حالتج مع حمولتج ....

[ماسيتي]

بسم الله الرحمن الرحيم

قوه بنات إِشلونكم عندي موضوع حابه اتناقش فيه معاكم ...


عايشه عند حولتج زين شنو وضعج مرتاحه مو مرتاحه يحبونج مايحبونج يقدرونج ولا ساحبين عليج وساحبه عليهم

شنو تحسين لما تقعدين معاهم يفهومنج ويسولفون معاج ولا قاعدين يتصيدولج

عندج حماة مأذيتج ومشاكلج معاها وايد وسوالفج معاها كلها عند ريلج وتسمعين من ناس وايد انها تحجى من وراج شنو ردة فعلج

عندج مرة ابوو ريلج ومناشبتج ومأذيتج ..........


تجاربكم بنات ​

 

[جـــواهر]

حمولتي بيت عمي ..

بأختصار

مهما اسوي ومهما اعطي ومهما اصد ومهما ومهما اظل غريبه بالنسبه لهم

بس بعد 4 سنين زواج تعلمت ان اللي تكفي خيرها وشرها عن الحموله وتعاملهم بسطحيه تعيش بسعاده
لاتقولين لي الكلمه الطيبه وياخاله هاج ماي عيني وياحماتي امريني كل هالحجي خرابيط مهما تعطين للحموله
مايقدرون هالشي وتظلين غريبه ...
صج انا حبوبه وطيبه بس ما احب اعطي من قلب وتالي انصدم لان قلبي غالي علي

 

[( مي )]

ما اجذب عليج
قبل اتضايق من شغلة ،، أنا اسأل عنهم
ليش ما يسألون عني ؟؟

أتفقدهم ،، ليش ما يفقدوني ؟؟؟

اقولهم امور الخاصة ،، ليش ما يقولون لي ؟؟

ووايد آكل بعمري ما أسألوا عني ؟؟ ما افقدوني ؟؟ ما يبين بعينهم ؟؟ بس مستحيل أتشره جدامهم مع هذا كل اهم اللي يتشرهون ويزعلون

بعدين أقنعت روحي بفكرة وحده ،، ريحتني آخر راحة وخلتني أعيش مرتاحة ههههههه

هالفكرة اهي
( انا عايشة في هالبيت عشان زوجي وعيالي ،، مو عشان أهله ،، ودخلتي وطلعتي من البيت بتكون عشان اللي دخلته عشانه اللي اهو زوجي ،، مو أهله ،، )

عقبها شلتهم من بالي ،، أسوي اللي علي وأوجبهم وامشي ،، وعقب ما كنت احاول اصير أختهم صرت رسمية لآخر درجة

وبس

 

[( مي )]

حمولتي بيت عمي ..

بأختصار

مهما اسوي ومهما اعطي ومهما اصد ومهما ومهما اظل غريبه بالنسبه لهم

بس بعد 4 سنين زواج تعلمت ان اللي تكفي خيرها وشرها عن الحموله وتعاملهم بسطحيه تعيش بسعاده
لاتقولين لي الكلمه الطيبه وياخاله هاج ماي عيني وياحماتي امريني كل هالحجي خرابيط مهما تعطين للحموله
مايقدرون هالشي وتظلين غريبه ...
صج انا حبوبه وطيبه بس ما احب اعطي من قلب وتالي انصدم لان قلبي غالي علي

أستغربت :080402ask_prv:
توقعت الحمولة لما يكونون من الأهل ،، يكونون بالفعل أهلج
غير الحمولة لما تكون عايلة غريبة ويديدة عليج !!

الله يوفقج بحياتج انشالله ويعطيج على نيتج ​

 

[نور كوليكشن]

مع الحمولة شي واحد يبين انه اذا اهم ما يبونج لو شنو تسوين
ما راح يقدرون
واذا يحبونج لو تدوسين على راسهم عسل على قلوبهم

 

[ام زاكي]

جربت معاهم كل الطرق
طلعت احسن تجربه اني اصير نااااااشفه بالمعامله
ورسميه ونجحت تجربتي

 

[غمزه وإبتسامه]

اااب < موو معرسه

 

[[[ عيون جابر ]]]

اب
اب
اب
متابعه

 

[Tom ♥ Jerry]

.


آلحمد لله و آلحمد لله و آلحمد لله !
عآيشه في بيت حمولتي ..
و الحمد لله يارب ناس ابوس ايدي من وره و جدآم عليهم !
مآ يتدخلون بيني و بين ريلي كلش !
حتى مرت حمآي تفعد معآنآ و سوالف و ظحك و كل وحده تروح شقتهآ !
و لا مره سئلتني سوالف استغربت منه أو اي سؤال شخصي بيني و بين زوجي (= !
الحمد لله الله رزقني في حموله وآيد متفهمين !
> و هاذي صج نعمه آحسد عليها و أشكر ربي عليها لمآ آقرا بعض مواضيع و مواقف البنآت
مع حمولتهم ! و نفس الشي حمآتي > آهي حما وحده بس !
الحمد لله آصغر مني بسنتين و تهبل تظحك و تسولف آتينن و هم مآ تتدخل !
و حمآي مآ له شغل فيني سلام سلام شلونج زينة و خلاص :* !
و خالتي اتيننننننننننننننننننننن > واي آحس بنحسد من هالكلآم لوول
لا عندهم سوالف آنه يسحبون علي و لا شي ..
لدرجه حتى صغائر الآمور يدقون علي يآخذون رايي !
يعني اذا بيطلبون من بآسكن روبنز على طول يتذكروني و يدقون علي
يقولون لي تبين بآسكن ؟ حتى لو بيروحون الجمعيه و يدرون أني قآعده بروحي
يدقون على طول يقولون تعالي طلعي معآنآ الجمعيه >> صج أنه شي صغير و يمكن البعض يعتبره تافهه
لكن وآيد يقرب خالتي و حمآتي مني و يكبرون بعيني !
لدرجه أنه اذا انعزمنآ على عرس قمت مآ آروح مع آمي الصآلون
على طول معآهم ! (= خالتي اتينن
مره اتذكر كنت مريضه بلاعيمي شوي تعورني
من قالها ريلي على طول يآبت الفاس و نزلت تحت شقتي تبي تدهني ! :/
حتى انا استغربت و استحيت > لأنه كنت توني عروس صارلي شهر !
قلت لها لا حبيبتي عطيني الفاس انا أدهن نفسي > خو استحي !
و لمآ ولدت اتخيلي حطولي طلق صنآعي من الساعه 7 المغرب و انا اطلق
ليه الساعه 7 الصبح يعني 12 ساعه آطلق !
و اهي وآقفه على رآسي و اتييلي و تقرا علي ! > آمي كآنت تلوي بالمستشفى كلها
مآلها قلب تشوفني أو تسمعني اصارخ فدقت على خالتي
و خالتي طيآره يت و قعدت تبجي
و للعلم خالتي صاحبه سكر > مريضه مآ تقدر توقف وآيد ولا تمشي وآيد
> و على هاذا وقفت وقفه أم مع بنتهآ !
و انا على طول أشتري لها و اتذكرها بهدآيآ و آهي بعد !
لمآ كنت حآمل كل مآ تطلع السوق تشتري حق البيبي
يآ بجآمآت أو مهآد أو اي شي تشوفه يعجبهآ اتييبلي آيآه على طول ..
فديتهآ و الله .. (= !

بنآت آدعوآ لنآ الله يسخرنآ حق بعض :*
و يحفظنآ و يتمم علينآ .. (=

مرات زوجي يقول آحنآ رآح نسكن في بيت ثاني
> يعني بيت منعزل عنهم و الله ضاق خلقي و اقوله لا لا لا ! :/
و آن شاء الله طول العمر معآهم :*

 

[Miss McDonald]

رد : حالتج مع حمولتج ....

.
Tom & Jerry
آلله يتمم عليج حبيبتي =*
,
انا ولله الحمد مو متزوجة !

up

up

up


ومششششكووورة على المووضووع =)

 

[دموع تائهه]

كنت قاعده عندهم

وسويت المستحيل علشان يحبوني هدايا وطبخ وغيره
بس كل هذا مافاد

الله يسامحهم
يبون وحده مثل مرت حماي تنقل الحجي وتعجف لهم

 

[غــلآ]

رد : حالتج مع حمولتج ....

انا ولله الحمد ردي راح يكن مشابهه لرد توم وجيري

بس في فرق

اول شي الله بلاني بحما سكانه مرته ومرت حما ملقوفه تبي تعرف عني كلشي هههههههههههههه

وثاني شي اني للحين حامل وما ولدت

اما باقي الشغلات اهي اهي بالضبط

والف حمد والف شكر لك يارب العالمين على هالنعمه

ادعولنا بنات عسى ربي لا يغير علينا

ويخلي لي ام ريلي يارب ويحفظ امي

 

[أنفاسي دخون]

الحمد لله علاقتي مع حمولتي كلها حب واحترام متبادل

يمكن لاني ساكنه بشقه بروحي وما نتواجه الا بالزوارات الاسبوعيه فما في مجال للسوالف البايخه غيره ونغزات وهواش نتجمع علشان نستانس ونتواصل

عسى الله يديمها من محبه يا رب

 

[بيروتيه]

الحمدالله ياربي حمواتي انا اعتبرهم خواتي وخالتي ياقلبي هي والله مثل امي اعاملها حيل زينين معاي
الله يتمم علينا قولوا ماشالله

 

[نونه العازمي]

رد : حالتج مع حمولتج ....

الله يصلح اموركم مع حمولتكم

لست متزوجه :wqedqw:

 

[مندوبة ام بندر]

الله يصلح اموركم

 

[فيروزي]

الحمدالله تمام اهم شي الاحترام وانهم محترمين خصوصيتي ومايتدخلون .....

 

[مرهونه]

حبيبتي انا من تزوجت وانا برة بعيدة عنهم بس هم لوتسوين كل شي ماكو فايدة علي قولت البنات الي قبلي واللة يعيييييييين​

 

[بنت العتيبي]

رد : حالتج مع حمولتج ....

انا برة عنهم بشقة بروحي بس احسن تعامل معهم الرسمية لان بداية زواجي حاولت اوطد العلاقة بيني وبينهم وما سلمت من شرهم وكلامهم علي فغيرت تعاملي معهم للرسمية ولا عندي روح تعال صاروا ماشين سيدا وياي

بس الله يعين مرة حماي الكبير ساكنة وياهم و مورينها الويل

 

[دمعه ندم]

والله كانت علاقتي فيهم شحلاتها جنه خوات واكثر بس بصراحه ماتعرفيلهم يعني يصير موقف سخيف يقلبون عليج وينسون كل شي سويتيه ويصيرون ضدج يعني ماني عارفه هم يحبوني والا يكرهوني وطبعن اخر همي اهم شي عندي زوجي وعيالي واللحين العلاقه حيل سطحيه وانا الحمدالله مرتاحه ماكو لا قالت ولا سوت وفي وحده منهم يمه مطلعه الشيب براسي صج حاطه دوبها دوبي وكله اتقول كلام على اللساني انا ماقلته وطبعن اهلها يصدقونها الله يشغلها بنفسها يارب