حبيباتي كل وحده تكتب تخصصها وشنو الصعوبات الي فيه لاني خرييجه ومادري ويين ادخل نوروني

[شوخي93]

السلام عليكم حبيباتي​

الحمدالله تخرجت اليووم 26-6-2011​

ونسبتي 75.8 علمي ولله الحمد :eh_s(2): :eh_s(2): :eh_s(2):​

ومادري ويين ادخل ...​

نورووني الله ينوركم :eh_s(2):​

واحسن تخصص تربيه :rerrerek: من رايي​

ماادري ويين ادخل عفيه ساعدوووني :bbbiu:​

كل مدرسه تكتب تخصصها وشنوو الصعوباات الي فيه ​

وإلي عندهاا رااي ثااني تقوولي بلييز
جعل ربي يوفقكم في دنيتكم واخرتكم :yaaaaaarb:​

نوروني والله احرت شنوو ادخل او اي تخصص​

وابوي يقول دخلي تخصص نادر ......؟؟؟ احسلج​

شرااايكم؟؟؟؟؟؟؟؟؟ :eh_s(10):​

وقولوو تخصصاتكم واراائكم اذا غيير التربيه وييين واذاا تربيه مدرسه شنو بالضبط؟؟؟ :krkrkr::krkrkr:
و
جزاااااكم الله خيييير​

 

[jen2n]

انتي بتروحين تربيه اساسيه والا جامعه الكويت؟

حاليا يقولون التخصص النادر فيزيا وفرنسي

بس انتي شنو ميولج شنو اكثر مقرر تحبينه عشان نساعدج ونقول لج اي كليه تدخلين

لان حتى كليه العلوم اللي يتخرجون منها يصيرون مدرسات بعد

انا كنت ادبي ودخلت كليه الاداب تخصص فلسفه واقبلوني تدريس الحين بس قاعده اسوي اجراءات التعيين

 

[شوخي93]

ربي يووفقج حبيبتي jen2n والله انا علمي

عادي انا ماتفرق عندي اذا جامعه او تربيه اساسيه او جامعه خااصه

واهلي يقولولي دخلي تخصص نادر عشان ماتتعبين وقت التعين تكونين مطلووبه

والصراحه انا افضل تربيه اساسيه حلووه ومو خلط بس بنات

والله انا ودي ادخل (( اخصائيه اجتماعيه او نفسيه )) ودي ادخل تخصص احلل شخصيات الي جداامي

عطووني اراائكم ربي يووفقكم
​

 

[jen2n]

اجمعين يارب

اذا دخلتي تربيه اساسيه مافي ترا عندهم تخصصات نادره

قبل جم سنه التخصص النادر العربي والانجليزي بس الوزير اليديد غيره الى فيزيا وفرنسي

وهالشي لازم ببالجامعه كليه التربيه لان اساسيه ما عندهم فيزيا وفرنسي

اما كون ميولج اخصائيه اجتماعيه او نفسيه فبأمكانج تدخلين كليه العلوم الاجتماعيه تخصص علم نفس

 

[ذكريات عشاق]

الف ممبروك
اهم شي انتي شنو ميولج وشنو حابة تدرسين لان التخصص اذا ماكنتي تحبينه ماراح تمشين فيه
فلازم انتي تحددين شنو تبين وشنو التخصص اللي يجذبج وتحسين راح تبدعين فيه..!
والحين كل التخصصات قاعده تتوظف بالتربية سواء كانت نادرة او غير نادرة

 

[ابلة غزالة]

مبروك التخرج
اختي لا اتحاتين الوظيفة لان عندنا نقص في كل المراحل على كل التخصصات غير جذي قاعدين يشتغلون على مشروع تكويت المرحله الابتدائيه ومع هذا تلقين مدرسات وافدات مثل تخصص علوم ابتدائي الوافدات في قسمي اكثر من الكويتيات
عموما انا تخصصي علوم مساند رياضيات درست في التربيه الاساسيه تخصصي حلو بس دايما ً تلقين تغيرات اتصير نتيجه تغير مناهج تغير نظام تدريس و غيره
بس انا انصحج مثل ما قالوا البنات الي قبلي شوفي انتي شنو حابه و تخصصي فيه لان انا بصراحه كنت حابه تخصص اني اكون معلمة حاسوب بس على ايامي ما كان في هذا التخصص في التربيه الاساسيه
الله يوفقج

 

[شوخي93]

جزاااكم ربي الفردووس << قولوو اميييييين

ربي يوفقكم ويسهل امركم
​

 

[الأميرة جوري]

الف مبروك التخرج...اهم شيء ميولج وشنو حابه مودشين علي ميول غيرج نصيحه..وبالتوفيق

 

[شوخي93]

الله يبارك فييج حبيبتي

جزاااااج الله خيير اختي الاميره الجوري​

 

[!الجادل الصعب!]

يآحلو موآليد 93 بيصيرون آبلآت
اذا حآبه تخصص معين حطي موضوع موجه لآهل التخصص قبل لآتدشينه ..,
اذا تبين الرآحه اختآري تخصص سهل ومريح مثل آبلة اجتمآعيات / اسلاميه / حآسوب ..,
هالموآد من الي آعرفه من رفيجآتي المدرسآت الضغط عليهم آقل من العربي والانجلش والريآضيات والعلوم
بالاخير آنتي وميولج ..,

 

[PuPa^^SWeeT]

نصيحة لاتروحين رياضيات

معني ماعتقد انج فكرتي


اقوولج اسهل قسم حاسوب

ولا دين

ولا اجتماعيات

حلوين

 

[شوخي93]

جزاكم الله خير حبايبي

شرايكم بحط رغبه اولى اسلاميه

ورغبه ثانيه رياض اطفال

ورغبه ثالثه شريعه

شراايكم بهالتخصصات​

 

[رحيل المرافيء]

انا مع اهلج دخلي تخصص مطلوب
مثل انجليزي او علوم او رياضيات او عربي ولاتدخلين رياض اطفال ابد لانه في اكتفاء شديد بهالتخصص

75 % ما اظن تدخلين الجامعة مايقبلونج
وكل مهنة لها متاعبها ماكو شي يجي بالساهل

 

[رحيل المرافيء]

التخصصات اللي حطيتيها مالها مستقبل ترى

 

[حلوه حدي]

[size="5"]نصيحه لوجه الله لا تصيرين مدرسه
[/size]

 

[درة أهل الطولات]

انا عربي

حلووو لكن مضغوطين حصص وتحاضير اكثر من غيرنااا ،، التصحيح بالفاينل ورقة اولى والورقة الثانية مع بعض

 

[درة أهل الطولات]

روحي مادة مو اساسيه مرتاحين اكثر من غيرهم

مثل فنية

 

[مشغوله و محتاسه]

التخصصات الحلوه بنظري ..


حاسوب

فنيه

اقتصاد منزلي

والله يوفقج



انا تخصصي انجليزي ... وما ادراك ما الانجليزي

 

[maryam_q8]

هاذي التخصصات الاجازات الدراسية للعام الدراسي 2012/2013

اللغة العربية متوسط وثانوي
اللغة الانجليزية ابتدائي ومتوسط وثانوي
الرياضيات ابتدائي ومتوسط وثانوي
العلوم العامة ابتدائي ومتوسط
الفيزياء ابتدائي ومتوسط وثانوي
الكيمياء ابتدائي ومتوسيط وثانوي
الأحياء ابتدائي ومتوسط وثانوي
الجيولوجيا ابتدائي ومتوسط ثانوي
حاسوب ابتدائي ومتوسط وثانوي
فنية متوسط وثانوي
تصميم داخلي ثانوي
ديكور متوسط وثانوي

هاذي التخصصات المتوفرة شرايكم بنات شنو تنصحوني فيه

 

[أميرة 22]

صح وخري عن التربية ولا تصيرين مدرسة
افتكي من شئ اسمه ابله معلمة
اي مقرر بتتعبين ورشااات دروس نموذجيه
طلبات من موجه رئيسة قسم ناظرة
هوووووووشه مع وكيلات على اسباب واشياء تافهه
تجيج امراض وحالات نفسية من مجتمع الحريم ...

اخذي دورات خاصه .. واشتغلي بوزارة غير تربية
شهاده ومسمى ماصار له اي قيمه ... الحين

دوري لج مكان مكتب مريح تحطين بيانات واي شئ وبس
وخرررررررررررررررري عن المداااااااااارس سواء معلمة او ادارية