حبوب السكر للحمل

[سہكہـرهـہ وذآبہــہـت]

السلام عليكم شلونكم بنات؟

ابي اسأل منو جربت حبوب السكر وحملت


لأني سمعت أنها تساعد على الحمل

بنات تكفوووووون جاوبوني و إلي تعرف أي شي تقولي عن موضوع تأخر الحمل

لأن خالتي المسكينه صارلها 10 سنين ما حملت وماخلت دكتور ماراحتله وكلهم يقولون سليمه ومافيج عقم :0bee2e8d89:

حتى ريلها سليم ومافي شي؟؟؟


تكفوووووون إلي ترد علي والله والله لأدعيلها

 

[ياسمين حياتي]

السلام عليكم..بصراحة ما ادري اذا اقدر افيدج او لا
بس بقولج اللي قاله لي د.اسامة صالحة (دار الشفا) قبل يومين بموعدي..انا حملت قبل مرتين وسبحان الله ما تم الحمل بدون سبب ظاهر..الحمدلله على كل حال..وبالمرتين اكتبولي حبوب السكر (كلوكوفاج) من ضمن ادوية العلاج..بالمرتين الجرعة كانت حبتين 500 مره الصبح ومره بالليل ..هالمره د. اسامة زودلي الجرعة الى حبتين 850 باليوم الصبح وبالليل..
الجرعة الاولية تعبت على ما تعودت عليها..والحين لما زادها التعب رجع لي مره ثانيه فكنت اشتكي منها والاعراض اللي احسها للدكتور قالي خذيها بالتدريج بس لازم تاخذينها لانها تساعد في تخفيض الوزن وتقلل من التكيس..تساعد في نمو البويضة بالشكل المطلوب وبالحجم المناسب وتحسن اداء البويضة باذن الله..ومن الضروري آخذها
الحمدلله رب العالمين انا سليمة وزوجي باذن الله سليم..بس وزنا احنا الاثنين زايد شويه..وباذن الله رب العالمين يرزقنا من فضله الواسع ويرزق كل محروم..اتمنى اني افدتج وما طولت عليج.

 

[ريمو]

أنا وصفها لي الدكتور بس ماأدري ليش

 

[عيون بدر]

واي صج مادري والله

 

[da7doo7y]

يمكن لآنها تساعد في تنزيل الوزن
لأن في حريم ما يحملون الا لم ينزل وزنهم
وانا الله بالخير كل اسبوع كيلوين من البلعة

 

[سيدة الانتظار]

اختي حبوب كلوكوفاج تؤخذ باستشارة الدكتور لان كل حالة تختلف عن الثانية
وهالحبوب تفيد في تحسين التبويض ،، الافضل انها تستشير وهو بيعرف اذا تحتاج لهالشيء والا لا !

اسأل الله ان يرزقها ويرزقني ويرزق الجميع الذرية الصالحة المعافاة

 

[7alawa]

حبيبتي الجلوكوفاج ما تعطووونه حق الحامل لانه ممكن يشوه الجنيييييين
كلامي متاكده منه 10000000% و سالي اي دكتوور
اساسا اللي عندهم سكر و ناوين يحملون ياخذون انسولين

عسى الله يرزقها ...امييييييييييييييييييييييين

 

[<Miss ROoSe >]

حبيبتى أنا كنت آخذهم
وبعدها بشهرين حملت الحمد الله
والسبب كان عندى تكيس وزيادة وزن
و الدكتورة وصفتهم لى والحمد الله نزل وزنى مع حمية وبعدها حملت

 

[ياسمين حياتي]

السلام عليكم
انا لما ذكرت حبوب الكلوكوفاج مو قصدي اقولج روحي اقرب صيدلية واشتريهم..اكيد طبعا استشارة الطبيب ضرورية في جميع الاحوال فما بالج في موضوع حساس مثل تاخر الحمل.
انا كان غرضي بكل بساطة انقلج اللي قاله لي الدكتور بخصوص حبوب السكر ومفعولهم..واكيد طبعا كل حالة لها علاج مختلف وكل دوا مثل ماله فوائد له آثار جانبية..انا آسفة اذا كلامي انفهم غلط او اني اشجع احد ان يعالج نفسه بنفسه..
رب العالمين يرزقنا كلنا من فضله.

 

[باقة ورد]

حبوب الكلوكوفاج تخفض من هرمون الانسولين بالدم لان هذا الهرمون اذا ثم السيطرة عليه يلعب بدور كبير وايد بتنظيم باقي الهرمونات المرتبطة بالحمل ... الكلوكوفاج وايد مهم لاضطرابات الهرمونات عند حالات تكيس المبايض و يلعب دور اساسي في التخفيض من اعراضه والمساعده على الحمل