حامل وحدي محتاره باللاستقبال!! اللي يشجع واللي يحبط

[Dior80]

لا والله سوي ماله شغل البيبي الاول بالثاني بس انصحج ان تسوين بنفس الكفر ماله داعي الكلافه وكفر يديد وشدعوة الناس كلهم ذاكرين شكل الكفر والتوزيعات دوريلج فكرة بالملرة غير عن الي سويتيه قبل والله يقومج بالسلامة

 

[FuSheYa]

مشكوورين حياتي مااقصرتوا
بسوييييي ههه

وحاليا سيرجينق على كفر
لاني مستحيل احط كفري اللي طاف

ماشاءالله اكو اوادم يذكرون بادق التفاصيل @@

 

[همي رضى خالقي]

وي من صجج انا كل الي اعرفهم لي خامس ياهل وسادس ياهل يسون استقبال

سوي واستانسي بس بحدود ميزانيتج لا تكلفين على عمرج

شنو المستشفى الي ناوية تولدين فيه؟ لانه يفرق

 

[كتالونيه]

بصراحه انا اايد الاستقبال
سوي الفلوس تروح وتجي
اهم شي الراحه الحين كل البنات يسون
استقبال
بس انا ابعرف شغله وحده الناس بيجون يوم واحد
بس سوي يومين علشان مالهم عذر
احلا شي استقبال بالمستشفى وبس وتردين البيت ترتاحينً
واذا عن الكفر اكييييد غيريه لازم اصلا يتغير لانه هو الي بيشوفونه
وهو الي بيلفت النظر
والله يسهل لج حبيبتي

 

[al7reyaa]

انتي والده وهذي روح طالعه من روح
واللي بيي بيتحمد لج بالسلامه
اكيد بيدرون خالاتج وعماتج وحمولة خواتج وحريم خوالج وحريم عمامج بيونج واكيد حولتج بيونج ورفيجاتج لازم بتحطين ككاو علي الاقل ماعونين وقهوه كيفج تحطين جاي وله لا واذا بتحطين علي الاقل احمر ونعناع او اخضر
لازم بيكون شكلج ذرب قميص وكفر
بعد هذا شنو مو استقبال ؟؟؟؟
كل ياهل له زهوته

انتي اساسا قاعده قاعده بالمستشفي بيونج القراب بس بعد اشبقي

 

[^ دانة الزين^]

والله سوي استقبال ومالج شغل بأحد


وانتي وميزانيتج لا تكلفين على روحج اهم شي الاشياء الاساسيه


واستقبال المستشفى وااااايد اريح من البيت سويه و افتكي و بالنفاس اهتمي بروحج و بالبيبي

 

[تبطي عظم!]

انا ماسويت بالبجر والحين بعد ناويه ما اسوي

الي بتجي حياها الله بالبيت


انتي سوي الي يريحج مالج شغل بأحد

 

[FuSheYa]

ان شاءالله ولادتي واستقبالي اذا الله كتب بالسلام نفس ولادتي الاولى
كانت بدسمان


وبالنسبه للكفر والككاو والتقديم اكيد راح يكون شي راقي بس بيكون ابسط من اول مره مراح اختب وايد
يعني صحون الككاو اتوقع بخليهم نفسهم ملوت اول استقبال بس يمكن ازينهم بنفس ورد الغرفه اللي بييبه
والجاي والقهوه طبيعي

لا ان شاءالله بتوكل على الله واسويه
عاد اذا الله احيانا انا ولادتي بتكون نهايه رمضان او بالعشر الاواخر على كلام الدكتوره!

الله يسهل ويكتب اللي فيه الخير ان شاءالله



حبايبي مشكورين ياحلوكم والله تبردون القلب هههه

 

[طيف الغربة]

ربي يسهلها

 

[امـ خــزامـى]

انا من رائي مشتطه

غيري هالمره سوي استقبال بس بالبيت يكون يومين بعد ماتمين 10 ايام او اسبوعين عشان تستمتعين

وسوي كل اللي بخااطرك