حامل00 واكل الفاست فود 00 وتأنيب الضمير

[really cat]

شلونكم حبوبات

حاسه بتأنيب ضمير ومتحسفه وهذي حالتى من أكل الفاست فود
ما أقدر أقاومه وبس أكل وأخلص تينى الحاله هذى :eh_s(4):
وانا دايما أطلب من ماكدونيلز (هابى ميل ) لأنهااا صغيره يعنى قلت اشوى اهون وأرحم


وهم مو دايما أكل يعنى كل 3 أو 4 أيام جذيه

بنات صج انه يضر البيبي:eh_s(2):

وانتو يالحوامل تحرمون نفسكم طول فترة الحمل ولا شتسون بالضبط؟؟؟



هذا حمالى الأول وأبى البيبي يكون بصحه وعاااافيه

 

[Petite]

ماعندي فكره أول مره أسمع هالكلام !!

صدمتيني .. ان شاءالله البنات يفيدونا

 

[حلا vip]

يقولون يأثر شوفي انا لما حملت توحمت عليهم وكرهتهم بس بعد الشهر الرابع اكل مثلا مره بالاسبوع والحمدلله ماصار شي وكنت اكل وجبات سبايسي بعد. بس مره قريت موضوع وحده كانت تموت فيهم واهيا حامل وتاكل كل يوم ولدت بنتها فيها نقص اكسجين ياحرام بسبب الوجبات انتي اذا كلش ماتقدرين خليها كل اسبوع مره وحاولي ماتشربين غازات معاها ادري صعب بس لازم علشانج انتي بعد

 

[Om_Ksha]

مادري انا طايحتله بالمطاعم .. الله يستر ,,

 

[really cat]

وي حسرتى

اتصدقون بنات الى ببطونا أمانه لازم انحافظ عليهااا
والله انا واصله مرحله الى بس اخلص أكل وتينى حالة الندم والحسافه
اقعد استغفر ربى وادعيى يارب بس تحفظ البيبي جني مسويه أثم

وااااااااااااااااى انا حالتى صعببببببببببة

انا سمعت انه يأثر على بنية وعافية البيبي بعد الولاده يعنى حتى على نسبة ذكاءه بالمستقبل

 

[kanoosha]

وانا بعد كله مطاعم كنتاكي بس كل شي فيها يعني صمون دياي خس مرتديلا مايفيد هالشي؟

 

[noynoy]

اي انا كنت جذي
بس كثر ما اقدر كنت اكل سلطات و اعصر عليها ليمون وايد عشان فيتامين سي
و تفاح اخضر
و روب و حليب
و لا تنسين البرجنان بلان و الكالسيوم

 

[really cat]

كنوشه انتى ما تدرين
الدهن الى طابخين فيه

المايونيز+ تتبيلة الدياي والصوص اهنيه المشكله



فى وحده قديمه اهنيه ولدت بسلامه وكانت تاكل فاست فود واااايد واهى حامل
وشلون بيبيهاااا؟؟؟

 

[tmtmt]

خل اقولكم تجربتي
اما ما استغنى عن هالمطاعم

بس كنتاكي مااا احببببه كلش ملش
حتى بيبسي ما اشرب منهم
المهم حملت شهر ٧
وتنسيت على كنتاكي كل يوم تقريبا اكل
٥ اسابيع وطاح البيبي !

مادري ليش حسيت ان من المطعم

ديروا بالكم ولا تكثرون
والله يتمم عليكم

 

[ملكه الحطب]

صح لما كنت حامل كنت احب اكل المطاعم يمكن بالاسبوع 3 مرات

شنسوي بعد والحمد الله ولدي مافيه شي

 

[الـزين و الجـود]

اللي سمعته مايضر

الله يرزقنا ويرزقكم بجنين بصحه وعافيه

 

[اختكم بالله]

والله مادري عاد انا ما استغني عنهم

 

[love love]

الله يحفظ جنينج

 

[really cat]

دكتورى نداء بو خضور قالتلى

تاكلين مره بالشهر بس

الله يعين ويساعدناااا

 

[sweeta77]

حبيبتي
شنو قصه الهابي ميل
انا من حملت اشتهيها
بس عادي اذا مو وايد
ماتسوي شي
لاتقعدون توسوسون
الاجانب اخاف عندهم طبخ ونفخ
كل اكلهم من المطاعم وماشالله عيالهم اشحلوهم

 

[شووقة]

لامااتوقع يضر بس لازم يكون المطعم اكله نظيف
حاولي اتخففين من المطاعم واكلي اكل البيت سويلج صمونة وحطي داخلها همبورج
وخس وطمام وجبن وسويلج شبس خلاص صارت وجبة

 

[زين ودلال]

لا عادي مايضر بأذن الله انا كنت نفسج اشتهيييي اكل من مطاعم ولما اكل اتحسف واخاف واحاتي بس لا الحمدالله عادي ولدت بنتي بصحه وعافيه
البيبي ياخذ الاشياء المفيده منج سبحان الله

 

[عالمي المجنون]

الحال من بعضه

انا هم بجر وتنسيت ع هاليبوني من هارديز

وحاليا مالي خلق طباخ مقزرينها مطاعم

 

[أم عبود 2011]

قبل لا توصل خدامتي وآنا وريلي مقزرينها مطاعم
أهو ما يضر بس يفضل الأكل الفريش والصحي للبيبي وماله علاقة لا بإجهاض ولا تشوهات
كا الأجانب حياتهم كلها فاست فود وعيالهم مافيهم شي
عيل شلون اللي بالدول الفقيرة وغصب يحصلون اللقمة الصحية النظيفة ؟ الحمد لله على كل حال
البيبي ياخذ من مكونات جسم الأم من فيتامينات وكالسيوم والتغذية علشان تعوض الأم باللي ياخذه منها البيبي
ويت لي فصلة في بداية حملي لي الشهر الخامس فصلت على الفاصوليا الحمرا اللي معلبة وإهي نفس فكرة الفاست فود والحمد لله مافينا شي
أهم شي تاكلين من مطعم نظيف وثقة إنه ما يقدم الأكل البايت

وبالأخير ربج الحااااااااااااااااااااااااااااااافظ

 

[الله كرريم]

الفاست فوود انا معااج انه مضر حتى حق الانسان الصاحي فمابالج بالحامل , بس شنسوي يامشتهينه يامالنا خلق نطبخ , بس لاتحاتين انا بحمالي الاول كله اكل وجبات والحمدالله ماحصل الا كل خير وكل شيئ تمامووو

اخذي راحتج حبيبتي اطلبي من اللي تشتهينه بس انتبهي انه المطعم نظييف والوقت مو متاخر عشان لايوصلج قديم او بارد