حالي بعدكـم حـال مـن يطـرد الثـار
لـأخـوه واللـي قاتـل اخـوه عمّـه
ابوه قـال : النـار ماتطفـي النـار !!
وامه تقول : اخـوك لايضيـع دمّـه !؟
زود ٍ على همه مـن الوضـع محتـار
يتبع كلام ابوه .. والا رضـى امّـه !!
و زود ٍ على ما صار كل الـذي صـار
( بنـت ٍ) تعـزوا فيـه وتشـد كـمّـه
( خطيبته ) مـن يـوم ماكانـو صغـار
( بنت الغريـم ) اللـي تسبـب بهمّـه
تقول : ابوي .. ابوي يا شمعـة الـدار
خذنـي بدالـه واسقنـي كـاس سمّـه
أبغيك أنا .. وأبغيه .. ولا ابغي أختار !!
ماغيـر أبـي تجمعْنـي ويـاك ذمّــه
تكفـى .. حبيبـي لا تهـور وتنـهـار
أبوووس أنا راسـك حبيبـي وأضمّـه
لا وآ ردى حـظـه والايــام تـنـدار
بين (( الثلاث )) وكـل وحـدة ملمّـه
مـن عقبكـم شفتـو تلقيـت الأشعـار
ومن قبل مـا تمشـون ماهـي مهمّـه
