حبر العيون وكنة الشااااام 

[سندس 90]

مرحبا
بصراااحه رمضان المسلسلات تخلييييج تعيشين معاهم ، انا اتبعهم يفور دمي وتحترق اعصابي واللي حوالي يقولون هدي تراه مسلسل ، اهني احترق اكثر لوووول
ماعلينا انا ماتابعت الا مسلسلين " حبر العيون حبيبووووه  " وكنة الشام " ودادووه  "
يمممممممما يحرقووون القلب
حبيبه تلعب يمين ويسار وقلبة حياة سلوى " هند البلوشي " رأساً على عقب والخااايسه تمثل انها ماسوت شي واهي المصاايب كلها على رااسها
اما كنة الشام ااااااه من هذي السوريه وداد ، يعني شوفي حقارة الرياييل ودنائة أنفسسهم اهي خدااامه " مافيها شي " بس الناس مستويات والمسكينه اليوم الهام الفضاله " المعزبه " متكشخه ومتزقرته ومتعدله وتناديه وكسحها امبيييه حرااا واهذيج تقوله لا تروح
الحييين ابي افهم هذا كلللله يصيير بالدنيا صج، يعني معقوله في ناس جذي بشر جذي ، عااادي عندها تهدم بيوووووت
بنات ترا الحمد لله انا ماشفت جذي وانا مااشوف طول عمري





ألحين أبي كللل وحده تقول مرت عليها ناس جذي وقولي سالفتج اذا انتي او احد تعرفينه

والله يكفينا شر الناس
اعذروني اذا كلامي مخررربط توني شفت حبيبه واهي تنادي تلال بغيت اطيح بغيبوبه من القهر هههههههههههه

 

[زوجة عزيز]

اي اكيد في ناس جذي والريايل يسون بالواقع اكثر من جذي بعد

 

[♥MaSteRiyA♥]

مع اني مو متابعة.. بس أقول
الله يبعدنا عن هالنوعية من الناس يارب :yaaaaaarb:​

 

[ام حسون24]

انا اعرف وحده جذي نغس حبيبه
الله يهديها

 

[كيك و حلاوهـ]

وفيه العععععن :dddds:

 

[Miss Eteket]

^
معااها و اكثرر بكثير ههههههههههههههههه

 

[قوس قزح]

الناس اجناس وفي الزين وفي الشين
الله يكفينا شر الانذال

 

[أإلع ـشق دلع ـهـأإ]

اي حبيبتي في حريم مايخافون الله ووظيفتهم تخريب البيوت

ولا يهمها بجي البنت او دعائها عليها ماتخاف ولا تفكرًا انه في رب فوقها


حسسسبي الله عليهم

 

[لمى الهاجري]

لووووووووووول انا مو غاثني بالمسلسل صقر الي بكنة الشام خخخخخخ

 

[lolo.qtr]

فييييييي وااااايد. ولا الي نفس حبيبه الله يغربلها
المشكله العقول الصغيره الحين تخزن مـ♡ـن هالمسلسلات عشان عقب العيد تبتدي مسلسلات ثانيه في بيوتهم

مااقول الا الله يحفظ بيوتنا مـ♡ـن هالنفوس الدنيه والعقول الصغيره ويبعد عنا عيون الشياطين

 

[هيبة ملك]

والله في

خل اقولج قصة وحده من معارفنا قريب لنا

هذي وحده تطلقت من زوجها بسبة أمه غارت منها وحلفت الا تطلقها وطلقها وهي معاها بنت

إلا وحده من حريمها قامت تمدحها لحماها الصغير توه ومتزوج وعنده ولدين قام الرجال وتزوجها

ومن خذاها وهو حاقر زوجته مع إنها أصغر وأجمل وبعد شهر جمعهن فبيت بناء على طلب الجديده وصارت ذيك الأولى للبيت والعيال

تخيلوا تمسك عيال الجديده وتطبخ وتنظف وذيك طايحته حمالات جابت خمسه والأولى على ولدينها ليش؟؟
لأن الجديده حالفه عليه مايقرب لها ومسكينه الأولى صابره وساكته تبي عيالها

والله إنه يجيب الجديده إذا ولدت ويحطها بشقه بروحها ويقعد مقابلها لين تطلع النفاس الأكل يجيه والاهتمام منه مو من أحد ثاني وبعد كل أربعين سفره وذيك فالبيت

تخيلوا اذا صار عشا عند أهل الأولى أو معارفها يخليها فالبيت وياخذ الجديده زين شكو مو أهلها وسبحان الله للحين عايشه معاه

مادري مايخاف من الله مايستحي على وجه

تقول الأولى وتحلف من خذا عليها ماقرب لها بس مخليها للبيت وللعيال

زين ماتبيها طلقها

لما قلت لها شمصبرج عليه تقول مادري ابي عيالي وبيتي

والله لليوم كلما اشوفه اقول صج مالهم امان أجل وين العدل وين الإنسانية وين العشرة

ما أنسى مره كنا مأجرين استراحه فالطايف وزارونا وقعدوا عندنا كم يوم

ذيك الغالية كانت على وشك ولاده وفعلا ولدت وخلها عند أمي

المهم امي على نياتها قالت روح نام وفجناحك وفلانه خلها عندي

بسكات نادا السايق وجاب فراشه عندها أمي تفشلت وطلعت زين نفاس شتبي فيها

وعند ناس زياره والله كنت اشوفه يطلع الفجر ويجيب لها الريوق من برا

تخيلو كل هذا وزوجته الأول موجودة يعني مو محدود ينام عند هذي وهي نفاس

مادري شقول هل هو غلا استغفر الله حاطه له شئ مادري


هذي والله سالفة صجية من ناس نعرفهم والله شاهد مازودت شئ من عندي كل اللي كتبته صاير

 

[حبيبي مالكني]

ههههههههههههههههههههههههه
ضحكتيني احسج وايد مندمجه بالمسلسل
اكيد في ناس هلون هالمسلسلات تحاكي واقع نعيشه

 

[شادن33]

أنا مااتابع شي برمضان

بس أكبد فيه هالنماذج واخسسسس بعد

الله يكفينا شرهم

 

[؛؛حلاوه؛؛]

هيبة ملك واضح ان الاولى شخصيتها ضعيفة وهذا اللي خلاه مايحترمها ويتمادى

عكس الثانية دايما اللي شخصيتها قوية تاكل عقل الريال بشطارتها

 

[ديانا سبنسر]

هيبة ملك عورت قلبي السالفة اللي قلتيها صاحبة الموضوع في بالدنيا العن من جذي

 

[عسل سل]

ماتابعت شي اتوقع في ناس بهاللعاانه بس قليييييييل

 

[Mjnont '3lay]

ايه قطييييعه اهم شي يوم وداااادو تخز بدر < عبدالرحمن العقل
ويرقع يقول يبي يلعب ورق
امبيييه عورت قلبي الهام خاصتن يوم انصك الباب على ايدها وطلع دم وقامت تبجي عوورت قلبي
مالت عليها هالسوريه خربت على عايله كامله وبتهدم بيتهم والسبب هالصقور الخايس ياجعل ماكو صقور < محتررره

 

[PuPa^^SWeeT]

هيبة ملك خرعتيييني صراااحة


الرياييل مالهم امااان




و المصيبة انه هالمشاكل بالمسلسلات صجية


يعني اعرف نااس


تكسر الخاطر المرة تخيلي تدري انه ريلها متزوج عليها خدامة اللي تخدم عندها




مرة كبيرة اهي و الخدامة هذي من عمر عندها


يعني همن كبيرة


تخيلي تزوجها على مرته



من وراها بس اهي درت


بس ماتبي تهدم بيتها

 

[Huda alotaibi]

البيوت اسرار وهذي كتابات المؤلفين منها الواقعي ومنها الخيال
حسب القلم اللي يكتبه وطقوسه اليوميه

الانسان المؤمن اللي يبي يعيش مرتاح ما يشغل امره مع الناس
المؤمن القوي خير واحب الى الله من المؤمن الضعيف
عزيزاتي المشاهدات كلنا مغرمين بالمسلسلات بس لا يرسخ بالذاكره لان كثره التفكير في المشاكل تجلب الطاقه السلبيه
وتعود للمشاهد / المستهلك الضحيه للمنتج او الاعلان
الحياة حلوه وبخير وجدا رائعه اذا الانسان تعامل معاها بنيه ذكاء وماتوفيقي الا بالله
تعوذ من الشيطان وابدآ حياتك بالشكل الصحيح ولا تهدمين بيت انت اخترتيه
دع الامر بيد الله ودعوه المظلوم قريبه ولو بعد حين
سبحانك ربي اني كنت من الظالمين

البيوت السعيده هي التي لا صوت لها :eh_s(7): كوني ايجابيه لتسعدي

 

[ناتشوو]

هيبة ملك
انا مو باط جبدي بسالفتج
الا الاولى
ليش تقبل هالاهانة هذي كلها؟
واضح مايبيها
يمكن يبيها تطلب الطلاق
وهي قاطة نفسها
حتى اذا كلش
ماعندها مكان ثاني تروح له ولا اهل
تفصل نفسها عنه
همها نفسها وعيالها يصير
مو تشتغل خدامة للبيت
وع فكره حتى عيالها ماراح يحترمونها
بليز صج رفعت ضغطي
اكره الشخصيات السلبية اللي بس تشكي