حبيبات قلبي ... اخيرا إوصلت :)

[om-mubarak]

السلام عليكم ورحمة الله وبركاته

خواتي الحبيبات .. اخيرا اوصلت ترجمة الكتاب the law of attraction

النسخة المترجمة واللي اسمها قانون الجذب .. السر وراء السر بتلاقونها عند جرير .. اتصلو فيني البارحة الخميس عاد انا الله خير ما صدقت على اولي رحت ادعووووووووووم لهم كنت حاجزه نسخ منهم عشان اوزعها على بعض خواتي وصديقاتي اللي اللغة عندهم الله بالخير اشوي

المهم مالكم بالطويله عازه اللي يحب يطلع عليه يقدر يروح جرير من باجر لأن اعتقد النسخ بتخلص والسبه آنا

ايه خواتي لا تنسون اتأسلمون الشي وانتوا اتطبقونه .. يعني تقدرين اتقولين بحول الله وقوته أنا الآن .. او بفضل الله ومنته علي انا اتمتع بكذا ... يعني مثل هالعبارات اللي اتبين وتأكد على ان اتكالج الاول والاخير على الله وحده سبحانه وتعالى


انا كريت اللي عندي كله لأني ما ادخل على كل حزة فالمسامحة حبيبات قلبي


حافظكم الله ...​

 

[أحب بابا جابر]

مشكورة
عسى الله يوفقج

 

[LA TROO7]

حبيبتي مستواة نفس كتاب السر والاغير عنه ؟

 

[نيــلــوفــر]

مشكورة حبوبة ويعطيج الف عافية عالخبر

 

[ام _خلودي]

مشكوره وايد وايد وايد

اول مايقعد ريلى بطيرى

مكتبة جرير

 

[وردة بيتنا]

يزاج الله خير اختي

 

[om-mubarak]

السلام عليكم ورحمة الله وبركاته خواتي حبيباتي

إختى (احب بابا جابر ).. ومن اللي ما يحبه اسأل الله العظيم رب العرش العظيم ان يعفو عنه ويغفر له ويرحمه ويجعل قبره روضة من رياض الجنة اللهم آمييييييييييييييييييين ... حبوبة شوفي رسايلج الخاصة لأني دزيتلج المعلومة البارحة ... ومشكورة يالغالية وعسى الله يوفقج ويسعدج دنيا وآخرة


اختي LA troo7 ... بعيني آنا مستواه واااااااااااااااااااايد احسن ويشرح لج بالتفصيل شنو اتسوين يعني مو كلام عايم روحي اخذيه من جرير ماراح تندمين سعرة اعتقد 2,900 ومشكورة يالغالية على المرور

اختي نيلوفر ..اختي ام خلودي .. اختي وردة بيتنا---> ( ترا دعيتلج من قلبي ) .. العفو حبيبات قلبي ويزاكم الله كل خير ومشكورين على المرور

عموما اخذوا الكتاب باذن الله ماراح تندمون .. والكتاب اصغيرون يعني ما فيه الهذرة اللي على الفاضي لأ بتلاقون اغلب اللي فيه عبارة عن تمارين ما ودي احرق الكتاب روحوا اخذوه قبل لا اخلصه عليكم لأني قاعده اهديه للكل