حامل ولا مو حامل فضفضي عن احساسج اليوم...

["*آآآنؤؤؤقهـ*"]

الله يرزق الجمييييييييع

 

[((shoOoshoOo))]

الله يرزقكم يارب

 

[جنوني عيونك]

اتمننى اكوون حامل هالشهر لأني بدأت احس الحمل شي مو سهل صعب
صارلي متزوجه 4 شهور وبديت اوسوس ><

 

[حبي مودي..]

جنوني توك٤ شهور حبيبتي لاتفكرين وسعي صدرك مايذبحنا وياخر الحمل الا التفكير

 

[بدون بس مغتربه]

بسم الله
لا اله الا الله محمد رسول الله

اللهم نسالك توفيقك ورزقك الواسع ياكريم


اللهم لاتذرني فردا وانت خير الوارثين

 

[تدخلين القلب]

بنات انا توني متزوجه ومادري اذا صار معاي حمل ولا للحين
المهم صارلي يومين احس كثرت روحتي للحمام احس نفسي وايد انحصر زياده عن المعتاد ومن ادخل الحمام كمية البول حيل بسيطه احسها واحس بعوار من تحت شي يظغط
واليوم حسيت بآلام الدوره حيييل وظهري وبطني عوار وتوه نزل علي نقط بنيه مادري شنو هذي
علما ان دورتي موعدها بعد اسبوع تقريبا

مادري شنو هذا

 

[Mimia89]

تدخلين القلب
حبيبتي مبروك يا عرووس

و احيانا يصير حمل من اول ليله زواج
نطري اذا تأخرت الدورة سوي تحليل حمل

 

[مذهلة2013]

تدخلين القلب


والله نفس اعراضي بالظبط

اخذي تحليل بول ديجيتال عزكم الله يكشف الحمل قبل 4 ايام من الدورة

وربي يوفقج

 

[حبي مودي..]

الله يرزقكم يااارب،،

بنات انا معي الم اسفل ظهري وكمان افرازات شفافه وهذا من ايام الاباضه الى اليوم وبعد الجماع ينزل زي خيط الدم مع إفرازات شفافه شي بسيط وخفيف واحس بنغزات اسفل بطني بعد جماع فتره بسيطه ويختفي،،أسف على الشرح وجرائتي بس ابي احد يفيدني،،
هل ممكن تكون التهابات بس انا مااحس بأعراض الالتهابات

 

[بدون بس مغتربه]

الصبر لوقت التحليل احسن حل بس مايمنع تسجلين الاعراض عشان تعرفين نفسج للمره الجايه


الله يرزقنا جميع

 

[حكآية قلب]

ربي لاتذرني فردا وانت خير الوارثيين

 

[روووعة التكوين]

مرحبا بنات اشحالكمم
احس اني كبرت بعد م دخلت هالموضوع هههههه
انا لي ٩شهور متزوجة ان شالله بعد م ارد من الحج
راح ابدا مشروع الحمل عاد يوم قلت لريلي مشروع الحمل ضحك علي قال صج انه مشروع ههههه
الله يرزقني ويرزق كل وحده بالذرية الصالحه ي رررررب حبيباتي والله

 

[Mimia89]

حللللللوة مشروع الحمل
صج صج مشروووع و يبيله راس مال بعد و فبه خساير واايد ههههههه

اليوم لي ٨ من الدورة
و حسيت بألم جهه اليمين مع ان مبجر تو الناس عالتبويض بسم الله
و العوار يروح و يرحع .. اول امس خلصت الكلوميد ٥ حبات
و ناطرة يوم الاحد موعدي تشوف البويضه
و اعطيكم الاخبار اول بأول انشالله

انتو شخباارككم؟؟
هاا منووو حااامل تبشرناااا

 

[بدون بس مغتربه]

ميمي الكلوميد ينشط المبايض من وقت فيقوم يخليج تنشأين بويضات وايد
وان شالله ربي يوفقج روحي للدكتوره وراقبي احجامهم
وانتبهي لاتكثرين من الكلوميد
انا من المنشطات صار فيني تهييج بالمبايض...

 

[Mimia89]

ميمي الكلوميد ينشط المبايض من وقت فيقوم يخليج تنشأين بويضات وايد
وان شالله ربي يوفقج روحي للدكتوره وراقبي احجامهم
وانتبهي لاتكثرين من الكلوميد
انا من المنشطات صار فيني تهييج بالمبايض...

والله ناطره موعدي يوم الاحد انشالله
و هذي اول مره اخذ كلوميد عمري ما خذيت ادوية و منشطات للحمل
الله يشفيج و يرزقج الحمل المعافى انشالله و يرزقنا وياج يا رب :**

 

[بدون بس مغتربه]

ان شالله ربي يوفقج ويوفقنا
على فكره انا هم اول مره اخذ ادويه بش صار جذي لان ماكان فيني شي

 

[Mimia89]

ان شالله ربي يوفقج ويوفقنا
على فكره انا هم اول مره اخذ ادويه بش صار جذي لان ماكان فيني شي

انشالله ماكو الا العافيه :**

 

[بدون بس مغتربه]

احساس غريب

 

[Mimia89]

خييييييييييير ؟؟؟؟؟؟

 

[حكآية قلب]

الله يرزقنا هالشهر