حبــوباااااات ساعدوني عفيه :(

[miss_classy]

هاااي بنوتاااات


انا عيال قطوتي مأذيني وااااايد صايرين يوصخون بكل مكان وما اقدر اتحمل هالشي ولا اقدر ابيعهم عشان امهم تبجي اذا اخذتهم منها :0bee2e8d89:

كلمت الدكتور وقالي خليهم شهر بعد وانا ما اقدر شهر جذيي على هالحاااال :0bee2e8d89:

الحين اهما عمرهم شهر يصييير اسبحهم عاادي مثل امهم ولا اخااااف يموتون

اذا يصير اسبحهم واهما عمرهم شهر عفيه ساعدوني وقولولي شلوون بالضبط وعادي بعد ما اسبحهم انشفهم بالسشوار ؟؟

وقبل جم يوم وااحد من عيالها قعد ياكل اكل امه دراي فوود وخفت يموت الحين انا اشربهم حليب بس اهما اييون اكل امهم وياكلونه الي اهوا دراي فوود عاادي اخليهم ياكلونه ولا ابعد الاكل عنهم واخلي بس الحليب ؟؟

وهم ابي اعودهم على اللتربوكس بس مادري شلون لانه اهما صغار اخاف مايفهمون ويلعبون فيه ويوصخون المكان كله :0bee2e8d89:

عفيه بنوتااااات ساعدوني والله متوهقه فيهم لولا امهم جاااان ابيعهم كلهم بس مايهون علي قطوتي تصير زعلانه وتبجي تبي عيالها :0bee2e8d89:

قولولي شسوي فيهم

 

[мïѕs.мυяdєя]

لوول و الله على حظج توني مسويه موضوع يقولج بالتفصيل شنو تشوين من تسبح و اكل و غيره , اتوقع راح يفيدج وايد

 

[Sparkle]

اي عادي ياكلون دراي فود لازم يتعودون وعطيهم دياي مقصص قطع صغار ,, واتوقع قاعدين يوضخون لانج قاعده تعطينهم حليب ترا القطاوه lactose interlant الكل عباله القطاوه يحبون الحليب بس يسبب لهم اسهال لازم تشترين حليب خاص حقهم تلقينه اب مركز سلطان ما ادري ليش صورتي مو راضي تنرفع هذا صوره حقه

http://www.hartz.com/~/media/products/med/3270098623_medium.ashx

يكون اب علبه دائريه سماويه وعليها صورة قطاوه
انتي دشي مركز سلطان يمكن فيه كذا نوع بس وايد مفيد حقهم!

على لتر بوكس حطيهم اب حمام او مكان مغفول الام راح تعلمهم وحاولي اسبوع راح يتعلمون

 

[a7la-86wa]

حبوبه حطي عندهم اللتر بوكس وهم بيستعملونه على طول
غريزه عندهم
ولا تعطينهم حليب الا اذا كان لاكتو فري (خالي من اللاكتوز)
الماده هذي هي اللي تخليهم يوصخون
لا تتعبين نفسج ولما تسبحينهم لازم استشوار عشان ما يسبب فطريات وبعدين جرب
اذا ما كملو شهر ونص لا تسبحينهم بس مسحيهم بماي

 

[a7la-86wa]

ونسيت ترا ما تتاثر القطوه حيل اذا راحو عيالها ....
يعني عادي تبيعينهم
بتورهم اول يومين بعدين تقعد
لان باجر يكبرون راح يروحون بروحهم

 

[كازو ترف]

اذا وزّعت عيالها
وزعيهم بالتدريج مب مرّه وحده علشان ما تتأثر الام
وآخر واحد خليه عندها مدّه أطول

 

[بنت عبدالغني شربت]

بالنسبه حق عمرهم ما تقدرين تفصلنهم عن امهم الا بعد شهرين

والاكل في اكل مكتوب عليه kitty هذا عطيهم ياهم الحين مو مشكله

بالنسبه للبوكس انا اقولج حطيه بتكرمين حمام وحكريهم فيه لمده يومين راح يتعلمون عليه

 

[Blonde B]

ان شاء الله الخوات ساعدون

^_^

 

[ملاك زوجي]

من ناحي السباحه بللي فوطه فيها ماي ومسحيهم فيها وبعدها نشفيهم

ومن ناحي الاكل عادي انا عندي قطوه عمرها شهر تاكل دراي فود ووقفت الحليب عنها مشااء الله عليها تماام ولاتشكي من شي

ومن ناحي يوصخون انتي شيلي وصخهم وانتي بكرامه وحطيه بالتر بوكس وشيلي القطوه نفسها الي موصخه وديها اللتر بوكس خليها تشمه وبعدها دفنيه جدامها

مره مرتين وتتعلم

وان طولت 3 اياام

ولا تحاتين وايد من ناحي النظافه ترى امهم تهمتم بنظافتهم

اي صج المكان الي وصخوه بعد ماتنضفينه بديتول رشي عطر على الارضيه علشان تختفي الريحه كلش ولا يشمونها الا بالتر بوكس وبس

اتمنى اني اكون افدتج واي سؤل انا مو جوده

 

[ملاك زوجي]

اي واذا بتفصلينهم عن امهم عاادي بس بالتدريج وبيما انهم ااعمارهم شهر لاتعطينهم حق اي احد الا الي فاهم بالقطاوه علشان لايتوهق فيها وتموت حرااام

بنات مادري شقولكم بس تذكرون قطوت كونتيسا الي في وحده *** فلانه باعتها بالمزاد على واحد تذكرتو السالفه صح

القطوه ماتت رحت اسأل عن القطوه قالولي مااااااااااااااااتت والله ضاق خلقي