حامل بالتحليل وبالسونار ماكو شي!!!

[نرجس 85]

شلونكم بنات
عفيه حدي محتاره ومالي احد غيركم
انا سويت تحليل هرمون الحمل وكان عندي 187 اول امس وكان يتضاعف كل 48 ساعه
بزياده طبيعيه نفس ما قالتلي الدكتوره بس سويت سونار امس وماكان يبين اي كيس حمل بالرحم
وقالتلي الدكتوره ان بطانه الرحم سميكه وان على حسبت الدوره انا 4 اسابيع ويوم واحد
متى لازم يبين كيس الحمل بالسونار؟؟؟!!
حدي خايفه ومتضايقه ريحوني الله يخليكم

 

[احب المنتدى]

رد : حامل بالتحليل وبالسونار ماكو شي!!!

اشفيج ليش خايفه

اول شي مبروك

ثاني شي يبين الحمل بعد اسبوعين سوي سونار و كل شي بخير ان شاء الله لاتوسوسين

 

[جذابه بنت ذيابه]

رد : حامل بالتحليل وبالسونار ماكو شي!!!

حبيبتي .. لاتحاتين انا كنت نفسسج ..
والحمدالله بين الجيس والنبض ودايم اقري على بطنج
واصبري اسبوعين وروحي مره ثانيه

 

[Alzain1]

عادي ياعمري لان الحمل صاير متاخر شي اكيد مابيييين الجيس لا تحاتين وصبري اشوي ومبروك مقدمممممم

 

[Alzain1]

عادي ياعمري لان الحمل صاير متاخر شي اكيد مابيييين الجيس لا تحاتين وصبري اشوي ومبروك مقدمممممم

 

[G.H.N]

انا اذا رحت لموعدي و عشان اشووف كيس الحمل كانت تسألني الدكتورة عن اخر دورة تكرمون اذا طلعت بحسبتها 4 اسابيع ما تسويلي سونار تقول ما يعتاز سونار بس تسويلي تحليل حمل هرموني كل 48 ساعة اذا تضاعفت النسبة خلاص

و ان شاء الله ما في الا كل خير

لا توسوسين ترى مو زين لش و للبيبي

 

[غنوة ستايل]

عادي ياقلبي
نطري بعد اسبوعين يبين . مثلي انا ما كان مبين بالشهر الثاني بين .

 

[فله]

حبيبتي الجيس مايبين الا اذا وصل الهرمون 1000 وفوق
ساليني حملت مرتين خارج الرحم واعرف متى يبين الجيس

 

[..ليالي..]

هلا حبيبتي

الف مبروك الحمل

وما عليه يبين بعد الاسبوع السادس دايما

لان اللحين تو الناس

اصبري مثل ما قالوا البنات وبعد اسبوعين راجعي

وان شاء الله ربي يتم عليج

 

[tmtmt]

نفس ما قالوا البنات
وان شاءالله خير لا تحاتين وايد

 

[الفنانه79]

رد : حامل بالتحليل وبالسونار ماكو شي!!!

حبيبتي الجيس مستحيييييييييييييييييييييل ايبين الا لما يوصل الهرمون 1000 وفووووق لان انتي توووووووووووه الهرمون عندج الحمل في بدايته يمكن الجيس كبر حبة العيش وين ايبين

عن خبره <<< الله يتمم عليج يارب​

 

[ام أحلى اثنين]

توك حياتي

انا ببكري كذا ورقدوني بالمستشفى فااوا حمل خارج الرحم

وبعديين بعد عشر ايام او اكثر بييين


بس خوفوني

لذلك لسى مابان

 

[*ريما*]

رد : حامل بالتحليل وبالسونار ماكو شي!!!

الف مبروك

 

[_Pure_]

تو الناس نطري شوي

انا صار نفسج مالج شغل لحساب الدوره يمكن صار حملج متاخر نفس اللي صار لي
فا يكون الحمل وايد صغير مايبين بالسونار

 

[حلمي اكون ام Q8]

من بعد ما تحللين باسبوعين يبين
ان شالله خير

صبري وادعي ربج

 

[مو عايشة بالدنيا]

كيس الحمل مايبين بسرعة
انا ماكانوا الدكاترة يرضون يسووولي سونار مبجر يقولولي مو مبين

لما صارت مسبة التحليل الهرموني 2400 او اكثر
مادري جم بالضبط المهم فوق 2000
رضت تسويلي سونار
ومابين بالسونار العادي بين بالسونار الداخلي
عادي حبوبة حملج ان شالله يارب طبيعي وماعلييج شي

 

[Talyan Rose]

السلام عليكم
حبيبتي تطمني أنا اغلب اهلي جذي يسوون سونار وما يبين شي ويظلون اربع الى خمس شهور ما يبين معاهم شي بعدين يبين
لا تحاتين انشالله حامل والله يثبت حملج يا رب *

 

[نرجس 85]

رد : حامل بالتحليل وبالسونار ماكو شي!!!

تسلمون يا بنات وما قصرتوا على ردودكم
الحمدلله طمنتني الدكتوره وقالتلي ان الهرمون قاعد يتضاعف بشكل سليم
وقالتلي ان الكيس ماراح يبين قبل ست اسابيع من الحمل
مشكوووووووورين والله يتمم على كل وحده حامل ويرزق كل محرومه

 

[ساندريلا]

مثل ماقالوا البنات حبيبتي
والف مبروكعلى الحمل والله يثبته انشالله

 

[توكلت على الله 22]

الف مبروووووووووك
وكنت بقولج بعد6اسابيع يبين
بس اسبقتني دكتورتج\هههههههههه
الله يسهل عليج