حالتج مع حمولتج ....

[فدييتك]

رد : حالتج مع حمولتج ....

الله كريم يهون الجرح الاليم

 

[منورة العتيبي]

انا انصح كل وحد على وجه زواج وبتسكن فبيت حمولتها تكون رسميه حيل معاهم انا لاني كنت على نيتي وطيبه معاهم صارو يكرهوني ومرت حماي الي تحجي فيهم اهيا الغاليه عندهم الله يسامحكم الحين لي سنه ماحاجيهم وانا معاهم بالبيت بس شنو بيدي مايبون يكلموني بسبب الغيرة تخيلو خالتي تغار مني على ولدها ماتبيه يحبني واخته هم تغار مني لانها كبري ومطلقه وانا مستقرة ولله الحمد بس مابيدي شي الي مايبيني ما ابيه :denya:

 

[wafa82]

رد : حالتج مع حمولتج ....

الحمدالله انا علاقتي زينه مع حمولتي واحبهم ويحبوني يمكن لاني مالي صوت ومو ملقوفه وخالتي حسبه امي طيبه وحيلوه وحتى اذا قطت كلمه مني ولا مناك ما ازعل مثل امي اذا زفتني ما ازعل وبجذي عايشه مرتاحه والحمدالله ولا مرة صارت مشكله وياااهم ماشالله :yaaaaaarb::yaaaaaarb:

 

[miss-chocolate]

قواج الله

حلو موضوعج

انا عن نفسي عايشه في بيت اهل زوجي اللي اهم اهلي بعد

خالتي ام زوجي تصير عمتي اول ما تزوجت ماكانت علاقتي فيها زينه

بس بعدين عرفت اطباعها وكسبتها وكنت اسأل ابوي (اخوها) شنو تحب شنو ما تحب

وصرت من كثر الراحه ما ودي يطلعلي بيت تعودت عليهم عاد توه اليوم وصلتها الدوام

وبالطريج قاعده تمدح فيني تقولي انتي عجيبه مهما ازفج ما تزعلين ولا تشيلين بخاطرج

 

[dectora 7elwa]

احسن شي






































روح بعيييييييييييييييييييييد تعال سالم​

 

[الـوايـلـيـة]

انا ساكنه بروحي وما أروح الا مره بالاسبوع
ومو مفتكه منهم ومن مشاكلهم
الله يسامحهم
وقاعده اقنع زوجي اني ما اروح لهم الا بالاعياد ورمضان يعني الواجب وبس

 

[MisS^MesSY]

أنا الحمدلله علاقتي مع حمولتي زينه بس مشكلتي مع حماي ومرته
حماي يحتر مني أنا وريلي في كل شي حتن خالتي و خالات عارفين هل شي أنا رسميه حيل معاهم بس إهيا تبي تعرف عني كل شي و انا ما أعطيها ويه فقاموا يطلعون على ريلي كلام مثل إن يخوني و عنده شقه من وراي بس انا واثقه من ريلي حيل حيل حيل و حدنا متفاهمين قالولهم عطونا دليل قاموا يتنحشون و الحين قانت ما تحاجيني مني والطريج والله ويشهد علي الله أني عمري ما ضريتها و غلطة عليها, أنا وحده بحالي وكلهم عارفين هل شي بس لي متى حدي مليت. قبل لا يتزوج حماي كنا شحلاتنا لا مشاكل ولا حجي بس من تزوج هل سوسه قامت تخرب كل شي حتن الخدم قامت تتدخل فيهم و تناشبهم. الله كريم

 

[ماسيتي]

حمولتي بيت عمي ..

بأختصار

مهما اسوي ومهما اعطي ومهما اصد ومهما ومهما اظل غريبه بالنسبه لهم

بس بعد 4 سنين زواج تعلمت ان اللي تكفي خيرها وشرها عن الحموله وتعاملهم بسطحيه تعيش بسعاده
لاتقولين لي الكلمه الطيبه وياخاله هاج ماي عيني وياحماتي امريني كل هالحجي خرابيط مهما تعطين للحموله
مايقدرون هالشي وتظلين غريبه ...
صج انا حبوبه وطيبه بس ما احب اعطي من قلب وتالي انصدم لان قلبي غالي علي

والله ياحياتي انا جذي اعاني اعاني بس الحمدالله ريلي يعرفني انا شنو وصرت معاهم رسيمه حدي مااعطي ويه ولا اسولف سلام سلام عليكم وبس عشان ريلي والله مشكوره نورتي موضوعي

 

[ماسيتي]

ما اجذب عليج
قبل اتضايق من شغلة ،، أنا اسأل عنهم
ليش ما يسألون عني ؟؟

أتفقدهم ،، ليش ما يفقدوني ؟؟؟

اقولهم امور الخاصة ،، ليش ما يقولون لي ؟؟

ووايد آكل بعمري ما أسألوا عني ؟؟ ما افقدوني ؟؟ ما يبين بعينهم ؟؟ بس مستحيل أتشره جدامهم مع هذا كل اهم اللي يتشرهون ويزعلون

بعدين أقنعت روحي بفكرة وحده ،، ريحتني آخر راحة وخلتني أعيش مرتاحة ههههههه

هالفكرة اهي
( انا عايشة في هالبيت عشان زوجي وعيالي ،، مو عشان أهله ،، ودخلتي وطلعتي من البيت بتكون عشان اللي دخلته عشانه اللي اهو زوجي ،، مو أهله ،، )

عقبها شلتهم من بالي ،، أسوي اللي علي وأوجبهم وامشي ،، وعقب ما كنت احاول اصير أختهم صرت رسمية لآخر درجة

وبس

اي والله نفسج والله والله حماتي مطلقه وتالي تزوجت عقب زواجي بسنتين انزين والله يوم يت وقالت انا حامل فرحت من قلبي جنها اختي واستانست حيل عاد مسكينه صقطت يوم صقطت وحملت مره ثانيه تخاف لا انا ادري وتخاف اشوف سونارها وتخاف توريني وتخاف اعرف اهي بأي شهر ليش جذي والله حرام اني احبهم بس اهما الله كريم ربي يأجرنا

 

[ماسيتي]

مع الحمولة شي واحد يبين انه اذا اهم ما يبونج لو شنو تسوين
ما راح يقدرون
واذا يحبونج لو تدوسين على راسهم عسل على قلوبهم

صاجه صاجه والله نورتي ني حياتي

 

[ماسيتي]

جربت معاهم كل الطرق
طلعت احسن تجربه اني اصير نااااااشفه بالمعامله
ورسميه ونجحت تجربتي

اي والله يوم كنت ادلل واسوي طلعت مو زينه ورباطة عصاعص صاجه نورتيني حياتي

 

[ماسيتي]

.


آلحمد لله و آلحمد لله و آلحمد لله !
عآيشه في بيت حمولتي ..
و الحمد لله يارب ناس ابوس ايدي من وره و جدآم عليهم !
مآ يتدخلون بيني و بين ريلي كلش !
حتى مرت حمآي تفعد معآنآ و سوالف و ظحك و كل وحده تروح شقتهآ !
و لا مره سئلتني سوالف استغربت منه أو اي سؤال شخصي بيني و بين زوجي (= !
الحمد لله الله رزقني في حموله وآيد متفهمين !
> و هاذي صج نعمه آحسد عليها و أشكر ربي عليها لمآ آقرا بعض مواضيع و مواقف البنآت
مع حمولتهم ! و نفس الشي حمآتي > آهي حما وحده بس !
الحمد لله آصغر مني بسنتين و تهبل تظحك و تسولف آتينن و هم مآ تتدخل !
و حمآي مآ له شغل فيني سلام سلام شلونج زينة و خلاص :* !
و خالتي اتيننننننننننننننننننننن > واي آحس بنحسد من هالكلآم لوول
لا عندهم سوالف آنه يسحبون علي و لا شي ..
لدرجه حتى صغائر الآمور يدقون علي يآخذون رايي !
يعني اذا بيطلبون من بآسكن روبنز على طول يتذكروني و يدقون علي
يقولون لي تبين بآسكن ؟ حتى لو بيروحون الجمعيه و يدرون أني قآعده بروحي
يدقون على طول يقولون تعالي طلعي معآنآ الجمعيه >> صج أنه شي صغير و يمكن البعض يعتبره تافهه
لكن وآيد يقرب خالتي و حمآتي مني و يكبرون بعيني !
لدرجه أنه اذا انعزمنآ على عرس قمت مآ آروح مع آمي الصآلون
على طول معآهم ! (= خالتي اتينن
مره اتذكر كنت مريضه بلاعيمي شوي تعورني
من قالها ريلي على طول يآبت الفاس و نزلت تحت شقتي تبي تدهني ! :/
حتى انا استغربت و استحيت > لأنه كنت توني عروس صارلي شهر !
قلت لها لا حبيبتي عطيني الفاس انا أدهن نفسي > خو استحي !
و لمآ ولدت اتخيلي حطولي طلق صنآعي من الساعه 7 المغرب و انا اطلق
ليه الساعه 7 الصبح يعني 12 ساعه آطلق !
و اهي وآقفه على رآسي و اتييلي و تقرا علي ! > آمي كآنت تلوي بالمستشفى كلها
مآلها قلب تشوفني أو تسمعني اصارخ فدقت على خالتي
و خالتي طيآره يت و قعدت تبجي
و للعلم خالتي صاحبه سكر > مريضه مآ تقدر توقف وآيد ولا تمشي وآيد
> و على هاذا وقفت وقفه أم مع بنتهآ !
و انا على طول أشتري لها و اتذكرها بهدآيآ و آهي بعد !
لمآ كنت حآمل كل مآ تطلع السوق تشتري حق البيبي
يآ بجآمآت أو مهآد أو اي شي تشوفه يعجبهآ اتييبلي آيآه على طول ..
فديتهآ و الله .. (= !

بنآت آدعوآ لنآ الله يسخرنآ حق بعض :*
و يحفظنآ و يتمم علينآ .. (=

مرات زوجي يقول آحنآ رآح نسكن في بيت ثاني
> يعني بيت منعزل عنهم و الله ضاق خلقي و اقوله لا لا لا ! :/
و آن شاء الله طول العمر معآهم :*

الله يتمم عليج حياتي ويرقج نورتيني

 

[ماسيتي]

كنت قاعده عندهم

وسويت المستحيل علشان يحبوني هدايا وطبخ وغيره
بس كل هذا مافاد

الله يسامحهم
يبون وحده مثل مرت حماي تنقل الحجي وتعجف لهم[/quo

اي والله يختي مايبين لو شنو ظلين بنظرهم مرة ولدهم مادري عاد مرة الولد شتسوي نورتين ي

 

[ماسيتي]

نورتوني كلكم بنات حياكم الله

والله انا ساكنه بيت حمولتي صارله سنتين بدش 3 سنين والله اني حاولت معاهم اتقرب واسوي تخيلوااا بنات كاوو فايده عيوني عطيتهم عشان يرضووون تعبت تعبت نفسيتي تعبت بعدين ريحة راسي قما ماانزلهم بدشه وطلعه سلام سلام وبس

 

[&موناليزا&]

رد : حالتج مع حمولتج ....

نصييييييييييييييييحه أخوية:

العلاقة
الرسمية
أفضل
واحسن
الحلول

:aha:

 

[ماكنتوشه بنفسجيه 12]

رد : حالتج مع حمولتج ....

الله يهديهم بس

سبحان الله وبحمده


سبحان الله العظيم

 

[Queen nor]

رد : حالتج مع حمولتج ....

اب اب >>> مو متزوجة ولله الحمد

 

[نور وشموع]

رد: رد : حالتج مع حمولتج ....

:lkmnkl:

نصييييييييييييييييحه أخوية:

العلاقة
الرسمية
أفضل
واحسن
الحلول

:aha:

الحين انا اطبقة وقلت بقلبى يليتنى من زمان مطبقة :lkmnkl:

 

[F A R A W L A]

رد : حالتج مع حمولتج ....

​

​

​

الله يعين متعذبين
والله يتمم على مبسوطين
لووول انا مو متزوجه
بس يلا قريب ان شاءالله ادعووولي
بس حمواي يكونون خووش ناس وطيوووبين


​

 

[cherry67]

هم زينين معاي ما عدا كم وحدة من حريم حمواني ثلاث منهم وحماتي الكبيرة مو ذاك الزود بس بالمناسبات رسمية معاهم يعني سلام فقط وصرت ما احب أحتك فيهم ولا احب القيل والقال لأن ما وراهم الا عوار الراس والقلب