حايرة والشوق بين عيونج

[زووز]

السلام عليكم

يعطيكم العافية كويتيات

انه كنت على طول اقرا في هالمنتدى الحلو بس بدون ما اشارك

كانت تعجبني آرائكم ونصايحكم

قلت اطرح عليكم مشكلتي وادري انكم ما بتقصروون

انه صار لي شهرين مخطوبة (عقد قران)

كنت قبلها احب واحد 3 سنين تقدم لي بس ما صار نصيب

افترقنا فترة وعقبها بشهرين ردينا حق بعض لان ما قدرنا نبعد

قاموا يتقدمون حقي وايد بس انه ارفض

بس آخر واحد تقدم لي وافقت علييه وتركنا انه وحبيبي

الحين كلش مو قادرة اشيله من بالي على طول افكر فييه

وهم بالليل لمن اكون مع خطيبي اتخيل حبيبي مكانه واتذكر سوالفنا وكل شي

وساعات لمن يبي يتقرب مني بالليل ما ارضى وساعات ابجي لأني احس اني ظالمته

مع انه والله وااايد زييين ويحبني يمووت فيني

بس والله مو قادرة اشيل حبيبي من بالي

اخت حبيبي تصير رفيجتي تقول لي والله مستعد يتزوجج اذا تطلقتي

ولا تقولون لا تصدقينه لاني عارفته زين ما زين اعرفه صادق وما فيه حركاته نذاالة

شوروا علي بنات والله حدي محتااااارة

انفصل واروح لحبيبي ولا اتم مع خطيبي اليي مو قادرة احبه​

 

[M!ss soso]

و الله معرف شاقولج حبيبه قلبي
بس يقولج اخذي الي يحبج ولا تاخذين الي تحبينه لان الي يحبج هو الي بيسعى لرضاج و بيداريج لكن الي انتي تحبينه انتي بتسعين لرضاه و تدارينه .. و صدقيني يا ما ناس خذوا الي يحبونهم و احين اتعس النآس ! .. و المحبه ما اتيي جذي لازم يكون بينكم عشره و بينكم ايام حلوه و مره ولا شلون بتحبينه .. و قبل ما اختم كلامي استخيري مره و مرتين و ثلاث و ما خاب من استخار ربه .. و الله يوفقج فالدنيآ و الاخره و يكتب لج الي فيه الخير ..

 

[aloooya]

انتي قرري شنو تبين بس لا تظلمين زوجج حرام

 

[راضيه بالواقع]

ترى ابيخ موقف اني اجامل وابادل المشاعر على حساب غيره<<وضع خطيبج
الله يكوون بعوونج ويزيل همج ويقدرج على الطريج الصح
الدعاء وصلاة الاستخاره لربج
وان شاء الله تعرفين الصح وين

 

[غيابك حلم]

مقوله من زمان كنت اسمعها أخذي اللي يحبك ولا تاخذين اللي تحبيه
وعلى كلام كثير مقوله 100/100
ودامه يحبك خلاص توكلي على الله ماتدرين وين الخير لك
​

 

[حشمه]

خطيبج دخل الباب ومحد جبرج توافقين

ودامج وافقتي صرتي زوجته

بذمته انسي الماضي وكملي حياتج

زوجج شاريج لاتبيعينه عشان

حب انتي ماتدرين شنو نهايته ولو كان

لكم نصيب جان ماتزوجتي

 

[كويتية نايس]

حراام عليج تظلمين خطيبج اذا انتي موقادره تنسين حبيبج واهوو يبيج خلاص اتركي خطيبج لان حرام تلعبين بمشاعره
وفهمي خطيبج موقفج لان مو مني وطريج بتتركينه فهمي السالفه

 

[iLLuMinaTion]

الله يكون بعونج حبيبتي

 

[مناير ...!]

اخت حبيبي تصير رفيجتي تقول لي والله مستعد يتزوجج اذا تطلقتي

وليه مو من البدايه ؟
مو قلتي ماصار نصيب
شيضمن لج بيصير هالمره نصيب؟

 

[vanilla-D]

لا تتطلقين و انسي حبيبج و دوري على مميزات ريلج و تقربي منه و حبيه لا تقلب حياتج جحيمما في شي اسمه يحبني و اعرفه عدل بهالزمن

 

[غلاتي غلا]

خافي ربج واتقيه في زوج وساتر عيبج ( زوجج )

هالامور مشاعرنا واحاسيسنا اتعارض مع شرع ربج اللي خلقج

فخافي ربج فيه وحطي نفسج بمكانه !!!

ترضين زوجج باجر يطالعج ويتخيل حبيبته القديمه اهي اللي معاه ..؟

حطي نفسج بموقف نفس هذا ...

لاتفكرين بنفسج وبس !!

اللي اشتراج واشترا اهلج واهلج شروه مو من العدل اننا نجازيه بالطريقه هاذي !!

خافي ربج وترا هالموضوع مو سهل مثل ماانتي متخيلته عند رب العالمين !

ولله كاسر خاطري خطيبج حيل منغش !

 

[الشيخة@]

و الله معرف شاقولج حبيبه قلبي
بس يقولج اخذي الي يحبج ولا تاخذين الي تحبينه لان الي يحبج هو الي بيسعى لرضاج و بيداريج لكن الي انتي تحبينه انتي بتسعين لرضاه و تدارينه .. و صدقيني يا ما ناس خذوا الي يحبونهم و احين اتعس النآس ! .. و المحبه ما اتيي جذي لازم يكون بينكم عشره و بينكم ايام حلوه و مره ولا شلون بتحبينه .. و قبل ما اختم كلامي استخيري مره و مرتين و ثلاث و ما خاب من استخار ربه .. و الله يوفقج فالدنيآ و الاخره و يكتب لج الي فيه الخير ..

عين العقل

 

[واصله]

نفس راي البنات
اخذي اللي يحبج احسن

 

[أم توتو]

اختي استخيري والله يكتب لج اللي فيه الخير

 

[الأهداب السوداء]

اختي عليك بصلاة الاستخارة لأنك ماتدرين الخير وين الله يكتب لك الزوج اللي يسعدك

 

[الوردة المكنونة]

و الله معرف شاقولج حبيبه قلبي
بس يقولج اخذي الي يحبج ولا تاخذين الي تحبينه لان الي يحبج هو الي بيسعى لرضاج و بيداريج لكن الي انتي تحبينه انتي بتسعين لرضاه و تدارينه .. و صدقيني يا ما ناس خذوا الي يحبونهم و احين اتعس النآس ! .. و المحبه ما اتيي جذي لازم يكون بينكم عشره و بينكم ايام حلوه و مره ولا شلون بتحبينه .. و قبل ما اختم كلامي استخيري مره و مرتين و ثلاث و ما خاب من استخار ربه .. و الله يوفقج فالدنيآ و الاخره و يكتب لج الي فيه الخير ..

معاها بالرأي كلام سليم 100٪

 

[وايت اند بلاك]

اخذيها نصيحة يا وخيتي
اشتري اللى يحبش مو اللى اتحبنها000
والله يسخر قلبج الى خطبيش000

 

[Beauty is Me]

حتى لو صج اهوه مستعد علا قوله اخته يتقدملج

ما اعتقد هاذي المشكله

انتي قلتي تقدم من قبل وما صار نصيب


شنو راح يتغير يعني؟؟؟؟؟


بهالزمن اقول الوحده تاخذ واحد يحبها احسن ممما تاخذ واحد تحبه

ترا نادر بالهزمن وعمله نادره الريال الزين اللي يخاف الله فيج

عطي روحج فرصه

ورفيجتج المفروض تكون سنعه وما تييب طاريه

وتباركلج وتسكت


ماله داعي هالشي


انتي الحين متزوجه

من ريال زين


هاذي الصوره اللي واضحه واشوفها

وباجي الحجي مو مهم اخته قالت ولا اهوه قال


من ناحيه ثانيه فكري بعقلانيه

تتطلقين تضمنين هوه يتقدم؟

ويصيرلج النصيب؟؟


انا اقول عطي زوجج فرصة

واذا وصلتي لطريق مسدود تحسين انج راح تظلمينه اتوقع انتي عارفه شراح تسوين وتتتصرفين

الله يعينج

 

[مـعـجـبـة]

ممكن نعرف ليش لما تقدم لج ما صار نصيب ؟؟

يعني هل لين انفصلتي بيصير نصيب بينج وبينه ؟؟

عيل شالمانع من البداية وماخذتوا بعض !!!

 

[فديت حلاتي]

كسرتي خاطري والله

استخيري الله هو العالم بكل شي