حامل وسويتي ربط تعالي بليز

[ريانا]

حبايبي شلونكم انا مالي غنى عنكم ومالقيت احسن منكم قلبهم طيب وينصحون من قلب انا عندي موعد لعمليه ربط وانا بجر اجهضت من قبل وبصراحه خايفه عندي جم سؤال واذا انتي مسويه ربط تكفين جاوبي وريحي بالي ربي يريح بالج

1- هل العمليه متعبه وتقومين دايخه ودم وعوار؟؟
2- هل البنج قووي ويصاحبه كحه بعد ماتقومين وهل ممكن عملها ببنج موضعي وعمد اي دكتور والبنج الموضعي ابره ظهر ؟؟؟
3- هل فعلا كثره عملها بالمستقبل ياثر على عنق الرحم؟؟
4- هل اذا سويتيها تمارسين حياتج عادي ولا ماتتحركين ولاتطلعين؟
5- هل ممكن تاثر على انها تدفعج تسوين قيصريه لانج ماراح تتحركين فالياهل ماراح ينزل؟؟
6- عل عانيتي من الالتهابات بعد العمليه؟
7- شنو الاسباب الي دفعتج عشان تسوينها ؟؟

الله يوفق ويسعد كل بنت ترد علي وتفيدني لاني حيل احاتي واعتبري ان في عندج اخت محتاجه تنقليلها تجربتج بالتفصيل
شكرا لكم
6-

 

[أبلـه بيبيات]

انا ماعندي فكره حبوبه وانا نفسج بجر واجهضت وقلت حق الدكتوره بحملي الياي
ابي هالعمليه قالت لي اساسا اهي حق فوق الشهر الرابع
وبعد مو حق اي وحده الي يكون عنق رحمها قصير
بس رفيجتي هم مثلج بس طيحت مرتين
وسوت عمليه الربط بس حبوبه اهي ماقامت تشتغل
خذت مجلس طبي
يعني اكيد تحتاج راحه
ويابت احلى بنوته والله يوفقج ويسهل عليج يارب
اهم شي لا تحاتين واذا ربج كاتب لج ضنى بيرزقج

 

[كتالونيه]

امممممممممممممممم
امممممممممممممممم
مادررررررررررررررررري

 

[ريانا]

هلا حبايبي مسكورين عالمشاركه بس العمليه مو لبعد الرابع لبعد الثالث للمرحله الثانيه من الحمل موشرط للي عنق رحمها قصير حتى للولادات المبكره ووايد اسباب مشكوره حبوبه

 

[@ام يوسف@]

ما أقول الا الله يتمم عليج وتولدين بالسلامه

 

[ريانا]

مشكوره اختي ام يوسف الله يتمم علينا ياااارب

 

[beauty rose]

1- هل العمليه متعبه وتقومين دايخه ودم وعوار؟؟
مافي تعب كلش عوار خفيف جنه مغص الدورهو دم نقط و يروح اليوم اللي وراه

2- هل البنج قووي ويصاحبه كحه بعد ماتقومين وهل ممكن عملها ببنج موضعي وعمد اي دكتور والبنج الموضعي ابره ظهر ؟؟؟
بنج كمام شفطه وحده ترروحين عالم ثاني هههههه و 10 دقايق خلصتي
لا كحة ولا بلغم ولا دوخه تصحصحين بسرعه

3- هل فعلا كثره عملها بالمستقبل ياثر على عنق الرحم؟؟
لا ما ياثر وايد ناس مسوينها 5 و 6 مرات مافيهم شي
اللربط يسكر الرحم مثل حلقه حوالين العنق و ينفتح عادي

4- هل اذا سويتيها تمارسين حياتج عادي ولا ماتتحركين ولاتطلعين؟
بالنسبه لي زياده حرص مني ماطلع و افرفر مو بس عشان الربط لاني مسويه انابيب
و لان فيني توم عشان جذي الحركة موزينه لي

5- هل ممكن تاثر على انها تدفعج تسوين قيصريه لانج ماراح تتحركين فالياهل ماراح ينزل؟؟
وايد بنات سووا ربط وولدوا طبيعي اصلا الدكتوره تفتحه اول ما اتدشين التاسع

6- عل عانيتي من الالتهابات بعد العمليه؟
حمدالله لا ماعانيت و بعد العمليه بيعطونج مضاد خفيف و تحميله وحده تمنع الالنهابات

7- شنو الاسباب الي دفعتج عشان تسوينها ؟؟
حامل بتوم

 

[ريانا]

اختي الغاليه بيوتي روز والله كنت متوقعه مليون بالميه بتردين علي وانا حيل حيل اشكرج من كل قلبي وادعيلج يارب يارب ياكريم تسهل ولاده بيوتي روز وتنجب التوأم بصحه وعافيه يا رب

مشكوره وايد لانج دايما تريحيني

 

[beauty rose]

العفووو حبيبتي و مشكوره عالدعوه الحلوه و ان شاء الله ربي يثبت حملج و يتممه على خير
و اي سؤال تبين انا حاضره
بس تخلصين الربط بتضحكين على نفسج لوول
لان حددده سهالات

 

[ريانا]

للرفع

 

[ريانا]

رفع 

 

[ريانا]

بنات ليش مافي تجاوب معاي معقوله محد سامع بالربط 

 

[روعة خيال]

مافي عوار كلللش بس نغزات خفيفه و تروح
و ينزل عليج نقط دم

يبنجونج بنج كامل و بسسسسرعه تصحصحين لا كحه و لا شي

ما تأثر اعرف وحده عندها ٩ يهال كلهم ربط الا الاول

انا ما كنت اتحرك الا بالسابع و الحمدلله ولدت طبيعي

و سوولي ربط لان بولادتي الاولى ولدت مبجر

 

[دلوعت مودها]

العمليه سهالات ١٠دقايق ينومونج تقعدين مافيج شي تحسين اول جم يوم بشي شاد او تعب بسيط حيل ومن زود الحرص ماراح تتحركين ومافي لادوخه ولاشي والدم جم نقطه اول يومين اصلا انا ماادري ان ينزل شي الا لما قالي للدكتور جيكي في دم ولا لا وبعدين قمت انتبه لما ادش الحمام تكرمين....
مممم شنو بعد....انا سويتها لان بحملي لاول صارت لي ولاده مبكره وتوفى البيبي والحركه عاااادي لتحرك بس اداري نفسي عشان ما يصير شي لاسمح الله....*

 

[ريانا]

روعه خيال دلوعه مودها مشكورين واااااااايد جزاكم الله خير حبيباتي

 

[بولندية]

الله يتمم عليج حملج يارب و تفرحين فيه

 

[ريانا]

بعد عمري بولنديه اسعدني تواجدج بموضوعي ومشكوره عالدعوه الحلوه لج بالمثل يارب

 

[الدنيا غير]

حبايبي شلونكم انا مالي غنى عنكم ومالقيت احسن منكم قلبهم طيب وينصحون من قلب انا عندي موعد لعمليه ربط وانا بجر اجهضت من قبل وبصراحه خايفه عندي جم سؤال واذا انتي مسويه ربط تكفين جاوبي وريحي بالي ربي يريح بالج

1- هل العمليه متعبه وتقومين دايخه ودم وعوار؟؟
2- هل البنج قووي ويصاحبه كحه بعد ماتقومين وهل ممكن عملها ببنج موضعي وعمد اي دكتور والبنج الموضعي ابره ظهر ؟؟؟
3- هل فعلا كثره عملها بالمستقبل ياثر على عنق الرحم؟؟
4- هل اذا سويتيها تمارسين حياتج عادي ولا ماتتحركين ولاتطلعين؟
5- هل ممكن تاثر على انها تدفعج تسوين قيصريه لانج ماراح تتحركين فالياهل ماراح ينزل؟؟
6- عل عانيتي من الالتهابات بعد العمليه؟
7- شنو الاسباب الي دفعتج عشان تسوينها ؟؟

الله يوفق ويسعد كل بنت ترد علي وتفيدني لاني حيل احاتي واعتبري ان في عندج اخت محتاجه تنقليلها تجربتج بالتفصيل
شكرا لكم
6-

انا سويتها مرتين و الحمل الثالث قالوا ما تحتاجين و الحمدالله اكملت الحمل لي الولاده
بالنسبه الى اسألتج ؟؟
الدم خفيف مو واايد وماكو عوار بس تحسين بضغط الربط اول الايام بس .
البنج كامل مو موضعي و عاادي حاله حال الكمام ترجيع خفيف و دوخه بس ..
انا سويتها مرتين ورى بعض الثالثه ما احتجت يعني ما تاثر انشالله ..
حياتج تمارسينها طبيعي اكثر من انج مو رابطه بس اول الاياام شوي تحتاجين الراحه تقريبا اسبوعين .. و عاادي عقبها تروحين و تردين ..
اول يوم التاسع يفكون الربط طبعا بدون بنج هني الالم قوي لان البيبي يكون كبير فتحسين بألم مو طبيعي عقبها تمشين عشان تولدين طبيعي وانشالله ما تحتاجين عمليه ..
التهابات بكل الحمل مو من الربط كل حامل تحوشها هالشغلات و يمكن تزيد شوي اذا سويتي الربط ..

انا سويتها لان عندي رخاوه بعنق الرحم و غير جذي صار معاي ولاده مبكره ..

الله يسهل و لا تحاتين سهالات انشالله و اتكلي على ربج .. و اي اسئله انا حاضر و بالخدمه :eh_s(7):

 

[virgo88]

عسى الله يثبته ويسهل عليج يارب

 

[ريانا]

يعطيكم الف الف عافيه