حامل منو شنو شلون شسوي

[أبله كويتيه]

السلام عليكم

بنات ساعدوني شسوي

وين اروح

شنو اكل شنو ما اكل

اي طبيب اروح

شنو الاطبه الزينه الي تروحون لهم

شلون تعرفين انتي باي شهر

شلون تعرفين اذا الياهل زين ولا لا

وسوري على هالسؤال بس الجماع بهالفتره عادي ولا لا


اكو شي معين اسويه بفتره الثلاث الاولى

ولاتقولون لي ارتاحي الراحه والراحه

ماقدر دوامي يكسر الظهر انا ابلة روضه

والكل يعرف ابلة الروضه هز ورقص وشيل وحط وقوم واقعد وصراخ خصوصا مستوى اول

واصغر صف و 27 طفل بالصف

وغير هذا الي معاي بالصف مسويه عمليه وغايبه شهرين تقريبا

شسوووي اول ياهل ومتوهقه ماعرف شي

ماما الله يرحمها

وماعندي احد اكبر مني يعلمني

وافتشل من اهل ريلي

طلبتكم حتى لو بكلمه ولا دعوه

 

[ام صاالح]

رد : حامل منو شنو شلون شسوي

نصيحة ارتاحي وخلي الدوام يولي
ترى والله التربيه ماترحم واذا طاح البيبي الله لا يقوله ترى ماتهمينهم اهم شي المنهج وبس

انا مدرسه مثلج ومن اول ما حملت كله غياب ومجالس طبية وارتحت والحمدلله ارتحت وكانت حالتي زينه والبيبي حالته زينه

وعندي مدرسات كله كراف وبالاخير اليي اولدت قبل موعدها واللي اجهضت واللي اللي اللي
ترى محد راح يفيدج غير بيتج والبيبي وزوجج

وهذا رايي

 

[om-3abodey]

الف الف مبورك عالحمال والله يهون عليج ويسهل عليج يارب
اول شي تسوينه دامج ابله روضة تروحين الطبيب يعطيج مثبتات وفيتامينات انا احتجت ابر وتحميل تثبيت للحين اخذهم بناهيه الثالث وللحين اخذهم
وعلى الروضة كلمي الناظرة تخفف عليج الشغل وطلبي منهم تخفيف عمل بنت خ التي جذي وعطوها
وعلى الدكاترة القسم مو مقصر اقر ي تجارب البنات
وعلى الجماع انت من تروحين للدكتور او الدكتورة بتشوف حالتج وتقولج اذا يصير حق حالتج او لا انا قالت لي وقفي فترة بس عادي مرات تصير بالغلط هههههههههههههه
اي صج وشوفي بقسم التجمعات شوفي التجمع الي يصادف مع ولادتج ودشي معاهم البنات ماراح يقصرون معاج بشي

 

[*فدك*]

بقولج اول شي لازم الراحه خصوصا بالاشهر الاولى حتى لو دوامج تعب حاولي ما تنزلين وتقومين كل شوي لليهال وومولازم هز وشوي شوي بخطواتج وبصعود السلالم ,,,انا بعد دوامي غصبن علي احوس واتحرك بس هم لازم على الاقل لما تردين البيت ما تسوين ولااااااااااااااسي بس ترتاحين..عشان الله يحفظلج جنينج ويثبته يارب
لازم تراجعين عند اي دكتوره جربي في وايد اسماء وناس يمدحون وناس يذمون المهم انتي ترتاحين للدكتوره ولما تروحين تسويلج سونار وتقولج جم لج من الحمل على حسب القياسات وبالبدايه يمكن بس يبين جيس البيبي والبعض يطول على ما يبين عندهم
وفي طريقه الي على حسب متى اول يوم لاخر دوره عندج..عطيني ياه واشوفلج بالمواقع في وايد يحسبولج يقولون لج جم اسبوع لج

الاكل اكلي كل شي طبيعي مو مثل ما يقولون عن اثنين تو الناس خلي اكلج بكميته الي متعوده عليها بس كثري من الكالسيوم والخضرا والفاكهه الاكل الصحي يعني والمفيد وابتعدي عن المطاعم والوجبات
بس بالنسبه للاعشاب طبعا لا تشربين دارسين وهالسوالف الي تعتبر حاره الي وقت الدوره ينصحون فيها هذي ابتعدي عنها

روحي الطبيب عشان تكشفلج بالسونار وضع الجيس وكل شي اذا زين ان شاء الله البيبي بيكون زين

ومطلوب منج تحاليل باول الحمل منها التحليل الشامل للدم وتحليل البول وتحليل السكر

وبالنسبه للدكاتره انا انصحج روحي لدكتوره بمستشفى مره وحده مو بعياده عشان لا تتوهقين روحه ورده على الاقل المختبر موجود وكل شي واعتقد التجهيزات الي بالمستشفى افضل
انا عن نفسي اراجع برويال حياة...روحي هناك وكل داكترتهم زينين

والبنات يمدحون ليللى اشكناني وناهده العلي وفوزيه القطان ووايد ان شاء الله يفيدونج اكثر

بس مثل ما قلتلج مو شرط ترتاحين للدكتوره الي غيرج يمدحها ومرتاحه معاها شوفي الي افضل لج

اول ثلاث اشهر مافيهم شي غير الراااااااحه ويعطونج فولك اسيد ووايد مفيد وضروري باول اشهر من الحمل وتطمنين على وضح الجنين

والف مبروك الحمال والله يثبته لج ويحفظه يارب

 

[الأميرة جوري]

رد : حامل منو شنو شلون شسوي

الله يكون بعونج والبنات ماقصروا .........

 

[LiL MaMa]

رد : حامل منو شنو شلون شسوي

الله يتمم عليج حملج و يسهل ولادتج و يرزقج الذريه الصالحه

اول شي لازم تروحين الطبيب عشان تعرفين اشكثر صارلج
و راح يعطيج حبوب الفوليك و كالسيوم و يمكن فيتامينات

و ثاني شي تحركي بس لاتجهدين نفسج

و لاتلبسين كعب كللللللللللللللللللللش

و اذا حالتج اوكي الجماع ما في مشكله منه بس مايكون بقوه

و بالنسبه للدكاتره انا راجعت بولدي بس مراجعات عند الدكتوره نجمه اللي بالسلام حليوه و عارفه شغلها و ماعنها هذره زايده

بس كل ولاداتي و باجي مراجعاتي بعيالي الباجي عند الدكتور حسام بمستشفى دار الشفا

انا بالنسبه لييي دكتوووور ممتاااااز محترم و بشووش و حبوب و صبووور
و يجاوبني على كل اسئلتي حتى لو اعيد السؤال مليون مره
و انا بصراحه تهمني خبرة الطبيب و نفسه الحلوه


ممم و شنو بعد مممممممممم


ايييييييييييي
وخري عن المشروبات الغازيه و الرد بل و مشروبات الباور

و خليج مع الحليب و العصير

و حاولي تكثير من الفواكه و خضره

و لا تشربين دارسين و زعتر و مرميه و الاشياء اللي تنزل الدوره

و اذا تحبين تسوين رياضه سئلي الدكتور عن الرياضه المناسبه

و لا تشيلين اشياء ثقيله

و لا تصعدين و تنزلين من الدري ركض

ممممممممممممم و انشالله اكون فدتج

و انشالله البنات ماراح يقصرون

 

[شوق شوقى]

الف الف مبروك حبيبتى ادعى الله يثبته وتفرحين فيه

وخليها على الله واللى الله كاتبه راح يصير

 

[الصعيريه]

رد : حامل منو شنو شلون شسوي

الله يتمم لج على خيـــر
والبناات كفوا ووفوا

 

[خليفة العظماء]

الله يرحم امج يارب

والف مبرووووووووووك حبيبتي


بس نصيحه لاتعبين نفسج بدوام خليهم يولون الدوام مايرحم مابي اخرعج بس اعرف ابله روضه كانت مدنقه على ياهل ولا يرفسها على بطنها
وطيحت سمله عليج
فخلي الدوام لاتعبين نفسج روحي سوي الي عليج وقعدي ولاتصرخين وترقصين خليهم يولون نصيحه ومو لازم تقديرج متياز وقزريها طبيات عادي

ولاتشربين اعشاب بكل انواعها و الزعفران مو زين
كل يوم شربي قلاصين حليب صبح والليل
ولازم كل يوم وجبه كامله يا لحم او دجاجم او سمج وسلطه
حتي لو التنسين اكلي اهم شي التغذيه

وروحي لطبيب سئلي عن احسن دكتور بالمنتدى وروحي للي ترتاحين عليه انا انصحج بمحمود الاسطل بسلام
واهم بأول ثلاث اشهر تاكلين حمض الفولك اسد اخذيه من الصيدليه
كل يوم حبه بعد الوجبه حييييييييييييل ضروري لأن يمنع التشوات سمله عليج

 

[خليفة العظماء]

تابع كلامي

وبعد الثلاث اشهر فيتامينات يصرفها لج دكتورج

والجماع لازم خفيف ويكون على جنب احسن وضعيه للحامل ومره وحده باليوم
واذا كنتي تحسين بعوار وتعب وقفي فتره عشان تريحين والله لايقول لو شفتي افرازات بنيه او شي وقفي الجماع نهائيا لما دكتورج يقول لج صرتي احسن

وعندج موقع بيبي سنتر
http://arabia.babycenter.com/

حلو ومفيد سجلي فيه ويقول لج انتي بأي سبوع بس سجلي اخر دوره

وعادي اول فتره من الحمل تحسين بعوار برحم لأن الرحم يتمدد ويكبر لاتحاتين عادي
ولاتعبين نفسج ولاتشيلين شغلات ثقيله ولاتدزين شي
وممنوع الفلفل مو زين
وكل ماذكر شي بدش اكتب لج

وربي يتمم عليج

 

[أبله كويتيه]

رد : حامل منو شنو شلون شسوي

بعد عمري فديت قلبكم

الله يجزاكم خير عالدعوات الطيبه

وعالنصايح ماقصرتوا

بميزان حسناتكم

والله صاحين بحاول من باجر اخليهم يولون وما اتعب نفسي وايد


الله يجزاكم خير ريحتوني بالردوود

 

[*Crafty-girl*]

ألف ألف ألف مبرووووووووووووك والله يتمم لج على خير وتقومين بسلاامه

لازم تراجعين طبيب دام اول حمل لج عشان تتطمينين وتعرفين الجنين بأي اسبوع وراح تعطيج فتامينات استمري عليهم لي اخر الحمل راح يعطونج اياهم وريحي نفسج بالدوام انتي الحين فبداية الحمل دربالج حبيبتي

 

[ام اميره]

رد : حامل منو شنو شلون شسوي

الله يتمم عليج ويرزقج الذريه الصالحه المعافيه ياااررب
والبناات ماقصرواا والله وديري بالج على نفسح

 

[روعه الأحساس]

رد : حامل منو شنو شلون شسوي

الله يقومك بالسلامك

 

[خضيرة]

اخذى مجلس طبى وارتاحى