حامل ولا مو حامل فضفضي عن احساسج اليوم...

[قلب زوجي وولدي]

اي انا من الأسبوع السادس بدا معاي الوحام

 

[saroooonh2]

قلب زوجج
نفسي بالضبط .بس متى انتهى؟!
لاني انا بنهاية الثالث والى الان ذابحتني اللوعه والترجيع

 

[قلب زوجي وولدي]

الله يستر توني ما دخلت الثالث

بس للي اعرفه ينتهي بالشهر الثالث يعني يمكن

من تدشين الرابع يوقف

انا شاريه حبوب حق اللوعه مهونه علي اشوي

 

[قلب زوجي وولدي]

الله يستر توني ما دخلت الثالث

بس للي اعرفه ينتهي بالشهر الثالث يعني يمكن

من تدشين الرابع يوقف

انا شاريه حبوب حق اللوعه مهونه علي اشوي

 

[خلود ناصر]

بنات طلعت من الدوام وشريت تحليل حمل ديجيتال وكانت النتيجه







































الف حمد شكر حامل مشاءالله ماتوقعت حامل لانه يوم التبيويض ريلي كشت فيني عاد بصبر لحد نهايه الاسبوع وبحلل دم واتاكد
بس خايفه من شبح الاجهاض وربي خايفه وين تنصحوني اراجع عند دكتور الاجهاضات والله بنات مايهني جنس البيبي بس ابي اولده حي و بعافيه بس يااارب
بدون تتذكرين الدعوتي يوم قلت انشاء الله بدون تحملين معاي و تولدين معاي بنفس اليوم دورتي قبلج بيوم

 

[بدون بس مغتربه]

الف الف الف الف مبرووووك مبرووووك خلود والله فرحت لج اي اذكر... والحمدلله طلعنا حوامل وانا بعد خايفه من شبح الاجهاض ... يقولون اخذي حمض الفوليك وفيتامينات والزمي الراحه لين يثبت.... ديري بالج من الثقل....

والله مستانسه احسها سنه سعيده كلنا حوامل كلنا كنا ننتضر الحمل بشوق يارب يارب يتممم علينا ...
تعالي دخلي بالتجمعات اعتقد انتي مثلي نهايه اكتوبر بدايه نوفمبر.



الف الف مبروووك ربي يثبته لج

 

[خلود ناصر]

اي صح الله يعين التجمع اللي احنا فيه بنشتغل حنه عليهم
وخصوصا اخر الشهر ولادتنا شرايج نفتح تجمع لنا بروووووحنا لووووول

 

[خلود ناصر]

الله يبارك فيج ياحيااتي انشاءالله نبارك حق بعض بالولاده ياااااا رب تمم حملي يارب

 

[خلود ناصر]

بدون انا لازم اخذ زياده بيبي اسبرين و مثبتات وماسويت اخر مره تحاليل اجسام مضاد مع انه طبيب طالبه مني

 

[بدون بس مغتربه]

انا صار فيني هوس كل شوي اروح اسوي الفحص كاني مو مصدقه ...........

خلود ماانصح بالمثبتات في البدايه سمعت وايد ضرهم مافادهم.. شوفي انتي اذا نزل دم او الم قوي حيل راجعي الدكتور..
بس حمض الفوليك يحمي الجنين من اي تشوه .... هذا اللي قالته لي الدكتوره...انتي راجعي وشوفي وتوكلي على الله هو اللي الله رزقنا الحمل ان شالله يرزقنا شوفتهم...

انتي شكثر لج صار لج منتضره الحمل..؟

 

[خلود ناصر]

انا يموت بطني ما يطيح البيبي و مسويه تنظيفات البطانة عندي ضعيفه و المثبت اهو يزيد سمك بطانه الرحم ويمسك البيبي

 

[خلود ناصر]

المثبت عباره عن هرمون البرجسترون

 

[بدون بس مغتربه]

ها عيل زين اخذي المثبتات اخذي ابر الابره مفعولها قوي
الله يثبته

 

[آشوآآآق]

مبرؤؤؤؤؤؤؤؤؤؤؤؤؤؤك بدون وخلود نآصر


آذكر وحدهه بتجمعنآ سبتمبر كآنت تقول آدعوآ لخلود نآصر ان الله يرزقهآ الحمل


والحمدالله ربي آكرمج

وخلود آقري سوره البقره يوميآ وآن شآءالله ربي يتمم عليج ويتمم على بدون


اما بدون كنت آشوف سوالفهآ هينآ ونفسهآ بالحمل والحمدالله ربي آعطاها

الله يتمم عليكم ويقر عينكم بشوفهه مواليدكم سليمين معآفين

 

[خلود ناصر]

الله يبارك فيج وجزأ الله خير الف خير اللي يدعي لغيرة علي سورة البقرة ضروري لازم أسمعها و أقرها على الأقل اقدر أنام مرتاحا وتروح عني الأحلام المزعجة و اتهني بنومتي

 

[بدون بس مغتربه]

اشواف الله يبارك فيج ومبروك لج بعد والله يتمم علينا جميع
صح انا لي من زمان انطر الحمل ولله الحمد عطاني اياه بوقت مناسب لي,,

خلود انا هم تجيني احلام مزعجه من دريت اني حامل تخيلي مره قعدت اصيح مااذكر شنوو بس شكلي كنت اطالع الكبت ومخترعه ومره واحد بيقطع ايدي صج احلام خايسه اعوذ بالله خاصه من تحسينها واقع

اما في احلام ثاني بدت تحلوو خاصه من اقرا ايه الكرسي ثلاث مرات والمعوذات فبل لاانام تحسين الكوابيس تروح باذن الله

 

[أأأميرة الورد]

الف مبرووووك خلود ناصر وبدون مغتربه

الله يتمم حملكم على خييييييييير


خلود لازم تراجعين دكتور وتاخذين مثبتات و ابر كلكسان علشان انتي عندج اجهاض من قبل

 

["*آآآنؤؤؤقهـ*"]

خلوووووووود مبرووك مبروووك الله يتمم لج ع خيييير

ويوزقج من حيث لاتحتسبين.. ديربالج ع نفسسج

 

[خلود ناصر]

الله يبارك فيج الحمدالله علي نعمه الف حمد وشكر والله يعيني علي الادويه بنات عفيه ابي دكتور زين يهتم بحالتي افكر اروح لحيان الاحمد او ناهض المواساة شرايكم فيهم

 

[live life]

مبروووك خلود ربي يتمم لج على خير فرحت لج والله


بدون عالبركة ربي يتمم على خير


يارب يرزق كل محرومه وييسر الامور ويسهلها يارب