حبابيبي ابي رقم نوره الحذران ضرووووووووري

[كادي2011]

من صجكم مطيرينها لهالدرجه شغلهم يلوع الجبد
والله لو شنو آنا اولى بـ40 اسوي فيها برنامج عروس كامل بلمسه فن واتزكرت آخر زكرته
شدعوه عليها

 

[حدي طفلة]

انا اقولج موقفي معاها --- قعدت افتر ابى مصممه ورحت لثلاث مصممات بيوم واحد اولا رحت لدار بشرى وقابلت المصممة قمة بالثوق والاسلوب لكن للاسف ماتستقبل بدل عرايس قبل 8\12 وطلعت ورحت شروق سالمين وايضا اسلوب ذرب وراقي واستقبال كله ذوق --واخيرا كنت ماخذه موعد مع نورة الحذران ورحت افتر بحولي ادور لوحة او لافتة لمشغلها مافيه اتصلت وكلمتنى السكرتيرة قلت مشغلكم شنو اسمه انا افتر ومافيه اي لوحه لكم جان تقول مشغلنا ماله لوحه ولا اسم وصفتلى المكان المهم صعدنا وفتحلنا الهندي حبيب طبعا مو السكرتيرة ولا المصممه --- ولقينا عندها زباين قبلنا قالت نورة مو موجودة انطروا خمس دقايق راح تجي استريحم جلسنا بغرفه السكرتيرة وراحت مع الزباين تاخذ بروفه عليهم نطرنا ربع ساعه ماجت المصممه ودخلوا ثلاث حريم اشكالهم صديقات نوره --- شنو سوت السكرتيرة جتنا وقالت لوسمحتوا تعالوا استريحوا حنا حسبالنا بتقعدنا بغرفة ثانيه اثريها اسحبت كراسي الخياطين البلاستك اللي مالهم ظهر اتعرفونهم المربعات البعض يستعملهم تكرمون للحمامات وحطتهم بالصاله وقالت استريحم على ماتجي نورة ودخلت رفيجاتها غرفة السكرتيرة وقعدتهم فيها اهنيه انقهرت من تصرفها البايخ المهم بعد نص ساعة جت نورة جان تقول اسفة على التاخير ---دخلت الغرفة اللي فيها رفيجاتها وقامت اطلع لهم من الملابس وتوريهم المساله طالت جت السكرتيرة جان تقول انا اسفه نوره راح اطول معاهم وانتم كيفكم تبي تنطرون والا تروحون وتجون يوم ثاني وقلت بس حنا جايين على الموعد جان ادري وانا اسفه وطبعا انا مقهوره من سالفة الكراسي قلت لوسمحتي رديلي ال40 جان تقول اوكي واخنا عربونا ومشينا ---- انا بسال عمركم شفتوا مشغل مافيه كراسي ولا لوحه تبين مشغلها لا ومن مصممه مشهوره وماتجينها الا بالواعيد --- تبون الصراحه ياشين الكويتيه اذا صارت مصممه -- تلعب بالمواعين واسعار خياليه بدل السهره 650 وبدلة عروس لبسه 1500 اشدعوا احطهم بساعه اوذهب البسه على طول ولابدله ساعتين وتخيس بالكبت

نفس الي صار معاي بالضبط مع نورة الضاهر محلها مومرخص

 

[مجاريح $]

ولا يابنات رحت افتر على المشاغل والمصممات ما اشوف الا البدويات زياد اسعاره خياليه وانجلوس ولابرجواز ودار بشري وهيا الحوطي وعواطف الحاي وفاطمه قبازرد ماشوف عندهم الا البدويات هن اللي طيرن اسعار المصممات والمشاغل --- ماادري هل البدويه هي اللي فعلا ذويقه وكشيخه ولبيسه --- وصارت هي سبب ارتفاع اسعار المصمممين والمشاغل

 

[KOKO_284I]

تابنات كفو واوفوا

 

[kuwaitaa]

اي والله البدويات هم اللي طيروا الاسعار هههههههههههههههههههههههه

بس البدويات وانا وحده منهم ذويقات ويعرفون الزين ,,

 

[حدي طفلة]

مجاريح وربي انج صاجة شنسوي اندور الزين