حامل وبنتي معنقزه ؟؟

[G&R&m]

السلام عليكم ،،

بنات انا حامل بالشهر الرابع وبنتي معنقزه وحدددي خايفه عالبيبي


وموعارفه شسووي ؟ لاتقولون وديها لاهلج انا اساسا زايره اهلي لاني ساكنه


بديره ثانيه ماقدر وين اروح عنها ؟ وهي متعلقه فيني مو متعوده ع اهلي


ماتنام الا بحضني ،، وماذكر اذا انا عنقزت او تطعمت قبل ولا لا ؟


قريت بالنت كثير مواضيع انه يضر البيبي لكن انا مابيدي شي اسويه ولاقدر ابعد


عن بنتي واسافر واخليها !!!




طمنوني في احد صابه العنقز وهي حامل وضر البيبي ؟؟؟

 

[G&R&m]

ولا رد ��

 

[مذهلة2013]

حبيبتي ماعندي علم

الافضل تراجعين دكتور

 

[meen_ana]

حبيبتي اذا كان صاير فيج ماعليج شر ان شاء الله وسئلي الطبيب احسن

 

[! فيهـآ دلـع !]

انا اعرف وحده عنقزوا عيالها واهي حامل وسألوا الدكتور قال عاادي بس اهي كانت معنقزه من قبل

بس انتي بما انج ماتدرين اذا يالج من قبل ولا لا مالج الا تروحين تراجعين عشان تستفسرين من الطبيب احسن لج

الله يهون عليج

 

[M!SS.LOBY]

الله يهون عليج

 

[baa6aa]

انا اذكر ولد عمي كان فيه .. فبالزواره عمي ما يابه عشان انا حامل و قالي لا اتيين بيتنا لين ولدي يطيب لان خطر عالياهل
الصراحه اول مرة اعرف هالمعلومة منه والحين انتي سالتي قلت لج اللي اعرفه و ان شاء الله ماكو الا العافيه

 

[حمرة الورد]

سوي تحليل يبين اذا حاشج قبل ولا لا وإذا لا لازم تطعيم وهذا كلام دكتورتي قبل شهر تقول موزين ع البيبي

 

[3houd86]

سوي تحليل يبين إذا صار فيج من قبل و الا لأ.
و حاولي تتجنبين بنتج قدر الإمكان.
و أصلا إذا طلعتي غير مصابه فيه من قبل الدكتور ماراح يقدر يسوي شي ليما تولدين بالسلامه. بس بعد الولاده لا تنسين التطعيم إذا مو ماخذته.

 

[امـ خــزامـى]

الله يكون بعونك

 

[طيبة83]

انا ما صادني ولا خذيت تطعيم

او مره ادري انه مضر

بس اظن انتي ما يصير اتطعمين لانج حامل

 

[أنشودة المطر]

اذا ماسبق وصادج لازم يعطونج دوا او إبرة معينة
ضروري تراجعين حبيبتي لأن فعلا لاسمح الله يضر البيبي خصوصا في الشهور الثلاث الأولى
واذا في آخر ثلاث شهور ممكن ينولد البيبي وهو مصاب بالعنقز
ان شاءالله ماعليج شر وتطلعين مصابة بالمرض في طفولتج
وبعدين اكيد الوالدة بتتذكر اذا صادج أو لا !
الله يطمنج

 

[@أم يوســـف@]

الله يطمئن قلبج