حبوب بجسمي ساعدوني

[kuwaitya-frawla]

السلام عليكم


شلونكم حبيباتي..


بنات عفيه اللي مثل حالتي يا ريت تساعدني و تقولي شنو سوت؟؟؟


انا طالع بظهري و جتوفي و بين فخوذي و بصدري حبوب حمره صغيره وايد


بس اللي بين فخوذي كبار شوي لونهم احمر و اللي بظهري بصراحه يحكوني في بعظهم بظهري كبار

و اللي بصدري على ((الثدي الايسر)) طالع لي حبه كبيره و حمره و صراحه شكلها يخوف وانا حدي خايفه


مادري من شنو!!معقوله فيني شى لا سمح الله؟وبصراااحه حدي متخوفه اروح الطبيب و اللي صاير لها مثل

حالتي يا ريت تقولي شنو سوت و اذا راحت حق طبيب اي طبيب راحت له؟و جزاكم الله الف خير

 

[ام حمدان]

هلاااااااااااااااا فديتج ما فيج لا العافيه


بس لازم تسيرين طمنين عمرج وانا شراااااتج كان دووم يطلع لى حبوب فجسمي لين ماااا قال لى دكتور راقبي عمرج شوفى شو الاكل لى تاكلينه ويسوي لج حبوب وانتبهت طلع من شاورما بس لازم تسوين فحص عند دكتور جلديه
وربي يسلمج حبوبه

 

[Betty]

حبيبتي عادي اتوقع يطلع من الحر حتى انا يطلعولي

 

[Betty]

بس روحي طبيب جلديه لا تهملين نفسج حبيبتي

 

[كويتيه مذهله 87]

لا طبيب ولا كريمات

علاج الحبوب ثلج
ايه ثلج تاخذين ثلج وتحطينها مكاان الحبوب والله مثل السحر يروحون

 

[kuwaitya-frawla]

ههههههههههه

مشكورين حبيبااااتي عل ردود طمنتوني الله يوفقكم دنيا و اخره

 

[Me SaRa]

احسن لج روحي طبيب جلدية .. حتى لو ان شاء الله مايسوون شي .. بس ممكن يتركون أثر


فراجعي طبيب جلدية احسن

 

[kuwaitya-frawla]

مشكوووووووووورييييييييين

 

[dr.elzain]

حساسيه صدقيني ماكله شي ومحسس عليج.. روحي لجلديه وسوي فحص دم وبتعرفين السبب..
وسلامات مقدما

 

[dr_enshalla]

اي يمكن حساسية لانه في انواع منتشره الحين .. ولانا شفت بنت خالتي قبل فتره لو تشوفينها تحمدين ربج جسمها كله حبوب كبار وبقع حمر
روحي جلديه على حسب منطقتج في بالضاحيه او اسعد الحمد
واختي وايد تمدح د.الصياد اهوا كان باسعد الحمد

 

[فديتج]

انا أنصحج تروحين طبيب جلدي لأن من عشر أيام طلعتلي حبوب بظهري وبصدري وبطني رحت الطبيب قالي هذا اسمة نخالة وردية وكل مالة ويزيد بجسمي بقع كبيرة وعلى ما يروح يبيلة من 6 الى 8 أسابييييع بس مو معدي ونفسيتي حدها تعبااانة فلا تهملين نفسج

 

[нάγoηά cнεмίsтяγ]

ماراح ترتاحين الا لمه تروحيـن الجلدية آنا كان فيني حبوب وعشت حاله نفسيـة الله لا يوريج كرهـت اشوف الناس حتى كرهت اطلع لان شكيت ان فيني شي وما ارتحت ولا ارتاحت نفسيتي الا لمه رحت والحبوب ما تطلع مني والطريج لازم فيـه خلل بالجسم خاصة إذا كانت مستمرررره وبالضبط هذا اللي صار كانت المشكلة داخل جسمي و الحمدلله تعالجـت بجم دوى ومضاد حيوي والحمـدلله ارتحت مع ان ما تعالجت نهائياً بس قاعد يروح لأني ما خلصت مرحلة العلاج للحيـن .. روحي ولا تجربين بلاوي بعمـرج ولا تخافين خليج متطمنـه وروحي عشان تتطمنين اكثر .. الله يشافيج انشالله

 

[@ الحلوة @]

مشكورين خواتى نبهتونى على سالفة الاكل انا متروسة من فوق لى ريولى كل حبوب صغيرة وتحكنى ورحت للطبيب وفال جفاف وسويت موضوع وشالت عن علاج الجفاف والله بنات المنتدى الحلوين ما قصروا وعطونى وايد حلول
وكذا وحدة انصحتنى بزبدة الشياعلى ما اعتقد والله وشريتها وغالية وخلطها بزيت زيتون وما شفت اى تحسن
ويمكن لما اكل اشار المنجا والله مو بعيد بمكن منه
وووووووووووووووووووووالله يشفينا
ااااااااااااااااامين

 

[غصون]

يمكن حبوب بكتيرية !!!!

او النخاله الوردية لانها حييييييييل منتشرة هالايام

روحي لدكتور جلدية وما عليج الا العافيه

 

[EviL^^GirL]

سوي تحليل
انشالله ماكو شي
بس تطمني على روحج