حادث سيارة والصلاة !~

[MayOumii~]

السلام عليكم ورحمة الله وبركاته
شلونكم بنات ؟


بنات انا اليوم تعرضت لحادث سيارة مع اهلي والسيارة راحت ولكن الحمدلله تعرضنا لاصابات طفيفة

لكن انا ركبتي صار فيها رضة وماقدر اجفسها وايد يعني حدي شوي اجفسها ولا اقدر اضغط عليها
فمو عارفة شلون اصلي !!!

ماقدر اسجد واجفس ريلي وايد واقعد عليها لان تذبحني من العوار .. ولا اعرف شلون اصلي وانا قاعدة
عقب الحادث رحت اصلي احس سويت حركات غريبة يعني لمن اسجد ريل وحدة ممدودة والثانية سليمة مجفوسة وماقدر اتعدل واقعد للتشهد كلش فصلاتي صارت مادري شلون
فحبيت اعرف شلون يصلي الي يقعد عالكرسي


وادعولنا بالشفاء العاجل بنات نخيتكم:eh_s(17):

 

[متألقه دائما]

الحمد لله عالسلامه
وخطاكم السو
حبيبتي دينا دين يسر وقت الصلاة اذا قدرتي تصلين وانتي
واقفه صلي واذا تقدرين تركعين اركعي اما وقت السجود
تقدرين تجلسبن علي كرسي وتنزلين شوي راسج
واذا ما تقدرين توقفين صلي وانتي جالسه علي كرسي
واتمني اني فدتج

 

[نادره في وجودها]

خطاكم السوووء يا عمري. والفرحمدالله علي السلامه وما تشوفين شر

 

[سعوديه بنت العز]

اسال الله العظيم رب العرش الكريم ان يشفيك اختي اسالي شيخ يا الغلا

 

[اشتاق الى ربي]

هلا حبيبتي انا كنت امسويه عمليه وقعدت شهر ممنوعه من السجود وكلمت اكثر من شيخ صليت وانا قاعده وليما حسيت اشوي اني زينه صليت عالكرسي ..

الكرسي طبعا خاص بالصلاة

توقفين واتصلين ووقت الركوع تقعدين عالكرسي واتنزلين راسج اشوي بس وبعدها توقفين واتكملين صلاتج ووقت السجود تقعدين عالكرسي وتسجدين في قاعده جدام الكرسي تحطين وجهج عليها كأنج ساجده ... الخ

اذا ما تقدرين توقفين وتقعدين عالكرسي خلاص صلي وانتي قاعده عالكرسي بدون ما توقفين في القراءه

المهم ريحي نفسج وصلي على الكيفية اللي ترتاحين لها واذا ما عندج الكرسي المخصص للصلاة صلي على كرسي عادي بس انحني جسمج بالركوع وانحني راسج اكثر بالسجود وبس

واذا استصعب عليج القعده عالكرسي صلي وانتي على ظهرج منسدحه ( انا سويتها يوم عمليتي يومين لان ممنوع اتحرك من السرير كنت ما احرك راسي بس احرك اصبعي بالركوع والسجود والحمدلله كاني بخير ونعمة تشافيت شفاء تام بفضل من الله )

يعني الدين يسر ولا تكلف نفس الا وسعها

الله يشافيج يارب .. وخطاج السوء

 

[شموخ بنيه]

الحمدلله على السلامة وخطاج السوء انتي صلي حسب مقدرتج والدين يسير وليس عسير هذا دين الرحمة والله يشافيكم ويقومكم ب السلامةة