وااااااااااااي عذاب هالعيش مع الروب يا سلام
غسلي ونقعي العيش قبل لا تبدين بأي شي
حمسي بصل بالجدر ونتفة ثوم مع شوية زيت
بعدين ضيفي 2 مكعب ماجي عليهم وخلطي + شوية كمون ناعم + لومي اسود مطحون
بشري عليهم 2-3 طماط وحمسيهم عدل لما تصير شوية مثل المرقة
زيدي عليهم شوية ماء وخليه يغلي على النار
وضبطي الملح اذا يحتاج
ضيفي العيش بعد ما تزلين عنه الماي المنقع فيه
وخليه الماي اللي بالجدر يرتفع عنه 1 سم بس
وخليه على نار متوسطة بالبداية
ولما يخف الماي قصري على الجولة وحطي الحديدة تحت الجدر على ما ينشف
واستمتعي باحلى عيش طماط
انا عادة اقلي حلقات بطاط شوي سميكة وعلى ما ينشف العيش احطها دداخل جدر العيش على زاوية
عشان مع البخار تستوي وتطري
وعند التقديم ازين فيها العيش
وبالعافية