حاسه قلبي بينفصل جزئين خلااص انتهيت

[mona q8]

قوليلهم انج مؤ مرتاحه
والراحه النفسيه اهم شي لنجاح اي زواج
وين ابوج؟ روحي وكلميه وقوليله
قبل فوات الأوان لازم تفركش هالملكه
او اقرب واحد من اخوانج او أخت لج
لا ترضخين لزواج غصب عنج
إحنا محنا بزمن الجاهليه
تتزوج البنت بدون أذنها
حاولي تسوين اي شي
والزمي الاستغفار ترى فوايده عجيبه

 

[امـ خــزامـى]

مستغربه منك وربي اول مره اسمع هالتفكير من بنت وش دراك اذا هو مغرور او لا وبعدين ليش يحتك بابوك احسه انسان جاد بموضوع الزواج وبعدين يمكن الرجال يستحي وبعدين لو مغصووب كان ترك هالخطبه مو مجبور فيك واعقلي وبلا هالكلام لانه بصراحه ماعندك سالفه واحمدي ربك امه تتصل على امك بالاعياد والحمدالله موناقصك شي عااااااااتي انتظرو لمن يخلصون امورهم وبعد هالسنسن رجعلك ويبي يملك بصراحه انتي حيييييييييييييل تبالغين وتظنين ظن الشر بالناس ظني خير تلقين خير

:rerrerek:معاها


وش هالكلام كل هالاكشن اللي قلتيه واصيح وامي مو مهتمه ومغرور

صار بس عشانه مايسأل عليكم ويتلزق فيكم هو وامه
جد جد عصبت اعذريني انت مكبره السالفه ومسويه من الحبه قبه

يعني تبينه طالع داخل يبوس راس ابوك وامه كل يومين تتصل تشكركم انكم وافقتوا على ولدها
وش هالكلام لا حبيبتي غلط تفكييييييييرك

ترى اللزقه وماغير يترزز عند الوالد وشوفوني انا سنع هذا كله يمثل واساسا ماعنده ماعند جدتي

لكن انا اللي اشوف انهم مايتصلون الا بالاعياد والمناسبات شي جميل وناس محترمه واثقين من انفسهم
واصلا من قلتي لا ابوك ولا ااخوانك اسألوا عنه هذا دليل انه رجال كفو ونعم
وسمعته طيبه واصله لعند ابوك ومايحتاج احد يسأل عنه


واختي كلي دلللع صادقه ابشري بالخير هذا رجال سنع وانت ان شاءالله تستاهلينه بس اتركي عنك الحساسيه الزايده


والله يوفقك ولاتنسين تبشرينا ترى عادي ماننسى :eh_s(22)::eh_s(8)::eh_s(17):

 

[بطوووطة$بيضة]

عسى ان تكرهوا شيئا وهو خير لكم


ماتدرين يمكن هالريال زين وسنع وبيحطج فوق راسه

انتي استخرتي رب العالمين واللي كاتبة راح يصير

والله ياقلبي ماتدرين ابنصيبج بس انشالله يطلع خوش ريال وتكتبين لنا موضوع ثاني واتقولين انا ظلمته. واهوا خوش واحد

 

[سلاسل الذهب]

الله يكون معاج حبيبتي

 

[سلاسل الذهب]

شوفي حبيبتي عليج بالدعاء واااااايد زين قولي اللهم ان كان هاذا الرجل خير لي اللهم قربه وان كان هاذا الرجل في شر علي اللهم ابعده انك علام الغيوب والله يصلح امورج ياااااااااااااارب

 

[((البرنسيسا))]

الصراحة ماكسرتي خاطري وتستاهلين إلي ياج

ليش مارفضتيه من الأول وحتى لو يقرب لكم المفروض تسألون مو عيب هذا زواج

وعادي قولي إستخرت ومارتحت الصراحة عذرج موشي

ألحين عاد خل ينفعج الندم

ياإنتج توقفين بويه أهلج وتقولين مابي وتحملي إلي بييج منهم

لأنج سكتي طوول هالمده واتوقع ماراح ينفعج الكلام لأنهم ماراح

يردون عليج بيقولون لج تبين تفشلينا ليش ماتكلمتي من الأول ومعاهم حق

فتلاحقي على نفسج أو إنج تصيرين شجاعة وتكلمين ريلج وتفلون بس تحملي إلي بييج

من مشاكل وكلام وزف أهلج

بالنهاية إنتي جنيتي على نفسج محد طقج على إيدج وقالج وافقي

الله يسهل أمورج ويكتب لج إلي فيه الخير

 

[بكيزة هانم]

الولد ما سوا شي
محترم ورزة وما يعرف يتصنع ((( مو مغرور

وانتي ماتدرين بضروفه

تممي الموضوع وبعد الملكة شوفي

والام هي اللي كسرت خاطري شكلها متوترة وخايفة منج تخربين الموضوع

 

[نسألكم الدعاء]

حبيبتي اهدأي
وحطي في بالج انج دعيتي الله يبعده عنج بس الي صار العكس
( وعسى ان تكرهوا شيئا وهو خير لكم)
ماتدرين وين الخيره بالموضوع
ماتدرين شنو ربي خاش لج .. يمكن سعاده تندمين عليها في حالة رفضج

الله ييسر لج امورج و يوفقج

 

[(حكاية قلب )]

امج غريبة الله يعينج حبيبتي

 

[احساس غالي]

انتي من صجج شنو تنطرين ترا توج ع البر خلاص ارفضي ماحد بينفعج باجر دامج ماتملكتي لاتصيرين ضعيفه خلاص استخيري وتوكلي على الله وقولي لاابوج ماااااااااااابي ولاتصيرين مطلقه باجر

 

[روح رفيجآتي]

مدامج استخرتي ومو مرتاحه وقفي جدام الكل وقولي ماني موافقه ترا عادي محد حادج توافقين
وماعليج من احد مدام انج استخرتي وما ارتحتي خلاص شناطره ارفضي
والي يصير يصير موفقه

 

[شذى2007]

ياقلبي دامج استخرتي ربج ماخاب من استخاره انا اقول تعوذي من الشيطان مافيها شي لما الواحد يخطب ولا يسئل ولا شي كثير ناس كذا مافيها شي الله يوووفق بينكم

 

[oorccia]

شوفي حبيبتي انا سجلت بها المنتدى علشانك لأني مريت بنفس التجربة

ونفس الموقف و رفضته ولا قدرت اواجه و كنت اكرهه طول فترة الملكة ملكت وعمري 22 و تزوجنا بعد سنه وعمري 23

وكنت متردده وخايفه وهالأمور وقبل زواجنا بشهر تكلمنا الرجل كلش ما دخل مزاجي مع انه مافيه عيب واجد ويحبن ويموت علي حتى كان يكتب فيني قصائد بس انا عن نفسي ما اطيقه وكنت احس نفسي مغصوبة عليه وكل مرة اقول لا اهلي فركشوا الموضوع يقولون لي لا

حرام عليك الولد مافيه ولا عيب يصلي بالمسجد ولا يدخن وسمح ولا يقول لا


المهم تزوجنا واخذته و اول يوم زواجي كنت اتمنى الأرض تنشق وتبلعني و لا أموت اكرهه كره عظيم ما اطيقه يقرب لي ولا سمحت له يقرب لي لأني كنت اكرهه
ورجعت لا اهلي اول يوم وقلت ما ابيييه ما اطيقه وقال لي ابوي يمكن خايفه ارجعي وسافري معه يمكن تغييرين رايك بس لاتقولين له شعورك انك تكرهينه لا يدري


قلت اوكي وسافرنا وانا الجرح بقلبي يكبر كيف اعيش مع انسان ما احبه ولا اطيقه تمنيت انتحر با اي طريقه حزن عظيم عشته مايعلم فيه الا الله


وهو لا كان طاير من الفرحة بس محتار مايدري وش سالفتي ماكنت اطيقه حتى لجاء يمسك يدي لمسكه سحبته منه

المهم ماعلينا المهم طول المدة وانا المده وانا المح له ننفصل واقول انا مو مرتاحه وفعلا كنت بس اصيح 24 ساعه اصيح تقريبا ولو ماصحت دموعي على عيوني


وكل ما اشاور الناس اللي كانوا يحاولون يقنوعني فيه والمتزوجات يقولون احسن لك يحبك وانتي ماتحبينه شوفي حنا وش نفعنا نحبهم ونتعب وراهم اريح لك


وهو من كثر ما المح له قال لي اذا كنتي ماتحبيني لا تجبرين نفسك علي لا تتعبين نفسك انا كل اللي اطلبه منك الحب ما ابي لا الرحمة ولا الشفقه


لأني كنت ارحمه بس غير كذا خفت الله يغضب علي لأني ما اعطيه حقه الشرعي كزوج ولا قرب لي خلال شهر ونص

فواجهته وقلت له با اسلوب اني ما احبك وطلبت الأنفصال وبكى قدامي وانصدم بس الحمدالله اهم شي اني ماكذبت عليه وقلت له أحبك و انا ما احبه ورجعت للبيت اهلي انا بنفسي وطلعت بنفسي لأني عرفت انه ما احد حاس فيني الا انا ولا احد راح يعيش الحياة الا انا ولا احد راح يحل مشكلتي الا انا



وارسل لي ورقتي بعد شهر والحمدالله

ولا قلت لا أحد اني لسا بنت خفت اجرح شعور رجولته لأنه هو كان جدا محترم معي وقلت الله يعوض خير




وهاذي حياة مو لعبه لو انتي حاسه انك مش اوكي الحين مع ها الشخص اللي قدامك انفصلي الحين احسن لك و خلك قوية وشجاعه

ولاتخافين استخيري واتخذي قرارك ولاتشاورين احد

انا ماضيعن بالبداية الا المشاورات كل احد يعطين راي وكل واحد على حسب نظرته هو مو انتي



وتخلصين الموضوع الحين احسن من تندمين بعدين


والله لا يخليك تذوقين اللي ذقته ولاتجربينه ولا كل بنت اميين يارب


وبالتوفيق

 

[روح ملكية]

يمكن هالزوج فيه خير لج

والله العظيم اعرف وحده مثل حالتج وحتى كانت تفكر انها تصرخ بليلة العرس انها ماتبيه وسبحاان الله الحين تحمد ربها انها تزوجته وطلع فيه خير ويحبهاا وحاطها بعيونه مع انه كاان شايف نفسه بس بعدين كل شي تغير

*