حبوب منع الحمل باول الزواج

[om.3omar]

حابه اسألكم منو فيكم باول زواجها خذت حبوب منع حمل

لان صارلي فتره مالجه واتفقنا انا وريلي مانيب عيال من اول سنه زواج

نصايحكم ؟

لان بصراحه اخاف استخدم الطرق الطبيعه واحمل

 

[Sweat Dreams]

رد : حبوب منع الحمل باول الزواج

نصيحه لاتاخذينها لأنها بتخربط هرموناتج وبعدين بتحسفين جربي الطبيعي أحسن وإذا الله كاتب لج تحملين بتحملين آنا حملت وكان كل شي برا (فهمتي )لأن الله كاتب أحمل والحمدلله على كل شي

 

[om.3omar]

بس حبيبتي شكثر خذيتلج وقت ليمه حملتي ؟ على الاقل لو بس مده بسطه اجربهم

 

[*ريما*]

رد : حبوب منع الحمل باول الزواج

مو زين تاخذين موانع وانتي توك ماجبتي عيال
خلي كل شي طبيعي

 

[انوثتى بقلبى]

درباااااااااااااالج ترا مو زين وانتى توج متزوجه

سوي مانع طبيعيى احسن

 

["*آآآنؤؤؤقهـ*"]

اب
اب
اب

 

[om.3omar]

انا كنت اسمع انه مو زين بس ابي اعرف فيه وحده مجربه

 

[Sweat Dreams]

رد : رد: حبوب منع الحمل باول الزواج

بس حبيبتي شكثر خذيتلج وقت ليمه حملتي ؟ على الاقل لو بس مده بسطه اجربهم

إذا دورتج منتظمه استخدمي العد ليما الله يكتب لج حمل

 

[om.3omar]

شكرا حبيبتي سويت دريمز

 

[om.3omar]

اب اب

 

[_Pure_]

مادري بس ما انصح

عليج بالعازل احسن

 

[om.3omar]

مشكوره حبيبتي

 

[جبنة بيضة]

ما انصحج مو زين سوي طريقة العد

 

[كـ غلا ــلي]

انا بعد من راي البنات ماله داعي هالحبوب ما منها غير المضره تلعب بالهرمونات ومن بعدها يصير الحمال صعب

خاصه اذاا انتي عمرج ما جربتي الحمال اما عن الاشياء اللي تفيد بمنع الحمل وكلها طبيعيه وعن تجربه وخري عن الجماع

في اسبوع التبويض مالج وهاذا الشي تعرفينه من شريط التبويض اللي ينباع من الصيدليات لانه هاذا الاسبوع اهواا الخطر بالنسبه

لج لانه احتمال الحمال فيه كبيره واايد و همن حزه الجماع خلي ريلج يلبس الواقي الذكري او يكت بره في طرق واايد بعد سمعت

عنها من ضمنها لزقه بس هذولي اللي جربتهم

 

[حصة]

نفس حالتي انتي ان عرفتي قوليلي

 

[om.3omar]

اوكي بس شلون زوجي معرس يديد واقنعه بهاذي الموانع الطبيعيه

وبعدين انا سمعت انه لها اضرار خصوصا القذف بالخارج تسبب اعصاب وعوار بالجسم ووايد اشياء

 

[ام كوشه منكووشه]

رد : حبوب منع الحمل باول الزواج

حبوبه انا نفسج اول ما تزوجت اتفقت مع ريلي ان ما نبي بيبي باول سنه وخذيت حبوب منع حمل لمده سنه بالضبط وتركتهم وعقبها بشهرين بالضبط حملت معني في دكتوره بالكويت خرعتني قالت ان راح يصير فيني عقم اسمله علي وعقب ماحملت رحت لها جان تنصدم بعدين الاجانب من يبلغون ياخذون هالحبوب بالاسنين عشان ما يحملون ومااشتكوا من شي

 

[om.3omar]

مشكورين

 

[Hessa.Om-M7md]

شوفي حبيبتي انا ظليت سنه و نص من زواجي على طريقة القذف الخارجي و الحمدلله اظبطت معاي و بعدها حملت بولدي الأول و بعد ولادتي بلشت اخذ حبوب منع الحمل ياسمين لمدة سنتين و 7 شهور متواصله و بعدين وقفت و لمدة أربعه أشهر ما حملت راجعت الدكتور خفت ان يكون صار فيني شي لا سمح الله من الحبوب بس الدكتور ططمني ان كل شي طبيعي و قال لي في اوروبا و امريكا ياخذون هالحبوب من و اهم مراهقين و يظلون ياخذونها لي سن كبير و ما يصير فيهم شي عادي و الحمد لله بعد 5 أشهر من وقفت الحبوب حملت حمل طبيعي ربي لك الحمد و الشكر . فلا تحاتين مافي انشاءالله الا كل خير بس همن انا اقول اتبعي الشي الطبيعي أفضل و دام ان زوجج موافق على تأجيل الحمل ما أعتقد راح يمانع ان يلجأ لطريقه طبيعيه و ترى مافيها شي و لا مضره و الدليل مثل ما قلت لج أنا ظليت طريقة القذف الخارجي سنه و نص

 

[om.3omar]

شكرا حبيبتي حصه