حبوب سيبوترم 15 ..اللي استخدمتها تتفضل....

[(أميرة الفهد)]

السلام عليكم ورحمة الله وبركاته

كيفكم يا بنوتااااااااااااات
ابغى اعرف من استخدمت حبوب سيبوترم 15 وفادتها ونقصت وزنها ...؟؟
انا وزني 96 كيلو وطولي 158 وعمري 25 سنة.. وعندي مناسبه بعد 3 شهورونفسي انقص وزني ..وسمنتي متركزة بالبطن والافخااااذ والارداف؟
لأني ابغى انقص 20 كيلو وابغى اشتري الحبوب بس مترددة شوي وابغى اشوف تجاربكم

وجزاكم الله الجنة​

​

 

[نونا N]

رد : حبوب سيبوترم 15 ..اللي استخدمتها تتفضل....

هلا حبيبتي




انا مجربتهم واللي اشوووفه انها انها تسد الشهيه



والوزن توني باديه رجيم ولحد الحين ما بين شي




ومووووفقه قلبي

 

[(أميرة الفهد)]

جزاك الله خير
طيب ماحسيتي بأعراض جانبيه لها؟؟؟

 

[RmRom]

نصيحة : أبتعدي عن الحبوب قد ما تقدرين وأبتعدي عن الرجيمات قد ما تقدرين

إذا تبين تخفين .. لازم يكون النظام غذائي متوازن يعني كل العناصر الغذائية فيه

وعن تجربه أقطعي السكر والملح والحلويات وراح تضعفين تدريجياً

مو بس تضعفين إلا تحسين بالعافية

 

[Isabella]

انا جربتهم و قطعتهم

اهم نزلوني .. سحتوني
نزلت 12 كيلو بـ3 اشهر !

بس شصار فيني

أوّل شي بالليل أرق
اتقلب بالفراش
و ثاني يوم اداوم مقفلة مصدعة ذبلانة حدّي
حتّى البنــات وايد استغربوا ان شسالفتج
كلّا دايخة و مالي خلق

ثاني شي بآخر هالـ3 اشهر حاشني
عوار صوب خاصرتي
و المستوصف ما عطوني غير هالمسكنات
و لي يومج العوار يروح و ايي

ثــالث شي
بيوم من الأيام كان عندي امتحان
فدرست و جذي و نمت
داومت عادي !
بس شربت عصير سلاش اللي فيه ريد بول
صار تضارب !!!
سكرت عليهم
البنات وصّلوني الصف
و ضحكت ضحكت ضحكت على شنو مادري !
قعدت بالقاع من الضحك !
بعدين قفلت و حطيت راسي عالدرج لي اخر الدوام
رديت البيت نومة سنّة وحدة لي 11 بالليل
قعدتني امي و عالطبيب
زفني زففف و عطاني ادوية و بس قطعت
قاللي لـو ما بين عليج الحين
ببين عليج مع الكبر آثاره !
و سطر لي تجارب اهله و جماعته
خاصّه انه مصري و هالحبـوب تنياب من مصر
فـ مشهورة عندهم


و من قطعته انفتحت شهيتي بزود عالاكل
لدرجة اني ناو رديت 6 كيلوات من هاللي ضعفتهم !



فـ عن تجربة !
ما انصح فيهم ...




​

 

[امراة الاسد]

رد : حبوب سيبوترم 15 ..اللي استخدمتها تتفضل....

انا جربتهم ونزلوا وزني بس اعصاااب كله اصارخ واتهاوش وتسهرني
بس اللي شريتهم من متجر الكندري اوكي وماشفت عليهم شي انا اول اسبوع لي واهلي مجربينهم واوكي محد اشتكا منهم جربيهم دشي علي الموثع مالهم قوقل متجر الكندري وشوفي

 

[Q8stylle]

up up

 

[نونا N]

رد : حبوب سيبوترم 15 ..اللي استخدمتها تتفضل....

انا مجربتهم ما صار معاي اي شي ولا حسيت بشي بس الشهيه قلت وما اكل شي



والله يعيني وان شاء الله اضعف قولو اامين

 

[حرم الحوت]

شوفوا بنات اللي تقول خذته وما نفعها جربوا تاخذونه مع حبوب اللي تسحب الدهون من الوجبه نسيت اسمها وترى اخذوه من سوريا وااااااايد رخيص

 

[حرم الحوت]

اي اسمهم كروماكس مذيب للدهون وايد مفيده

 

[(أميرة الفهد)]

جزاكم الله خير

 

[(أميرة الفهد)]

رفع

 

[فجر_الكويت]

رد : حبوب سيبوترم 15 ..اللي استخدمتها تتفضل....

موفقين جميعا يارب

 

[Hanoodah]

انا جربتهم باسبوعين نزلت 4 كيلوات .. بس والله راسي صداع موطبيعي والم يضغط على عيوني وخاصرتي الم موطبيعي
وقطعتهم والحين شهيتي مفتوحة بقوة ورديت 4 كيلوات وزيادة يعني ماتسوى علي لو متتبعه رجيم وايد احسن
بالاخير ما انصحج فيهم

 

[كشموووشه]

شوفي اختي للامانه هالحبوب تضعف لكن الذاكره تصير ميح لانها نفس الريداكتيل تقتل خلايا المخ

 

[milkey way]

رد : حبوب سيبوترم 15 ..اللي استخدمتها تتفضل....

ديري بالج منهم والله نصيحه والله لما اخذتهم صرت مينونه تخيلي طوووول الليل مبققه عيوني البيت كله نايم الا انا صايره سوير الليل واذا غطيت اشوي اقوم مفزوعه وقلبي يرقع جنه احد مخرعني .:ch12:

اهم صج يسكرون الشهية لكن مخج يصير مو صاحي والله اعصاب ونسيان ، وريجج مر لا كافي انج مو نايمه طول الليل ترجعين عقب الدوام حدج تلفانه العافية تدورين الفراش والله تحوسين تحوسين بالفراش وماتييج النومه .:eh_s(14):

بس انا دايما اقوووول كل جسم غير عن الباجي .:jumpon:

 

[توووووووتا]

رد : حبوب سيبوترم 15 ..اللي استخدمتها تتفضل....

اكلتهم ضعفففت بس خليتهم رديت دبل دبل الحين بضعف مو قادرة لاتاكلينهم شربي شاي اوبايجي رفيجتي نزلت 3 كيلو بالاسبوع

 

[(أميرة الفهد)]

مشكورين حبايبي

 

[توتــه]

رد : حبوب سيبوترم 15 ..اللي استخدمتها تتفضل....

انا جربتهم

صداع
نسيااااااااان موطبيعي
ارق
عصبيه

وفوق هذا ماسكروا شهيتي ومانقصت ولاكيلو

ولازلت مستمره فيهم ابشرج هههههههه

 

[بطوطة @]

امبيه حرام عليج والله توج صغيره 25 << عاد اللي قول انا كلش مو صغيره انا عمري 18
المهم انا شفت حبوب سيبوترم دخلت بدون تردد سمعي يا بنت الحلال
انا استخدمتهم اه بس اه حسبي الله على اللي امدحتلي فيهم والله يابنت الناس استخدمت شريط ونص صار فيني صداع ودوخه ارق وما انام جني حارس الناس نايمه ووانا قاعده وما افهم ولاشئ من محاضراتي ورجفه بالايدين ودقات قلب والويه اصفر عصبيه واالله اتهاوش مع الذبانه الي بخشمي ومصاااااااااااايب يكافيج الشر ان شاء الله
بس جد اخذي نصيحتي ابتعدي عنهم كل البعد والله قاعده اتكلم من قلب اببتعدوووو
اي صج اصلا ماضعفتني ولا كيلوووووووووو ولا جراااااااااام