حبوب روكتان تعالووو بنات

[q8yah_cute]

أول شي.. تاخذينهم إذا محتاجتهم و ما في حل ثاني.. لو كانت حبوبك تحت الجلد أو تترك آثار.. و لازم تتأكدين إن ما في عندج مشاكل هورمونات لأن لو عندج بترجعلج الحبوب أول ما توقفين الرواكيوتين..

التحاليل مهمة بس مو شرط و يكفي شهرين قبل الزواج توقفينهم.. أما إذا إنتي توك بنت فخلصيهم الحين أحسن..
دكتورج ممكن يكتبلج على كريمات عشان تساعد و تاخذين جرعة أقل.. إتكلي على الله و لا تخافي..

 

[ياسمينا12]

اذا قصدج الي يصرفهم عيسئ بشور ؟ الي لونهم احمررر وفيه النوع الي 10 جم و الي 20 جم ؟

اذا قصدج هذي دزيلي ع الخاص عشان ارد للموضوع واقولج شنو صار معاي

 

[دانة_ دبي]

بصراحة اقولج لو فيج حبوووب خذيها تحت استشاارة طبية و سوي تحالييييييل دم و هرمونات
و كل شهر لازم تسوين تحليل ...


انا خذتهم و ويهييي صار روووعه صاااااافي ما شاء الله و مورد
بس اهم شي الاستمرارية انا استخدمتهم ل 6 شهووور مع ترطيب الجسم و الويه لانه ينشف الجسم
و بعد ما تخلصين استخدامهم لازم ع الاقل ما تحملين ل 6 شهووور بعد الكورس

و بعدها عادي و اللي تقول تشوه الاجنه تراني الحمد الله حملت و يبت عيال و حتى صديقاتي خذوووه

انا اول شهر جربته و بعدها وقفت قلت شو هذا ما شفت نتيجة و نشف ويهي بس يوم سألت الدكتورة قالت جربيه 6 شهور بالضبط و يوميا و فعلا نتييييييييييجة فظيييييييييييعه و روووووووعه

بتلاحظين ان الحبوب احتمال تزيد ف ويهج ف اول شهر بس هذا شو يسوي .. يطلع الحبوب اللي تحت الجلد و ينظف الجلد و ينشف الدهون خاصة اللي ويها دهني بترتاااااااح .. اهم شي الاستمرارية .. الترطيب للجسم و الويه و الشفايف ... و اشربي واااااااااااااااايد ماي ..... بتلاحظين النتيجة من اول شهر .. الحبوب اللي عند منطقة الخد و المسامات بتختفي ... و مع الاستخدام كل شي بيختفي ...
توكلي ع الله

 

[ضنـآني الشوق]

انا كانت بتعطينيها الدكتوره بس قلت لها مابي
وعطتني مرهم بدالهم

 

[Galb.sh]

هذا افضل واحسن والحل الوحيد ل حب الشباب جربته وكذا وحده من عايلتنا جربته
بس يبيله اهتمام لان ينشف الدهن اللي بالجسم
قبل الناس تخاف منه بس الحين ؏ـادي الكل يستخدمه للي مايفيد معاهم المراهم واهما يسوون لج تحاليل قبل لا تستخدمينه اذا ينفع لج او لا
بس من كل الحالات يرد لهم 10٪ وانا كنت منهم ردلي عقب اشهر بس هم يمكن لان كنت اخذ جرعه قليله 20 قرام وقطعت شوي بالعلاج و بس رد اقل من قبل .،
ولما بتاخذين لازم ماتحملين بعد ماتتركين الدوا بشهرين اعتقد

 

[قوس قزح]

توكلي ع الله واستخدميهم
بتشوفين بشرتج خيااااال
انا استخدمتهم وعن تجربة اكلمج ماراح تندمين بس لازم تكونين ملتزمة مع دكتور اهو يتابع حالتج
ومثل ماقالوا البنات لازم توقفينهم قبل العرس بست اشهر لانها مضرة ع الاجنة
وكثري من شرب الماي ورطبي بشرتج بستمرار بكريم مرطب وبتلاحظين حتى شفايفج تجف بيصرفلج الدكتور مرطب
واحتمال قطرة للعين
بس والله خووووش حبوب