حامل في بداية الشهر الثاني ولا مرت علي اللوعة ولاالوحام !

[fatma]

حبيبتي لااتحاتين انا يتلي النساة بالشهر الثاني على نهايته وعادي يمكن مااتيلج النساة الا بالشهر الثالث ... لا تقعدين اتفكرين

 

[أنشودة المطر]

انا نساتي بدت من الاسبوع السابع ... لاحقه على التعب والغثا الله يعينج.... انا مثلج اول شي قلت جذي وشكلي حسدت نفسي لانها على طوووول جتني النساة بعدها بيومين.. الله يعينا بس ... والله يتمم عليج حملج ويثبته لج يااارب
وانا سمعت ان الوحده اذا كانت نساتها خفيفه تكون حامل بولد.. والعلم عند الله

هلا أختي الطيبة

تصدقين عاد البارحة عقب ماكتبت هالموضوع حسيت بشوية لوعة خفيفة
وجان أستاااااانس ..:ggdw:
بس ماطوّلت راحت

الله يكتب اللي فيه الخير .. ويسمع منج يارب ....
كنت طمعانة بولد .. الحين أبي أشي .. بس يكون فيه بيبي سالم ومعافى


الله يتمم عليج يارب .. ويقر عينج بشوفة ولدج أو بنتج
ويفرح قلبج دنيا وآخرة ​

 

[أنشودة المطر]

ما ابي اخوفج بس انا مثل حالتج واخر شئ سويت سونار قلت لي الدكتوره جيس حمل بدون جنين سبحان الله نزل من نفسه روحي للدكتوره وتاكدي والله يرزقج الذريه الصالحه

مرحبا أختي

مايحتاج تخوفيني أنا خايفة وجاهزة

الله يعوضج خير يالغالية ويفرّحج بمولود بأقرب وقت
بس سؤال ..
يوم نزل بروحه .. اضطريتي بعد تسوين تنظيفات والا خلاص؟
هل التنظيفات تعور ... ؟

أنا بأروح أفحص مرة ثانية يوم السبت ..
قلبي مرعوب من الحين ولا أدري شلون ريولي بتشيلني يومها

بس الله كريم ان شاءالله

مشكورة على المرور ​

 

[أنشودة المطر]

حبيبتي لا تفكرين ولا تحاتين


بعد اسبوعين ان شاء الله بتسمعين النبض ويتطمن قلبج


وطبيعي الحين ما يبين توه عنونو وعلى سالفه اللوعة مو شرط حبيبتي


انا حمالي كله كسل وخمول ونوم ماكنت اعاني من لوعة وحدة عن وحدة تفرق ..


وربي يتمملج حملج ويفرحج

هلا حنتوشة
اسمج حلو

الله يسمع منج حبيبتي .. ولا يردني خايبة ان شاءالله

واللوعة راضيين فيها وراضيين بكل شي الحين خلاص تبت عن الدلع
بس أبي ربي ينفخ الروح في جنيني ويجعله معافى .. بس


الله يتمم حمالج على خير ويهوّن ولادتج ويقومج بالسلامة يالغالية​

 

[أنشودة المطر]

حبيبتي مو شرط تلوع جبدج في ناس ما شاء الله مايحسون بشي طول فتره الحمل وفي ناس بس يحسون بخمول انا على عيالي كنت كله اناام اي مكان اي زمان ههههه تلاقيني اسولف مع اهلي عادي يلهوون عني شوي انام كنت تحففففه الله يتمم عليج ويرزقج بالذريه الصالحه

هلا مغتربة حبيبتي
صح أنا الخمول حايشني من بداية ماعرفت بحملي لين الحين ..
ياريت يكون كلامج صحيح وتكون هذي نساتي وبس

على طاري نومج وانتي بين أهلج
تصدقين مغتربة ذاك اليوم قاعدة بعرس
ووسط الطقطقة والناس اللي ترقص وتسولف
تخيلي اني غفيت وقعدوا يضحكون علي :eh_s(6):


الله كريم يامغتربة ..
لاتنسوني من دعواتكم

ربي يخليج لعيالج ​

 

[أنشودة المطر]

يمكن انتي طبيعتج انج ماتنتسين بالعكس احسن ويمكن هم تو الناس بشهر الثاني او على اخره يبين فيج عدل انا مابين فيني النسات بسرعه وكنتي حدي مستانسه بس الله يعينج لمه تجربينها : ))
وعادي مايبين الياهل بس الجيس طبيعي توه عنونو
بس لمه تروحين المراجعة الثانيه شربي ماااي ولا حصري نفسج شوي

أم حسن هلا فيج

أنا أول شي كنت مستانسة ومفكرة نفسي محظوظة
أقول كل هالعالم طايحة نساة وترجيع تكرمين وأنا شحليلي مافيني شي

الحين أبي وما حاصل لي
شفتي البني آدم شلون ؟؟؟


يمكن بتجي متأخرة الله العالم
بس لو أتطمن على وجود الجنين .... لو بس

وبخصوص المراجعة الأولى ترى كنت رايحة حصرانة حدي وانتي بكرامة
لدرجة انتي ماكنت قادرة أقعد على بعضي في غرفة الانتظار

بس بعد مابيّن شي غير الكيس للأسف
والدكتورة كانت تضحك وتقول لي خايفة أضغط بالسونار أكثر من جذي
ويصير شي من كثر ما مثانتج طفحانة


هالمرة خلاص ... بأستسلم للفحص الداخلي
المهم أتأكد وقلبي يرتاح


مشكورة حبيبتي ودعواتج لي ​

 

[mariam_q8]

انا اللوعه بلشت بثالث حبيبتي و الياهل ما بين بسونار الا هالثامن تقريبا مو شرط كل وحده غير وماكو الا العافيه انشالله

 

[أنشودة المطر]

انا بعد افكر بس انشوودة غلبتيني بالوسواس وانا اكثر افكر لان كله اسوي صورة داخليه ويارب خيييييييييييييييييييييييير انا وانتي

هلا حبوبة تناهيد

الله يريح بالج وبالي يالغالية ...

بس شلون توقيعج مبين انج بالرابع...؟

مو كنتي سابقتني باسبوع ..؟

اذا انتي فعلا بالاسبوع الرابع ترى تو النااااااس على مايبان الجنين
كلش لاتحاتين الحين !


الله يطمنج حبيبتي .. والله الوسواس غصبا عني وعنج
خصوصا انه أول حمل .. وتدرين شكثر الوحدة تفرح بأول حمل صح ؟ ​

 

[أنشودة المطر]

وووووووووووويه سكتي ما يحسد المال الا اصحابه انا كنت مثلج بالضبببببببببببببط وحسدت نفسي اخر اسبوع من الثالث مت من اللوعه الله لا يورييييييج لا تخافين من وحده لي وحده تفرق

أنصارية قمرة نوّرتي

ان شاءالله أحسد نفسي مثلج وألقى اللوعة تنطرني على باب الثالث

آه سكتي يختي ... بموت من الخوف ومسوية نفسي قوية
ربج كريم ... وتسلمين على الرد حبيبتي​

 

[أنشودة المطر]

يا بنات لا تفكرون وايد ترا النفسيه تأثر والله توكلوا على الله واهوا اعلم بالحال انا اول ما تزوجت كنت مييييته على الحمال من حملت كلشي افكر فيه وصرت وايد اوسوس بس طاح البيبي اسمله عليكم الحمال الثاني كلش ما فكرت جني مو حامل والحمدلله الله يثبت حملكم يارب

صدقتي اختي مغتربة
النفسية تذبح مو بس تأثر

تصدقين من رجعت من الموعد وأنا معتفسة
حتى برنامج الأكل الصحي اللي كنت مسويته لنفسي أهملته
وبغيت أترك الفوليك أسيد من حسرتي لكن تعوذت من الشيطان

أحس اني مو قادرة أتنفس .. بس قاعدة أعد الدقايق لحد يوم السبت !!!


أنا مشكلتي نفسج وايد ذبحت نفسي على الحمال وصرت مهووسة فيه
بس مو بيدي .. والله مو بيدي .. ​

 

[أنشودة المطر]

حبيبتي عن الوسواس وتعوذي من ابليس انا كنت مثلج كله اقول ليش ماحس وماجني حامل لا تخااافين

هلا برفيقة أكتوبر
الله يديم رفقتنا للنهاية قولي آمين

أحاول ماأفكر والله بس مو قادرة
جننتني الدكتورة حسبي الله على ابليسها

بس أستاهل أنا على لقافتي صح؟
لو اني منتظرة اسبوع والا اسبوعين عشان أتأكد مرة وحدة كان أحسن ​

 

[أنشودة المطر]

انا اللوعه بلشت بثالث حبيبتي و الياهل ما بين بسونار الا هالثامن تقريبا مو شرط كل وحده غير وماكو الا العافيه انشالله

هلا بمريم

طمنتي قلبي .. يعني فيه ناس ممكن تتأخر عليهم النساة صح ..؟

الله يسمع منج يامريم ويطمن قلبي التعبان !



ربي يحفظ لج حمودي وتشوفينه سالم معافى ان شاءالله ​

 

[om-7amod]

عادي مب شرط تحسين بنساه

ترا يختلف من جسم لجسم

والله لايراويج اياها ...خليج جيه احلا حمل بلا نساه


وتمتعي بحملج وتكشخي ترا شكل الحامل شي


ام حموود

 

[أنشودة المطر]

عادي مب شرط تحسين بنساه

ترا يختلف من جسم لجسم

والله لايراويج اياها ...خليج جيه احلا حمل بلا نساه


وتمتعي بحملج وتكشخي ترا شكل الحامل شي


ام حموود

يحليلج ياأم حمود كلامج يونس والله

الله يريح بالي ان شاءالله وأفرح بحملي وشوفة ولدي يارب


مشكورة على المرور يالطيبة ​

 

[Swan]

امي بكل حملاتها ما حاشتها لوعه النساه
وكاهي ماشاء الله يابت 7

 

[أنشودة المطر]

امي بكل حملاتها ما حاشتها لوعه النساه
وكاهي ماشاء الله يابت 7

هلا أختي سوان

ماشاءالله .. الله يخلي لكم الوالدة ويحفظها

الفال لنا عسى كل حملاتنا مثلها وربي يرزقنا جميعا الذرية الصالحة


تسلمين حبيبتي​