حبايبي بنات ممكن شوي ( بخصوص التحويل )

[kndora]

صبااح الخيير


حبايبي عندي استفسار

انا انقبلت علووم بيولوجيه والحمدلله بس مو حابتها وابي احول تربييه

الحين انا ابي اعرف شغله وحده

طبعا اول كورس راح يكون تمهيدي لاني ما امتحنت كيميا والانجليزي سقطت

لااازم اخذ الكيميا عشاان اقدر احول ولا طااف ؟

مع العلم اني بس سجلت انجليزي لان قالولي مو مهم تاخذين الكيميا

والله يجزييه خيير الي يرد علي

ويعطيكم العافيه

 

[Zozowa j]

تربية تخصصات علمية عدل ؟
انا رفيجتي تربية ساقطة بالكيميا عطوها تمهيدي
ف اتوقع انتي بعد
اب
اب

 

[kndora]

لا حبيبتي ابي احول تربيه تحصصات ادبيه

ما يحتااج الكيمييا التمهيدي اني اخذه بالعلوم صح ؟

 

[سحآب]

آآآب
سبحـآن الله وبحمـده

 

[kndora]

تسلميين حبيبتي

 

[kndora]

...

 

[kndora]

عفييه بناات وحده ترد علي

 

[الجادل الطرقا]

حبوبه هالمعلومات لقيتها بالنت بس لاااازم تروحين العمادة وتسئلين أحسن ما تاخذين مواد مالها داعي

وعشان تتأكدين بعد إذا حولتي يقبلونج بالتخصصات العلمية بس ولا عادي بالتخصصات الأدبية

لانه مادام قبلوج علوم بيولوجيه فأكيد انتي علمي فيمكن أول يقبلونج التربية بالتخصصات العلمية بعدين تحولين تحويل داخلي للتخصص الأدبي اللي تبينه

بس المعلومة الأكيده اخذيها من العمادة أحسن وبالتوفيق


أولاً : الشروط الموحدة للتحويل بين كليات الجامعة :

1- اجتياز الطالب عدداً من الوحدات الدراسية لا يقل عن 15 وحدة دراسية ، و لا يزيد عن 45 وحدة دراسية و تحدد الكلية المعنية عدد الوحدات المطلوبة للتحويل .

2- ألا يكون الطالب قد أمضى أكثر من ثلاثه فصول دراسية اعتيادية في الجامعة للطلبة المقيدين في الكليات التي لا تطبق نظام المقررات العلاجية ، أو اربعة فصول دراسية للكليات الآخرى.

3- ألا يقل المعدل العام للطالب عند التقدم للتحويل عن (c) ، نقطتين ، و للكلية تحديد المعدل العام المطلوب للتحويل إليها .

4- أن يجتاز الطالب بعض المقررات من مستوى 100 و 200 المطلوبة في صحائف التخرج للكلية المراد التحويل إليها على ألا تقل معدلاته في كل منها عن (c) و تحدد الكلية المعنية المقررات المطلوب اجتيازها.


ثانياً : القواعد التنظيمية لعملية التحويل :

1- تتم عملية التحويل من كلية إلى أخرى و ليس من قسم إلى آخر ، و تحديداً تكون عملية التحويل من المرحلة التمهيدية في الكلية المقيد بها الطالب إلى المرحلة التمهيدية في الكلية التي يرغب بالتحويل إليها .

2- تطبق القواعد المقترحة عند إقرارها على جميع الطلبة الراغبين في التحويل ، إعتباراً من العام الجامعي 2005-2006

3- تحدد فترات التحويل بين الكليات من قبل عمادة القبول و التسجيل عقب انتهاء فترة ادخال درجات الامتحانات النهائية في كل فصل دراسي ( اعتيادي أو صيفي)

4- تتولى عمادة القبول و التسجيل عملية إستلام طلبات التحويل و توزيع الطلبة المستوفيين للشروط على الكليات المختلفة خلال الفتره المعلنة .


ثالثاً: شروط خاصة بالكليات :


كلية التربية :

- اجتياز عدد من الوحدات الدراسية ، لا يقل عن 30 وحدة دراسية و لا يزيد عن 45 وحدة دراسية .
- اجتياز المقابلة الشخصية التي تعقدها الكلية
- يكون القبول حسب التخصصات التي تحتاجها وزارة التربية
- يشترط للتحويل إلى تخصص اللغه الانجليزية ، اجتياز امتحان القدرات بنسبة 70%
- يكون التحويل إلى أي من مجموعتي التخصص في كلية التربية ( تخصصات علمية - تخصصات أدبية ) ، أما تحديد التخصصات الدقيقة يكون بمعرفة الكلية و طبقاً للمعدلات الدنيا التي تحددها الكلية .

 

[الشمـــرية]

تمهيدي كيمياء مو لازم تااخذينه

اهم شي تمهيدي انقليزي تعدينه

وموفقه انشالله

 

[عواار قلب]

اب
اب

 

[moo-0-oon_14]

اذا تربية تخصص ادبي ماتحتاجين كيميا
بس تمهيدي انقليزي واخذي مواد مشتركة
وشدي حيلج وبالتوفيق

 

[Miss McDonald]

• صبآح النور *
• مآ عندي فكرة ,
• Upp

 

[دنيتي راشد]

up
up

 

[kndora]

تسلموون بناات ما قصرتوو

ريحتونييي لاني بس مسجله انجليزييي