"حاجات الريال" معقوله؟!

[ạ7ạśêś ~]

امبيييي امبي بس ليش تفكير الكل جذي
يعني الحييييييييييييييييييييين اهو ما يقدر يصبر وبيروح على طول يدور بدل
جان لا اكو ناس متزوجه ولا غيرها
مادري اناضد هلفكره اببببد وين قعدين اذا ريلج بـ 40 يوم بيروح يدول بدل معنى جذي ما خذاج لأ عشان الفراش
الحياه زوجيه مو بس جماع اكبر من جذي يبا

 

[نفـــائس]

الريال اللي مجرب غير عن العزوبي

العزوبي يعرف كل شي بس مامطبق

انا معاج بال40 الريالدايم اسئل نفسي شلون تصير حالته

مع اني مو مجرب ال40 ادعولي ربي يرزقني ان شالله الذرية الصالحة

بس انا ضدج شلون الريال يصبر اذا مالتت مرته ولا سافر علاج

تررري النفسية تلعب دور

ماله خلق شي مسيكين ظايق صدره علي مرته اللي راحت او ولده التعبان

والللي يسافر بعثه بعد جذي يكون ماعنده وقت يحك شعر راسه علي طول يحط راسه وينام هم مو مثلنا

ما عنده الا الويك اند

 

[7ayra]

^^
معاها

 

[DALALEY]

حبوبة الريال المتزوج يكون (متعود) غير عن المراهق لين يتزوج او الريال اللي يصير عمره 30 وللحين ماتزوج اتوقع هذا قصدها لوول تذكرت جارتنا مرت ولدها توها والده ومعصبه حدها تقول شلون تخلي ولدي 40 يوم جذي مايصير لازم تتنفس عنده شلون تهيته هذا صغير باجر يروح يخربط واهيا عند اهلها خخخ

 

[dubai girl]

اكثر الخيانات تصير بهالفتره

 

[ياعيون مغليك]

اقوووول يعني اذا جيته وانا نفاس شلوون بعطيه حاجته ؟؟؟؟
والا تبيني اطلع على عشرين يوم واغضب ربي عشان بس اعطيه حاجته
اذا حاجته بالكلام يبشر يجي عند اهلي اعطيه حاجته
واللي عينه زايغه والله لو اني جنبه بالفراش بيدور حاجته عند غيري
الزواج علاقه اسمى من حاجتي وحاجته ... خلي الاتصال الرووحي يقوى بهالفتره ويحس شلوون حياته وانتي بعيده وفرصه تعيشينه بجو المغازل وسوالف الليل واشتقتلك واشتقتلي....
وفرصه تجددين نفسج وتغيرين

 

[Om-3zezan]

انا ماني فاهمة ليش ترخصون بنفسكم جذي؟

صح الريال عنده حاجات فهمنا .. واحنا مالنا حاجات؟
مابي اريح بعد الولادة؟ مابي اجابل ولدي هالنتفة واعطيه حقه؟ مابي اعابل بالخياط والعوار والقرف؟
مابي جذي اخذ بريك من حياتي اليومية ووواجباتي ومسئولياتي واتدلع شوي عند اهلي وامي تساعدني وتعاوني وتسهر معاي ليه قعدني الياهل نص الليل بدال شيخ الشباب اللي ينام ومايدري عن هوا داره؟

فكروا بنفسكم شوي! ماقول صيروا انانيين لا.. اقووول فكروا بحقوقكم عالاقل!

وبالعكس انا اموووت بريلي واحبه.. واحس النفاس فرصة انا نقلب روتين حياتنا فوق تحت.. ياهل يديد ياخذ القلب وحبيبتي بعيدة عني والشوق ذابحني لها واااي وين هالاحساس نلاقيه كل يوم؟

حلاته النفاس عند الماما فديتها والله .. وريلي حبيبي اذا اشتاقلي اييني واشوف الشوق بعينه ونرد نعيش فترة الملجة وجنه تونا معاريس يدد
واعتقد اللي مانعة روحها عن ريلها بتقولكم شكثر كانت ليلتها خياااالية لما ردت حق بيتها عقب النفاس واكيد ريلها ين عليها.. اما اللي مجابلته من اول اسبوعين! وين التغيير؟ وين الوناسة :/ ويييين الراحة بعد الحرمان

وليش تفكرون رياييلكم ممكن يدورون بديل عنكم؟ لهالدرجة مالكم قدر عندهم؟ لهالدرجة مايحطلج اعتبار؟ والله الريال اذا شاري الوحدة لو بعاد عن بعض اشهر دراسة مثلا مايفكر يخونها! اما اللي قاعد عالوحدة وناطر مرته تبعد عنه عشان يخربط.. ابشرج يدور العذر والزلة وبيخونج يخونج باي وقت وباي لحظة مايت على هالاربعين يوم

 

[انثى عاشقة]

طبعا ما يختلف اثنين ان المتزوج المجرب غير العزوبي
وبعد من ريال للثاني تفرق القدرة الجنسية ..
في الي مع مرته وتمر شهور وهو ما يبي وفي الي بالاسابيع
وفي الي بالايام وفي الي كل يوم
يعني طاقات مختلفة بين البشر
​

 

[Roty]

شوفي شوفي توي قريت يمكن 3 ردود من موضوعج بسسسس مابي اكمل بقول رايي

انا معاج بللي قلتيه

بس غاد اشدعوا ما يصبر الحمدالله والشكر كلها 40 يوم ليش مكبرين الموضوع

وترا بنات المنتدى بعضهم قلت بعضهم يبااااااااااااالغوون

وشاكرتلج

 

[مناير ...!]

فيه طرق ثانيه
والي براسه لعب بيلعب لو مرته عنده

 

[Qataria elegant]

حبيبآتي عجبني الموضوع

وحبيت اضيف رايي..

احنا سمعنا ان نسبة الخيانة الزوجيه تزيد بفترة النفاس صح طبعا مو كل الرياييل نفس الشي بس الاغلبيه في مجتمعنا الشرقي عيونهم زايغه ولو كانت زوجته ملكة جمال و مو مقصرة معاه بشي...

انا نصيحتي لا تبعدين عنه وايد ولا تعطينه مجال انه يخونج , واحيانا مو شرط الخيانة تكون فعلية ان الريال ينام وحدة غير زوجته احيانا تكون بالكلام بالتلفون او الانتر نت...
خلج قريبه منه حتى لو كنت ي بيت اهلج حاولي تتصلين له وتبينين له شوقج وحبج او كلميه بالتلفون اخذي ما بخاطره قبل ما ينام احتويه وخليه دايم معاج...

احنا البنات يوم نزوج نحس ان لقينا اللي نبيه بس الريال غير , يبي حريته ويحس انه يقدر يسوي اللي يبيه (مع انه شي يقهر)
بس لازم ما تبعدين عنه .. ثلاث ارباع الرياييل جذي

والله يحفظ ازواجنا عن الحرام

وتقبلي مروري

 

[sosowaty]

ااااااب

 

[الحللللوه]

موووفقين

 

[أم حورية]

ابداع تعجبني ردودج دايما وانا معاج ان الريال اذا بيخون ما يرده شي حتى كانت ملكة جمال بس هذا مو معناته ان كل اللي يخونون يبون الخيانة ، احيانا تصير ان اهو مو ماخذ حاجته فيصير ضعيف جدام شهوته واللي ايمانه قوي ماراح يروح حق الحرام وراح يصبر والعكس صحيح

بس انا اعطيكم دليل ان الريال طبيعته جذي واهو ان الشرع حرم ان المرا ترفض تعطي الريال حقه واذا رفضت ليلة وحدة الملائكة تلعنها لييين يرضا عليها هذا دليل ان طبيعة الريال جذي مو كيفه وهذا مو تبرير حق خيانته كل مرة ،بس مو معناته ان انا احرمه من حقه واقول ان اهو خاين واهو يدور الزلة اللي بقوله ان الخيانة اسبابها ماتكون كلها عالريال في منها عالريال وهذا اللي ما يعجبه العجب وبيخون بدون سبب ومرات من المرا والرياييل طاقتهم تختلف عن بعض

وهذا مو معناته ان اتنفس عنده لان وقتها ماراح يكون لي خلقه ولا لي خلق حاجاته وبروحي اللي فيني كافيني بس ليش 40 يوم ؟
اشدعوه 40 يوم خياط ؟ متى ما شديت حيلي اروح بيتي واللي تقول تغضب ربها وتروح عند ريلها مو شرط تغضبين ربج في وايد طرق تريحين فيها الريال مثل ماقالو البنات

يعني خير الامور اوسطها ما اقعد 40 يوم واللي ما تبي تتنفس عنده تقعد لين تشد حيلها اسبوعين ثلاث كافي اكثر من جذي يعتبر دلع الا اذا كان عندها ظروف

*

 

[Red Al Rainbow]

و آلله مآ آعرف شو آقولج !!

آنآ مآ آعرف كيف آلحيآة عندكم في آلكويت !!

بس آلي عرفته آنآ من ريلي !!

آنه هآلحآجآت مآ يقدروون يصبروون عنهآ آبدآ !

يشبعون عمآرهن عن طريق آلزنآ

آو آلآفلأآم !! ><

سوري ع آلشرح آلغبي !

 

[Heart.LesS !!]

ماتركتيلنا شي نقوله :***

قدروا الريايل واخيرا بانهم يغسلون دماغ الحريم ويقنعونهم بانهم اهمه سبب الخيانة!
لا ياعمري انتوو .. ويا كل وحده تؤمن بهالمبدأ !!

الي عينه زايغه بتم عينه زايغه لو مرته كيم كاردشيان! عاد اشدعوه كيم حبيبها الاولي ماخانها ؟؟ هاذي واهيه كيم ترى!!
:d

فلا تلومون انفسكم ولا تخلون الريال ينجح بهالشي!!
بلا حاجات بلا بطيخ !!
لو الحاجه الجنسية قاتلته لي هالدرجة، ترى المرة تقدر تريحه بدون جماع !!
اذا ليهدرجة الضيم ذابحه يعني !!!
في الف طريقه وطريقه عشان يفرغ حاجاته مع زوجته !!
ويعف نفسه ويصون حاله عن الحرام!!


اما المكسورات فبقولهم
لا تقعدون اطلعون للخاين اعذار وتلومون انفسكم خوفاً من حقيقة انه " خانج لانه مايبيج" !!
صعب على المرة تستوعب هالحقيقة ،
فتفضل انها تلوم نفسها وتقول انا الي حديته على المر ،،، ولا انها تعترف بانه " بــــاعــــها " !!

الي يبيعج مو معناته انتي "كخه" !!
هذا يدل على رخص نفسه ودنائته وانحطاط مستواه الاخلاقي
ترفعي عن اشكاله، وعطيه جزاه الي يستحقه!

والله مشالله عليج معاج بكل كلمه:eh_s(15):