهور ثانيه وماقلتيلي حبيبتي اذا عندج تساقط ولالا واذا حابه شامبو حلو عندج سلفكرين بالحنه ودج تاكلينه ريحته عذااااااااااااب الصراحه وخففي بماي قبل الاستخدام واخذي شور داما بماي بارد هالشي يسمك الشعره ومايضعفها واتمنى حبيبتي اني اكون فدتج وبالنسبه للتونيكات والشامبوات الطبيه هاذا اذا كان تساقطج قوي اما اذا ماعندج مشكله سوي اللي قلتلج عليه الفايتمنز مع الخلطات يومين بالاسبوع وانصحج بالاسبوع سوي يوم حطب في حنه مع سدر وعقبه بثلاث ايام سوي الصبار مع ماي الجرجير واذا مالج خلق عباله هالخلطه سويلها اشتراك بصالون ترا مو خساره فيها وكافي انها طبيعيه

حبيبتي شنوو اهوو شور داما << اللي يسمك الشعره

وياليت تدليني وين ينباع واذا أمكن صوره ^^

وشكرا :eh_s(7):

 

[doudou2009]

مشكلتي صابغه شعري اشقر واخاف من الزيوت
الحين صارلي 6 اشهر وشعري حده تعبان مقصف بشكل موطبيعي وصاير خشبه وشله اخف بوايد من اول
ابي زيوت ماتغير لون شعري
استخدمت زيت السمسم بس مومثل دابر املا والبرشوت
ابي خلطات وزيوت​

اهلين حبيبتي شوفي دامج صابغه شعرج واشقر بعد انسي الزيوووت مالج الا تروحين صالون واهما على حسب خبرتهم يحطون لج اللي يناسب شعرج من حمام زيت وكريم وعندج مجموعات كرستاس رهيييييييييييبه للشعر المصبوغ جنج طالعه من صالون وانتي ابيتج انصحج تروحين لصالون الشركه الكويتيه وتسوين اشتراك للشعر بعشرين على ما اتوقع اهو حمام كريم او زيت وريحته تهبل وجنج مسويه تمليس عقبه وخذي منهم كرستاس لا يقصون عليج ويعطونج مليون شغله شامبو وماسك ولو انه الماسك ماله داعي لانح مسويه اشتراك بس خلي لبعدين حلو وايد وسيرم عقب الشور عشان يرطب شعرج ويحمي اللون وعليج بفيتامينات هيرفت قبل النوم مع كوب حليب وشربي ماااااااااي مو اقل من ثمان اكواب باليوم واذا رحتي بشريني بالنايجه وانا متاكده انشاءالله انها بتعجبج واذا اعجبتج ادعيلي حبوبه

 

[doudou2009]

حبيبتي انا اعاني تساقط بشكل رهيب

وكمان شعري دهني معنه ملمسه خشن ! ماعرف ايش اسويله ؟

هلا حياتي اول شي سوي الخلطه هاذي حرفيااااااا حنه ومحلب مطحون وبيضه كامله وزيت سمسم وزيت خروع اصلي وحطيها كل خمس ايام مره اربع ساعات وغسليها بس بماي هالخلطه راح تشيل الدهون من راسج وتنعمه لج وتخلي فيه لمعه ومو اقل من ثلاث اشهر تستخدمينها واخذي هيرفت يوميا قبل النوم مع كوب حليب لمده ثلاث اشهر بعدين ريحي معدتج شهر تالي ردي استخدميهم ثلاث اشهر ثانيه واستخدمي شامبو سلفكرين بالحنا بس خففي بماي اول هالشامبو استخدمه انا وخواتي حلو وخفيف ودايما الشور بماي بارد وشربي ماااااي وايد عشان الفايتمنز بسرعه توصل للشعر سوي مساج لفروة راسج بطريقه دائريه بس مو حيل لا بحنيه على قولتهم واي سؤال ثاني لايردج الا كيبوردج وترا انا ماقلتلج لاتونيكات ولا امبولات لانا من اللي فهمتا انه بس تساقط مافيج الحمدالله لافراغات ولا قشره وحبوب بفروة الراس استمري باللي قلتلج عليه وفالج طيب

 

[doudou2009]

حبيبتي ذبحني التقصف من قمة راسي ابي حل والتساقط طبعا
انا صارلي شهرين استخدم امبولات وشامبو haircur عاجبيني وبستمر عليه وقاعده اخذ حبوب فيتامين فيفسكال ما حبيتهم واايد لان جربت بيوررين أحس احسن منهم وبرجع لهم

المهم أبي حل للتقصف لاااااعت جبدي

الصراحه حبيبتي حلوة عنايتج وما اقدر ازيد عليها شي بس شوفي برايورين اخذيهم ثلاث مرات باليوم ولمده ست اشهر متواصله والامبولات بعد حتى لما تبين تتركينهم تدريجياااااااااااا عشان لا يحت الشعر وبالنسبه للتساقط ياعمري ترا بالنسبه لحالتج من التقصف بتقولين شلون بقولج لانه التقصف يصعد بالشعر لي فوق تالي يطيحه عندي لج حلين اول شي روحي قصي قصه تشييييييييل كل التقصف مثلا مدرجات ولاتقولين لا حرام بقولج بالعكس ابدي فيه اساس صح عشان يصير صحي وشكله التقصف ياج منكثر الشس ار والستريتر عشان جذي اقولج خفي منهم ولي بغيتي تستخدمينهم حطي حمايه قبلهم سبراي عندج تريسيمي اللي جنه مرش اسود وراسه احمر هاذا تحطينه قبل الشسوار او الستريتر حمايه واخذي من لوريال السيذم الوردي يعطي لمعهههههه رهيبه للشعر ومايخلي دهني بس استخدمي نقطه زغيييره والسيرموالسبراي ماينحطون عالجذور نهائيااااا بس اطراف الشعر والحل الثاني والاخير انج تاخذين شور بماي بارد وقبل لاتطلعين مسطي شعرح جنه ذيل حصان وحطي البارد عالاخير وغسلي اطرافج فيه لانه الماي البارد نفس الصمغ يلزق الشعر المتقصف اتمنى اني اكون فدتج

 

[doudou2009]

الله يعطيج العافيه حياتي يبتيها على الجرح

قلبي انا كان شعري اينن والكل يسولف عنه بس من 3 سنين صار فيني فقر دم والله لا يوريج شكثر يطيح الحين والله كل ما اتسبح ابجي عليه كثر ما يطيح
يااريت تساعديني والي تعرف ولي يخليكم لا تبخل علي

تعالي تعالي تعالي انتي انا بذبحج شلون ساكته عن نفسج اصلا لو فيج انيميا مستحييييييل حبوب الدنيا وتونيكاتها وخلطاتها يردون شعرج سمعيني عدل اول شي روحي الصيدليه واخذيلج فيتامين هيرفت قبل النوم مع كوب حليب هاذا للتساقط وتنبيت الشعر مع الوقت واهم شي تاخذين حبوب اسمها ترايهيميك حبوب الحديد الباكستانيه تستمرين عليهم هذيل الاثنين ست شهوووووووور متواصله وحلوب الحديد تاخذينهم عقب ريوق متريقته عدل مدل لانه الحديد لازم معاه اكله ثقيله شوي وماتشربينه مع ماي لا مع عصير برتقال عشلن مفعوله يبين بنتيحه اسرع وترا الحديد ياحلوة بالجسم اهو اللي يوصل الفيتامينات للشعر يعني بدونه شعرج بح واستخدمي كامينوموتو الشامبو والتونيك طبعا اول ثلاث اشهر التونيك الفضي مرتين باليوم وعقب الثلاث اشهر هاذي استخدمي الذهبي عشان يسرع نمو الشعر البي راح ينبت باذن الله وعاد لاتقطعين مره وحده لا لازم تدريجي يعني عقب الست اشهر لما يكونون مرتين خليهم تالي كل يوم وترك لمده شهر وبعدين كل يومين لما يصيييييييييير مره بالاسبوع وشربي ماي وااااااااااايد عشان الفايتمن توصل للشعر اسرع وترا حياتي اذا انتي تبجين على شعرج انا كل خمس دقايق ابجي عليه بس اتعوذ من ابليس واقول الحمدالله على كل حال الله يشفينا يارب ويعافينا وترد شعورنا نفس اول واحسن واي سؤال قوليلي وانا ارد عليج