حامل :(

[هبوشه]

قوة بنات اشلونكم انا عندي بنت عمرها 3 سنين وبنوته ثانيه عمرها 10 اشهر وماعندي خدامه قطعت الحبوب شهر كنت بريح لانها تعيبتني تاخرت علي الدورة شهر و3 ايام امس حللت المنزلي انصدم والا حامل ماادري شسوي ومحد يدري للحين حتى زوجي ماقتله ضايق خلقي حيل

 

[قمر وربي امر]

الله يعينج

بس لاتتضايقين يالغلا ماتدرين يمكن خيره

 

[noo7a]

الحمدلله على كل حال
هذي نعمه من رب العالمين
لازم تفرحين فيها
والف مبروك حبيبتي عالحمل

 

[q8 83]

لا تضيقين خلقج و حمدي ربج على النعمه

و يبي خدامه عشان اتعاونج على شغل البيت و الله يسهل عليج

 

[Violetta]

قاطه الحبوب و ماتبين تحملين صعبه شي اكيد بيصير حمل
و احسن حل تطلبين خدامه من الحين

 

[شيــوخه]

االله يعينج والله

ماعليه ان شاءالله خير لج

 

[Kawaii GiяL]

حبيبتي امي نفسج بجت بجي لمن درت انها حامل بالجعده العنونو
مالها خلق بس كاهو مغير عليها جو البيت لمن تشوفين النونو
تنسين ضيقتج كلهااا و بعدين ماتدرين خيره و يمكن يكون صبي
فديته .. لا تتكدرين انشالله تتيسر امورج يارب و اليهال ما ينمل منهم

​

 

[@ام يوسف@]

قاطه الحبوب و ماتبين تحملين صعبه شي اكيد بيصير حمل
و احسن حل تطلبين خدامه من الحين

:rerrerek:

 

[فراشة الأحزان]

حبيبتي هذه خيره
انا حمالي عزيز حبيبتي ماعندي الا ولد عمره 8 سنين الله يخلي
انا كنت ناويه اسوي علاج بالخارج علشان اسوي عملية حق عيوني
بس استلمت التقرير بعدها بجم يوم حللت والا حامل
اجلت كل شي لمن اولد وانا بعد ماعندي خدامه ولا في احد يساعدني
بس الحمدلله هذه نعمه من الله
قولي الحمدلله على النعمة
حبيبتي في ناس يتمنون الياهل ​

 

[كل الشكر]

اي والله صاج كل من ذكرج بحمد الله....

الفرج من الله

- الي يقطع الحبوب ومو ناوي الحمل يستخدم وسيله ثانيه احتياط
- او على اقل يصير ابالج الحمل شي وارد عشان ما تنصدمين


عموما الف مبرووووووووك الحمال ادعي الله يرزقج العافيه
لج وللبيبي
ويسخر لج زوجج.............

وهونيها وتهون

خلي ربي يتولى امورج

 

[ملكه الحطب]

مبروووووووووووووووووك الحمل

وبنتج زين عمرها وعلى ماتجيبين الثالث وان شاء الله يكون صبي تكون الثانيه شايله عمرها شوي وجيبي خدامه من الحين عشان اتعرف حق بناتج وشغلج

والحمد الله على كل حال

 

[زين ودلال]

قولي الحمدالله

 

[يا عيون سمي]

احمدي ربج هذي نعمه امهاتنا جابونا ورا بعض لا خدامه ولا شي

 

[ScarletteO'Hara]

ما دامج ما تبين تحملين ليش قطعتي الحبوب؟
ما ادري شقول لج الصراحة المفروض تحمدين ربج غيرج مو محصل ظفر ياهل

 

[نـعـومـه]

ليش قطعتي الحبوب دام ماتبين تحملين ؟؟

علعموم الحمدالله على كل حال وبلغي زوجج ويمكن تكونين حامل بولد فرحتج تزيد

 

[kitty eyes]

قولي الحمد الله

انتي بنتج 10 شهور يعني على ماتولدين الا عمرها سنة ونص

واذا على الخدامة قولي حق زوجج انج حامل وانج تعبانه وطلبي خدامة

والف مبرووووووووووووووووووووووك

 

[pinkigigi]

الحمدلله

الحمدلله


ما تدرين

يمكن الله يرزقج بالولد
اللي يفرحج

و لا تتضايقين

بالعكس

افرحي و فرحي زوجج و قوليله مفاجاه


و خلي جو الفرح و السعاده يملي البيت

و تهون ياقلبي لا تحاتين

 

[جمالي خيالي]

مازيد على كلام البنات كفو ووفو
بس اقولك روحي بشري ريلج اكيد بيفرح
واذا موقادره على شغل البيت نامي ابيت اهلح لين توصلج الخدامه او تسلفي خدامه امج

 

[سمو الاميرة 2]

خيررررررررره ياقلبي

 

[تبطي عظم!]

قاطه الحبوب وماتبين تحملين؟؟؟

اقل شيء جان سويتو مناعه طبيعيه!!

جيبي خدامه وحمدي ربج غيرج مو محصل جهال ودور الحمال دوااره قولي الحمد لله