حامل ونفسيتي تعبانة ,,, الاجربت اللولب تدش تفيدني

[بنت مملكة البحرين]

سلاركم عليكم شخباركم

بدخل في الموضوع على طووول

ساعدوني بليز شسوي عندي ولد عمره 4سنوات وبنوته عمرها سنتين ,,,, حملت عليها بالغلط شهر 6 الاطاف وكنت مسافرة لاني ادرس بالخارج في طائرة وطرحت من اول شهر قالي الدكتور بسبب الطائرة ,,,
وبعد اربعة شهور من طرحت رديت حملت بالغلط والحين ا في بداية الشهر السابع ومتأزمة حديييي افكر شلون بربي اليهال:ioljnmlk: وشلون بكون عندي صبر لهم ونا بطبيعتي ماحب الشغالات تعبانة عيالي صغار وقاعدة اثقل يوم ورى يوم وصايرة عصبية حددي:eh_s(2): ,,,, افكر اسوي مانع لان المانع الطبيعي مافادني والمانع مثل الواقي يجيب لي التهابات لاني حساسة وايد وكلشي يجيب لي التهابات قوللو لي عن اللولب شنو تنصحوني فيه ؟؟
بكون شاكرة لكم وقفتكم معاي..

اختكم

بنت المملكة
:balo:

 

[روعة خيال]

هلا حبيبتي

اول شي حمدي ربج و الخيرة فيما اختاره الله

ثاني شي

أنا حبوب المانع وااايد زينة معااي اولا تضبط دورتي و ثانيا تمنع الحمال

أنا استخدم المارفيلون وااايد حلوة

 

[خريجة 2010]

السلام عليكم

انا اخت خريجه الكبيره وشدي الوضوع وحبيت اجاوب عليج
انا خذيت مانع وحيل زين معاي ماشاءالله وما سوالي مشاكل وقطيته قبل شهرين وعلى طول حملت ما أثر علي الحمدالله
فأحسن شي انصحج فيه المانع === أنا استخدمت حبوب ياسمين

 

[زينة الزين]

اللولب ممتاز
بس حبيبتي لازم تحطين في بالج شغلة مهمة
الحمال خلق جديد إذا الله كاتبه مستحيل تمنعينه لو شنو
بمعنى : اللولب تحملين عليه ، الحبوب الله ينسيج حبة حبتين وتحملين ، العازل ممكن ينشق أو يسرب ووووووو
أمثلة وايد تدل على أن كل شي بيد رب العالمين
موانع الحمل أهي مجرد أخذ بالأسباب
توكلي على الله وحطي لولب و "قل لن يصيبنا إلا ما كتبه الله لنا"

 

[نكهةالبرتقال]

حبيبتي أدري اشكثر تعب عليك ، لكن لا تنسين تقولين الحمدلله على نعمة الحمل

و بعدين بالنسبة للولب ما أنصحك فيه أبدا خاصة و أنت متضررة من الواقي الذكري ، فما بالك باللولب ! ، اهو عبارة عن جسم غريب يدخل

برحمك ، رفيجتي ركبته سنة و شالته و الحين عيزت تبي تحمل موقادرة ، لأن سببلها انسداد بقنوات فالوب، الله يبعد عنا و عنك الشر

 

[مسك81]

عسى ان تكرهو شيئا فهو خير لكم
حبيبتي اذا الله كاتبلج الحمل لو شنو تحطين من موانع تحملين والله مرت حماي عندها ماشاءالله 4 واخذت حبوب ياسمين ونست حبتين وحملت على الخامس وعمرها 37 والحمدلله توها والده

 

[mariam_q8]

انا بعد ابي ومتردده شنو استخدم بس شكلي لووولب هرموني مارينا مدحوووولي ياه وايد

 

[جوري 2007]

الحبوب اضمن شي

 

[بحرينية حنونة]

معلي بنت ديرتي حطي في بالج الله كاتب لج هالشي بس اذا تحسين مافاد شي معاج استخدمي الحبوب وامرج لله

ماعندي فكره عن اللولب والله

 

[Al Atwan]

اللولب زييييييييييييييييين وممكن تحملين عليه
انا اول ما ركبته ما حطته عدل فكان نازل وطالع مني خيط ورحت تشوف شنو مضوع الخيط طلع ان اللولب كان نازل شوي وكان ممكن احمل بس ربج اهو كاتب كل شي يعني شوفي كان ممكن احمل وانا توني طالعه من النفاس
وبالنسبه للاخت اللي ركبت لولب وصار عندها مشكله انها مو قادرة تحمل في وحده من رفيجاتي استخدمت الحبوب بعد بنتها والحين قاعده تعالج تبي تحمل - ربج كاتب كل شي ومو شرط في ناس تخطط للحمال وما تحمل وناس ما يبون ويحملون بالغلط بس قولي الحمدالله علي كل حال