السلام عليكم
شلونكم بنات
من فتره ودي اكتب وافضفض بس كل مره احس مو عارفه وش اقول ولا اعرف اعبر عن اللي فبالي,, واشيا كثيره يعني شلون بقولها,,من فاضي يقرا مشكلتي وحياتي,,
فتحملوني لو موضوعي ملخبط او طويل,,
مدري اتكلم عن ايش والا ايش,,لان كل شي بحياتي ابي افضفض عنه,,
اول شي انا عمري 32 ,, لا زواج ولا وظيفه ولا طلعه ولا اشوف احد ولا احد يجينا,,
معزوله عن العالم الا من خلال النت,,<< هالشي مو باختياري,,لكن مفروض علي من اهلي
فالبيت وحيده مع 6 اولاد, الاولاد كلهم اصغر مني بس رجال مو اطفال ,,كل واحد مايدري عن الثاني,,كونهم اولاد كله طالعين,,
امي ياطالعه يا ماسكه تلفون,,
ابوي اغلب وقته بالدوام,,طبيعة عمله ساعات طويله,,ولما يرجع يريح شويه ويتعشا وينام بدري
عشان كذا طول وقتي لحالي
خواتي متزوجات وقليل يجون يزورون,وان جو ماطولوا 3 ساعات بالكثير ويرجعون بيوتهم,, كله عشان امي ومشاكلها وتعاملها السيء معنا يالبنات,,وغير نقل كلام وتتبلى عليهم عند حمولاتهم
امي<<ماتستاهل لقب ام,,<< لاتستعجلون علي وتقولون انتي عاقه وهذي امك وتحمليها,,كملوا موضوعي اول,,
امي انسانه راعية مشاكل كثيرر مع كل الناس,, مشاكلها مع الكل سواء اهلها او اهل ابوي وقرايبنا او حتى الجيران,,تحب نقل الكلام وتدور ورا الواحد ومتكبره,,
قد مانحاول نبر فيها ماتساعدنا ابد,, تسبنا عند الناس وتقول اننا عاقات فيها وتألف كلام وقصص مو صحيحه كله من راسها , غير التعامل بالبيت سيء كله دعاوي استحقار وربي ماذكر مره دعتلي ..كله تدعي علي,,اذكر ايام الاختبارات البنات يقولون خليت امي تدعيلي والا امي دعتلي قبل اطلع وانا اناظرهم واسكت اتخيل لو انا اقول لامي ادعيلي كان وش بتدعي علي والا وش بتسوي !!!
وتغار كننا جاراتها مو بناتها ,, وياويلنا لو طلبنا شي من اخواني تبدا تسبنا عندهم وتتبلى كلام ماصار عننا , لين شاخوا على روسنا هالاخوان صاروا مع انهم اصغر مننا يعاملونا كنا اصغر منهم ومافي احترام وان طلبت انا منهم والا وحده من خواتي شي لو زوجها مسافر سحبوا علينا ونفسياتهم خايسه,,صرنا ندور على غريب يقضي حواجينا واخوان العازه طالعين والا مسافرين,,
على كثر ما امي دلعت اخواني صار مافيهم خير ابد لا لنا ولا حتى لها,,
امي انسانه متحكمه بشكل مَرَضي,, لدرجه حتى وش ناكل وش ماناكل هي تحدد لنا هالشي..
اذا بتطلع تقفل المطبخ والثلاجات<< تحاسب على كل شي ينقص لو خبزه تسأل من اكلها << الا اذا هالشي اخواني يحبونه عادي ماتحاسب لان تدري انهم اكلوه,,
قد مانجيب لها هدايا دايم تقول وع وش هاللي جبتوه مالبس كذا,,لونه مو حلو مادري وش,, مع انه يكون شي حلو وغاالي,,بس مستحيل يعجبها شي نجيبه لها أو يجيبه ابوي لها.
ملغيه شخصياتنا عند الناس,,ماتخلينا نتكلم ولو تكلمنا تقاطع وتبي تصير هي اللي ماخذه الجو,,
ولو احد سالنا ترد هي,,
خواتي ربي رحمهم وتزوجوا ,,ولو مو مرره مبسوطات بحياتهم ومشاكل بس مايفكرون يرجعون بيتنا ابد<< ولو قريتوا موضوع كتبته قبل عن مشكلة وحده من خواتي, لكن مع هذا ماتفكر تجي عندنا وعند مشاكل امي ,,
بس المشكله انا اللي قاعده فيها وطولت ماتزوجت,,وهالشي اثر على شخصيتي كثيرر
سالنا شيخ مره شلون نبرها وهي بهالشكل,,قال صبركم عليها بر,,هالشي ريحنا كثير لان كنا نحسب اننا عاقين من كثر ماتقول انتم عاقين وتدعي علينا,, بس الحمدلله على كل حال
طبعا تخرجت تخصص حلو, بس لان اهلي مرره صاكين فقاعده بالبيت,,
بالبدايه توظفت مرتين,,بس في كل مره امي تسويلي مشاكل وتتبلى علي وتختلق قصص وتقولها لابوي ويجي يهاوشني ويحوسني وبالاخر اضطر اترك الوظيفه,,
مره توظفت في معهد راقي وكبير وكنت من تخرجت احلم اشتغل فيه والحمدلله ربي كتبلي هالحلم وتحقق بس براتب مبدئي متوسط(2000 ريال),, كانت مشكلتي بالمواصلات,, مع ان عندنا سايق غير الاخوان اللي مامنهم فايده بس امي ماتبي اروح مع السايق عشان احتمال تحتاجه هي ,,
واضطريت ادور بنفسي عن سايق او اي هندي يوديني ويجيبني<<مع اني بنت ولاقد طلعت ولا اعرف ,,مفروض اخواني والا ابوي يدورونلي, اضطريت ادور عشان اشتغل واطلع من هالبيت,,ولقيت واحد طلب مني 800<< طبعا راتبي 2000 يعني مابقى شي,,ووافقت مضطره ..
تضايقت كثير لان محد من اهلي او ابوي اهتم والا قال بيشوف بطاقة السايق او اقلها لوحة سيارته كوني بروح معاه بروحي , كنت خايفه واقرا المعوذات قبل اركب,,خصوصا انه راعي سوالف ويسأل كثير لاني اطول بالمعهد فيقول اكلتي؟ ..تغديتي؟ في اكل عندهم؟ حسيته يحن علي اكثر من اهلي ..بس ولو مارتحتله مع انه مسلم ولحيته شطولها, فقررت اروح مع سايقنا,,وبلغت اهلي وافقوا بالاول,,وبعد شهر بدت امي تطلع علي قصص واني ماروح المعهد وافرفر بالشوارع :eh_s(1):
وابوي يجي يهاوشني كل مره لين قال مافي روحه ,طبعا ماقدر اترك كذا وانا موقعه معهم وماسكه شغل لازم اخلص شغلي وبعدها اترك الوظيفه وقلت لابوي ورفض وتدخلوا خواتي لين وافق اني اخلص هالشهر وبسسس.. فرحت عشان ماتفشل مع المديره,,وقعدت كم سنه بالبيت,,
بعد كم سنه توظفت ثاني في معهد,,وقلت ياللا اكيد اهلي تعدلوا ,, وانا كنت متحمسه اشتغل لان مليت من قعدة البيت,, على رغم ان الراتب مايسواا ابد وكان اقل من اللي قبل لكن رضيت لان هدفي اني اطلع واشوف ناس ومنها اخذ خبره,, اول الاشهر امي تسويلي مشاكل عشان السايق وانها تحتاجه,,مع ان المشوار خمس دقايق بس كون المعهد يم بيتنا, وصبرت وقلت بتحمل مابي اخسر هالوظيفه, تميت سته اشهور والا امي تبدا سوالفها وتألف قصص,, وكان ابوي يعديها لين مره قالت لاختي و لابوي اني اطلع انا والسايق للكوفي شوب ونقعد نشرب قهوه ,اختي ماصدقت لان تدري عن الوضع وعن قصص امي ,بس ابوي يصدق كل شي منها فجا وهاوشني وقعدت اصيح ورفع صوته علي عشاني اصيح يقول انتي بزر تصيحين؟؟:eh_s(2):
انا مظلومه ومقهوره وكبرت وراح عمري صاكين علي ومافي ثقه ومافي تعامل ولا احترام وبعد حرام اصيح!!!
ونفس قبل قال تقعدين بالبيت,,قلت ماسكه كورس بس اخلصه واقعد مقدر اسحب على المعهد يحاسبوني,,وافق الحمدلله وتميت الكورس وجلست بالبيت الى يومي هذا,,
طبعا مافي مصروف,,اختي تعطيني من وقت لوقت,,والحمدلله سجلت في برنامج حافز عندنا وقبلوني وصار ينزلي 2000 كل شهر,,
لو بطلع لاختي ممنوع,,ولازم نسوي خطط انا واياها عشان يوافقون اروح لها,,يا نقول انها بتروح مستشفى وانا بقعد عند عيالها والا مريضه ,,,,مع هذا كل شوي امي تدق تراقب لو حنا طلعنا والا وش نسوي ,,
الحين جاني قولون عصبي شعري طاح وصار شفاف من قدام,طلع بوجهي وجسمي حبوب وانا اللي بمراهقتي ماقد طلع فيني الحبه,,
محد مهتم يوديني دكتور ,,واخواني لو كح الواحد امي انهبلت عليهم تدعيلهم و تداويهم وتجيبلهم اكل وتخليهم يروحون مستشفى,,
في يوم تعبت مرره من القولون وماكنت ادري وقتها انه قولون ,,وصرت ادوخ من الالم ماتحمل,,وتميت يومين ع السرير دايخه حتى صلاة ماكنت اقدر اصلي مقدر اقوم ,, بالاخر تعطفوا ودوني مستشفى لما قالتلهم اختي,,وعرفت انه قولون,,وصرت اخذ ينسون
وزني بالنازل دايم لين وصل 38 كيلو
ورجع القولون زي اول مره ماتحمله وادوخ وودوني مستشفى<< لما قالتلهم اختي للمره الثانيه,
وصار موقف عند الدكتور,,اول مادخلنا عليه انا وامي,وقال من فيكم سديم,قلت انا,قام سألني وش تعانين منه؟ وكالعاده امي تتدخل وتتكلم عني,, قام الدكتور يناظر بالورق اللي فيه بياناتي وقال هي عمرها 32 اتوقع كبيره وناضجه للدرجه اللي تخليها تتكلم وتجاوب سؤالي<< ماتتخيلون وش قد فرحت يوم قال كذا:eh_s(2):,,اول مره احد يعطيني فرصه اتكلم ويبي يسمع مني:eh_s(2):,, ماراح تتخيلون ادري وبتضحكون,,لكن لو كنتوا بوضعي وعشتوا حياتي كنتوا فهمتوا احساسي,,
المهم بعد مافحصني وكذا قال انتي بس عندك قولون وهالشي سببه نفسي,,وقعد يسأل ليش وزني كذا وهل انا ماعندي شهيه ووكيف اقضي يومي,,وايش شهادتي وليش ماشتغل ,,,فهم الوضع بس بدون ماقول تفاصيل..وصلتله انو انا ماقدر اشتغل لان الشغل مايناسب اهلي,,وبالاخر قعد يتكلم ويقول انو لازم تطلعين وتشتغلين والوضع اللي انتي فيه محتاج علاج نفسي وعطانا رقم عيادة دكتور وقال انا بوصيه عليك,,
وامي طول الوقت ساكته ومعصبه عشانه ماخلاها تتكلم عني,,
طبعا مارحت ولا جابوا اهلي طاري اروح عيادة ولاشي<<اتوقع عارفين انهم هم السبب
وانا مو مقتنعه اروح لان لو رحت بقول نفس اللي قاعده اقوله الحين..وانا مابي اتكلم بس لشخص وبعدين ارجع لوضعي وحياتي..انا ودي تتغير حياتي,,
والله كل ماتذكرت هالدكتور اقول الله يسعده ويخليه لعياله,,حبيته مررره,,لايروح بالكم بعيد مو حب خرابيط لا ,,تراه شايب شكبره,,وكله يقولي يابنتي :eh_s(2):,, بس اول مره احد يحن علي ويفهمني مع اني ماقلت شي ,,قعدت افكر وانا بالسياره راجعه البيت يعني هو يقول لبناته يابنتي؟؟ لاتنصدموني,,بس والله مقد احد لا ابوي ولا امي يقولون لي بنتي والا كلام زين.كله هواش وتطنز,,
ماعندي صديقات لان مو مسموح لي ازورهم او اطلع معاهم,, واللي كانوا معي وسواء كبري او اصغر تزوجوا وسحبوا علي,,
لو ابي اروح مول اشتري شي نفس الوضع ممنوع,,
لو ابي صيدليه اشتري اشيا ضرورية بطلعة الروح والترجي لاخواني اللي اصغر مني ويذلوني على الطلعه وانهم ودوني,, وانحرج لي شافوا وش اشتري بس وش اسوي
مقد سافرت ..
ماحس اني اغار او احسد اللي يطلعون ويسافرون او عايشين حايتهم احسن مني,لان احس هذا هو الوضع الطبيعي
زمان كانت تجيني بنت خالي البيت اعتبرتها كل شي عندي ذاك الوقت وكانت تفهمني بدون ماتكلم,, بس للاسف كثير ناس يخدعونا بالظاهر,, واكتشفت بعد كم سنه ان بنت خالي كانت تبي مصلحه مني ولما خلصت مصلحتها سحبت علي وبدت تنقطع وبعدين صارت مشكله بينا وارسلت مسج على فون امي تتكلم علي ومطلعتني اني متكلمه عليها وكلام كثير,,<< هالشي خلاني افقد ثقتي بالناس كلهم,
وعرفت بعد انها تتكلم علي عند صديقاتها وتقول عني: (مسكينه اول مايهتم فيني احد على طول اتعلق فيه واني عشان كذا تعلقت فيها) :eh_s(2):<< مانكر هالشي بس ماظن هذا عيب,,العيب اللي يكون منافق وابو وجهين
لكن الناس يعتبرون الطيب غبي وابو وجهين هو السنع ,,كرهتوني بالدنيا وانا ماعشتها :eh_s(2):
وكنت اجيب لها هدايا,,بس والله هي شحاذه تقولي جيبيلي,,وانا ذوق ماحب افشل احد..وهي مقد جابتلي شي,,وكله هي تجي مقد قالت تعالي زويني,,بس تقول بعزمك لما يجون صديقاتي. وعزمتهم ولاعزمتني وقتها,,وعادي ماهتميت وقتها
الحين علاقتي فيها مجرد سلام بس..ماشوفها الا من سنه لسنه بالعيد والا زواج,,
اول كان ممنوع علي النت مع انه اخواني عادي,, بس خواتي اقنعوا ابوي سنة 2009 وصار عندي,وبس على حسابي,, ممنوع ادخل من اشتراكهم,,بس الحين لا عادي,,
تعرفت اول بداياتي في النت على واحد ,,كنا مسن بس,,
بعد كم شهر صرنا مسجات ,,وبعد كم شهر صرنا مكالمات,,صار يعرف عني وعن وضعي بالبيت وحياتي,,تعاطف كثير مع وضعي وحسيت عوضني عن كل اهلي وكل شي بالدنيا,, وكان بينا موضوع زواج,, بس صارت مشاكل وتركته انا,,بالاول احس مخنوقه واصيح وابي ارجعله بس اقوي نفسي واقول لو يبيني صدق خلاص هو يعرف يوصلي لان يعرف بيتنا ,,وقد شاف اخوي وسلم عليه,, << ع اساس كان بيتعرف على اخوي ويخطبني
تقدمولي ناس كثير وكنت كل مره استخير من اول ماسمع الخبرو قبل يجون ,,بس مايتم شي,,سواء يتصلون بس مايجون..او يجي الولد يقعد مع ابوي بعدين مادري شقصته معد يجي بس مايكون الولد شافني,,او يجي وبعد مانسال عنه يطلع مطلق 3 مرات وعنده 4 مادري خمس عيال,,انا مو صغيره بس اذا مطلق واجد هذا فيه بلى,,
كل يوم اقرا قرآن وسورة البقره والاذكار,,وماسمع اغاني,, وادعي ربي كثير
بس تجيني لحظات عجز احس دعيت كثير وسنين وانا زي ما انا,,صرت مادعي زي اول لان مو ماعندي ثقه بربي,, بالعكس ,, بس ماعندي ثقه بالناس,,يعني خسرانه اهل خسرانه ام خسرانه صديقات ,,خسرانه شخص حسبته يحبني,, خسرانه قريبه عديتها اهل وصديقه وكل شي,, محد يستاهل,, بثق في مين؟؟ وبطلب من ربي ايش؟؟
صرت بس ادعي ادخل الجنه..
انا الحين احس اني ولا شي,,
انسانه محطمه مالها شخصيه,,مالها هدف ولاقيمه ولا معنى بالحياة,,مااحد ايحبها ولا يهتم فيها,,
لو احد اهتم فيني او قالي كلمه حلوه تخنقني العبره بس اسوي نفسي عادي وابتسم,, ولما اروح غرفتي واتذكر الكلام اقعد اصيح احزن على نفسي يمكن لان مو متعوده مادري وش بالضبط..
صرت خوافه كثيرر,,حتى لو بطلع صيدليه اشتري اخاف امشي لحالي لازم احد جنبي,, وماعرف اتكلم واصير ارجف وصوتي يرجف يوم اسأل عند المحاسب
اهلي مايهموني وحاقده عليهم لانهم سبب اللي انا فيه وسبب ان عمري راح وانا ماسويت شي من احلامي,,ولاعاد ارجي منهم شي,,ماعاد عندي ثقه باحد,لا قريب ولا غريب,, لان اذا اهلي كذا يعاملوني شلون الغريب,
انا مو مهتمه اتزوج واكره الرجال كلهم احس هم بعد السبب بوضعي ,,يعني لو انا ولد كان امي ماسوت كذا بحياتي ولا ابوي كان رفعت صوته علي,, وكان انا اشتغل واطلع واسوي اللي ابي محد يقولي شي مثلي مثل اخواني,,
كان عندي حلم وحياة ومستقبل ونظرة تفاؤل للحياة ,,كنت مرحه,,واعرف اتكلم وعندي ثقه بنفسي اشوي
بس الحين صرت ولاشي
بس افكر بالموت وكيف بموت,,:eh_s(2):
اعذروني على طول الموضوع ولو ملخبط
لان اكتب ولا راجعت وش كتبت,,
مادري وش الهدف من اني اكتب موضوعي,,
بس حسيت ابي افضفض
شلونكم بنات
من فتره ودي اكتب وافضفض بس كل مره احس مو عارفه وش اقول ولا اعرف اعبر عن اللي فبالي,, واشيا كثيره يعني شلون بقولها,,من فاضي يقرا مشكلتي وحياتي,,
فتحملوني لو موضوعي ملخبط او طويل,,
مدري اتكلم عن ايش والا ايش,,لان كل شي بحياتي ابي افضفض عنه,,
اول شي انا عمري 32 ,, لا زواج ولا وظيفه ولا طلعه ولا اشوف احد ولا احد يجينا,,
معزوله عن العالم الا من خلال النت,,<< هالشي مو باختياري,,لكن مفروض علي من اهلي
فالبيت وحيده مع 6 اولاد, الاولاد كلهم اصغر مني بس رجال مو اطفال ,,كل واحد مايدري عن الثاني,,كونهم اولاد كله طالعين,,
امي ياطالعه يا ماسكه تلفون,,
ابوي اغلب وقته بالدوام,,طبيعة عمله ساعات طويله,,ولما يرجع يريح شويه ويتعشا وينام بدري
عشان كذا طول وقتي لحالي
خواتي متزوجات وقليل يجون يزورون,وان جو ماطولوا 3 ساعات بالكثير ويرجعون بيوتهم,, كله عشان امي ومشاكلها وتعاملها السيء معنا يالبنات,,وغير نقل كلام وتتبلى عليهم عند حمولاتهم
امي<<ماتستاهل لقب ام,,<< لاتستعجلون علي وتقولون انتي عاقه وهذي امك وتحمليها,,كملوا موضوعي اول,,
امي انسانه راعية مشاكل كثيرر مع كل الناس,, مشاكلها مع الكل سواء اهلها او اهل ابوي وقرايبنا او حتى الجيران,,تحب نقل الكلام وتدور ورا الواحد ومتكبره,,
قد مانحاول نبر فيها ماتساعدنا ابد,, تسبنا عند الناس وتقول اننا عاقات فيها وتألف كلام وقصص مو صحيحه كله من راسها , غير التعامل بالبيت سيء كله دعاوي استحقار وربي ماذكر مره دعتلي ..كله تدعي علي,,اذكر ايام الاختبارات البنات يقولون خليت امي تدعيلي والا امي دعتلي قبل اطلع وانا اناظرهم واسكت اتخيل لو انا اقول لامي ادعيلي كان وش بتدعي علي والا وش بتسوي !!!
وتغار كننا جاراتها مو بناتها ,, وياويلنا لو طلبنا شي من اخواني تبدا تسبنا عندهم وتتبلى كلام ماصار عننا , لين شاخوا على روسنا هالاخوان صاروا مع انهم اصغر مننا يعاملونا كنا اصغر منهم ومافي احترام وان طلبت انا منهم والا وحده من خواتي شي لو زوجها مسافر سحبوا علينا ونفسياتهم خايسه,,صرنا ندور على غريب يقضي حواجينا واخوان العازه طالعين والا مسافرين,,
على كثر ما امي دلعت اخواني صار مافيهم خير ابد لا لنا ولا حتى لها,,
امي انسانه متحكمه بشكل مَرَضي,, لدرجه حتى وش ناكل وش ماناكل هي تحدد لنا هالشي..
اذا بتطلع تقفل المطبخ والثلاجات<< تحاسب على كل شي ينقص لو خبزه تسأل من اكلها << الا اذا هالشي اخواني يحبونه عادي ماتحاسب لان تدري انهم اكلوه,,
قد مانجيب لها هدايا دايم تقول وع وش هاللي جبتوه مالبس كذا,,لونه مو حلو مادري وش,, مع انه يكون شي حلو وغاالي,,بس مستحيل يعجبها شي نجيبه لها أو يجيبه ابوي لها.
ملغيه شخصياتنا عند الناس,,ماتخلينا نتكلم ولو تكلمنا تقاطع وتبي تصير هي اللي ماخذه الجو,,
ولو احد سالنا ترد هي,,
خواتي ربي رحمهم وتزوجوا ,,ولو مو مرره مبسوطات بحياتهم ومشاكل بس مايفكرون يرجعون بيتنا ابد<< ولو قريتوا موضوع كتبته قبل عن مشكلة وحده من خواتي, لكن مع هذا ماتفكر تجي عندنا وعند مشاكل امي ,,
بس المشكله انا اللي قاعده فيها وطولت ماتزوجت,,وهالشي اثر على شخصيتي كثيرر
سالنا شيخ مره شلون نبرها وهي بهالشكل,,قال صبركم عليها بر,,هالشي ريحنا كثير لان كنا نحسب اننا عاقين من كثر ماتقول انتم عاقين وتدعي علينا,, بس الحمدلله على كل حال
طبعا تخرجت تخصص حلو, بس لان اهلي مرره صاكين فقاعده بالبيت,,
بالبدايه توظفت مرتين,,بس في كل مره امي تسويلي مشاكل وتتبلى علي وتختلق قصص وتقولها لابوي ويجي يهاوشني ويحوسني وبالاخر اضطر اترك الوظيفه,,
مره توظفت في معهد راقي وكبير وكنت من تخرجت احلم اشتغل فيه والحمدلله ربي كتبلي هالحلم وتحقق بس براتب مبدئي متوسط(2000 ريال),, كانت مشكلتي بالمواصلات,, مع ان عندنا سايق غير الاخوان اللي مامنهم فايده بس امي ماتبي اروح مع السايق عشان احتمال تحتاجه هي ,,
واضطريت ادور بنفسي عن سايق او اي هندي يوديني ويجيبني<<مع اني بنت ولاقد طلعت ولا اعرف ,,مفروض اخواني والا ابوي يدورونلي, اضطريت ادور عشان اشتغل واطلع من هالبيت,,ولقيت واحد طلب مني 800<< طبعا راتبي 2000 يعني مابقى شي,,ووافقت مضطره ..
تضايقت كثير لان محد من اهلي او ابوي اهتم والا قال بيشوف بطاقة السايق او اقلها لوحة سيارته كوني بروح معاه بروحي , كنت خايفه واقرا المعوذات قبل اركب,,خصوصا انه راعي سوالف ويسأل كثير لاني اطول بالمعهد فيقول اكلتي؟ ..تغديتي؟ في اكل عندهم؟ حسيته يحن علي اكثر من اهلي ..بس ولو مارتحتله مع انه مسلم ولحيته شطولها, فقررت اروح مع سايقنا,,وبلغت اهلي وافقوا بالاول,,وبعد شهر بدت امي تطلع علي قصص واني ماروح المعهد وافرفر بالشوارع :eh_s(1):
وابوي يجي يهاوشني كل مره لين قال مافي روحه ,طبعا ماقدر اترك كذا وانا موقعه معهم وماسكه شغل لازم اخلص شغلي وبعدها اترك الوظيفه وقلت لابوي ورفض وتدخلوا خواتي لين وافق اني اخلص هالشهر وبسسس.. فرحت عشان ماتفشل مع المديره,,وقعدت كم سنه بالبيت,,
بعد كم سنه توظفت ثاني في معهد,,وقلت ياللا اكيد اهلي تعدلوا ,, وانا كنت متحمسه اشتغل لان مليت من قعدة البيت,, على رغم ان الراتب مايسواا ابد وكان اقل من اللي قبل لكن رضيت لان هدفي اني اطلع واشوف ناس ومنها اخذ خبره,, اول الاشهر امي تسويلي مشاكل عشان السايق وانها تحتاجه,,مع ان المشوار خمس دقايق بس كون المعهد يم بيتنا, وصبرت وقلت بتحمل مابي اخسر هالوظيفه, تميت سته اشهور والا امي تبدا سوالفها وتألف قصص,, وكان ابوي يعديها لين مره قالت لاختي و لابوي اني اطلع انا والسايق للكوفي شوب ونقعد نشرب قهوه ,اختي ماصدقت لان تدري عن الوضع وعن قصص امي ,بس ابوي يصدق كل شي منها فجا وهاوشني وقعدت اصيح ورفع صوته علي عشاني اصيح يقول انتي بزر تصيحين؟؟:eh_s(2):
انا مظلومه ومقهوره وكبرت وراح عمري صاكين علي ومافي ثقه ومافي تعامل ولا احترام وبعد حرام اصيح!!!
ونفس قبل قال تقعدين بالبيت,,قلت ماسكه كورس بس اخلصه واقعد مقدر اسحب على المعهد يحاسبوني,,وافق الحمدلله وتميت الكورس وجلست بالبيت الى يومي هذا,,
طبعا مافي مصروف,,اختي تعطيني من وقت لوقت,,والحمدلله سجلت في برنامج حافز عندنا وقبلوني وصار ينزلي 2000 كل شهر,,
لو بطلع لاختي ممنوع,,ولازم نسوي خطط انا واياها عشان يوافقون اروح لها,,يا نقول انها بتروح مستشفى وانا بقعد عند عيالها والا مريضه ,,,,مع هذا كل شوي امي تدق تراقب لو حنا طلعنا والا وش نسوي ,,
الحين جاني قولون عصبي شعري طاح وصار شفاف من قدام,طلع بوجهي وجسمي حبوب وانا اللي بمراهقتي ماقد طلع فيني الحبه,,
محد مهتم يوديني دكتور ,,واخواني لو كح الواحد امي انهبلت عليهم تدعيلهم و تداويهم وتجيبلهم اكل وتخليهم يروحون مستشفى,,
في يوم تعبت مرره من القولون وماكنت ادري وقتها انه قولون ,,وصرت ادوخ من الالم ماتحمل,,وتميت يومين ع السرير دايخه حتى صلاة ماكنت اقدر اصلي مقدر اقوم ,, بالاخر تعطفوا ودوني مستشفى لما قالتلهم اختي,,وعرفت انه قولون,,وصرت اخذ ينسون
وزني بالنازل دايم لين وصل 38 كيلو
ورجع القولون زي اول مره ماتحمله وادوخ وودوني مستشفى<< لما قالتلهم اختي للمره الثانيه,
وصار موقف عند الدكتور,,اول مادخلنا عليه انا وامي,وقال من فيكم سديم,قلت انا,قام سألني وش تعانين منه؟ وكالعاده امي تتدخل وتتكلم عني,, قام الدكتور يناظر بالورق اللي فيه بياناتي وقال هي عمرها 32 اتوقع كبيره وناضجه للدرجه اللي تخليها تتكلم وتجاوب سؤالي<< ماتتخيلون وش قد فرحت يوم قال كذا:eh_s(2):,,اول مره احد يعطيني فرصه اتكلم ويبي يسمع مني:eh_s(2):,, ماراح تتخيلون ادري وبتضحكون,,لكن لو كنتوا بوضعي وعشتوا حياتي كنتوا فهمتوا احساسي,,
المهم بعد مافحصني وكذا قال انتي بس عندك قولون وهالشي سببه نفسي,,وقعد يسأل ليش وزني كذا وهل انا ماعندي شهيه ووكيف اقضي يومي,,وايش شهادتي وليش ماشتغل ,,,فهم الوضع بس بدون ماقول تفاصيل..وصلتله انو انا ماقدر اشتغل لان الشغل مايناسب اهلي,,وبالاخر قعد يتكلم ويقول انو لازم تطلعين وتشتغلين والوضع اللي انتي فيه محتاج علاج نفسي وعطانا رقم عيادة دكتور وقال انا بوصيه عليك,,
وامي طول الوقت ساكته ومعصبه عشانه ماخلاها تتكلم عني,,
طبعا مارحت ولا جابوا اهلي طاري اروح عيادة ولاشي<<اتوقع عارفين انهم هم السبب
وانا مو مقتنعه اروح لان لو رحت بقول نفس اللي قاعده اقوله الحين..وانا مابي اتكلم بس لشخص وبعدين ارجع لوضعي وحياتي..انا ودي تتغير حياتي,,
والله كل ماتذكرت هالدكتور اقول الله يسعده ويخليه لعياله,,حبيته مررره,,لايروح بالكم بعيد مو حب خرابيط لا ,,تراه شايب شكبره,,وكله يقولي يابنتي :eh_s(2):,, بس اول مره احد يحن علي ويفهمني مع اني ماقلت شي ,,قعدت افكر وانا بالسياره راجعه البيت يعني هو يقول لبناته يابنتي؟؟ لاتنصدموني,,بس والله مقد احد لا ابوي ولا امي يقولون لي بنتي والا كلام زين.كله هواش وتطنز,,
ماعندي صديقات لان مو مسموح لي ازورهم او اطلع معاهم,, واللي كانوا معي وسواء كبري او اصغر تزوجوا وسحبوا علي,,
لو ابي اروح مول اشتري شي نفس الوضع ممنوع,,
لو ابي صيدليه اشتري اشيا ضرورية بطلعة الروح والترجي لاخواني اللي اصغر مني ويذلوني على الطلعه وانهم ودوني,, وانحرج لي شافوا وش اشتري بس وش اسوي
مقد سافرت ..
ماحس اني اغار او احسد اللي يطلعون ويسافرون او عايشين حايتهم احسن مني,لان احس هذا هو الوضع الطبيعي
زمان كانت تجيني بنت خالي البيت اعتبرتها كل شي عندي ذاك الوقت وكانت تفهمني بدون ماتكلم,, بس للاسف كثير ناس يخدعونا بالظاهر,, واكتشفت بعد كم سنه ان بنت خالي كانت تبي مصلحه مني ولما خلصت مصلحتها سحبت علي وبدت تنقطع وبعدين صارت مشكله بينا وارسلت مسج على فون امي تتكلم علي ومطلعتني اني متكلمه عليها وكلام كثير,,<< هالشي خلاني افقد ثقتي بالناس كلهم,
وعرفت بعد انها تتكلم علي عند صديقاتها وتقول عني: (مسكينه اول مايهتم فيني احد على طول اتعلق فيه واني عشان كذا تعلقت فيها) :eh_s(2):<< مانكر هالشي بس ماظن هذا عيب,,العيب اللي يكون منافق وابو وجهين
لكن الناس يعتبرون الطيب غبي وابو وجهين هو السنع ,,كرهتوني بالدنيا وانا ماعشتها :eh_s(2):
وكنت اجيب لها هدايا,,بس والله هي شحاذه تقولي جيبيلي,,وانا ذوق ماحب افشل احد..وهي مقد جابتلي شي,,وكله هي تجي مقد قالت تعالي زويني,,بس تقول بعزمك لما يجون صديقاتي. وعزمتهم ولاعزمتني وقتها,,وعادي ماهتميت وقتها
الحين علاقتي فيها مجرد سلام بس..ماشوفها الا من سنه لسنه بالعيد والا زواج,,
اول كان ممنوع علي النت مع انه اخواني عادي,, بس خواتي اقنعوا ابوي سنة 2009 وصار عندي,وبس على حسابي,, ممنوع ادخل من اشتراكهم,,بس الحين لا عادي,,
تعرفت اول بداياتي في النت على واحد ,,كنا مسن بس,,
بعد كم شهر صرنا مسجات ,,وبعد كم شهر صرنا مكالمات,,صار يعرف عني وعن وضعي بالبيت وحياتي,,تعاطف كثير مع وضعي وحسيت عوضني عن كل اهلي وكل شي بالدنيا,, وكان بينا موضوع زواج,, بس صارت مشاكل وتركته انا,,بالاول احس مخنوقه واصيح وابي ارجعله بس اقوي نفسي واقول لو يبيني صدق خلاص هو يعرف يوصلي لان يعرف بيتنا ,,وقد شاف اخوي وسلم عليه,, << ع اساس كان بيتعرف على اخوي ويخطبني
تقدمولي ناس كثير وكنت كل مره استخير من اول ماسمع الخبرو قبل يجون ,,بس مايتم شي,,سواء يتصلون بس مايجون..او يجي الولد يقعد مع ابوي بعدين مادري شقصته معد يجي بس مايكون الولد شافني,,او يجي وبعد مانسال عنه يطلع مطلق 3 مرات وعنده 4 مادري خمس عيال,,انا مو صغيره بس اذا مطلق واجد هذا فيه بلى,,
كل يوم اقرا قرآن وسورة البقره والاذكار,,وماسمع اغاني,, وادعي ربي كثير
بس تجيني لحظات عجز احس دعيت كثير وسنين وانا زي ما انا,,صرت مادعي زي اول لان مو ماعندي ثقه بربي,, بالعكس ,, بس ماعندي ثقه بالناس,,يعني خسرانه اهل خسرانه ام خسرانه صديقات ,,خسرانه شخص حسبته يحبني,, خسرانه قريبه عديتها اهل وصديقه وكل شي,, محد يستاهل,, بثق في مين؟؟ وبطلب من ربي ايش؟؟
صرت بس ادعي ادخل الجنه..
انا الحين احس اني ولا شي,,
انسانه محطمه مالها شخصيه,,مالها هدف ولاقيمه ولا معنى بالحياة,,مااحد ايحبها ولا يهتم فيها,,
لو احد اهتم فيني او قالي كلمه حلوه تخنقني العبره بس اسوي نفسي عادي وابتسم,, ولما اروح غرفتي واتذكر الكلام اقعد اصيح احزن على نفسي يمكن لان مو متعوده مادري وش بالضبط..
صرت خوافه كثيرر,,حتى لو بطلع صيدليه اشتري اخاف امشي لحالي لازم احد جنبي,, وماعرف اتكلم واصير ارجف وصوتي يرجف يوم اسأل عند المحاسب
اهلي مايهموني وحاقده عليهم لانهم سبب اللي انا فيه وسبب ان عمري راح وانا ماسويت شي من احلامي,,ولاعاد ارجي منهم شي,,ماعاد عندي ثقه باحد,لا قريب ولا غريب,, لان اذا اهلي كذا يعاملوني شلون الغريب,
انا مو مهتمه اتزوج واكره الرجال كلهم احس هم بعد السبب بوضعي ,,يعني لو انا ولد كان امي ماسوت كذا بحياتي ولا ابوي كان رفعت صوته علي,, وكان انا اشتغل واطلع واسوي اللي ابي محد يقولي شي مثلي مثل اخواني,,
كان عندي حلم وحياة ومستقبل ونظرة تفاؤل للحياة ,,كنت مرحه,,واعرف اتكلم وعندي ثقه بنفسي اشوي
بس الحين صرت ولاشي
بس افكر بالموت وكيف بموت,,:eh_s(2):
اعذروني على طول الموضوع ولو ملخبط
لان اكتب ولا راجعت وش كتبت,,
مادري وش الهدف من اني اكتب موضوعي,,
بس حسيت ابي افضفض
