حبنا لديرتنا الكويت ما يختلف عليه إثنين

[ام مرمر]

بسم الله الرحمن الرحيم ​

مرحبا حبايبي هذا أول موضوع أكتبه بهالقسم ​

ويا ريت يوصل هدفي منه لكل كويتيه بالمنتدى ​

ترابج إحنا نبوسه ولو يحصل ما ندوسه يا ديرتي يا كويت ياديرتي يا كويت​

​

أنا متأكده انه كل وحده منا بدويه أو حضريه/ ​

سنيه أو شيعيه/ قعدت بالكويت أيام الغزو ​

العراقي (الله لا يعوده ) أو طلعت منها / تحب ​

وتعشق تراب الكويت هالشي ما يختلف عليه ​

إثنين.....لكن بسأل سؤال خصوصا مع الأوضاع ​

اللي تحيط بديرتنا الغاليه الكويت يا ترى إحنا ​

إيد وحده وقلوبنا على بعض نفس ما ​

كنا أيام الغزو..... ​

أكيد الكل رح يقول ايه إحنا إيد وحده وقلب ​

واحد ......الكلام سهل ..... لكن التصرفات من ​

البعض تقول غير هالشي ...لا تزعلون حبايبي ​

بس دايما الصج يعور.... ​

​

تبين الكويت قويه دوم وإن شاء الله هي قويه ​

ورح تستمر بقوتها بتوحد شعبها بجميع طوائفه ​

ومذاهبه خلونا نوقف وقفه وحده ضد إي حالة ​

فتنه اللي تطلع من البعض سواء بقصد أو ​

من غير قصد .... ​

وقفتج تكون باشياء كثيره أعرض منها هالنقاط ​

وتخص تواجدنا بالمنتدى :​

* ان قبل لا تكتبين أي موضوع حطي الكويت ​

بين عيونج وشوفي موضوعج إذا حسيتي ان فيه ​

اي تلميح للاساءه لأي طائفه أو لأي مذهب ابتعدي عنه .​

* اللي تحب تكتب خل تكتب بحب الكويت وتدور ​

المواضيع اللي تزيد من تماسك وترابط الكوتيين.​

* قريتي موضوع وحسيتي انه موضوع يثير ​

الفتنه وضحي هالشي لصاحبة الموضوع ( وبكل ​

احترام وتقدير) وللبنات اللي يردون عليه.​

* قريتي موضوع وحسيتي إنه فيه ردود رح ​

تسبب فتنه كتبي و بالخط العريض ​

إللي تحب الكويت تبتعد عن الرد .​

وأعتقد إذا كل وحده منا سوت هالشي كل ​

مواضيع الفتنه رح تختفي ورح تكون الكويت ​

دوم قويه بوحدة شعبها بجميع طوائفه ومذاهبه ​

ألحين أفتح لكم المجال بذكر نقاط تزيد من ​

وحدتنا وترابطنا مثل ما كنا بالغزو ​

(الله لا يعيده) واللي قرت الموضوع واستفادت

منه يا ريت ترفعه عشان الغير يقراه​

سامحوني على طول الموضوع ..... وتأكدوا ان
اللي خلاني أكتبه هو محبتي لديرتي الكويت ​

وحبي لأهل الكويت الطيبين بجميع طوائفهم ​

ومذاهبهم ​

 

[احلى قدساوية]

يعطيج العافيه

الله يلعن ايران ويفكناا منهم ياااااااااارب

حسبي الله عليهم دازين اذناابهم عشاان يشغلون النااس بوزيرهم​

 

[تذكر خافقي رمحك]

^^
أكبر مثال إن الشسمونه عمره مايتعدل
الله يحفظ الكويت من كل شر
انا اقول ان زمان سنة وعيشة يعيشون على قلب واحد راح وولى
الحين يدوب نعيش مع بعض بسلام

 

[ورد و عطر]

الله يديم عليكم الامن ياهل الكويت

واحذرو من من يريد اثارة الفتن بين دول الخليج

وليكن شعارنا خليجنا وااااحد

 

[هنو الحلوه]

اولا مشكوووره ياقلبي ع هالطرح وهذا دليل ع حبك الصادق لديرتك ومحد يلومك الكويت من مايحبها
طبعا انا مو كويتيه ولكني وربي احب الكويت واحب اهلها وصدقيني بالنسبه للطوائف والتعصبات هذي مو بس بالكويت بكل البلدان وهذا شئ لابد منه ولكن الشي يرجع للشخص نفسه الشخص اللي يعتز بدينه اولا وبديرته ثانيا ويحاول قد مايقدر يحافظ ع هالامرين اذا حاولنا كلنا نكوون هالشخص كل المشاكل راح تنحل وع فكره احنا كلنا اهل الحد مو بس ع الديره اللي احنا فيها لا احنا كلنا اخوان تحت مسمى عربي مسلم يعني وش الفرق بين حضري وبدوي كلنا بني ادم وكلنا عيال ديره وحده وحتى وش الفرق بين السنه والشيعه كلنا مسلمين وشوفي قبل 60سنه شلون كان الوضع وشوفي الوضع الحين
اللي غير الانفس اهي الفتن والناس المرضى اللي تطلع علشان تسبب البغضاء والتعصب والله يهدي الجميع ويصلحهم ويكتب اللي فيه الخير يارب ...,
واسفه ع الاطاله .,

 

[::كيك وعسل::]

الله يفكنا من رووس الفتنه واحنا بنكون بخيير وسلااام
ما املك غير الدعاء
الله يحفظ الكويت من كل شر
والله يدمر ويفرق اهل الفتن
اميييييييين

 

[سلطانه q8]

الله يكفينا شر الفتنه والله يهديهم ويحفظ الكويت يارب

وحسبي الله عليه اللي اوقظ الفتنه واللي يساهم في نشرها بعد

مشكوره موضوعج حيل حلو كلنا اهل عسى الله لايفرقنا

 

[soosooa]

الخوف مو من طائفه معينه تعتبر قله قليله .. بل بالدول العملاقه المحيطه بنا واللي طامعه فينا خصوصاً ان الكويت تعتبر خامس احتياطي نفطي عالمي ....

بنات احنا لازم نطالب بالكونفدراليه والوحده الخليجيه سلامةً للشعب الكويتي الطيب ولأبنائنا ..

شوفو الكويت اشصغرها بحجم قريه بالنسبه لإيران او العراق .. من السهل ضم الكويت لأي وحده فيهم لا سمح الله

مادري الحكومه اشناطره بعد كل هالتهديدات والتصريحات العدوانيه ! .. ولا ينطرون سيناريو الغزو ينعاد ع الشعب الكويتي لاسمح الله




،،،،،

 

[soosooa]

رؤوس الفتنه الملاعين مستغلين الحريات والديمقراطيه وطيبة أهل الكويت .. ويحاولون ينفذون أجندات خارجيه لتدمير هذا البلد الطيب ... حسبي الله عليهم قمة الخيانه والغدر والخسه والنذاله ... يأكلون من خير البلد ويتمنون الشر لها ولأهلها

 

[ام مرمر]

شاكره لكم خواتي لجميع الردود... وما لنا الا انا ندعي الله دعاء صادق انه يحفظ الكويت وخليجنا وان تبقى قوة الكويت بتوحد شعبها
بجميع طوائفه ومذاهبه اللهم آمين

 

[ام مرمر]

الله يديم عليكم الامن ياهل الكويت

واحذرو من من يريد اثارة الفتن بين دول الخليج

وليكن شعارنا خليجنا وااااحد

شاكره لج وفعلا قوتنا بابتعادنا عن الفتن وان شاء الله خليجنا دوووووم وااااااااااااحد​

 

[ام مرمر]

اولا مشكوووره ياقلبي ع هالطرح وهذا دليل ع حبك الصادق لديرتك ومحد يلومك الكويت من مايحبها
طبعا انا مو كويتيه ولكني وربي احب الكويت واحب اهلها وصدقيني بالنسبه للطوائف والتعصبات هذي مو بس بالكويت بكل البلدان وهذا شئ لابد منه ولكن الشي يرجع للشخص نفسه الشخص اللي يعتز بدينه اولا وبديرته ثانيا ويحاول قد مايقدر يحافظ ع هالامرين اذا حاولنا كلنا نكوون هالشخص كل المشاكل راح تنحل وع فكره احنا كلنا اهل الحد مو بس ع الديره اللي احنا فيها لا احنا كلنا اخوان تحت مسمى عربي مسلم يعني وش الفرق بين حضري وبدوي كلنا بني ادم وكلنا عيال ديره وحده وحتى وش الفرق بين السنه والشيعه كلنا مسلمين وشوفي قبل 60سنه شلون كان الوضع وشوفي الوضع الحين
اللي غير الانفس اهي الفتن والناس المرضى اللي تطلع علشان تسبب البغضاء والتعصب والله يهدي الجميع ويصلحهم ويكتب اللي فيه الخير يارب ...,
واسفه ع الاطاله .,

تسلميييييييين يا عمري وفعلا منو ما يحب الكويت من عاش عليها أبد ما يقدر ينساها والكويت لكل كويتي ولكل مواطن شريف والله يبعد عنا الفتن شاكره لج حبوبه
​

 

[ام مرمر]

الله يفكنا من رووس الفتنه واحنا بنكون بخيير وسلااام
ما املك غير الدعاء
الله يحفظ الكويت من كل شر
والله يدمر ويفرق اهل الفتن
اميييييييين

رؤوس الفتنه نقضي عليهم بتوحدنا يا قلبي مهما حاولوا اذا كنا ايد وحده ما يوصلون لهدفهم وأكيد الدعاء قبل كل شي الله يحفظ الكويت وخليجنا من كل شر شاكره لج
​

 

[ام مرمر]

الله يكفينا شر الفتنه والله يهديهم ويحفظ الكويت يارب

وحسبي الله عليه اللي اوقظ الفتنه واللي يساهم في نشرها بعد

مشكوره موضوعج حيل حلو كلنا اهل عسى الله لايفرقنا

آآآآآآآآآآآآآآمين يا قلبي​

 

[ام مرمر]

الخوف مو من طائفه معينه تعتبر قله قليله .. بل بالدول العملاقه المحيطه بنا واللي طامعه فينا خصوصاً ان الكويت تعتبر خامس احتياطي نفطي عالمي ....

بنات احنا لازم نطالب بالكونفدراليه والوحده الخليجيه سلامةً للشعب الكويتي الطيب ولأبنائنا ..

شوفو الكويت اشصغرها بحجم قريه بالنسبه لإيران او العراق .. من السهل ضم الكويت لأي وحده فيهم لا سمح الله

مادري الحكومه اشناطره بعد كل هالتهديدات والتصريحات العدوانيه ! .. ولا ينطرون سيناريو الغزو ينعاد ع الشعب الكويتي لاسمح الله




،،،،،

فعلا حبوبه الخوف من الدول العملاقه بس لازم نعرف ان هذي الدول طريقتها بالدخول لأي وطن هوطامعين فيه هو عن طريق زرع الفتن واشعالها واذا لا سمح الله انزرعت الفتنه الشعب يضعف وقوة الدوله تضعف وبالتالي تتدخل جميع الدول وطبعا من ضمنها الدول الطامعه بالدوله عشان جذيه نرد ونقول قوتنا بتوحدنا والوقوف ضد الفتن شكره لج يا قلبي
​

 

[ام مرمر]

رؤوس الفتنه الملاعين مستغلين الحريات والديمقراطيه وطيبة أهل الكويت .. ويحاولون ينفذون أجندات خارجيه لتدمير هذا البلد الطيب ... حسبي الله عليهم قمة الخيانه والغدر والخسه والنذاله ... يأكلون من خير البلد ويتمنون الشر لها ولأهلها

رؤوس الفتنه نتصدى لهم بتوحدنتا ونبذهم​

 

[ساندريلا]

والله الكويت تعور القلب حرام عليكم خافوا الله فيها
بهالفتن وهالاحقاد راح تدمرون الديره لازم ننبذ الفتن علشان نحافظ على ديرتنا ملنا غيرها
الله يحفظ الكويت من كل مكروه

 

[سالم الروح]

مشكوووره حبيبتي

كلناااا نحب الكويت ولازم نزضح هالشي مثل ماتقولين بترابطنا واللي يثير الفتنه لازم ينوقفه عن حقه

 

[FeShinGoOo]

الله يحفظ ديرتنااااا وشعبهااا ويكافينا شر الفتنه يارب

 

[ام مرمر]

الله يحفظ ديرتنااااا وشعبهااا ويكافينا شر الفتنه يارب

اللهم آمييييييييييين​