حبوب روكوتان

[نواره الاموره]

السلام عليكم شلونكم بنات ومبارك عليكم الشهر
بنات الدكتور كتبلي حبوب روكوتان حق الحبوب
من جربتهم وجم المده وشنو كانت النتيجه؟؟؟؟؟؟؟

 

[Reeema_q8]

علينا وعلييج وكل عام وانتي بخيير

انا جربت الروكتاان وانصحج فيه

يخفف فرز الدهوون اللي تتجمع بالحبوب وينشف الحبوب ويقشرهااااا

المده ياطويلة العمر اهي كوورس مدته 6 شهووووووووور راح تحسين بجفاف قاتل

النتيجه تروح الحبوب بدون رجعه ان شاءالله

وهالحبوب تناسب البشره الدهنيه حيييييل

وموفقه

 

[*توته*]

رووووعه

بصراحه انصحج فيهم

 

[نواره الاموره]

بنات بجم اشتريتوهم وست شهور وايد يعني ماراح يبين
علي الا بعد 6 شهور؟؟

 

[روزالكويت]

اختى انا كليتهم لمدة 8شهور وصرت اوكي لمدة 5 شهور واللحين رجع الوضع على ماهو عليه وحسافه بس التعب..

 

[Boochy]

انا قاعده استخدمهم الحين...

جفااااااااااااااف

بس الحبوووب الحمدلله رااحت مره وحده

 

[مــنـيره]

خواتي جربوه وحده ماخذته من مستشفى خاص ب24 دينار
وحده ماخذته بمستشفى حكومي ابلاش صج مدته طويله بس حييييييل حلووو بس قوي قوي وخطير يعني مو زيييييين حق الحامل يشوه الجنين -- واذا استعملتيهم لازم اتكثرين من الماي ولا بتموتين جفاف خلي بطل ماي صحه بيدج دايما وعلى الله شفاج :eh_s(8):

 

[michico latino]

حلو رواكيتان اهوا مدته 6 شهور بس يبدي ابين الفرق من اول شهر اذا اعتنيتي ابشرتج من بره يعني تغسلين ويهج مرتين و كريم مرطب و بالاسبوع مره تستخدمين سنفره و ماسك حتى ماياخذ من وقتج و اسرع النتيجه و اذا ما تبين اتحسين بجفاف اكلي الدوا بعد الغدا او بعد وجبه دسمه عشان ما تتئذين من الدوا انا جذي قالي الدكتور و فعلا الاعراض ما أذتني حيل يعني الجفاف كان بس بعيوني و ترى اخف مع الوقت اذا تغذيتي عدل و كثرتاي من الماي و الله يوفقج انشالله بس ديربالج لازم كل شهر اتسوين لج تحليل و بالنسبه للسعر انا اخذه ب23 و خرده اتمنى اني اكون فدتج حبيبتي

 

[نواره الاموره]

انا استعملت الحبوب والحين مبلشه بالعلبه الثانيه بس الجفاف ذبحني واستعمل كريم حمايه روك 30
بس انا ويهي مافي حبوب بس اثار خفيفه ومسامات.

 

[o0O 6aM6oMa O0o]

أنا استعملته لمن كان عمري 14 سنه

الحبوب ردوااا بعد جم شهر


و يسبب جفاف نقص وزن وزني نزل 11 كيلو خلال كورس الحبوب

و يسبب تساقط شعر بشكل فضيييييع


لدرجة البنات بالمدرسة يقولولي وين شعرج؟

عقب ما خلصت العلاج صفت بشتري فترة قصيرة

و خذيته ابلاش من مركز اسعد الحمد للجلدية

 

[» мσσ∂ч ģίяĻ «]

حبيبتي انا جربته وهذا اخر شهر لي والحمدلله ان بين فيني وانا تعبت وايد من بشرتي بس الفضل لله ثم على هالحبه
اخذهم من العدان ابلاش بس سعرهم بره على 23 و 25

 

[Sandoos]

انا الحين بالشهر الثالث
بس وايد تنشف البشره
بس الكل مدحه ووايد استفادو منه

 

[نواره الاموره]

بنات مركز اسعد الحمد الصباح عندهم ابلاش اذا رحت يكتبهم لي الدكتور والا مايرضى

 

[o0O 6aM6oMa O0o]

اي يكتبهم لج الدكتور.

 

[ام الغالين]

10 ملي سعره 13 دينار

و30 ملي سعره 23 و400 فلس

 

[رضاب]

اختى انا كليتهم لمدة 8شهور وصرت اوكي لمدة 5 شهور واللحين رجع الوضع على ماهو عليه وحسافه بس التعب..

وانا مثلج


بس 6 شهور استخدمتهم


وبصراحه ماسوى لي شي للحين تطلع لي حبوب


وقبل فتره رحت دكتور قال اخذيهم مره ثانيه قلت اخذتهم قال في حالات نعطيهم على 3 كورسات تخيلوا



ما ابي اخرعج بس مو مع كل الحالات يمشي والدليل انا وروز

 

[noo7a]

انا قبل 4 اشهر تقريبا استخدمتهم لمده شهرين و حسيت ان الحبوب خفوا و وصفه لي الطبيب
بس طبعا سالني الطبيب و الصيدلي بعد ان كنت متزوجه او لا لان موزين للمتزوجه ياثر على البيبي ان كانت حامل
بس بعدها صارت لي ظروف و ماقدرت اراجع الدكتور لمده شهر وشوي فما اخذتهم لان لازم اخذهم بوصفه بالصيدليه ما يصرفونها الا بوصفه الطبيب
فلمن رحتله مره ثانيه قالي كل الشغل الي سويتيه قطيه بحر لانج قطعتي عن الحبوب لمده شهر و القطعه هذي تزيل مفعولها لازم تبلشين من اول و يديد ,, فيعني المقصد من القصه هذي كلها انج تلتزمين فيها و ماتقطعين و يبين تاثيرها بعد 4 او 6 اشهر

 

[عجزت أنساك]

انا اخذتها لمدة 6 شهور وصار جفاف للدهون ونصحني الطبيب اشرب ماي كثير واستخدم مرطب للبشره ومرطب للشفايف وقبلها سويت تحاليل وشهريآ تحاليل لأنه قويه تأثر على الكبد واللي تبي الحمل بعد ماينتهي الكورس بستة أشهر وراحت الحبوب والحمدلله صار لي منتهيه من الكورس 4 سنوات

 

[غربــــة اِحساس]

الحبوب هذي صج تنفع وتخفف من الحبوب بس مو هينة !!

يعني الي تاخذها لازم تسوي تحاليل شاملة شهريا وخاصة تحليل الكوليسترول وانزيمات الكبد

واذا كانت متزوجه لازم تاخذ مانع لانه يشوه الاجنة

وتحرص على انها تعوض الجفاف بشرب اكبر قدر من الماي والسوائل

واهم شئ تاخذه باستشارة طبيب مو من كيفها لانه في حالات مايناسبهم هالدوا

 

[somaa]

ديري بالج من الشمس لااااااازم حمايه دايما