حامل حياج وسبق وحملتي بعد حياج

[احبك ياارب]

بنات في شغله وايد افكر فيها وهي
شكلج يوم الولاده طبعا يتكونون تعبانه ويهج ابو الإرهاق بس في ناس بتزورج وخاصه اهل زوججج
ماشاللله في ناس بولادتهم اينون ولا جنها ولاده وفي ناس تنصدمين من شكلها ووايد وتكرهج بالحمال فاتوقع السبب مافي اهتمام
بنات كل وحده أتقول تجربتها بيوم ولادتها وشكانت تسوي
عشان تطلع قمر بهاليوم
:eh_s(7)::eh_s(7):*

 

[سنفورره]

انا كنت عاااديه بس اللي مبين ع وجهي اصفر وتعب
من له نفس يكشخ توج طلعه من ولاده روحج بتطلع اروح افتح عيون الناس لايبا اصير طبيعيه ابرك لي

والطبيعيه اصلن بتبين تعبج

 

[ام ساره 4]

عادي كان شكلي طبيعي وهذا شكلي ماسويت ولا شي الواحد من التعب وين له خلق يكشخ والا يسوي شي لا والله خليني على طبيعتي أحسن

 

[tbola]

لووول نفسي احاتي شكلي

 

[أ.بيشو]

والله انا بعد احاتي فالحين قاعده استخدم خلطه من الصيدليه تفتيح البشره وتشيل الحبوب اللي طالعة لي من النفسيه

وان شاء الله باخذ معاي كريم ترطيب اللي يصير فيه نسبة بسيطه كريم اساس

وقلم حواجب وكحل قلم واحط مسكره خفيف خو عادي شدعوه

 

[تآعِبنْ قَلْبِيْ]

عآآدي اصلا وآلد وتعبآنه من له خلق حق التكشخ وآلتعدل

ولآدتي آلثآنيه في أمريكآ ماحد شآفني الا بوآلشباب خخخخ

 

[*peace*]

انا كذا وحده اشوفها اول ماتولد تهبببببببل

وانا لمن ولدت اول ماطلعوني والله اهلي واهلي زوجي استخفوا علي خخخخخخ طلعت اهبل ولاجني والده

اقولج السر

من الكمام لوووووووووووول

والله صج لان الكمام يتفخ الخدود والجسم

بس بعد يومين لمن يروح اثر الكمام يطلع الصج لول

 

[*peace*]

ماوصيكم بنات قد ماتقدرون اشفطوا من الكمام خخخخ

 

[؛؛حلاوه؛؛]

اول يوم طاف

ثاني يوم استقبالي اختي حطت لي ميكب

ويبت وحده سوت شعري

بس اول يوم بس فونديشن وكحل ومبين شكلي تعبانه

 

[" ام حمود "]

يبين من شكلي تعبانه وااي مالي خلق شيء

 

[غزالة سعودية]

اهم شى نحمد الله سبحانه على السلامه وبعدين الولاده صراع مع الموت الله يكتب اجورنا شلون نطلع مصحصحات لابد من التعب واصفرار الوجه خاصه الى معها فقر دم مع الولاده بيزيد الشى هذا بعدين يجى الزين لما ترد الصحه تفتح اعيونا خخخخخخخخخخخخخ

 

[توتا حمرا]

لاحبيبتي مو عدم اهتمام !!!!
كل وحدة وحالتها الصحية
قبل لا أولد مجهزة ثياب وروب للمستشفى وحاملة استشوار على اساس أولد وأسرح شعري وحاملة شوية ميك اب
ولما ولدت صرت في حال مايعلم فيه الا ربي كان دمي وااااايد ناقص وويهي اصفر اصفر وتحت عيني بنفسجي ومااقدر اتحرك ابدا ولاسويت ولاشي من تعدل وتزين
وبنفس الوقت جفت حريم واااايد عاديين بعد الولادة ولا كأن فيهم شي
يعني هالشي مايتعلق بالاهتمام لأن الصحة تنعكس على الشكل الخارجي

 

[فلافل وبطاط]

هههههههههههه يحليلج انا كنت احاتي
انتي قبلها حفي ويهج وخلج نظيفه وزاهبه ...

وعادي تطلعين ويهج اصفر والطبيعي احلى ...
خلج طبيعيه ...

بس الكل يقولي حاطه حمره مايدرون من كثر الضغط
شفايفي احتقنوا صاروا حمر من الدم ...

يوم استقبالي حطيت كحل قلم ... وحمرا ورديه خفيفه ...

 

[برميت]

لووووول جمج انا قبل لا اولد
بس احاتي احد يشوفني و شكلي مو حلو
وصيت ريلي و امي و خواتي ..قبل لا اروح الولاده كنت حافه و مستشوره شعري
و يايبه معاي كلبسات حق قذلتي
و زبده كاكاو ..و كل ساعه اطلق و لما تروح الطلقه اقول حق ريلي اشلون شكلي ..و اخذ المنظره و اجيك و اهدها و ارد اطلق
اكسر الخاطر ..و لما ولدت قلت حق السستر ضبطيني سنعي شعري و حطي الشباصات عدل ..و قبل لا يدشون حمواتي علي و انا بالولاده ..ريلي قالي ترى بيدشون قلت له ضبطني قبل ..و رتب شكلي و دشوا

طبعا انا خذيت ابره ظهر يعني عقب الولاده ..قاعده و مصحصحه و اصور مع الي يدخلون علي ..بس ياليتني ما صورت ..لانه خشمي ظاهره مو طبيعيه لوووول

و بالاستقبال ..كنت شاريه اساس نفس درجه ويهي ..ما يبين اني حاطه شي ..و حطيت ماسكرا خفيفه و قلوز

 

[أ.بيشو]

لوووووووووووووول اهم شي تطلقين ومعاج المنظره خخخخخخخخخخ

تخيلت الموقف نكتته

 

[مواصله]

انا راح احف واسوي صبغه لحواجبي هاليومين

وقت اللي اولد باخذ معاي مرطب شفايف وكحل واكون مسشوره شعري وخلاص

 

[أعشقه]

والله ولا اهتم بشكلي ولا شي اهم شي اولد وافتك واقوم بالسلامه انا والي اجيبه
وهادي خل يشفوني بالي يبون اهم شي السلامه ..