لا والله الحمدالله ما اسمع اغاني من صغري
بس انا قاعده احس بذنب
ولدي كان حرج وكانت عندي خدامه كرهتني بالخدم
بس تتشكى منه مع انه ماكان ياذيها ولا احطه عندها
الا بالضروره القسوه من كثر ماكنت اخاف عليه
والولد طبيييعي شطانه الجهال العاديه بس اثرت علي
حسبي الله عليها حسستني انه اسوء طفل بالعالم
ووقتها كانت عندي مشاكل فصرت ان سوى شي طقيته
وهالشي غلط لان مع الوقت الايد تتعود على الطق وراح اتزيد
والواحد لما يعصب مايحس بنفسه جنه كبير جدامي
احس قلبي معصور عليه مابي اكسره
كااااااارهه عمري ولاني قادره اتوب صح صرت اتحكم باعصابي اكثر
من اول بس ممكن يجي يوم بالاسبوع اعفس الدنيا
وتعالي شوفيني عقبها اقعد بس ابجي
اقولج شي تضحكين عليه
قلبي حيل متعلق فيه وحيل اخاف عليه واحاتيه
لانه اهو الكبير وتعبت علشان احمل فيه وماخذ روحي
والكل يقول اهتمامج وخوفج عالكبير غير عن الثاني
لكن مشكلتي خوفي من الخدم انهم ياذونه انعكس علي
مادري شلون اهدي من نفسي وابي شخصيته من جديد
شي طبيعي الام تحب البجري اكثر من الباقين وشي طبيعي المعامله تكون مختلفه من الام حق العيال.. وهذا حسب طبايعهم.. او الطبايع اللي الاهل يخلقونها حق العيال.
شوفي الاولاد يكون عندهم طاقه لازم يستهلكونها.. واذا مالقوا المكان العدل راح تحسينهم يخبصون..ومن وراكم بعد.
فانتي خليه ينشغل بعد المدرسه سجليه بنادي خلي عنده هوايات خلي يكتشف نفسه من الحين هو واخوانه.. صدقيني مشكله كبيره راح تنحل..
واليوم اللي مافيه نادي مشيهم طلعيهم برا...خليه يبات عند ربعه
سولفي معاهم خليهم يفضفضون شوفي شنو اللي يضايقه وشنو هيه مغامرات بالمدرسه خليهم يسولفون.. لج او لابوهم..
وانتي بعد اذا حسيتي نفسج مضغوطه دوري علي الاشياء اللي تريحج... حتى لو تسجلين بنادي....
لازم تحطين بالج انج من تعصبين او تطقين عيالج راح ينحسب لج ذنب ولازم تتصدقين عن عيالج..
والخدم لاتعتمدين عليهم بكل شي انتي تحركي بتربية عيالج...واداره بيتج
والله يحفظج ويحفظ لج عيالج:eh_s(17)::eh_s(17)::eh_s(17)::eh_s(17)::eh_s(17):
