حاسه قلبي بينفصل جزئين خلااص انتهيت

[تحت ظلك]

أنتي على بر الأمان

ماتتبينه أرفضييه مادام معاج وقت

والله يقدم لج الخيره ياقلبي.

 

[قمر بيت أبوها]

ياانك ترفضينه ياانك تتوكلين علي الله وتاخذينه
انتي متضايقه منه ولا من اهله ولا من الغرور وش نقطة خوفك حدديها عشان تدرسينها زين
اذا علي اهله ياما انساب اول الخطبه سمن وعسل والحين متقاطعين وياما متقاطعين صاروا سمن علي عسل
واذا علي الرجال انه مغرور انا اخوي ولد امي وابوي مغرور ومعقد وكل عقد الدنيا فيه الحين متزوج له 3 سنين والله العباه يلبسها مرته مسخره الله لها والقهوه يصبها له من يصدق
واذا علي موقف امك والله ياما في هالامهات امهات حرام فيها اسم يمه بس وش نقول الله يعوضنا انا وقفت مواقف اصعب من موقفك هذا ولا انتظرت امي توقف معاي يكفيني الله
الله يكفي عن هالبشر كلهم
الله يسهل امورك ويسخر لك الصالح من امورك ولا يجعل في قلبك حزن

 

[دلوعة أبوهآ]

لآحول ولآقوة الا بالله ..


آلله يعينك ويفرج همك

 

[بتمووون]

حبيبات قلبي كلكم اللي رديتو اسم اسم ربي يسعدكم وينولكم مرادكم
اغلبكم سألني نفس السؤال..دامه مغرور هو واهله ليش وافقتي؟؟
انا يا بنات لما تقدملي بالبدايه ماكنت اعرف عنه شي مثل ما ذكرت لكم.. استخرت ووافقت
ثم بعد ذلك طاااااااااااااالت فتره الخطبه + و بالرغم من طووول فتره الخطبه اللي استمرت4سنوات كانت امه ماتتصل الا في العيدين وهو ابد مايحتك في ابوي الا لو في شي يخص اجرائات لزواج..
بالنسبه للبنات اللي يقولون يمكن بعد الزواج يطلع غير
اقولكم : المشكله كانت في هو والحيــــــــن صارت فيني (انــــا) انا الحين ما ابي من وراه لاسعاده ولا محبه ماعدت ابيه هووو ولا ابي من وراه لا طيبه ولا حب ولا هم يحزنون حتى لو اكتشفت انه ملاك ما ابيييييييه
عدم رفضي لان السبب في نظر اهلي راح يكون سخيف وتافه وش اقولهم ؟؟ امه ماتدق الا في الاعياد ؟
ولكن السبب مو تافه ..شلون اغلب الخطاب واهاليهم يطيرون بالبنيه وانا حسسوني اني ناقصه شي.. وانا ما ابيه يطير فيني بس بنفس الوقت مو جذيه !! حقران خلى ثقتي بنفسي تروووح نهائي
الله يبعده من طريقي ويصرفه عني من غير حول لي ولا قوووه :yaaaaaarb:


​

 

[Patcholli]

حبيبتي استهدي بالله وتعوذي من الشيطان الرجيم ..

انتي استخرتي رب العالمين طول هالسنين ورب العالمين بالنهايه قسملج هالانسان يعني الخيره فيما اختاره الله وانتي رميتي حمولج و امرج بيده تتوقعين ربج عقب ماتوكلتي عليه بكل امرج بيخذلج ؟؟

اولشي انت بنت حالج حال اي بنت بهالزمن ومع هالانفتاح مفهومج عن الزواج يختلف عن مفهوم امهاتنا وابنائنا ..

بزمنهم كان هالشي عادي وانا عندي ارفيجتي نفس بالظبط تمت مخطوبه 4 سنين واتخيلي ماتدري اذا اهم ليلحين يبونها او لا

تقول اخاف نسوني ؟؟

والحمدلله تزوجت والحين ريلها يموت فيها وتقول الزواج احلى شي واحلى انسان ربي رزقني فيه زوجي مع انه اهو واهله كانو نفس الوضع اللي انتي كتبتيه

وثاني شي ليش مغصوبين شنو اللي يغصبهم ؟؟ في شي منطقي يغصبهم عليكم او انهم مجرد وسواس واعتقادات مالها اساس ؟؟

ثالث شي امج ربتج وكبرتج وزوجتج وتحملت الشقى والتعب الحين دورها انها ترتاح شنو بيدها تسوي حبيبتي اذا اجراءات الزواج تمت وانتي طول هالمده ماقلتي شي الا عقب ماتمت الاجراءات ؟؟ ليش ماتكلمتي قبل ؟؟ حتى لو كانت الاسباب سخيفه عند اهلج انتي حره بمشاعرج واختيارج بس ان شاء الله طالما ان الموضوع تم يارب يكون خير وفرح وسرور لج ..

ولاتحاتين ترى انا اول مره شافني زوجي الشوفه الشرعيه اختنقت وبجيت بس سبحان الله انربط لساني ولاقدرت اقول مابيه ..!!
هم كنت اشوفه مغرور ورسمي زياده كنت اقول اشلون بعيش ويا انسان جذي حسسني اول ماشفته انه مدير شركه وانا يايه اسوي مقابله عنده عشان يقبلني بشركته لوول ^_^ والله كان حيل جاف ورسمي بس عقب الزواج طلع انسان ثاني كلش حبوب ويظحك وفصله ..

لاتجهزين الدوا قبل الفلعه وان شاء الله عقب هالحزن والهم بيتشوفين فرح كبير وربي يعوضج بزوج حنون ويحبج ويحطج بعيونه لاتتسرعين بالحكم

 

[BaiTotia]

كلمي أبوج إذا أمج مو راضية تسمع وفهميهم إن صعب أعيش مع إنسان مو مرتاحتله وحاسه إنه مجبور

أصلا بيحس إنج ماتبينه ونافره منه وهالشي بيسبب مشاكل بينكم

وظلي أدعي لا تفقدين الأمل

وكل شي الله كاتبة بيكون خيره لج

الله يسهل يارب

 

[‏ڝڋٸ ٵڸڪٿہـآڻ]

ماخبري الواحد يكلم خطيبته الا بعد الملكه .... وشئ حلو من أمه انها تتصل بالاعياد غيرها مايتصل نهائي .. بعدين اهلك مايبون يسمعون لك وش تنتظرين منهم ..فاما انك تدافعين عن نفسك بقوة وترفضين وتوضحين موقفك وتصرين عليه ...او يوم تملكين كلميه يمكن يطلع انسان متفهم استفسري منه كل شئ .. واذا ماعجبك علميه .. المشكله مو فيهم المشكلة فيك أنتي لانك ساكتة ترى محد درى عنك لين تطلعين اللي بقلبك .. والله يكتب لك الخير يارب ..

 

[ملاك سعودية]

انتي مباالغه مع احترامي لك

تقدرين تقولين لا مثل ماقلتي
انا موافقه هم تقدرين تقولين لا
هذا مستقبل فكرري قبل ماتوافقين

الله يفرج ويسر امورك
تحيااتي لك

 

[عسل سل]

المشكله مو بالزواااج المشكله بضعف شخصيييتج
ماعندج كلمه وين لساانج !!

يعني ماتبين تقتنعييين بانه ممكن يطلع ناساان ثاني <<ماتبين تقتنعين اصلا
ولا تبين تقوولين لاهلج انج ماتبينه

امج تسكتج انتي سكتييها

لاتنطرين الحل من البنااات وانتي مارااح تتكلمين عند اهلج برفضتج
وبحجة شنو ان العذر سخيييف

لا العذر مو سخييف سكوووتج وعدم اتخااذج قراااار اسخف بحق نفسج


اخذي قرااار يا انج ترضين فيه وتشووفين ظنج الي انتي اصلن مو متاكده منه

او تنطرين تسكتين لين تملكين بعدين تنفج عقدت لسانج وتصيرين مطلقه

تحجي دامج لي الحين على البر ماصار شي



4 سنيين مو قادره تاخذين قراار !!!! غيري شخصيييتج ​

 

[M!Ss Smart]

الله يعينج بس انا ةما اشوف مشكله مولازم يكلمج !!!ليش حكمتي انه غرور ترى هذا وسواس وامج يمكن تخاف ماتقدر تحل مشاكلكم فتتهرب منكم وتبيكم تعتمدون على نفسكم عموما الله يكتب لج اللي فيه الخير يارب تعوذي من ابليس وتوضي واقري قران راح ترتاحين والله يطمن قلبج

 

[al-musk]

يمكن هم طبايعهم جذي ! ويمكن مفهين وماعندهم حس التصرف فليش حطيتي ان السالفه غرور ومادري شنو ؟ ومنو الي غاصبهم عليكم ..؟ تعوذي من ابليس ولاتبالغين بمشاعرج وخلي عندج ثقة بربج وتوكلي عليه وماراح يخيب رجاج

 

[ღ Mzajiya ღ]

حبيبتي ان شاءالله تكون لج خيره هالزواجه ماتدرين شيصير وخصوصا انج ماتعرفينه عدل بس سامعه كلام
واللي ربج كاتبه اهوا اللي يصير ,, ( وعسى ان تكرهوا شيئا وهو خيرا لكم ) غيري تفكيرج فرحي واستانسي انج بتتزوجين ويكون لج بيت وعيال ان شاءالله وشيلي فكرة ان مغرور او شايف روحه اهوا او اهله يمكن عندهم ظروف ماتدرين يا حبيبتي
واذا شفتي عليه من هالكلام اللي تقولين عنه حاولي انتي تغيرينه وان شاءالله يهتدي على ايدج بالبدايه يمكن مو اكيد يمكن تتعبين اذا طلع ظنج بمكانه وان شاءالله لأ وان شاءلله بعدها تفرحين ,, والله يتمم لج على خير ويهنيج و ويوفقج يارب خلج واثقة بربج مثل ماقلتي انج متوكله باعظم شي ( ربنا الكريم الرحيم ) ..​

 

[روعة خيال]

عيل سمعي البشااره


راح تعيششيين مع هالانسان احلاا حياه

وبتعيششين بالسعاده وراحه البال

وقولي كليـ دلعـ. ماقالت!


عسا ان تكرهو شي وهو خير لكم

وربي اهوو االي يصرف امورج

اعرف وحده بعرسها يحطون لها مكياج وتبجي

ماتبيه

دششووها زفه يسحبوونها سحببب

مااااااااااتبيييييييييييييييييه

الحين تعالي شووفي عيشتها حتى الملوك

مايعيشوونها !

مولانه غني !

لا لانه يمشي بطووعهاا وبامرها ومريحهاا ومهنيها

وايامها كلها سفر حب مفاجأت شقوول شخلي!


انا لما اشووفهاا اقوول يازين الغصاايب!


هدي اعصاابج وبشري بالخير

معاها

 

[بوح الحنين]

مستغربه منك وربي اول مره اسمع هالتفكير من بنت وش دراك اذا هو مغرور او لا وبعدين ليش يحتك بابوك احسه انسان جاد بموضوع الزواج وبعدين يمكن الرجال يستحي وبعدين لو مغصووب كان ترك هالخطبه مو مجبور فيك واعقلي وبلا هالكلام لانه بصراحه ماعندك سالفه واحمدي ربك امه تتصل على امك بالاعياد والحمدالله موناقصك شي عااااااااتي انتظرو لمن يخلصون امورهم وبعد هالسنسن رجعلك ويبي يملك بصراحه انتي حيييييييييييييل تبالغين وتظنين ظن الشر بالناس ظني خير تلقين خير

 

[*الهنوف*]

مع احترامي لج وتعاطفي معاج
في شي مو فاهمته
انتي حكمتي علي الولد انه متكبر ليه
طيب يمكن فيه صفات زينه
انتي مو تقولين قمتي الليل ودعيتي ربج!!!مستحيل ربي يخيب رجاج ويرزقج بواحد موزين
انتي معيشه نفسج جو درامي
حتي لو كان مغصوب عليج ويبي وحده غيرج بعد الزواج والله بيتغير لان الرجال طبيعيا لما يلاقي مره صارت حلاله خلاص ينسي كل شي قبله

اطردي الشيطان وتوكلي علي الله ..انتي حيل ضاغطه علي نفسج

 

[قَلبڪْ صًخرْ]

ماملج عليج وتبينه يسال عنج ؟
ويكلمج !!!!
مايجوز شرعا
هذا عقب الملجه السوالف وسؤال

وفي عوايل مايرضون عيب عندهم



بعرف ماشفتي من وراه انتي واهلج
الا شر !!!!

متى ؟ قبل الخطبه ؟

ليش توافين بالخطبه عيل !!!!!!!!

 

[فديت اثنينه بس]

الله يكون فعونك

كسرتي خاطري

كلمي اهلك والا اخوك وحاولي توقفي هالزواج

 

[اميره^_^بحلآها]

انا مع لميس نفسي

و الله يكتب الي فيهـ الخير لج

 

[جوك احلى جو]

قولي مابيه ولا سالوج قولي امي ماتبي تسمعني غير شغله هذا زواج قولي ما ارتحت استخرت وقلبي منقبض واي شي بصير بالغصب انتو بتتحملونه

كرري اللهم اجرني في مصيبتي واخلي لي خيرا منها

 

[snkerss]

الله يفرجه عليك يارب