،
دام الموضوع عنوحقارة الحريم خل اقولج قصه واقعيه وعشتها وشفت كل شي بعيني لانها صارت ببيتنا
اخوي من ابوي تزوج وامه ماتبي مرته تحتك فينا احنا وامي واحنا عايشين مع بعض ومطبخنا وصالتنا وحده ومرته حبيبه حبيبه حبيبه تنحط عالجرح يبرى عاشت معانا3 سنين ماشفنا منها الا كل خير
قايمه بام زوجها وكل عيد هديه تليفون والا جنطه ودراعه والا فلوس وامه تكرها كره موطبيعي لانها محتكه فينا وامي نصحت البنت لاتحتكين فينا بس سلام عشان لايحقدون عليج وهي تقول لا ماشفت منكم الا كل خير ليش اقطع فيكم اهما مايبونها تسولف معانا كلش ومرت اخوي من ابوي الكبير يموتون عليها لانها مومحتكه فينا ولانها حرقت اخوي بالنار مره متخيله!!
المهم كرهوا زوجها فيها لدرجة الظلم والحلف عندهم شربة ماي دقت اختهةالكبيره على مرته قالت بناتي بيروحون المدينهةالترفيهيه روحي معاهم قالت اوكي مومشكله وراحت وخلوها عند الجهال وهم راحو يتمشون بروحهم ودقو على زوجها قالو مرتك راكبه بسياره مع واحد متخيله الظلم شلون صاير؟؟ وشفت امه ماسكته بالدوانيه تكلمه قالت امي الله يستر شكلهم ناويين عالمسكينه على شر وردت البيت عالنيه معاهم ومسكها وطقها طق امه واقفه جدام شقته تسمع صوت راسها وهو ينطق بالطوفه وتضحك مع مرت اخوي من ابوي الكبير ومرت اخوي الكبير تجيب المساحه وتمسح الارض بدون ماي عشان يصير ازعاج وابوي مايسمع صوت الطق ويتضحكون !!! دشت امي شالتها من عالارض ودمها عالكبت والطوفه قالت لامي لاتدقين على اهلي الي سمعه موشويه باجر يتحسف !!
كان يصرف على مرت اخوي الكبير ويعطيها لان امه تقوله هذي مرت اخوك عطها مافيها شي ومرته يعطيها50 كل شهر غير قابله للزياده وهو معاشه 1800
والمسكينه متحمله وساكته وكل ماراحت زوارة اخته الكبيره شيشوه عليها وراح يسفل فيها والا يطقها والا سووا لها مشكله ليش لانهم بزوارتهم يسبون امي ويتطنزون عليها وهي ساكته يبونها تشاركهم الحديث يحقدون عليها ليش ماتطنز معاهم!!
مسجينه تحملت ظلم وكلام حيل وملج وهي على ذمته يبيها تطلب الطلاق بس سكتت وتحملت وراحت زوارة اهلها ودز اخوه الكبير قال خلو بنتكم تاخذ اغراضها ترى اخوي طلقها
اهي راحت الزواره شافت حماها داش استغربت وقفت عند الباب تسمع وسمعت الي سمعته وانهارت قعدت تبجي وتصرخ وتقوله حسبي الله عليكم قالها ولي زين
تزوجت عمرها 17 وتطلقت20 معاها بنت !!
وشفتي المسلسلات شلون آخر حلقتين تشوفين الشرير يصير فيه شي ومن هالحجي ترى صج اهما شصار لهم ؟؟
امه توفت ثاني يوم عرسه على الي ملج عليها وكانت موتتها بشعه ! كل الي زارونا بالعزا يقولون حوبة المسكينه وبنتها!! تخيلي بيوم عرسه تدق علي تبجي تقولي والله ياساره ما اقول الا حسبي الله ونعم الوكيل وبفرش سجادتي وماراح ادعي على احد بس بقول حسبي الله ونعم الوكيل
اخته الكبيره بنتها الكبيره تزوجت مرتين وتطلقت والناس يتحجون عنها ان الاول جاكها مع احد والثاني قعدت عنده اسبوعين وشوفي الكلام الزياده الي طلع سبحان الله يالحوبه والصغيره مالجه وبينها وبين اهل زوجها مشاكل وبتطلق!!
مرت الكبير تطلقت وشفناها شايله قشها ودموعها بعينها!! شوفي الدنيا شسوت فيهم
الكبير تزوج مرتين 3 سنوات و4 سنوات وتوه رزقه الله بعيال بعد علاجات وبلاوي ومرته بتطلق منه بعد ولا يروح دواوين ولاشي الكل يكش منه ويكرهه من الله كله قاعد بالبيت يكره الناس والناس تكرهه
والثاني طلع من البيت بعد هوشه قويه
والبيت صار لامي ولنا بس احنا الداشين وهم الطالعين
ومرت اخوي الي تطلقت للحين متواصله معانا ومع امي وتزورنا ونزورها وياكثر الي يتقدمون لها حتى عزابيه يطقون بابها بس رافضه عشان بنتها عسى ربي يوفقها ويرزقها ويبلغها ببنوتتها لانها انسانه من داخل ثلجه ماتعرف تحقد ولاتدعي على احد ولا تغتاب احد مره بحالها والكل يموت عليها ويحبها
واجد نماذج جذي والمسلسلات يمثلون عن اشياء صج وواقعيه حتى لو كانت من نسج الخيال بس تمس الواقع بشكل كبييييير
