حبوب تمنع تحسس من القطط !!

[روان المطيري]

سلامم عليككم ورحمة الله وبركاته ..


اليوم شريت قطوتين ومن قربت منهم جسمي يحكني وهمن خشمي حساسيه
قلت حق الصيدلاني بالفون انا عندي قطوه وابي حبوب تمنع التحسس منها وعطاني حبوب اسمها
Ebastel << ولمن شفت الورقه مكتوب حق الحساسيه وطفح الجلدي !! مادري هالحبوب تنفع
او الصيدلاني ما فهم علي لان مو مكتوب ضد التحسس من القطط وغيرها !!
مادري انا ماعندي خبره بهالسوالف ياريت اللي تعرف عنها شي تبلغني واللي تعرف حبوب غيرها
مضمونه تقولنا عنها بليييز بنات

 

[((البرنسيسا))]

ما أعرف بس إنتي جربي يمكن ينفعونج

وإن شاء الله البنات يفيدوج

 

[روان المطيري]

مشكوره حياتي

 

[روان المطيري]

شدعوا 39 بس وحده ردت علي !!

 

[حساسة مصر]

انا ماعنديش علم عنها


يا حبيبتي ماتخديهاش احسسسن اسمعي كلامي

الحساسية مش من القطة بسسس

تعرفي حتي لو عندك طيور ح ترجع لك الحساسية

و حتي وقت الخريف و الاماكن اللي فيها حيوانات او غبار و كدة


ومش ح تفضلي عايشة ع الحبوب دي ..



روحي لدكتور متخصص احسن يعالجك شوية شوية


لان انا كان عندي بغبغان كبير و تعبت منه و جا لي الحساسية بسببه و مريت بكل ده


انتبهي علي صحتك لان الصحة مش بتتعوض

​

 

[حجيه هيونه]

روحي الطبيب احسن شي خل يعطيج دوا مضمون

بلا ما تاخذين شي ووتوهقين لا سمح الله

 

[M!SS CHARISMA]

حبيبتي انا صار معاي نفسج مع ان مو اول مره اربي قطط والسبب كان فطريات بقطوي

لازم تودين قطاوتج للبيطري بسررررعه لان احتمال كبير فيهم فطرياااات انصحج بمستشفى رويال وايد زين

 

[روان المطيري]

القطاوه ما فيهم شي توني ياييتهم من البيطري مطعمتهم !!!


حتى اخوي الصغير تعب منهم !!

 

[M!SS CHARISMA]

مستحيل مافيهم شي وديهم مستشفى رويال وايد زينين
او أنتو فيكم حساسيه من الحيوانات

 

[daloolah77]

حبيبتي احسن شي طلعي فكرة القطاوة من راسج انا كان فيني حساسية و انا ما ادري و شريت قطوتين و اسبوعين مريضة حرارتي ما تنزل و السبة الحساسية @.@ و بعدين صدري تنك و صارت قصة بس الحمدلله من يوم بعتهم رجعت صحتي

 

[ربي رجوتك]

فيه ابره تمنع يعطيها البيطر للقطوه تمنع الحساسيه اللى يتعرض له الانسان استفسري عنها بالعياده

 

[غلاى الغويليه]

شوفى بيعى القطاوه اجل بس امانه لا تبيعينهم الا حق ناس ثقه

 

[روان المطيري]

لا خلاص انحلت المشكله ونصيحه بنات لا تستخدمون الحبوب تنوووم نمت يوم كامل @!

 

[daloolah77]

شلوون حليتيها ممكن تفيدينا ؟!!

 

[روان المطيري]

ماكو بس اول يومين تحسست منهم بعدين الامر طبيعي

 

[daloolah77]

اهاا يلا زين و يتربون بعزج ^_*

 

[نمله معضله]

وااي بنات مو زين اي علاج تشوفونه تاكلونه خطر على صحتكم حرامـ ..